Category: ٹوبہ ٹیک سنگھ

گوجرخان،باغی ٹی وی (نامہ نگار)ٹوبہ ٹیک سنگھ میں لڑکی کے قتل کی ہولناک واردات، بھائی نے گلا دبایا،رشتے دار ویڈیو بناتا رہا

پولیس کے مطابق تھانہ صدر ٹوبہ کےعلاقے میں لڑکی کو بھائی نے گلا دبا کر قتل کر دیا اور ایک رشتے دار سکون سے قتل کی ویڈیو بناتا رہا۔منظرعام پرآنے والی ویڈیو میں باپ اور ایک عورت بھی موجود ہے جو سکون سے قتل کا منظر دیکھتے رہے، قتل کے بعد لڑکی کی خاموشی سے تدفین بھی کر دی گئی۔

پولیس نے ویڈیو وائرل ہونے پر ملزمان گرفتار کر لیے اور کہا کہ واقعہ 17 اور 18 مارچ کی درمیانی شب کا ہے، پولیس نے مقتولہ کی قبر کشائی کر کے لاش سے نمونے حاصل کر لیے ہیں۔

اس حوالے سے ڈی پی او کا کہناتھاکہ واقعہ 17 اور 18 مارچ کی درمیانی رات کا ہے، پولیس کو واقعہ 24 مارچ کو رپورٹ ہوا۔

انہوں نے بتایاکہ لاش کا پوسٹ مارٹم کل کروادیا گیا، دو اور بندوں کی گھرمیں موجودگی کے شواہد ملے ہیں، قتل ناجائز تعلقات کوچھپانے کیلئے کیاگیا اور ویڈیو لڑکی کو قتل کرنے کے بعد بنائی گئی۔

گوجرہ،باغی ٹی وی ( نامہ نگار عبدالرحمن جٹ سے) گوجرہ نواں لاہور کے نواحی گاؤں شاہ پور میں گزشتہ روز آرڈر32/34 کے تحت گرائے گئے مکان کو سیاسی رنگ میں رنگ دیا گیا

تفصیلات کے مطابق گزشتہ روز نواں لاہور کے نواحی علاقہ چک 344ج۔ب شاہ پور کے رہائشی عبدالرحمان عرف مانا کے مکان کو آرڈر 32/34 کے تحت مسمار کر دیا گیا تھا جسے مخالفین نے سیاسی رنگ دے کر الیکشن پر ووٹنگ سے جوڑ دیا۔

اس موقع پر گاؤں کے نمبردار گروپ کے اکابرین چوہدری محمد آصف نے چوہدری محمد طارق، چوہدری اکبر علی، چوہدری غلام عباس، چوہدری عنصر علی، سیٹھ مسکین،میاں خالد، میاں اویس، میاں شعیب، مہر حق نواز اور میاں اشفاق کی موجودگی میں گاؤں کے ماحول کو انتشار سے بچانے کیلئے فوری نوٹس لیا

انھوں نے کہا کہ متاثرین فریقین نے بھی اپنی غلطی کا اعتراف کر کے گاؤں میں صلح کی روش اختیار کرنے کا اعلان کیا ،چوہدری محمد آصف نے گفتگو کرتے ہوئے مزید کہا کہ میں انتشار پھیلانے والے گروپ کو میسج دینا چاہتا ہوں کہ خدارا کچھ تو خدا کا خوف کھاؤ اس گاؤں میں ہم نے اتنے کام کروائے ہیں اور ہمیشہ اسی طرح کام کرواتے رہیں گے تمھاری بیان بازی سے کچھ فرق نہیں پڑے گا

آخر میں سب لوگوں نے گاؤں کی ترقی اور بہتری کیلئے دعا کی اور ایک ساتھ چلنے کا اعلان کیا

گوجرہ ،باغی ٹی وی (نامہ نگار عبدالرحمان جٹ سے)اتائی ڈاکٹر کی مبینہ غفلت، 12سالہ لڑکا جاں بحق،اہل علاقہ سراپا احتجاج بن گئے۔ملوث افراد کے خلاف سخت قانونی کارروائی کا مطالبہ کر دیا۔

معلوم ہواہے کہ چک دواکھڑی کے آفتاب کے 12سالہ بیٹے مہتاب کو پیٹ میں تکلیف کے باعث دواکھڑی کے اعظم میڈیکل کیئر پر لے جایا گیا ،کلینک کے عملہ نے مبینہ طور پر دیہاڑی لگانے کے چکر میں اس کو یکے بعد دیگر ڈرپس لگانا شروع کر دیں جس سے بچے کی حالت بگڑنا شروع ہو گئی اور اور اتائی کی مبینہ غفلت سے معصوم بچہ دیکھتے ہی دیکھتے موت کی آغوش میں چلا گیا

بچے کی موت کی خبر ملتے ہی اس کی ماں پر غشی کے دورے شروع ہو گئے،والدین اور اہل علاقہ اتائی کے خلاف سراپا احتجاج بن گئے اورمہتاب کے دادا نے کارروائی کیلئے پولیس کوتحریری درخواست دے دی ہے۔

واضح رہے کہ مذکورہ کلینک کا عملہ ایک درزی،ایک موبائل مکینک اور ایک لڑکی پر مشتمل بیان کیاجاتاہے۔مقامی سماجی حلقوں نے اعلی حکام سے واقعہ میں ملوث افراد کے خلاف سخت کارروائی کر نے کا مطالبہ کیاہے۔

گوجرہ،باغی ٹی وی (نامہ نگارعبدالرحمان جٹ سے)دو موٹر سائیکل سواروں کی کار سے ٹکر موقع پرجاں بحق

گوجرہ دو موٹر سائیکل سوار ٹو بہ ٹیک سنگھ روڈ پر کار سے ٹکرانے کی وجہ ایک موقع پر جاں بحق دوسرا شدید زخمی جو ہسپتال جا کر زخموں کی تاب نہ لاتے ہوئے جاں بحق ہو گیا

معلوم ہوا ہے کہ چک نمبر 301 ج ب کے رہائشی محمد اسلم اور ظفر موٹر سائیکل پر سوار ہو کر شہر سے اپنے گاؤں جا رہے تھے جب چک نمبر 299 ج ب علی پٹرول پمپ کے قریب پہنچے تو ٹوبہ ٹیک سنگھ کی طرف سے رفتار کار نمبری 2515LEA جسکو نا معلوم ڈرائیور تیز رفتاری سے چلا رہا تھا کے ساتھ سامنے سے ٹکرا گئے

جس پر محمد اسلم موقع پر جان بحق ہو گیا جب کہ ظفر شدید زخمی ہو گیا جس کو ریسکیو 1122 کے اہلکاروں نے تحصیل ہیڈ کوارٹرزہسپتال گوجرہ شفٹ کردیا جو بھی زخموں کی تاب نہ لاتے ہوئے جاں بحق ہو گیا کار ڈرائیو موقع سے فرار ہونے میں کامیاب ہوگیا

اطلاع ملنے پر ڈی ایس پی گوجرہ آفتابِ احمد صدیقی پولیس کے ہمراہ موقع پر پہنچ گئے اور نعشیں تحویل میں لے کر ضروری کارروائی کیلئے تحصیل ہیڈ کوارٹرزہسپتال گوجرہ منتقل کردی گئیں اور کار قبضہ میں لے کر ڈرائیور کی تلاش شروع کردی ہے.

گوجرہ،باغی ٹی وی( نامہ نگار عبدالرحمن جٹ کی رپورٹ)پلاسٹک کی خالی بوری باردانہ سے لوڈ ٹرک بجلی کی تاروں سے چھو جانے کی وجہ ٹرک میں آگ بھڑک اٹھی، لاکھوں روپے مالیت کا باردانہ جل راکھ ہو گیا ٹرک کو بھی شدید نقصان پہنچا

معلوم ہوا ہے کہ چک نمبر 303 ج ب کا ٹرک ڈرائیورمحمد نوید ٹرک نمبری 4480 بی آر ڈی پر ٹوبہ روڈ فلور ملز سے پلاسٹک کی خالی بوریاں لوڈ کرکے محلہ آفتاب ٹاؤن آرہا تھا کہ راستے میں بجلی کی تاروں سے چھو جانے سے ٹرک میں آگ بھڑک اٹھی

ٹرک ڈرائیور ٹرک بھگا کر میونسپل کمیٹی کے سامنے لے آیا جہاں پر ریسکیو 1122 اور میونسپل کمیٹی کی فائر بریگیڈ گاڑیوں نے کافی جدوجہد کے بعد آگ پر قابو پایا

آگ کے نتیجہ میں لاکھوں روپے کا خالی باردانہ جل گیا ٹرک کو بھی شدید نقصان پہنچا ،اطلاع پا کر ڈی ایس پی گوجرہ آفتاب احمد صدیقی اور اسسٹنٹ کمشنر گوجرہ نعمان احمد ڈوگر پولیس کی بھاری نفری کے ہمراہ موقع پر پہنچ گئے اور تمام کارروائی کی نگرانی کرتے رہے.

قابل ذکر بات یہ ہے کہ جہاں ٹرک کوآگ لگی وہیں سامنے گورنمنٹ گرلز کالج واقع ہے اور اسی وقت بچیوں کو چھٹی ہوئی تھی جو بروقت کارروائی کی وجہ سے کسی بڑے حادثہ سے بچ گئیں.

گوجرہ، باغی ٹی وی(نامہ نگار عبدالرحمن جٹ) ماہ رمضان المبارک کی آمد کے سلسلے میں امن کمیٹی گوجرہ کا اجلاس زیر صدارت ڈی ایس پی گوجرہ منعقد ہو ا۔

ڈی ایس پی گوجرہ آفتابِ احمد صدیقی نے اجلاس سے خطاب کر تے ہو ئے کہاہے کہ اللہ تعالی نے رمضان المبارک کا مہینہ ہم سب کے لئے اپنے گناہوں کی معافی اور بخشش کیلئے بہترین ذریعہ عطاء فرمایاہے جس میں عبادات کے ساتھ ساتھ غریب اور نادارلوگوں کے ساتھ بھلائی کا بھی درس دیاگیا ہے۔

ڈی ایس پی نے کہاکہ انجمن تاجران بھی شہر میں خود ساختہ مہنگائی کر نے کی بجائے لوگوں کیلئے آسانیاں پیدا کریں تاکہ لوگوں کوارزاں نرخوں پر چیزیں باآسانی دستیاب ہو سکیں۔

انہوں نے کہاکہ اس ماہ مقدس میں ہم سب کو ایک دوسرے کے ساتھ پیار محبت اور رواداری اور یگانگت کوفروغ دینے کی اشد ضرورت ہے

انہوں نے کہاکہ لاؤڈ سپیکرکی پابندی کو یقینی بنایاجائے اورکسی قسم کی فرقہ ورانہ بات کر نے سے اجتناب کیاجائے بلکہ باہمی ہم آہنگی کو فروغ دیا جائے تاکہ امن وامان کی فضاکو برقراررکھا جا سکے

انہوں نے بتایاکہ مساجدمیں خصوصانماز تراویح کے اوقات میں سکیورٹی کی فراہمی کیلئے پولیس کے جوان تعینات کئے جائیں گے اور انتظامات کو حتمی شکل دے دی گئی ہے

اس کے ساتھ ساتھ مساجد انتظامیہ سے بھی چیکنگ کے لئے اپنے طور پر انتظامات کی اپیل کی۔ اجلاس میں ایس ایچ او تھانہ سٹی گوجرہ چوہدری حاکم علی اور ممبران امن کمیٹی نے شر کت کی۔