Category: ٹوبہ ٹیک سنگھ

گوجرہ ،باغی ٹی وی(نامہ نگار عبدالرحمن جٹ سے)موجود ہ منہ زورمہنگائی نے چھوٹے ملازمین کاکچومر نکال کر رکھ دیاہے۔قلیل تنخواہ میں بچوں کاپیٹ پالنادشوار ہو چکا ہے۔وزیر اعلی پنجاب مریم نواز غریب ملازمین کی تنخواہوں اور ریٹائرڈملازمین کی پینشن میں سو فیصد اضافہ کرکے غریب پروری کا ثبوت دیں۔

ان خیالات کا اظہار اریگیشن پاور یونین (سی بی اے)کے ریٹائرڈو سینئر ممبراللہ بخش سیال نے جاری کی گئی پریس ریلیز میں کیا۔انہوں نے مریم نواز کووزیر اعلی پنجاب منتخب ہونے پر مبارکباد دیتے ہو ئے نیک تمناؤں کااظہارکیاہے اورکہاہے کہ ملک میں بڑھتی ہوئی مہنگائی نے چھوٹے ملازمین کی کمر توڑ کر رکھ دی ہے اور ان حالات میں زندگی گزارنامشکل ہو چکاہے۔

انہوں نے وزیر اعلی پنجاب سے مطالبہ کیاہے کہ چھوٹے ملازمین کی تنخواہوں اور ریٹائرڈملازمین کی پینشن میں سو فیصد اضافہ کیا جائے۔

گوجرہ(نامہ نگار باغی ٹی وی عبدالرحمن جٹ سے)میونسپل کمیٹی گوجرہ کے افسران نے سرکاری دکانوں کی نیلامی کی سیکیورٹی میں ازخوداضافہ کر کے منظور نظر افراد کو نوازنے کانیاطریقہ تلاش کر لیا۔

ان خیالات جماعت اسلامی گوجرہ کے رہنماوسابق امیدوار برائے قومی اسمبلی ڈاکٹر عطاء اللہ حمید نے اپنے بیان میں کیاانہوں نے کہاکہ میونسپل کمیٹی گوجرہ کی حدودنیشنل بینک روڈ گوجرہ پرعرصہ دراز سے گرائی گئی سرکاری دکانوں کی دو بارہ نیلامی کیلئے گزشتہ ماہ اخبار میں اشتہار دیاگیاتھاجس میں دکانوں کی نیلامی میں حصہ لینے کیلئے امیدواران کیلئے سیکیورٹی فیس 25ہزارروپے مقررکی گئی تھی جو نامعلوم وجوہات کی بناء پر نیلامی نہ ہو سکی

اب دوبارہ مذکورہ دکانوں کی نیلامی جس کی تاریخ6مارچ مقررکی گئی ہے اور اس میں ازد خودسیکیورٹی فیس میں بے پناہ اضافہ کر تے ہوئے 1لاکھ روپے فی دکان مقرر کر دی ہے جس سے عام آدمی کو نیلامی میں حصہ لینے سے محروم کیاجا رہاہے

ڈاکٹر عطاء اللہ حمید نے کہاکہ مذکورہ دکانوں کی نیلامی کی سیکورٹی فیس میں کیاگیاظالمانہ اضافہ صرف اور صرف اپنے منظور نظر افراد کو نوازنے کیلئے کیاگیاہے تاکہ غریب اورمتوسطہ طبقہ نیلامی میں حصہ نہ لے سکے۔

انہوں نے وزیر اعلی پنجاب مریم نواز،وزیر بلدیات واعلی حکام سے مطالبہ کیاہے کہ سیکیورٹی فیس میں کیاگیا اضافہ فی الفور واپس لیاجائے۔

گوجرہ ،باغی ٹی وی( نامہ نگار عبدالرحمن جٹ سے)قلب عباس سپرا سیکٹر کمانڈر ایم فور ون تعینات نیشنل ہائی ویز اینڈ موٹروے پولیس سیکٹر ایم فور ون میں تعینات ہونیوالے نئے سیکٹر کمانڈر قلب عباس سپرا نے اپنے عہدے کا باقاعدہ چارج سنبھال لیا ہے۔

دوران سروس انہوں نے مختلف اہم مناصب پر کام کیا ہے۔ قلب عباس سپرااعلیٰ ریکارڈ کے حامل پروفیشنل اور ایماندار پولیس افسر کے طور پر جانے جاتے ہیں۔

سیکٹر آفس آمد کے بعد انہوں نے افسران اور سٹاف سے ملاقات کی جس میں سٹاف کی جانب سے سیکٹر کے حوالے سے تفصیلی بریفنگ دی گئی۔

نئے سیکٹر کمانڈر نے عوام کی خدمت کے عزم کا اظہار کرتے ہوئے کہا کہ افسران ہمیشہ خوش اخلاقی سے مسافروں کی بروقت خدمت کرتے رہیں اور شہریوں کی جان و مال کی حفاظت کو یقینی بنانے میں اپنا بھرپور کردار ادا کرتے رہیں۔

کیونکہ نیشنل ہائی ویز اینڈ موٹروے پولیس کو قومی اداروں میں ایک نمایاں مقام حاصل ہے ۔

گوجرہ ، باغی ٹی وی(نامہ نگار عبدالرحمن جٹ سے )میونسپل کمیٹی گوجرہ میں محمد اکرام ہیرا سینئر کلرک کی ریٹائرمنٹ پر ایک پر وقار تقریب کا اہتمام کیا گیا۔تقریب میں سابقہ چیف آفیسر زاہد فرید تارڈ، توصیف الرحمان میونسپل آفیسر ریگولیشن آفیسران سٹاف میونسپل کمیٹی اور معززین علاقہ نے بھر پور شرکت کی

تقریب سے خطاب کرتے ہوئے چیف آفیسر اشتیاق احمد گوندل نے کہا کہ ریٹائرڈ ملازم محمد اکرام ہیرا محکمہ کے لیے باعث عزت ہے،نوکری سے ریٹائرمنٹ نوکری کا حصہ ہے،مگر ہمارے دروازے ان کے لیے ہمیشہ کھلے رہیں گے۔

انہوں نے کہا کہ باعزت ریٹائرمنٹ ہر ملازم کا خواب ہےاور وہ لوگ خوش نصیب ہوتے ہیں جنہیں پورے اعزاز کے ساتھ محکمہ سے رخصت کیا جاتا ہے،توصیف الرحمان میونسپل آفیسر ریگولیشن نے کہا کہ فرض شناس محنتی اور ایماندار ملازم ہمارا اثاثہ ہیں۔

انہوں نے اہلکار کی گراں قدر خدمات کو سراہا اور نیک تمناوں کا اظہار کیا۔ادارہ ہمیشہ محمد اکرام ہیرا کی خدمات کو یاد رکھے گا۔اور میونسپل کمیٹی سے آپ کا رشتہ ہمیشہ کے لیے قائم رہے گا،

میونسپل کمیٹی کے چیف آفیسر اشتیاق احمد گوندل،توصیف الرحمان میونسپل آفیسر ریگولیشن اور سابقہ چیف آفیسر زاہد فرید تارڈ نے اہلکار کو تحفے پیش کیے اور تمام سٹاف اور معززین علاقہ کے لیے ریفریشمنٹ کا خصوصی اہتمام کیا گیا،

آخر میں محمد اکرام ہیرا کو سرکاری گاڑی میں سرکاری پروٹوکول کے ساتھ پھولوں کے ساتھ رخصت کیا گیا

گوجرہ ،باغی ٹی وی(نامہ نگار عبدالرحمن جٹ سے) گوجرہ نواں لاہور کی معروف سیاسی شخصیات چوہدری نیک محمد نمبردار اور چوہدری محمد سلیم گجر نے اپنے ساتھیوں سمیت سابق ایم این اے چوہدری خالد جاوید وڑائچ اور عقبہ علی وڑائچ کی موجودگی میں وڑائچ گروپ میں شمولیت کا اعلان کر دیا۔

اس موقع پر چوہدری محمد اسلم گجر، چوہدری خالد گجر، مہر بابر، چوہدری محمد حسین نمبردار، چوہدری بابر گجر، چوہدری اسماعیل گجر، چوہدری انوار الحق گجر، چوہدری ناصر گجر، چوہدری اصغر گجر، چوہدری عزیز گجر، غلام سرور بدھڑ، یاسین بدھڑ، مہر اسلم کڑیانہ، شیخ صفدر، شیخ اصغر، سرفراز ریما، حاجی صابر سپراء، عرفان بھٹی، ملک افتخار، ملک شہباز، اشرف ملنگ، چوہدری مجید گجر، چوہدری جاوید گجر اور جاوید مغل بھی موجود تھے۔

معزز مہمانوں کا استقبال چوہدری ہارون الرشید ایڈوکیٹ، حسن گجر، وسیم گجر،ندیم گجر، فیصل گجر، عرفان گجر حمزہ سرور نے کیا۔