پولیس کو 15 پر اطلاع موصول ہوئی کہ دربار بابا مرید شہید بائی پاس کمالیہ کے قریب 3 کس مسلح نامعلوم ملزمان نے واردات کی ہے پولیس کی فوری ضرورت ہے وقوعہ کی اطلاع پر ڈی پی او ٹوبہ رانا عمر فاروق نے فوری طور پر ایس ایچ اوتھانہ صدر کمالیہ ناصر عظیم ایس آئی کو فوری موقع پر پہنچنے اور ملزمان کو گرفتار کرنے کا حکم دیا۔
جس پر ایس ایچ او تھانہ صدر کمالیہ ناصر عظیم ایس آئی ہمراہ دیگر نفری موقع پر پہنچے موقع پر موجود محمد آصف ولد بشیر احمد قوم جکھڑ سکنہ 739 نے بتلایا کہ وہ اپنے موٹر سائیکل ہنڈا CD/70cc نمبری SLM/8716 پر اپنے دوست محمد نعیم کے ہمراہ سوار ہو کر بائی پاس پر جا رہے تھے کہ اچانک3 کس نا معلو م مسلح ملزمان ہنڈا 125پر سوار نے زبر دستی گن پو ائنٹ پر ہمیں روکا اور نعیم کی جیب سے نقدی5000روپے اور موبائل فون اور مجھ سے نقدی 35000چھین کر فرار ہو گئے ہیں جس پر پولیس ٹیم نے فوری طور پر ملزمان کا تعاقب شروع کیا
پولیس کے تعاقب کرنے پر ملزمان موٹر سائیکل پھینک کر قریبی فصل کماد میں داخل ہو گئے اور پولیس پارٹی پر جان لیوا فائرنگ شروع کر دی پولیس نے بھی حق حفاظت خود اختیاری کے تحت جوابی فائرنگ کی۔
فائرنگ رکنے پر سرچ آپریشن کے دوران پولیس ٹیم کو ایک ڈاکو اپنے ہی ساتھی کی فائرنگ سے زخمی حالت میں پڑا ہوا ملا جس کو گرفتار کر لیا گیا زخمی ڈاکو کی شناخت سعید احمد ولد رحمت اللہ قوم مسلم شیخ سکنہ 68/EBپاکپتن کے نام سے ہوئی جس کے قبضہ سے پسٹل30بور معہ گولیاں،واردات کے دوران چھینا گیا موبائل اورنقدی برآمد ہوئی۔
جبکہ ملزمان کے زیر استعمال موٹر سائیکل ہنڈا125 برنگ سرخ بلا نمبری بھی قبضہ پولیس میں لے لیا گیا ہے زخمی ملزم کو فوری طور پر THQ ہسپتال کمالیہ شفٹ کیا گیا۔ ملزم کے دیگر 2 فرار ساتھیوں کی تلاش جاری ہے۔
گرفتار ملزم کا ریکارڈ چیک کرنے ملزم سعید پنجاب بھر کے مختلف تھانوں تھانہ صدر چیچہ وطنی،تھانہ ہڑپہ،تھانہ ڈیرہ رحیم اور ضلع ٹوبہ ٹیک سنگھ کے تھانہ صدر کمالیہ کو ڈکیتی، روڈ رابری اور ناجائز اسلحہ کے مقدمات395/19،372/19،413/19،389/19،377/19،496/19، 371/19،253/19، 525/19،246/21،247/21 میں مطلوب ہے۔
