ٹوبہ ٹیک سنگھ آٹے کے بعد سبزیوں,دالوں اور مرغی کے گوشت کی قیمتوں میں بھی زبردست اضافہ،
دال چنا 108،مونگ 172، ماش180 ،دال مسور135روپے کلو ہو گئی،ادرک لہسن 300سے اوپر ،مرغی کا گوشت بھی 260تک پہنچ گیا،حکومت مہنگائی کنٹرول کرنے کیلئے عملی اقدامات کرے ایک طرف آٹے کا بحران تو ایسے میں سبزیوں ،دالوں اور مرغی کے گوشت کی قیمتوں کو بھی پر لگ گئے ،مہنگائی کی لہر نے عوام کی زندگی اجیرن بنا دی تنخواہیں وہیں ہیں لیکن مسائل میں کئی گنا اضافہ ہو گیا ہے آٹا نایاب ہونے کے ساتھ ساتھ سبزیوں ،دالوں اور مرغی کے گوشت کی قیمتیں بھی عام آدمی کی قوت خرید سے تجاوز کر گئیں،چند روزمیں دال چنا 108،دال مونگ 172،دال ماش180 ،دال مسور 135 ، سفید اور کالے چنے 103 سے 108 روپے فی کلو تک پہنچ گئے ۔ سبزیوں کی قیمتیں بھی آسمان سے باتیں کر رہی ہیں،شملہ مرچ 180،مٹر 120،کریلے 200،مونگرے 140روپے کلو تک پہنچ گئے ، ادرک اور لہسن ٹرپل سنچری مکمل کر چکے ، شہری کہتے ہیں مہنگائی کے باعث دو وقت کی ہانڈی روٹی بھی مشکل ہو گئی جبکہ ریٹس میں اضافے سے دالیں بھی عام آدمی کی پہنچ سے دور ہو گئیں ہیں دالوں اور سبزیوں کے بعد مرغی کی قیمت بھی اچانک بڑھ گئی چند روزپہلے 205 روپے کلو میں فروخت ہونیوالے ایک کلو چکن کا ریٹ 260 روپے تک پہنچ گیا شہریوں نے حکومت سے مطالبہ کیا ہے کہ مہنگائی کو کنٹرول کرنے کے لیے عملی اقدامات ہونے چاہیے
