Tag: واشنگٹن

واشنگٹن: ناسا نے چاند کا چکر لگانے کے لیے بھیجے گئے اسپیس کرافٹ اوائن کی جانب سے عکس بند کی گئیں چاند کی نئی تصاویر جاری کردیں۔میڈیا رپورٹس کے مطابق بدھ کے روز امریکی خلائی ادارے ناسا کا اورائن کے ساتھ غیر متوقع طور پر رابطہ منقطع ہوگیا جو 47 منٹ بعد بحال ہوا۔ لیکن آف لائن ہونے سے قبل اسپیس کرافٹ نے چاند کی نئی دلچسپ تصاویر زمین پر بھیجیں۔

فوج کی نئی قیادت سےتوقع ہےکہ وہ آئینی حقوق کی بحالی میں کردارادا کرے گی: تحریک…

مشرقی معیارِ وقت کے مطابق اورائن کے ساتھ رابطہ صبح 1 بج کر 9 منٹ پر منقطع ہوا جس کے بعد ٹیمیں زمین پر مسئلے کو حل کرنے میں لگ گئیں۔ تاہم، مسئلے کے سبب کا تعین کیا جانا ابھی باقی ہے۔اورائن اسپیس کرافٹ نے گڑھوں سے بھرپور چاند کی سطح کی یہ تصاویر چاند سے صرف 130 کلو میٹر کی دوری سے 8210 کلو میٹر فی گھنٹہ کی رفتار سے گزرتے وقت لیں۔

فیفا ورلڈ کپ؛ جنوبی کوریا اور یوروگوئے کے درمیان میچ بغیر کسی گول کے برابر

جمعے کے روز اس اسپیس کرافٹ کا انجن چلایا جائے گا جس سے اسپیس کرافٹ چاند کے گرد مدار میں پہنچ جائے گا۔ اگر سب کچھ منصوبے کے مطابق ہوا تو اورائن اس مدار میں آئندہ ایک ہفتے تک رہے گا اور پھر یکم دسمبر کو زمین پر واپسی کا رخ کرے گا۔واپسی پر اس اسپیس کرافٹ کا 11 دسمبر کو 25.5 دنوں کا مشن مکمل کرنے کے بعد بحرالکاہل میں اترنا متوقع ہے۔

امریکا میں شوہر نے بیوی کو شدید تشدد کا نشانہ بناکر زندہ دفنا دیا لیکن خاتون کی حاضر دماغی نے اس کی جان بچالی۔

باغی ٹی وی :غیر ملکی میڈیا کے مطابق یہ واقعہ امریکی ریاست واشنگٹن میں پیش آیا جہاں شوہر کی جانب سے بیوی کو بدترین تشدد کا نشانہ بنایا گیا، شوہر نے مار پیٹ کے بعد خاتون کو صندوق میں بند کرکے گھر کے قریب جنگل میں زندہ دفنادیا لیکن خاتون کی حاضر دماغی نے ان کی جان بچائی۔

میانمار: کنسرٹ پر فضائی حملے میں 50 افراد ہلاک

میڈیا رپورٹس میں بتایا گیا کہ خاتون کو جب شوہر نے تشدد کا نشانہ بنایا اور زندہ دفنایا تو اس وقت خاتون کے ہاتھ میں ایپل واچ تھی جس پر خاتون نے گھڑی سے ہی ہیلپ لائن پر کال کی۔

ہیلپ لائن کے آپریٹر نے پولیس کو بتایا کہ اسے ایک ایمرجنسی کال موصول ہوئی جس میں متاثرہ خاتون نے صرف دو جملے ‘جھگڑا ہوا’ اور ‘بات نہیں کرسکتی’ بولا جس کے بعد لوکیشن ٹریس کرکے اسے بچالیاگیا۔

میڈیا رپورٹس میں بتایا گیا ہےکہ میاں بیوی کے درمیان تعلقات خراب تھے اور شوہر بیوی کی پینشن کھانا چاہتا تھا، پولیس نے بیوی کی شکایت پر شوہر کو گرفتار کرلیا۔

کاؤنٹی کی اعلیٰ عدالت میں بدھ کے روز جمع عدالتی دستاویز کے مطابق خاتون نے چیخ کر کہا کہ میرا شوہر مجھے مارنے کی کوشش کر رہا ہے۔

فائلنگ میں کہا گیا ہے کہ خاتون کے گلے، چہرے کے نچلے حصے اور ٹخنوں کے گرد ڈکٹ ٹیپ لپٹی ہوئی تھی اس کی ٹانگوں، بازوؤں اور سر پر بڑے پیمانے پر خراشیں تھیں اور اس کے کپڑے اور بال مٹی سے ڈھکے ہوئے تھے-

افریقی ملک یوگنڈا میں نابینا افراد کے سکول میں آتشزدگی،11 افراد ہلاک6 کی حالت نازک

خاتون کے شوہر، چا کیونگ این، کو اب متعدد سفارشی الزامات کا سامنا ہے جس میں فرسٹ ڈگری قتل، فرسٹ ڈگری اغوا اور فرسٹ ڈگری حملہ شامل ہیں-

تھرسٹن کاؤنٹی پراسیکیوٹنگ اٹارنی کے دفتر کے مطابق، اسے منگل کو کاؤنٹی جیل میں بند کیا گیا تھا، اور بدھ کے روز، ابتدائی سماعت کے دوران، ایک جج نے پراسیکیوٹر کی درخواست منظور کر لی کہ وہ اسے ضمانت کے بغیر روکے رکھیں۔

استغاثہ نے کہا کہ 53 سالہ کیونگ این پر ابھی تک باضابطہ طور پر فرد جرم عائد نہیں کی گئی ہے-

عدالتی دستاویز میں کہا گیا کہ کیونگ این نے اپنی بیوی کے ہاتھ کمر کے پیچھے ڈکٹ ٹیپ سے باندھے، اور اس کی آنکھوں، رانوں اور ٹخنوں پر ڈکٹ ٹیپ کیا۔ اس نے تفتیش کاروں کو بتایا کہ وہ اپنی ایپل گھڑی کے ساتھ 911 پر کال کرنے میں کامیاب ہوگئی اور جب وہ بیڈ روم سے نکلا تو ہنگامی اطلاع بھیجی۔

لندن:فائرنگ کے واقعے میں 2 افراد ہلاک اور1 زخمی

امریکی صدر جوبائیڈن نے کہا ہے کہ چین نے تائیوان پر حملہ کیا تو امریکی افواج تائیوان کا دفاع کریں گی-

باغی ٹی وی : غیر ملکی خبر رساں ادارے کی رپورٹ کے مطابق ایک انٹرویو میں صحافی کے سوال کا جواب دیتے ہوئے انہوں نے کہا کہ اگر تائیوان پر کوئی غیر معمولی حملہ کیا گیا تو ہم ضرور جواب دیں گے۔

روس یوکرین میں کیمیائی یا ٹیکٹیکل جوہری ہتھیار استعمال کرنے سے باز رہے،امریکا

امریکی صدر کے بیان کا خیر مقدم کرتے ہوئے تائیوان کے حکومتی حکام کا کہنا ہے کہ امریکا نے تائیوان کی سیکیورٹی کے لیے مضبوط عزم کا اظہار کیا ہے۔

بائیڈن نے کہا امریکہ کافی عرصہ سے ہی ’’ون چائنہ پالیسی‘‘ سے اتفاق کرتا ہے۔ تائیوان اپنی آزادی کا فیصلہ خود کرتا ہے، ہم تائیوان کی آزادی کیلئے متحرک ہیں نہ اس کی حوصلہ افزائی کررہے ، یہ ان کا اپنا فیصلہ ہے۔

ان سے پھر پوچھا گیا کہ اگر چین نے تائیوان پر حملے کا فیصلہ کیا تو کیا امریکی مردو خواتین تائیوان کا دفاع کریں گے تو جواب میں بائیڈن نے ہاں میں جواب دیا۔

بائیڈن کے اس انٹرویو کے بعد وائٹ ہاؤس کے ایک ذریعہ نے کہا کہ امریکی پالیسی باضابطہ طور پر تبدیل نہیں ہوئی۔ امریکہ یہ نہیں بتائے گا کہ وہ جزیرہ تائیوان کا دفاع کرے گا یا نہیں تاہم یہ مسلح افواج کے کمانڈر انچیف کا اپنا فیصلہ ہے۔

دوسری جانب یوکرین اورروس کے درمیان جاری جنگ سےمتعلق امریکی صدر نے کہا روسی صدر پیوٹن ہمارے ارادے کو توڑ نہیں سکتا۔ امریکہ یوکرین کی اس وقت تک مدد کرتے رہے گا جب تک اسے ضرورت رہے گی۔

افغانستان کے منجمد اثاثوں کی بحالی کیلئے چین نے پھرمطالبہ کردیا

امریکی صدر بائیڈن نے کہا یوکرین جنگ نہیں ہار رہا بلکہ کچھ علاقوں میں کامیابیاں حاصل کر رہا ہے۔ اس کی وجہ یوکرین کو دی جانے والی بڑی امداد اور یوکرین عوام کی بے مثال بہادری اور عزم ہے۔

امریکی صدر نے کہا روس کی یوکرین سے مکمل بے دخلی اور اس کی خودمختاری کو تسلیم کرنا اور یوکرینی عوام کا روس کو ہزیمت کا شکار کرنا ہی جنگ میں یوکرین کی کامیابی ہے۔

انہوں نے کہا کہ ان حالات سےمعلوم ہوگیا کہ روس اتنا اہل اور قابل نہیں جتنا لوگ اس کے بارے میں سوچ رہے تھے۔ روس یوکرین کے بے گناہ شہریوں کا خون بہا رہا اور وہاں پر تباہی پھیلا رہا، اس سب کو فتح نہیں کہاجاسکتا بلکہ یہ تو ایک گھناؤنی حرکت ہے، اسے فتح سمجھنا مشکل ہے۔

خیال رہے کہ چند ماہ پہلے چین کی وزارت خارجہ کے ایک ترجمان نے کہا تھا کہ تائیوان چین کی سرزمین کا ایک اٹوٹ حصہ ہے۔

انہوں نے کہا کہ تائیوان کا سوال خالصتاً چین کا اندرونی معاملہ ہے، جس میں کسی غیر ملکی مداخلت کا جواز نہیں۔

بھارت کو بڑی سفارتی ناکامی کا سامنا،کینیڈا میں ریفرنڈم آج ہوگا

واشنگٹن: امریکا نے روس کو خبردار کیا ہے کہ وہ یوکرین میں کیمیائی یا ٹیکٹیکل جوہری ہتھیار استعمال کرنے سے باز رہے۔

باغی ٹی وی : امریکا کے صدر جو بائیڈن نے امریکی ٹی وی کو انٹرویو دیتے ہوئے روس کو خبردار کیا کہ وہ یوکرین جنگ میں کیمیائی یا ٹیکٹیکل جوہری ہتھیار استعمال نہ کرے۔اگر روس نے ایسا کیا تو اس سے جنگ کا نقشہ تبدیل ہوجائے گا۔

یوکرین کو ہتھیار فروخت کرنا اخلاقی طور پر درست ہے،پوپ فرانسس

صدر بائیڈن نے کہا کہ روس کی جانب سے کیمیائی یا ٹیکٹیکل جوہری ہتھیاروں کے استعمال کے نتائج ہوں گےایسے کسی بھی اقدام کا جواب دیا جائے گا لیکن وہ کیا ہوگا اس کی تفصیل بتانا قبل از وقت ہوگا۔

انہوں نے کہا کہ روس انتہا کی کارروائی کرے گا اس کی جوابی کارروائی بھی اسی شدت کی ہوگی۔یوکرین کیخلاف جنگ روسی توقعات کے برعکس ثابت ہوئی۔

دوسری جانب یوکرین کے علاقے خار کئیف کے شہر ایزوم میں روسی فوج پر مغربی دنیا اور یوکرین کی جانب سے انسانیت سوز مظالم کے الزامات اب سیٹلائٹ تصاویر میں روسی افواج کی بربریت کے روح فرسا مناظر بھی سامنے آنا شروع ہو گئے ہیں۔ سامنے آنے والی تصاویر میں دیکھا جا سکتا ہے کہ درختوں کے درمیان اجتماعی قبر میں لاشیں ہی لاشیں بکھری پڑی ہیں۔

تصاویر میں روسی فوج کے انخلا سے پہلے اور بعد کے جنگل کے مناظر دکھائے گئے ہیں جن سے ظاہر ہوتا ہے کہ درختوں کے درمیان اجتماعی قبر کھودی گئی تھی لاشوں کے یہ مناظر اس وقت سامنے آئے جب مقامی حکام نے قبر سے سینکڑوں لاشیں نکالنا شروع کیں جن میں کچھ کو ہتھکڑیاں لگی ہوئی تھیں۔ بعض کے گلے میں پٹے تھے۔

ایران میں زیرحراست خاتون کی پولیس کے تشدد سے موت "ناقابل معافی” ہے،امریکا

جمعے کے روز حفاظتی سوٹ اور ماسک پہنے ہوئے یوکرین کے اہلکاروں نے قبر کی جگہ کو کھودنا شروع کیا تو درختوں کے درمیان تقریبا 200 لاشیں بکھری ہوئی تھیں خار کئیف کے گورنر نے کہا یہ ایک اجتماعی قبر ہے لاشوں کے ہاتھ پیچھے سے بندھے ہوئے ہیں، حکام تحقیقات کریں گے اور اس معاملہ سے قانونی طور پر نمٹا جائے گا۔

یوکرین کے صدر ولادیمیر زیلنسکی نے کہا کہ یہ قبرستان روسی جنگی جرائم کا ثبوت ہے انہوں نے کہا کہ بہت سی لاشیں شمال مشرق میں دیگرمقامات پربھی مدفون ہیں اس صورتحال میں غیرملکی طاقتیں یوکرین کو ہتھیاروں کی سپلائی بڑھائیں۔ جنگ کے نتائج کا انحصار باہر سے ہتھیاروں کی ترسیل کی رفتار پر ہے۔

انہوں نے کہا یہاں 450 لاشوں کو دفن کیا گیا ہے لیکن بہت سے مقامات پر الگ الگ طور پر بھی لوگوں کو قتل کرکے دفنایا گیا ہے۔ ملنے والی ان لاشوں کی حالت سے واضح ہے کہ ان لوگوں پر تشدد کیا گیا۔ کچھ علاقے ایسے ہیں جہاں سے پورے خاندان غائب ہیں۔

یوکرینی فورسز کے شہر پر قبضہ کے بعد گزشتہ ہفتے روس نواز انتظامیہ کا سربراہ وٹالی گینشیف شہر سے نکل گیا تھا۔ گینشیف نے ان مناظر سامنےآنے کے ردعمل میں روسی سرکاری ٹی وی’’24‘‘ کو بتایا کہ میں نے ایزوم میں کسی اجتماعی تدفین کے متعلق نہیں سنا۔

پاکستانی عوام اس وقت تباہی سے دوچار ہیں ،ایسی تباہی آپ نے پہلے کبھی نہیں دیکھی ہو گی، سیلاب پر…

روسی صدر پیوٹن نے یوکرین کے ان الزامات کا فوری جواب نہیں دیا، تاہم انہوں نے یوکرینی افواج کی جانب سے جوابی کارروائیوں پر خبر دار کیا کہ اگر یوکرینی افواج کی جانب سے حملے جاری رہے تو ماسکو زیادہ طاقت سے جواب دے گا۔

واضح رہے کہ یوکرین فوج نے تقریبا دو ہفتے قبل ایزوم کا قبضہ واپس لینے کیلئے حملے شروع کئے تھے یوکرینی فوج نے جنوب کا علاقہ واپس لینے کیلئے بھی بڑے حملے کا آغاز کر دیا ہے۔ وہ دریائے دنیپرو کے مغربی کنارے پر موجود ہزاروں روسی فوجیوں کا محاصرہ اور خیرسون شہر کو بھی واپس لینا چاہتا ہے۔ خیر سون واحد بڑا شہر ہے جو اب روسی قبضہ میں ہے۔

واشنگٹن: پاکستانی سفارت خانہ واشنگٹن میں لسبیلہ ہیلی کاپٹر حادثے میں شہید ہونے والے پاک فوج کے افسران اور جوانوں کی یاد میں تعزیتی ریفرنس کا انعقاد کیا گیا-

باغی ٹی وی : ریفرنس میں لیفٹنٹ جنرل سرفراز علی شہید، میجر جنرل امجد حنیف شہید، برگیڈئیر محمد خالد شہید، میجر سعید احمد شہید، میجر محمد طلعت منان شہید اور نائیک مدثر فیاض شہید کی قربانیوں کو خراج عقیدت پیش کیا گیا-

شہداء لسبیلہ کے خلاف سوشل میڈیا پر پروپیگنڈا مہم میں کون تھا ملوث؟ سب سامنے آ گیا

سفیر پاکستان مسعود خان نے لیفٹنٹ جنرل سرفراز علی شہید اوردیگر شہداء کے لیے منعقدہ تعزیتی ریفرنس سے خطاب کرتے ہوئے امریکہ میں پاکستانی سفیر مسعود خان نے کہا کہ پاک فوج کی تاریخ وطن کے لئے گرانقدر قربانیوں سے عبارت ہے پاک فوج کے افسران اورجوان قوم کا سرمایہ افتخار ہیں، ملک وقوم کے لئے ہر قسم کی قربانی پیش کرنا پاک فوج کا طرہ امتیاز ہے-

سفیر پاکستان مسعود خان نے کہا کہ پاک فوج کے افسران اور جوانوں نے اپنی لازوال قربانیوں کی بدولت قوم کا سر فخر سے بلند کیا ہے سفیر پاکستان نے کہا کہ وطن عزیز پر جب بھی کوئی مشکل گھڑی آئی پاک فوج کے افسران اور جوانوں نے اپنے جذبہ حب الوطنی اور شہادت کے جذبے سے سرشار ہو کر ملک و قوم کو سرخرو کیا۔ بیرونی خطرات سے نمٹنے کے ساتھ ساتھ داخلی طور پر بھی کسی بھی قدرتی آفت یا دیگر کسی خطرے سے نمٹنے میں پاک فوج کے سپاہی ہمیشہ پیش پیش رہے ہیں۔

انہوں نے کہا کہ لیفٹنٹ جنرل سرفراز علی شہید نے اپنی پیشہ وارانہ صلاحیتوں اور کردار سے قابل تقلید مثال قائم کی ہے۔ پاک فوج میں خدمات سرانجام دیتے ہوئے انہوں نے ہر سطح پر اپنی خداداد صلاحیتوں اور قابلیت کا لوہا منوایا۔

وزیرِاعظم کی شہید لیفٹیننٹ جنرل سرفراز علی کے گھرآمد، اہلخانہ سے تعزیت

سفیر پاکستان نے کہا کہ وہ لیفٹنٹ جنرل سرفراز علی شہید کو ذاتی طور پر جانتے تھے۔ انہوں نے کہا کہ ماضی میں پاکستانی سفارت خانہ واشنگٹن میں بطور ڈیفنس اتاشی فرائض سرانجام دیتے ہوئے ان کے ساتھ قریبی جان پہچان اور تعلق کے بعد ان کی ملاقات بطورکمانڈر سدرن کمانڈ اور سٹاف کالج کائٹہ میں ہوئی۔

سفیر پاکستان نے کہا کہ لیفٹنٹ جنرل سرفراز علی شہید ایک زیرک اور مدبر جنرل ہونے کے ساتھ ساتھ ایک نہایت انسان دوست اور ہمدرد دل رکھنے والے نفیس انسان تھے جو مصیبت یافتہ افراد کی ہر ممکن طریقے سے مدد کرنا اپنا فرض سمجھتے تھے۔

انہوں نے کہا کہ شہید جنرل واشنگٹن میں بھی ہر دلعزیز تھے اور ان کی شہادت پر امریکی محکمہ دفاع اور دفترِ خارجہ کی جانب سے بھی تعزیت کا اظہار کیا گیا۔

سفیر پاکستان نے دیگر شہدا کو بھی والہانہ خراجِ عقیدت پیش کرتے ہوئے کہا کہ قوم کو اپنے بہادر سپوتوں کی قربانیوں پر فخر ہے۔

تعزیتی ریفرنس سے خطاب کرتے ہوئے پاکستانی سفارت خانے کے موجودہ ڈیفنس اتاشی برگیڈئیر نعمان منظور اعوان نے لیفٹنٹ جنرل سرفراز علی شہید اور دیگر شہداکو خراج عقیدت پیش کرتے ہوئے وطن کے لئے ان کی خدمات اور قربانیوں کو اجاگر کیا۔

انہوں نے کہا کہ ہمارے شہدا ء کی قربانیوں کی بدولت ہمارا سر فخرسے بلند ہے۔ انہوں نے کہا کہ وطن اور قوم کی خدمت کے لئے اپنی جان کا نذرانہ پیش کرنا ہمارے لیے ایک سعادت اور پاک فوج کے افسران اور جوانوں کی درخشاں روایت ہے۔

سپہ سالار پاکستان کا ایک اور اعزاز، یو اے ای میں آرمی چیف کو دیا گیا ایوارڈ

برگیڈئیر نعمان منظور نے کہا کہ جنرل سرفراز شہید نے اپنی فوجی زندگی کا بیشتر حصہ اپنے افسران اور جوانوں کے ہمراہ عملی میدان میں گزارہ۔ وہ مختلف کمان، تربیتی اورمنصوبہ ساز عہدوں پر فائض رہے۔ان کی عسکری صلاحیتیوں کی بدولت انہیں یہ نمایاں اعزاز حاصل تھا کہ وہ بری فوج کی درجہ اول کی تینوں درسگاہوں میں بطور استاد تعینات رہے۔

انہوں نے انفنٹری سکول کوئٹہ، سٹاف کالج کوئٹہ اور نیشنل ڈیفنس یونیورسٹی اسلام آباد میں افواجِ پاکستان کی مستقبل کی قیادت کو درس دیا۔

انہوں نے افواجِ پاکستان کی قربانیوں کا بطور خاص ذکر کرتے ہوئے کہا کہ ہمارے شہیدوں نے وطن کے سرسبزوشاداب پودے کی آبیاری کی ہے جو اب ایک مضبوط اور تناور درخت بن چکا ہے۔ وطن عزیز کے لئے ہمارے شہداء کی لازوال قربانیوں کی داستانیں اور فہرست بہت طویل ہے۔ افواج پاکستان کا ہر سپاہی ملک وقوم کی آواز پر لبیک کہنے کے لئے انتہائی پرعزم اور پرجوش ہے۔

سفارتخانے کے ڈپٹی ہیڈ آف مشن نوید بخاری کی جانب سے شہداء کے لئے تعزیتی ریفرنس پڑھا گیاپاکستانی سفارتخانہ واشنگٹن کی جانب سے شہداء کے خاندانوں کو تعزیتی پیغام بھی ارسال کیا گیا اور شہداء کے ایصال ثواب اور بلندی درجات کے لئے فاتحہ خوانی بھی کی گئی-

واہگہ اٹاری بارڈر پر بھارتی حکام کی دوڑیں لگ گئیں

واشنگٹن: جوبائیڈن انتظامیہ نے ایک بار پھرافغانستان سے امریکی فوج کی واپسی کے فیصلے کا دفاع کیا ہے-

باغی ٹی وی:برطانوی خبررساں ادرے ” روئٹرز” کےمطابق "Axios” ویب سائٹ نے اپنی رپورٹ میں کہا ہےکہ اگست 2021 میں امریکی انخلاء کے بعد افغانستان پر طالبان کے کنٹرول کی پہلی سالگرہ کے موقع پر وائٹ ہاؤس نے کہا کہ وہ کانگریس میں ایک بل تقسیم کرنے کا ارادہ رکھتا ہے جس میں صدر جو بائیڈن کے ایک سال قبل افغانستان سے فوجیں نکالنے کے فیصلے کا دفاع کیا گیا تھا۔

افغانستان سے امریکی انخلا کو ایک سال مکمل،ری پبلکن پارٹی کی جوبائیڈن انتظامیہ کیخلاف رپورٹ جاری

"Axios” ویب سائٹ کی رپورٹ میں دستاویز کی کاپی کا حوالہ دیتے ہوئے کہا گیا ہے کہ میمو میں کہا گیا ہے کہ بائیڈن کے فیصلے نے اہم فوجی اور انٹیلی جنس اہلکاروں کو واپس لاکر قومی سلامتی کو مضبوط کیا ہے۔

یہ بات ایسے وقت میں سامنے آئی ہے جب ریپبلکن قانون سازوں نے جوبائیڈن انتظامیہ کے خلاف رپورٹ جاری کی ہے جسمیں خدشہ ظاہر کیا گیا ہے کہ امریکا کے تربیت کردہ افغان کمانڈوزاوردیگر سکیورٹی اہلکاروں کےافغناستان میں رہ جانےسے امریکا کے لیے کافی سنگینی پیدا ہو سکتی ہےخصوصاً ایسی صورت میں کہ روس ، چین اور ایران ان تربیت یافتہ افغانوں کو اپنے فائدے کے لیے بھرتی کر سکتے ہیں یا انہیں دباؤ میں لا کر ان سے امریکہ کے خلاف کام لینے لگیں۔

رپورٹ میں کہا گیا کہ بائیڈن انتظامیہ اگست 2021 کو امریکی فوجیوں کے انخلاء اور کابل بین الاقوامی ہوائی اڈے سے انخلاء کے آپریشن میں امریکی تربیت یافتہ افغان کمانڈوز اور دیگر ایلیٹ یونٹس کو نکالنے کو ترجیح دینے میں ناکام رہی۔

طالبان حکومت کا ایک سال مکمل، افغانستان میں عام تعطیل

واضح رہے امریکی انتظامیہ نے افغانستان سے اپنے لوگوں کو 15 اگست سے 30 اگست تک محفوظ انداز میں نکالا تھا۔ مجموعی طور پر انخلا کے اس آپریشن میں تقریبا 124000 لوگو ں کو افغانستان سے نکالا جا سکا ۔ لیکن افرتفری کی اسی اچانک اور افراتفری کے انداز کی وجہ سے 13 امریکی فوج ہلاک ہوئے ۔

امریکی انتظامیہ اس انخلا کو اپنی بڑی کامیابی قرار دیتی ہے کہ اس 124000 افراد کو افغانستان سے نکالا اور ایک ایسی جنگ کو ختم کیا جو ختم نہ ہوسکنے والی بن جنگ چکی تھی، جس میں 3500 امریکی و اتحادی مارے گئے اور لاکھوں افغانی جاں بحق ہوئے۔

لیکن ہزاروں امریکی تربیت یافتہ کمانڈوز اورافغانستان کے دیگر سکیورٹی اہلکار اور ان کی خاندانوں کو نکلا جا سکا نہ ان کے لیے امریکی انتظامیہ کوئی منصوبہ دے سکی ، نتیجتہ وہ افغانستان میں ہی رہ گئےری پبلکن پارٹی کی مرتب کردہ رپورٹ کے مطابق افغان طالبان سابق افغان اہلکاروں کو ہلاک کر رہے ہیں اور تشدد کا نشانہ بنا رہے ہیں البتہ طالبان ان الزامات کی تردید کرتے ہیں۔

سابق لارڈ میئر برمنگھم کونسلر محمد عظیم انتقال کر گئے

واشنگٹن: پینٹاگون کے ترجمان جان کربی نے کہا ہے کہ امریکا کے پاکستانی مسلح افواج کے ساتھ ایک صحت مند ملٹری ٹو ملٹری تعلقات ہیں اور ہمیں توقع ہے کہ یہ تعلقات جاری رہیں گے۔

باغی ٹی وی : میڈیا رپورٹس کے مطابق منگل کو ایک پریس بریفنگ میں، امریکی محکمہ دفاع کے ترجمان جان کربی نے کہا کہ امریکہ کے "پاکستان کے ساتھ سلامتی اور استحکام کے حوالے سے مشترکہ مفادات ہیں۔

یوکرین جنگ:امریکہ میں چالیس سالہ مہنگائی کےتمام ریکارڈ ٹوٹ گئے

پینٹاگون کے ترجمان جان کربی نے کہا کہ خطے میں پاکستان کے کلیدی کردار اور دہشت گردی کی جنگ میں قربانیوں کو تسلیم کرتے ہیں۔ پاکستانی عوام خود اپنے ملک میں دہشت گردی کا شکار ہوئے ہیں۔

جان کربی کا مزید کہنا تھا کہ امریکا نے اس خطے میں سلامتی اور استحکام کے لیے پاکستان کے ساتھ اپنے مفادات کا اشتراک کیا۔

سابق پاکستانی وزیر اعظم عمران خان کے امریکا پر ان کی حکومت گرانے کے الزام سے متعلق پوچھے گئے سوال کے جواب میں پینٹاگون کے ترجمان نے کہا کہ میرے خیال میں آپ سمجھ سکتے ہیں کہ ہم پاکستان کے اندر ملکی سیاست کے بارے میں کوئی تبصرہ نہیں کریں گے-

کربی سے یہ بھی پوچھا گیا کہ کیا خان کے زیر اہتمام سڑکوں پر ہونے والے احتجاج کے دوران پاکستان کی فوج کی مداخلت کی صورت میں واشنگٹن تیار تھا انہوں نے کہا کہ میں یہاں امریکی فوجی کردار کی پیش گوئی نہیں کرتا۔

امریکہ بھارت مشترکہ بیان میں پاکستان سے متعلق غیرضروری حوالہ مسترد کرتےہیں ،دفتر خارجہ

ہفتے کے اوائل میں، وائٹ ہاؤس کی پریس سیکریٹری جین ساکی نے کہا تھا کہ امریکا پاکستان کے ساتھ اپنے "دیرینہ تعاون کو قدر کی نگاہ سے دیکھتا ہے اور ہمیشہ ایک خوشحال اور جمہوری پاکستان کو امریکی مفادات کے لیے انتہائی اہم قرار دیتا ہے۔ اس سے قطع نظر کہ قیادت کوئی بھی ہو یہ بدستور برقرار ہے۔”

تاہم، ساکی نے صدر جو بائیڈن اور نئے وزیر اعظم شہباز شریف کے درمیان فون کال کے امکان پر سوالات کا جواب دینے سے گریز کیا کہا کہ "میرے پاس اس وقت کال کی کوئی پیشین گوئی نہیں ہے بلاشبہ، ہمارے پاکستان کے ساتھ ایک طویل، مضبوط اور مستقل تعلقات ہیں، ایک اہم سیکورٹی رشتہ ہے اور یہ نئے لیڈروں کے تحت جاری رہے گا،-

سابق وزیراعظم عمران خان قومی خزانے میں کتنا پیسہ چھوڑ گئے؟پی ٹی آئی کے دعوے…

خیال رہے کہ پینٹاگون کے ترجمان کا یہ بیان اس وقت سامنے آیا ہے جب پاکستان میں اپوزیشن لیڈر شہباز شریف نے نئے وزیراعظم کے طور پر حلف اُٹھایا ہے اور امریکا سے دیرینہ تعلقات کی خواہش کا اظہار کیا ہے۔

بیان میں کہا گیا کہ پاکستان امریکا کے ساتھ خطے میں امن،سکیورٹی اور ترقی کے مشترکہ مقاصدکے فروغ کاخواہاں ہے اور تعمیری و مثبت تعلقات کی خواہش کا اظہار کرتا ہے، پاکستان امریکا کے ساتھ اہم تعلق کو مساوات اور باہمی مفاد کی بنیاد پر مزید مستحکم بنانے کا خواہاں ہے۔

اسٹاپ لسٹ میں نام ڈالنے سے متعلق سماعت: حکومت کو بالکل بھی انتقامی کارروائی نہیں…

واشنگٹن: امریکی محکمہ دفاع پینٹاگون میں اچانک ایک مرغی کی آمد نے ہلچل مچا دی مرغی کوپکڑ کے جانوروں کے تحفظ کے محکمے کے حوالے کردیا گیا۔

باغی ٹی وی : دنیا کے سب سے زیادہ سخت سیکورٹی والے علاقوں میں شامل امریکی محکمہ دفاع کے دفاتریعنی پینٹاگون کی سیکیورٹی ایک مرغی نے توڑ دی۔ پینٹاگون میں اچانک ایک مرغی نظرآئی توہلچل مچ گئی۔ بے فکری سے ہائی سیکورٹی زون میں گھومتی مرغی کوپکڑنے کے لئے عملے کی دوڑیں لگ گئیں۔

کافی کوششوں کے بعد مرغی کوپکڑ کرجانوروں کے تحفظ کے محکمے کے حوالے کردیا گیا۔یہ پتا نہیں چل سکا کہ مرغی پینٹاگون کے دفاترکے علاقے میں کیسے اورکہاں سے آئی۔حکام نے یہ بھی نہیں بتا یا کہ مرغی کوپینٹاگون کے کون سے حصے سے پکڑا گیا۔

"واشنگٹن پوسٹ” کے مطابق پیر کو، ارلنگٹن کی اینیمل ویلفیئر لیگ کے مطابق، جب ایک آوارہ مرغی کو ملک کے دفاعی ادارے کے قریبی محافظ ہیڈ کوارٹر کے قریب دیکھا گیا لیگ، آرلنگٹن کے جانوروں کی فلاح و بہبود اور انسانی معاشرے کی طرف سے ایک ٹویٹ میں کہا گیا ہے کہ چکن "پینٹاگون میں سیکیورٹی ایریا کے ارد گرد چھپتے ہوئے پکڑا گیا تھا۔

Our officers have chosen the name Henny Penny for our #pentagonchicken, and she will be going to live at a local animal sanctuary very soon! https://t.co/qQ7kfYkocM pic.twitter.com/31gugYE4tR

— AWLArlington, VA (@AWLAArlington) February 1, 2022

2020 میں ہونے والے ایک غیرمعمولی آسمانی واقعے کو ایک نیا عالمی ریکارڈ قرار دیا…

لیگ کے ترجمان نے ایک ای میل میں کہا کہ جس مخصوص چوکی پر چکن نے توجہ مبذول کروائی تھی اس کا انکشاف نہیں کیا جا سکتا چیلسی جونز نے کہا، "حقیقی حفاظتی وجوہات کی بنا پر ہمیں صحیح جگہ کو ظاہر کرنے کی اجازت نہیں ہے۔

مرغی کہاں سے آئی یہ واضح نہیں ہے، اور پینٹاگون میں اس کی موجودگی غیر واضح معلوم ہوتی ہے اس کا مستقبل کم غیر یقینی ہو سکتا ہے۔ لیگ نے کہا کہ لیگ کے عملے کے ارکان نے پرندے کو ہینی پینی کا نام دیا ہے۔ ہینی پینی، یقیناً، ان ناموں میں سے ایک ہے جو ایک معروف لوک کہانی کے مرکز میں چکن کو دیا گیا ہے اسے مقامی جانوروں کی پناہ گاہ میں رہنے کے لیے بھیجا جائے گا۔

شادی سے انکارپر 24 سالہ لڑکی پر تیزاب پھینکنے والا ملزم گرفتار