Tag: آئمہ بیگ

آئمہ بیگ جن کی گلوکاری کوخاصا پسند کیا جاتا ہے وہ بھی دوسرں کی طرح میڈم نور جہاں کے فن کی دیوانی ہیں. انہوں نے نور جہاں کی 22 ویں برسی کے موقع پر کہا ہے کہ میڈیم نور جہاں کی گائیکی سے ہم جیسے کیا ہم سے بعد میں آنے والے بھی یہاں تک کہ رہتی دنیا تک لوگ سیکھتے رہیں گے. ان کی گائیکی ہم سب کے لئے مشعل راہ ہے. آئمہ بیگ نے کہا کہ نور جہاں کے گائے ہوئے گیت کا کور کرتے ہوئے بھی ڈر لگتا ہے بلکہ اس خیال سے بھی ڈر لگتا ہے. کیونکہ دل میں‌احساس رہتا ہے کہ کہیں‌کوئی غلطی نہ ہوجائے. آئمہ بیگ نے کہا کہ ان کا انداز سب سے

الگ تھا وہ جیسا میک اپ کرتی تھیں‌جیسے ملبوسات زیب تن کرتی تھیں‌ وہ سب اتنا خوب صورت تھا کہ دیکھ کر دل خوش ہوجاتا تھا. آئمہ بیگ نے کہا کہ مجھے نور جہاں‌کے بہت سارے گانے پسند ہیں اور اکثر گنگناتی بھی رہتی ہوں لیکن ان کا ایک گیت مجھے بہت اچھا لگتا ہے ” میں‌ تے میرا دلبر جانی بلیاں تے پریم کہانی ” . یہ گیت جتنی بار سنو اتنی باراچھا لگتا ہے. آئمہ بیگ نے کہا کہ نور جہاں ہمارے ملک کی شان ہیں ہماری موسیقی کی جان ہیں .

آج کل سوشل میڈیا اپر ایک ہی گانے کا چرچہ ہے اور وہ گانا ہے کہانی سنو، اس گانے کو اوریجنلی کیفی خلیل نے گایا ہے. آئمہ بیگ نے ان کی اجازت کے ساتھ گانے کو دوبارہ گایا ، انہوں نے یوٹیوب پر جب سے یہ گانا ریلیز کیا ہے اس کو بہت زیادہ پسند کیا جا رہا ہے. جہاں ہر کوئی آئمہ بیگ کی گلوکاری کی تعریف کررہا ہے وہیں کیفی خلیل بھی پیچھے نہیں رہے انہوں نے کہا ہے کہ میں نے گانا سنا ہے آئمہ بیگ نے بہت اچھا گایا ہے مجھے ان کی آواز اور گائیکی کا انداز بہت اچھا لگا ہے. انہوں نے کہا کہ میرا گانا چاہے مرد ہو یا عورت جس نے بھی گایا بہت اچھا گایا. میرا گانا ایک بار پھر ریلیز ہوکر اتنی مقبولیت حاصل کریگا مجھے اندازہ نہیں تھا. مجھے بہت اچھا لگ رہا ہے کہ میرا گانا ہر طرف بہت زیادہ سنا جا

رہا ہے اور ملک اور ملک کسے باہر جہاں جہاں اردو بولی اور سمجھی جاتی ہے اسے بہت پسند کیا جا رہا ہے. کیفی خلیل نے کہا کہ کسی بھی گلوکار کی یہ بہت بڑی کامیابی ہوتی ہے کہ اس کے گانے کو ہر سطح پر پسند کیا جائے. کیفی خلیل نے کہا کہ آئمہ بیگ کو میں بہت عرصے سے جانتا ہوں مجھے اندازہ تھا کہ یہ اچھا گا لیں گی لیکن اس گانے کو ایک بار پھر اتنا ریسپانس ملے گا اسکا اندازہ نہیں تھا تاہم میں اپنے گانے کی ایک بار پھر کامیابی پر بہت زیادہ خوش ہوں.

پاکستانی گلوکارہ آئمہ بیگ نے حال ہی میں ایک انٹرویو دیا ہے اس میں انہوں نے انکشاف کیا ہے کہ ان کے والد نے ان سے کہا تھا کہ اپنے نام کے ساتھ سےبیگ ہٹا دو. آئمہ نے کہا کہ میرے والد کو جب پتہ چلا کہ میں گانا چاہتی ہوں تو انہوں نے میرے گانے کی سخت مخالفت کی اور غصے میں کہا کہ میرا نام اپنے نام کے ساتھ ہٹا دو اگر تم گانا چاہتی ہو. میری والدہ نے میرا ساتھ دیا اور کہا کہ بچی کا گانا سن کر تو دیکھیں ، وہ اچھا گاتی ہے اسکو اپنے شوق

کی تکمیل کرنے دیں گانے دیں اسے ، آئمہ بیگ کے مطابق ان کی ماں نے ان کے والد کو منایا اور انہوں‌نے ایک ان کا گانا سنا تو انہیں لگا کہ میری بیٹی اچھا گا سکتی ہے تو اس کے بعد انہوں نے گانا گانے کی اجازت دے دی. آئمہ بیگ نے کہا کہ میں نے نہایت محنت کے ساتھ یہ مقام حاصل کیا ہے مجھے خوشی ہے کہ میرے مداح میرے کام کو سراہتے ہیں. یاد رہےکہ حال ہی میں آئمہ بیگ کا گانا کہانی سنو ریلیز ہوا ہے جسے بہت زیادہ پسند کیا جا رہا ہے یہ گانا بنیادی طور پر کیفی خلیل کا ہےجسے گانے کے لئے آئمہ نے ان سے اجازت حاصل کی .

گلوکارہ آئمہ بیگ جو پچھلے کچھ عرصہ میں کافی تنازعات کی زد میں رہی ہیں. ان کی منگنی جو کہ معروف ماڈل شہباز شگری سے ہوئی تھی وہ ختم ہو گئی ، آئمہ پریشان رہنے لگیں . اپنے حالیہ انٹرویو میں انہوں نے کہا ہے کہ میری شادی ہو چکی ہے اور میری شادی میرے میوزک کے ساتھ ہوئی ہے. میرے پاس ابھی وقت نہیں ہے کہ میں کسی اور پر توجہ دوں .، آئمہ بیگ نے مزید کہا کہ میوزک میرا جنون ہے اس لئے میں فی الحال اس پر بھرپور توجہ دے رہی ہوں. انہوں نے کہا کہ میری شادی میرے میوزک سے ہو چکی ہے تو ایسے میں کوئی مرد میری زندگی میں آجائے تو میں اسکو بونس تصور کروں گی . آئمہ نے مزید کہا کہ میں نے تو بس یہی سیکھا ہے کہ انسان کو اپنی ذاتی زندگی کے معاملات کبھی کسی کے

ساتھ شئیر نہیں‌کرنے چاہیں مجھ سے یہ غلطی ہوئی ہے جس خمیازہ مجھے بھگتنا پڑا ہے. آئمہ بیگ نے کہا کہ میں خود کو خوش نصیب تصور کرتی ہوں کہ میرے مداح مجھے نہ صرف سننا چاہتے ہیں بلکہ میری زندگی سے جڑے معاملات کو بھی جاننے میں دلچپسی رکھتے ہیں . یاد رہے کہ آئمہ بیگ نے حال ہی میں کیفی خلیل کے گیت کہانی سنو کو دوبارہ گایا اور ریلیز کیا ان کا گیت بہت زیادہ پسند کیا جا رہا ہے اور آئمہ اس گانے کی کامیابی پر کافی خوش ہیں.

نہایت کم عمر میں انتہائی پختگی سے گانے والی آئمہ بیگ نے حال ہی میں ایک انٹرویو دیا ہے اس میں انہوں مشورہ دیا ہے اپنے مداحوں کو، انہوں نے کہا ہے کہ آپ سوشل میڈیا سے دور رہیں ، یہ ایک ایسی چیز ہے جو آپ کو خودکشی پر بھی مجبور کر دیتی ہے . لوگ اس قدر آپ کو پریشان اور ڈپریس کر دیتے ہیں کہ آپ کو سمجھ ہی نہیں آتی کہ کیا کریں آپ شدید ڈپریشن میں چلے جاتے ہیں. میرے ساتھ کچھ عرصہ قبل جو بھی ہوا میں بہت پریشان ہوئی ، سوشل میڈیا پر لوگوں کا ری ایکشن دیکھ کر تو دل کرتا تھا کہ بس پتہ نہیں‌کر بیٹھوں خود کے ساتھ . پھر میں‌نے سوچا کہ کعبہ دیکھ کر آئوں ، میں اپنے والد کے ساتھ سعودیہ چلی گئی وہاں جا کر دل کو سکون ملا. مجھے ایک چیز سمجھ میں زرا دیر سے آئی ہے کہ کبھی اپنی ذاتی زندگی کے معاملات کسی کے ساتھ شئیر نہ کریں.

اور جو بھی ہوتاہے کہ کسی وجہ سے ہوتا ہے ، اللہ تعالی بعض اوقات اس لئے بھی انسان کے ساتھ کچھ ایسا کرتا ہے کہ جس کا مقصد اسکو سمجھانا سکھانا ہوتا ہے. اور میں‌نے یہی سیکھا ہے کہ جب تک آپ کے معاملات پکے نہ ہوجائیں کسی کو مت بتائیے اپنے تک رکھیں اسی میں آپکا سکون پوشیدہ ہے.

گلوکارہ آئمہ بیگ جن کا حال ہی میں گانا پیارا ہوا تھا ریلیز ہوا ہے اس گانے نے انٹرنیٹ پردھوم مچائی ہے . آئمہ کے اس گیت کو بہت زیادہ پسند کیا جا رہا ہے آئمہ سے قبل یہ گیت کیفی خلیل نے گایا تھا. آئمہ بیگ نے اپنے حالیہ انٹرویو میں کہا ہے کہ گلوکاری میری پہلی ترجیح ہے اور رہے گی . اداکاری کی آفرز مسلسل آرہی ہیں لیکن میری توجہ صرف اور صرف گلوکاری پر ہے. آئمہ بیگ نے اس انٹرویو میں کہا کہ مجھے بہت خوشی ہے کہ میرے گائے ہوئے گیت ملک کی نمبر ون ہیروئنز پر فلمائے گئے ہیں. مجھے ایسا محسوس ہوتا ہے کہ میری آواز ہر ہیروئین پر سوٹ کرتی ہے. انہوں نے مزید کہا کہ ہر ہیروئین بہت اچھا کام کررہی ہے لیکن کبری خان میری پسندیدہ ہیں . ان کی اداکاری ان کی شخصیت ہر لحاظ سے

بہت خوبصورت ہے. آئمہ بیگ کے مطابق وہ جب پریشان ہوتی ہیں تو اپنی بہن کومل کو مس کرتی ہیں اور اس وقت میں کومل کو اپنے ساتھ دیکھنا چاہتی ہیں، انہوں نے کہا کہ میری فیملی میرے لئے سب کچھ ہے میں انہی کی سپورٹ کی بدولت یہاں تک پہنچی ہوں. ایک سوال کے جواب میں انہوں نے کہا کہ ساحر علی بگا کے ساتھ گانا یقینا اعزاز کی بات ہے میں نے ان کے ساتھ کام کرکے بہت کچھ سیکھا ہے.

گلوکارہ آئمہ بیگ نے حال ہی میں ایک انٹرویو دیا ہے جس میں انہو‌ں نے کی ہیں کچھ دل کی باتیں. ان کا کہنا ہے کہ مجھے ڈانس کرنے کا بہت زیادہ شوق ہے ، میں نے اپنی بہن کی شادیوں پر ڈانس کئے ، اپنی وڈیوز میں جب بھی موقع ملتا ہے ڈانس کر لیتی ہوں ، ہاں اگر کسی فلم میں ڈانس کی آفر ہوئی تو ضرور کروں گی. آئمہ بیگ نے اس انٹرویو میں یہ بھی کہا کہ میرا پہلا شوق گانا گانا ہے اور وہی کررہی ہوں. آئمہ بیگ نے کہا کہ میرا نیا گانا پیار ہوا تھا بنانے سے قبل کیفی خلیل سے باقاعدہ اجازت لی. اجازت لئے بغیر گانا مناسب نہیں سمجھتی جس کی جو چیز ہے

اس سے اجازت لینا اخلاقیات کا تقاضا ہے جسے میں پورا کرتی ہوں. آئمہ بیگ نے یہ بھی کہا کہ میرا دل ٹوٹا تھا لیکن کیفی خلیل کے اس گانے نے میرا دل جوڑنے میں مدد کی ، میں‌نے اس گانے کو بہت سنا ، اب میرا دل جڑ گیا ہے اب میں ٹھیک ہوں. انہوں‌نے کہا کہ لوگوں کو سمجھنا چاہیے کہ ہم بھی انسان ہیں ہمارے بھی جذبات ہوتے ہیں ہمارا بھی دل ٹوٹتا ہے. یاد رہے کہ آئمہ بیگ کا حالیہ گانا پیار ہوا تھا یوٹیوب پر ٹرینڈ‌کررہا ہے اور بڑی تعداد میں لوگ اسے پسند کررہے ہیں.

حالیہ دور میں آئمہ بیگ جیسا کہ ملک کی نمبر ون گلوکارہ ہیں ان کو عوامی سطح پر بہت زیادہ پذیرائی ملتی ہے. ان کا پیار ہوا تھا نام سے ایک گانا ریلیز ہوا ہے. یہ گانا کیفی خلیل کے مشہور گانے کا ری میک ہے۔ گانے کو بہت زیادہ پسند کیا جا رہا ہے. انٹرنیٹ‌پر اس گانے نے دھوم مچا رکھی ہے .اس حوالے سے آئمہ بیگ کہتی ہیں کہ یہ گانا میرے دل کے بہت قریب ہے. اس گانے کا وڈیو بہت خوبصورت انداز میں شوٹ‌ ہوا ہے. عدنان قاضی نے اس گیت کی وڈیو کو بہت ہی خوبصورتی کے ساتھ شوٹ کیا ہے. عدنان قاضی کے کام کی جتنی بھی تعریف کی جائے کم ہے.

آئمہ بیگ مزید کہتی ہیں یہ گانا میرے دل کے قریب ہے اور میں اسے لوگوں کے ساتھ شیئر کرنے کے لیے پرجوش ہوں۔ یہ ٹریک یوٹیوب پر اور سامعین کے لیے بڑی میوزک اسٹریمنگ سروسز پر دستیاب ہے۔
یا د رہے کہ آئمہ بیگ کی آواز میں گائے ہوئے گیت نامور ہیروئینز پر فلمائے جا چکے ہیں. آئمہ بیگ نے نہایت ہی کم عرصے میں وہ شہرت سمیٹی ہے جو کسی نیو کمر کا صرف خواب ہی ہوسکتی ہے. آئمہ بیگ کو اداکاری کی بھی متعدد مرتبہ آفرز ہو چکی ہیں لیکن وہ کہتی ہیں‌کہ میرا دھیان فی الوقت موسیقی کی طرف ہے.

گلوکارہ آئمہ بیگ جو گزشتہ چند ہفتے خاصی تنقید کا نشانہ بنی رہی ہیں ان کی کسی غیر ملکی کے ساتھ گفتگو کی آڈیو ٹیپ منظر عام پر آنے کے بعد آئمہ بیگ کافی پریشان رہیں۔ آئمہ بیگ نے اس کے بعد چند دن تک خاموشی اختیار کئے رکھی اور اب انہوں نے اپنے والد کے ساتھ چند تصاویر سوشل میڈیا پر اپلوڈ کی ہیں۔ آئمہ بیگ سعودی عرب میں موجود ہیں اور عمرہ کی ادائیگی اپنے والد کے ہمراہ کرنے کےلئے گئی ہیں ۔ انہوں نے جب یہ تصاویر شئیر کیں تو سوشل میڈیا صارفین نے ان کو لیا آڑھے ہاتھوں اور کہا کہ آپ کے جسم پر تو ٹیٹیو ز بنے ہوئے ہیں آپ کی نماز یا

عمرہ کیسے ہو سکتا ہے۔ آئمہ بیگ نے خلاف توقع بہت ہی پر سکون انداز میں جواب دیا کہ وہ میرا اللہ ہے اور ا س نے ہی مجھے عمرہ کی ادائیگی کے لئے اپنے گھر بلایا ہے۔ آئمہ بیگ نے عمرہ کی ادائیگی کے دوران جو تصویر شئیر کی اس کا کیپشن لکھاکہ میں اپنا فون چارج رکھوں گی اور اس طرح کی تصویریں شئیر کرتی رہوں گی ۔ آئمہ بیگ کو حجاب میں لپٹی دیکھ کر بہت سارے لوگوں نے ان کی تعریف بھی کی اور کہا کہ اللہ تعالی ان کی دعائیں قبول فرمائیں۔

جب سے برطانوی ماڈل طیلولہ مائر نے پاکستانی گلوکارہ آئمہ بیگ اور قیس احمد کی چیٹنگ اور آڈیو کال سوشل میڈیا پر جاری کی ہے تب سے آئمہ بیگ ہیں تنقید کی زد میں . برطانوی ماڈل نے آئمہ بیگ پر یہ بھی الزام لگایا کہ وہ شہباز شگری سے منگنی کے دوران انہیں دھوکہ دیتی رہیں اور میرے بوائے فرینڈ کے ساتھ تعلقات استوار کرنے میں لگی رہیں. اس کے بعد آئمہ بیگ آ گئی ہیں شدید تنقید کی زد میں گلوکارہ کافی پریشان ہیں کیونکہ ان کو دھوکے باز کہا جا رہا ہے ان پر بےوفائی کا الزام لگایا جا رہا ہے. لیکن آئمہ بیگ نے اپنی خاموشی توڑتے ہوئے اپنی طرف سے سب کلئیر کرنے کی کوشش کی ہے انہوں نے کہا ہے کہ میری اور قیس احمد کی ملاقات جب ہوئی اور ہماری دوستی جب ہوئی اس وقت میرا شہباز

شگری سے تعلق ختم ہو چکا تھا لہذا مجھ پر بےوفائی کا الزام غلط لگایا جا رہا ہے میں اپنے رشتے میں مخلص رہی لیکن جب میری ملاقات قیس سے ہوئی میری شہباز شگری سے منگنی ختم ہو چکی تھی. یاد رہے کہ شہباز شگری پہلے سے شادی شدہ تھے لیکن ان کی طلاق ہو چکی تھی اس کے بعد انہوں نے آئمہ بیگ کے ساتھ منگنی کی. آئمہ بیگ کے ساتھ بظاہر تو ان کا تعلق ٹھیک چل رہا تھا لیکن معاملات اس وقت خراب ہوئے جب آئمہ کی دوستی قیس کے ساتھ ہوئی .