پاکستان کرکٹ بورڈ (پی سی بی) نے آئی سی سی ویمنز ورلڈکپ میں بدترین کارکردگی کے بعد ویمنز ٹیم کے ہیڈ کوچ محمد وسیم کو عہدے سے فارغ کر دیا۔
پی سی بی کے مطابق ویمنز ٹیم کے لیے نئے ہیڈ کوچ کی تلاش جاری ہے، جبکہ بورڈ نے عزم ظاہر کیا ہے کہ ویمنز کرکٹ کو ہر صورت مضبوط بنایا جائے گا۔محمد وسیم کو 2024 میں ویمنز ٹیم کا ہیڈ کوچ مقرر کیا گیا تھا اور انہیں مکمل اختیارات بھی دیے گئے تھے۔یاد رہے کہ پاکستان ویمنز ٹیم آئی سی سی ویمنز کرکٹ ورلڈکپ 2025 میں ایک بھی میچ جیتنے میں ناکام رہی۔ قومی ٹیم کو 4 میچز میں شکست کا سامنا کرنا پڑا، جبکہ 3 میچ بارش کی نذر ہوگئے۔
ٹورنامنٹ میں پاکستان نے اپنے تمام 7 میچ کولمبو کے پریما داسا اسٹیڈیم میں کھیلے، جہاں ٹیم کو بھارت، آسٹریلیا، جنوبی افریقہ اور بنگلہ دیش کے ہاتھوں شکست ہوئی، تاہم آسٹریلیا اور انگلینڈ کے خلاف ٹیم کی شاندار بولنگ نے مثبت تاثر ضرور چھوڑا
صدر مملکت نے سینیٹ کا اجلاس کل شام 5 بجے طلب کر لیا
کراچی میں ٹارگٹ کلنگ کے واقعات، دو نوجوان قتل
امریکا کا جوہری دھماکوں کے تجربات کا کوئی منصوبہ نہیں، وزیرِ توانائی