Baaghi TV

Tag: آبادی

  • قومی مفاد میں ہر خاندان کے تین بچے ہونے چاہئیں، آر ایس ایس سربراہ

    قومی مفاد میں ہر خاندان کے تین بچے ہونے چاہئیں، آر ایس ایس سربراہ

    بھارتی تنظیم آر ایس ایس کے سربراہ موہن بھگوت نے کہا ہے کہ ملک کی آبادی قابو میں مگر کافی ہونی چاہیے،تمام بھارتی خاندانوں کو تین بچوں کی پیدائش کی ضرورت ہے۔

    خبر رساں ادارے ’رائٹرز‘ کے مطابق جمعرات کو آر ایس ایس کی 100 سالہ سالگرہ کے موقع پر ایک تقریب سے خطاب کرتے ہوئےآر ایس ایس کے سربراہ نے بھارت میں موجودہ پیدائش کی شرح میں کمی کے طویل المدتی خطرات سے متعلق خبردار کرتے ہوئے کہا کہ ملک کی آبادی قابو میں مگر کافی ہونی چاہیے قومی مفاد میں ہر خاندان کے تین بچے ہونے چاہئیں اور انہیں وہیں تک محدود رہنا چاہیے،ہمختلف مذہبی گروپوں میں پیدائش کی شرح میں کمی واقع ہوئی ہے۔

    گزشتہ برس دسمبر میں بھی ناگپور میں ایک تقریب سے خطاب کے دوران موہن بھگوت نے خاندان میں 3 بچوں کی پیدائش کے معاملے پر زور دیا تھا جس پر اپوزیشن جماعتوں نے ناراضگی ظاہر کی تھی،آر ایس ایس سربراہ موہن بھاگوت نے کہا تھا کہ بھارت میں آبادی کے بڑھنے کی رفتار کم ہو رہی ہے جس کے نتیجے میں ترقی کی رفتار متاثر ہوسکتی ہے۔

    اعظم نذیر تارڑ سے رکن برطانوی ہاؤس آف لارڈزکی ملاقات

    بھارت کی موجودہ آبادی 1.46 ارب ہے، جو دنیا کی سب سے زیادہ آبادی والا ملک ہے، تاہم اقوام متحدہ کی 2025 کی رپورٹ کے مطابق بھارت میں کی مجموعی پیدائش کی شرح خواتین کے لیے دو بچوں سے بھی کم ہو گئی ہے، جبکہ اقتصادی ترقی بھی تیز ہو رہی ہےآر ایس ایس کئی سالوں سے اقلیتی گروپوں جیسے مسلمانوں کے ہاں زیادہ بچوں کی پیدائش کو بڑی تشویش سمجھتی آئی ہے آر ایس ایس ایک ہندو انتہا پسند تنظیم ہے جس کا قیام 1925 میں ایک رضاکارانہ تنظیم کے طور پر عمل میں آیا اور اس تنظیم کا مقصد ہندوتوا کو فروغ دینا ہے جو بھارت کو صرف ہندوؤں کی سرزمین مانتی ہے۔

    روس کا یوکرین پر بڑا فضائی حملہ،بچوں،سمیت 18 افراد جاں بحق

  • صحت کے شعبے میں بہتری لانے کیلئے پاکستان کی آبادی کو کنٹرول کرنا ہوگا، مصطفیٰ کمال

    صحت کے شعبے میں بہتری لانے کیلئے پاکستان کی آبادی کو کنٹرول کرنا ہوگا، مصطفیٰ کمال

    وفاقی وزیرصحت مصطفیٰ کمال نے کہا ہے کہ صحت کے شعبے میں بہتری لانے کے لئے آبادی پر قابو پانا ضروری ہے۔

    مصطفیٰ کمال نے تقریب سےخطاب کرتے ہوئے کہا کہ کبھی بھی کسی پاکستانی کو ضرورت کے تحت سہولت نہیں دے سکتے، ویسی مشینریاں میڈیکل سینٹر بنا ہی نہیں سکتے جو سب کو ٹریٹ کرے، اس کے لئے ہمیں اپنا فرٹیلیٹی ریٹ کم کرنا ہوگا، پاکستان میں سیوریج ٹریٹمنٹ کا کوئی طریقہ نہیں ہے، 70 فیصد بیماریاں پانی کی وجہ سے ہیں، ہم گٹر ملا پانی پی رہے ہیں، سیوریج ٹریٹمنٹ پلانٹ لگانا ضروری ہے۔

    امریکا اور اسرائیل اسلامو فوبیا کے اصل ذمے دار ہیں،خواجہ سعد رفیق

    وفاقی وزیر نے کہا کہ ہمارا نظام پہلے لوگوں کو پیدا کررہا ہے پھر بیمار کررہا ہے، ہم ہیپاٹائٹس اور پولیو میں پہلے نمبر پر ہیں، ہم کبھی بھی پاکستانیوں کو درکار صحت کی سہولیات نہیں دے سکتے، ہمیں ہر حال میں آبادی کو کنٹرول کرنا پڑے گاآپ اتنے میڈیکل سینٹر بنا ہی نہیں سکتے جو علاج مہیا کر سکیں، جیسے بجلی لگانا ضروری ہے ویسے ہی ٹریٹمنٹ پلانٹ لگانا ضروری ہے۔

    بھارت اور اسرائیل گٹھ جوڑ خطے کے لئے بڑا خطرہ

  • روس کی آبادی کو بڑھانے کیلئے شرمناک تجاویز

    روس کی آبادی کو بڑھانے کیلئے شرمناک تجاویز

    ماسکو:حکام کی جانب سے ملک کی تیزی سے گرتی ہوئی شرح پیدائش پر کام کرنے کے لیے مبینہ طور پر جنسی وزارت کے قیام کی ایک تجویز پر غور کیا جارہا ہے-

    باغی ٹی وی : عالمی میڈیاکے مطابق یہ اقدام روسی صدر ولادیمیر پیوٹن کی زیرقیادت ملک کے خصوصی آبادیاتی آپریشن کے ایک حصے کے طور پر سامنے آیا ہے، تاکہ ملک کی شرح پیدائش کو بڑھایا جاسکےروس میں کام کی جگہ پر جنسی تعلقات کی حوصلہ افزائی سے لے کر راتوں کو بجلی اور انٹرنیٹ بند کرنے تک آبادیاتی سلائیڈ کو ریورس کرنے کی کوششیں تیز کی جا رہی ہیں۔

    روسی میڈیا کی ایک حالیہ رپورٹ میں بتایا گیا ہے کہ ملک کی تیزی سے کم ہوتی شرح پیدائش پر کام کرنے کے لیے ایک سرشار جنسی وزارت کے قیام کی تجویز دی گئی ہے،اس کے علاوہ ایک تجویز میں شہریوں کی حوصلہ افزائی شامل ہے کہ وہ رات 10 بجے سے صبح 2 بجے کے درمیان گھر میں انٹرنیٹ اور لائٹس دونوں کو بند کردیں، یہ جوڑوں کے درمیان قربت کو فروغ دینے کا ایک بہترین طریقہ ہے۔

    ایک اور تجویز میں یہ کہا گیا کہ جوڑے اپنی پہلی تاریخوں کے لیے حکومت سے 5 ہزار روبل وصول کریں، اور راتیں گھروں سے باہر گزاریں، نوبیاہتا جوڑوں کی سہاگ راتیں ریاست کی طرف سے فنڈ کرنی چاہئیں، ہوٹل کے اخراجات کم سے کم مقرر کیے جائیں دیگر تجاویز جیسے گھر میں رہنے والی ماؤں کو گھریلو کاموں کے لیے معاوضہ دینا اور اس کام کو ان کی پنشن میں شمار کرنا شامل ہے۔

    قومی سطح پر حکمت عملیوں کے ساتھ ساتھ کچھ علاقے بھی اس حوالے سے کام کررہے ہیں خبرووسک میں 18 سے 23 سال کی نوجوان خواتین کو بچہ پیدا کرنے کی ترغیب کے طور پر تقریباً ایک لاکھ روبل کی پیشکش کی جاتی ہے چیلیابنسک میں پہلے پیدا ہونے والے بچے کے لیے تقریباً 10 لاکھ روپے کا انعام نمایاں طور پر زیادہ ہے۔

    اس کے علاوہ علاقائی وزیر صحت ڈاکٹر یوگینی شیسٹوپالوف نے روسیوں کو ہدایت کی کہ وہ اپنی زندگی میں کام کی جگہ پر جسمانی تعلقات کی اسکیم متعارف کرائیں جس میں دوپہر کے کھانے اور کافی کے وقفے کے دوران بچے پیدا کرنے کا مشورہ دیا گیا تھا۔

  • سن 2100 تک امریکا کے بہت سے شہر ویران ہوسکتے ہیں،تحقیق

    سن 2100 تک امریکا کے بہت سے شہر ویران ہوسکتے ہیں،تحقیق

    شکاگو: ماہرین کی جانب سے کی جانے والی ایک نئی تحقیق میں یہ بات سامنے آئی ہے کہ سن 2100 تک امریکا کے بہت سے شہر ویران ہوسکتے ہیں۔

    باغی ٹی وی : شکاگو یونیورسٹی کے محققین کی جانب سے ’نیچر سیٹیز‘ نامی جریدے میں شائع ہونے والی ایک تحقیق کے مطابق امریکا کے تقریباً 30,000 شہروں میں سے نصف کے قریب شہروں میں آبادی کی کمی کا سامنا ہے، تحقیق میں آبادی کی کمی کے ممکنہ اسباب جیسے عمر رسیدہ آبادی کے اثرات سے لے کر معیشت میں تبدیلی، اُجرت، نقل و حمل اور موسمیاتی تبدیلی جیسے اور عوامل کو بھی زیرِ غور لایا گیا ہے۔

    تحقیق کے مطابق امریکا کے شمال مشرقی اور مڈویسٹ خطے کے بڑے شہروں میں پہلے ہی سے آبادی کم ہونا شروع ہوگئی ہے جبکہ جنوبی اور مغربی علاقوں کے شہروں میں آبادی میں اضافہ ہو رہا ہے تاہم الاباما، جارجیا اور ٹینیسی کے کچھ بڑے شہروں میں آبادی میں کمی کا سامنا ہے۔

    دوسری جانب کلیولینڈ، بوفیلو اور پِٹسبرگ میں 22ویں صدی تک آبادی میں 12 سے 23 فیصد تک کمی دیکھنے میں آسکتی ہے جبکہ لوئس ول، نیو ہیون اور سیراکیوز جیسے شہروں میں جلد ہی آبادی میں کمی کا امکان ہے۔

    تحقیق میں شامل سائبل ڈیریبل کا کہنا تھا کہ اگرچہ ریاست ٹیکساس میں آپ آبادی میں فی الحال بہت اضافہ دیکھ رہے ہونگے لیکن اگر آپ 100 سال پہلے ریاست مشی گن کو دیکھتے تو آپ کہتے اگلی صدی میں شہر ڈیٹرائٹ امریکا کا سب سے بڑا شہر ہوگا لیکن ایسا نہیں ہوا۔

  • قمری پرندے کے شکار پر پابندی

    قمری پرندے کے شکار پر پابندی

    سعودی عرب کے نیشنل سینٹر فار وائلڈ لائف ڈویلپمنٹ نے انکشاف کیا ہے کہ یورپی پرندہ قمری ان پرندوں میں سے ایک ہے جن کا شکار تمام افزائش اور نقل و حمل کے ممالک میں منع ہے کیونکہ اس کی کم تعداد کے بعد اسے عالمی سطح پر معدوم ہونے کا خطرہ ہے۔ لہذا ضرورت سے زیادہ شکار کی وجہ سے خاص طور پر یورپ میں اس پرندے کی افزائش نسل کے علاقوں میں شدید کمی واقع ہوئی ہے۔

    جبکہ حکام نے تصدیق کی ہے کہ سعودی عرب میں شکارکے شوق کی مشق کرنے اور فطری” پلیٹ فارم پر لائسنس کی درخواستیں وصول کرنے کے اجازت نامے کی مدت جمعہ 9/1/2023 کو شروع ہوئی، جو31 جنوری 31/2024 جاری کی۔ شکار کے لائسنس جاری کرنے کا مقصد شکار کو منظم کرنا اور قدرتی وسائل کے پائیدار استعمال کو مدنظر رکھنا، ضابطوں کے مطابق حیاتیاتی تنوع اور ماحولیاتی توازن کو برقرار رکھنا ماحولیاتی نظام سے نکلتا ہے۔
    مزید یہ بھی پڑھیں؛
    چینی کی قیمت 200 تک پہنچ گئی
    شادی جلدی یا لیٹ کبھی بھی ہو سکتی ہے ایشو والی بات نہیں‌عثمان مختار
    میں آج تک اقربا پروری کا شکار نہیں‌ہوئی غنا علی
    انڈر 23 ایشین کپ 2024 کوالیفائرز کیلئے 23 رکنی سکواڈ کا اعلان
    حلیم عادل شیخ کے خلاف ایک اور مقدمہ درج
    جبکہ انہوں نے وضاحت کی کہ پائیدار جنگلی شکار کی مشق میں صرف وہ انواع شامل ہیں جنہیں شکار کرنے کی اجازت ہے اور اس کا اعلان ویب سائٹ اور فطری پلیٹ فارم پر کیا گیا ہے۔ علاوہ ازیں حکام نے انکشاف کیا کہ پرندوں کی 29 اقسام ہیں جن کے شکار کی اجازت ہے، جن میں 24 پرندوں کو 1 ستمبر 2023 سے 30 نومبر 2023 تک موسم خزاں کے دوران شکار کرنے کی اجازت ہے 4 ایسی اقسام ہیں جن کے شکار کی موسم سرما میں یکم دسمبر 2023 سے 31 جنوری 2024 تک اجازت ہے اور اس دوران معدومیت کےخطرسے دوچار پرندوں کے شکارکی اجازت نہیں۔

  • پاکستان دنیا بھر میں گنجان آبادی کے اعتبار سے کونسے نمبر پر؟

    پاکستان دنیا بھر میں گنجان آبادی کے اعتبار سے کونسے نمبر پر؟

    پاکستان دنیا بھر میں فی مربع کلومیٹر گنجان آبادی کے اعتبار سے 30 ویں نمبر پرآ گیا ہے۔

    باغی ٹی وی: امریکی ویب سائٹ کے مطابق گزشتہ سال کے مقابلے میں پاکستان کی فی مربع کلومیٹر آبادی میں 1 اعشاریہ 98 فیصد کا اضافہ ہوا ہے یہ اضافہ گزشتہ 3 سال کے مقابلے میں سب سے زیادہ ہے، پاکستان میں موجود آبادی 302 افراد فی مربع کلومیٹر ہے۔

    واضح رہے کہ گزشتہ روز مشترکہ مفادات کونسل (سی سی آئی) پاکستان کے منظور شدہ نئی مردم شمارے کے اعداد و شمار کے مطابق ملک کی موجودہ مجموعی آبادی 24 کروڑ 14 لاکھ 90 ہزار ہوگئی ہے۔

    ڈیجیٹل مردم شماری ،پاکستان کی آبادی 241.49 ملین تک پہنچ گئی ،ادارہ شماریات

    دوسری جانب گزشتہ روز پاکستان کی آبادی 2.55 فیصد کی شرح نمو کے ساتھ پاکستان بھر میں 241.49 ملین تک پہنچ گئی ہے،ادارہ شماریات کے مطابق 1998 میں پاکستان کی آبادی 132.35 ملین ،2017 میں 207.68 ملین جبکہ 2023 میں 241.49 ملین تک پہنچ گئی ہے جبکہ پاکستان کی آبادی میں سالانہ شرح میں اضافہ بھی ہوا ہے جس میں ملک کی سالانہ آبادی میں 1998 میں 2.69 فیصد،جبکہ 2107 میں 2.40 فیصد اور 2023 میں 2.55 فیصد اضافہ ہوا ہے-

    اب طویل العمری خواب نہیں ،اپنی عمر کو 100 سالوں تک بڑھا سکیں گے

    آبادی میں اضافے کی شرح 2.55 فیصد ہے، ملک کی دیہی آبادی 61.18 فیصد جبکہ شہری آبادی 38.82 فیصد ہےملک میں سب سے زیادہ آبادی پنجاب میں 127.68 ملین ریکارڈ کی گئی ہے، صوبے میں آبادی کے اضافے کی شرح 2.53 فیصد ہے، پنجاب کی 59.30 فیصد آبادی دیہی جبکہ 40.70 فیصد شہری ہے،سندھ کی کل آبادی 55.69 ملین ریکارڈ کی گئی ہے، صوبے میں اضافے کی شرح 2.57 فیصد ہے، سندھ کی 46.27 فیصد آبادی دیہی اور 53.7 فیصد شہری ہے۔

    میں اپنے حسن کی بھی نمائش نہ کر سکی، میرا ضمیر درس حیا دے گیا …

    خیبرپختونخوا کی کل آبادی 40.85 ملین ریکارڈ کی گئی ہے، صوبے میں اضافے کی شرح 2.38 فیصد ہے، خیبر پختونخوا کی 84.99 فیصد آبادی دیہی جبکہ 15.01 فیصد شہری ہے،بلوچستان کی کل آبادی 14.89 ملین ہے، صوبے میں اضافے کی شرح 3.20 فیصد ہے، بلوچستان کی 69.04 فیصد آبادی دیہی جبکہ 30.96 فیصد شہری آبادی ہے اسلام آباد کی آبادی 2.36 ملین ریکارڈ کی گئی، وفاقی دارالحکومت میں اضافے کی شرح 2.81 فیصد ہے، اسلام آباد کی 53.10 فیصد آبادی دیہی جبکہ 46.90 فیصد آبادی شہری ہے۔

    نئی یا پرانی مردم شماری کے تحت انتخابات الیکشن کمیشن کی ذمہ داری ہے،خاقان عباسی

  • کوئی بھی ملک کتنے بھی وسائل رکھتا ہو آبادی کے دھماکے سے نمٹ نہیں سکتا،وزیراعظم

    کوئی بھی ملک کتنے بھی وسائل رکھتا ہو آبادی کے دھماکے سے نمٹ نہیں سکتا،وزیراعظم

    آج دنیا بھر میں آبادی کا عالمی دن منایا جا رہا ہے-

    باغی ٹی وی : آبادی کا عالمی دن آج دنیا بھر میں منایا جا رہا ہے وزیراعظم محمد شہباز شریف نے بھی عالمی یوم آبادی پرپیغام جاری کیا ہے انہوں نے کہا کہ آج کادن بڑھتی آبادی اور وسائل کی دستیابی سےمتعلق اقدامات پرتوجہ مبذول کراتاہے ترقی پذیر ممالک کے لیے آبادی میں اضافے کا انتظام سماجی و اقتصادی ترقی کی کلید ہے-


    انہوں نے کہا کہ کوئی بھی ملک کتنے بھی وسائل رکھتا ہو آبادی کے دھماکے سے نمٹ نہیں سکتا آبادی اوروسائل میں توازن کسی بھی معاشرے یاملک کیلئےانتہائی ضروری ہے-

    ایک سروے کے مطابق اس وقت پاکستان کی آبادی کا تخمینہ 240.5 ملین (24 کروڑ سے زائد) ہے اور 2050 تک اس کے 403 ملین (40 کروڑ 30 لاکھ) تک پہنچنے کا امکان ہے پاکستان میں ہر سال تقریباً 56 لاکھ بچے پیدا ہوتے ہیں، پاکستان میں کی کل زرخیزی کی شرح جنوبی ایشیا میں سب سے زیادہ ہے بچے کی پیدائش کے دوران کئی مائیں مرجاتی ہیں۔ پاکستان میں ہونے والی اموات کی یہ تعداد ہر سال تقریباً 12,000 ہے اگر مانع حمل ادویات کا استعمال 34 فیصد سے بڑھ کر 52 فیصد ہو جائے تو تقریباً 6500 جانیں سالانہ بچائی جا سکتی ہیں۔

    سروے کے مطابق ہر سال ہزار میں سے 62 شیر خوار بچے ایک سال کی عمر تک پہنچنے سے پہلے ہی مر جاتے ہیں اگر مانع حمل ادویات کا استعمال 34 فیصد سے 52 فیصد بڑھ جائے تو سالانہ 140000 سے زیادہ شیر خوار بچوں کو بچایا جاسکتا ہےخاندانی منصوبہ بندی کے فقدان کی وجہ سے 17.3 فیصد شیر خوار بچے غیر ارادی طور پر پیدا ہوتے ہیں اور پاکستان میں اوسطاً ایک جوڑا ایک غیر ارادی بچہ پیدا کرتا ہے۔ اس سے نوزائیدہ بچوں میں غذائیت کی کمی بھی ہوتی ہے اگر پاکستان کی آبادی میں سالانہ دو فیصد کے حساب سے اضافہ ہوتا رہا تو 2040 تک 101 ملین ملازمتیں درکار ہوں گی، جبکہ اس وقت پاکستان میں 12.2 فیصد نوجوان بے روزگار ہیں۔

    اسی طرح 2040 تک مزید ایک کروڑ 90 لاکھ گھروں کی ضرورت ہوگیِ 85000 مزید پرائمری اسکولوں کی ضرورت ہوگی اس وقت، پانچ سے سولہ سال تک کی عمر کا ہر تین میں سے ایک بچہ اسکول سے باہر ہے، جس میں 27 فیصد لڑکے اور 37 فیصد لڑکیاں شامل ہیں سالانہ دو فیصد اضافے کی موجودہ شرح سے آبادی میں اضافے نے بھی پاکستان کے وسائل پر بوجھ ڈالا ہے۔

    سروے میں یہ بھی بتایا گیا ہے کہ پاکستان کی 36.9 فیصد آبادی کو غذائی عدم تحفظ کا سامنا ہے اور پاکستان میں پانی کی فی کس دستیابی 1951 میں 5650 کیوبک میٹر سے کم ہو کر 908 کیوبک میٹر سالانہ کی خطرناک حد تک پہنچ گئی ہے، جس سے پاکستان بھی پانی کی قلت کے دہانے پر پہنچ گیا ہے۔

    2023 کے عالمی یوم آبادی کے حوالے سے سروے کے مطابق جب خواتین اور لڑکیوں کو اپنی زندگی اور جسم کے بارے میں فیصلے کرنے کا اختیار دیا جاتا ہے، تو وہ اور ان کے خاندان ترقی کرتے ہیں۔ خواتین اور لڑکیوں کو تمام کوششوں کا مرکز ہونا چاہیے ملک کو خوشحالی کی راہ پر گامزن کرنے کے لیے ان کی تولیدی صحت اور حقوق، تعلیم، ہنر کی ترقی اور روزگار کو ترجیح دینا ہوگی خاندانی منصوبہ بندی اور معیاری زچگی کی صحت کی دیکھ بھال کی خدمات اور مناسب معلومات ہر کسی تک پہنچنی چاہئیں-

  • کراچی، جنگل سے شیر آبادی میں آ گیا، خوف و ہراس، ویڈیو

    کراچی، جنگل سے شیر آبادی میں آ گیا، خوف و ہراس، ویڈیو

    شہر قائد کراچی میں ببر شیر کی آمد، علاقے میں خوف و ہراس پھیل گیا

    کراچی کے علاقے گڈاپ میں شیر کی اچانک آمد پر شہری پریشان ہو گئے، تھدو ڈیم کے ساتھ جنگل سے شیر آبادی میں آ گیا ،شیر کے آبادی میں آنے کی ویڈیو سوشل میڈیا پر وائرل ہو چکی ہے، شیر کو دیکھ کر لوگ جہاں خوف و ہراس کا شکار ہوئے وہیں شیر بھی دور بیٹھ کر آواز دیتا رہا، شیر کی آواز سے ایسا لگ رہا تھا کہ وہ کسی تکلیف میں ہے اور مدد کے لئے آبادی میں آ گیا، ویڈیو میں دیکھا جا سکتا ہے کہ شیر بیٹھا ہے اور اس نے کسی پر حملہ نہیں کیا،

    علاقہ مکینوں کا کہنا ہے کہ شیر علاقے میں گھوم رہا ہے پولیس کو شیر کے آنے سے آگاہ کر دیا ہےعلاقہ مکینوں کے مطابق ہم اپنی مدد آپ کے تحت حفاظتی انتظامات میں مصروف ہیں، شیر کے حوالہ سے انتظامیہ کو فوری کاروائی کرنی چاہئے، اگر کسی قسم کا نقصان ہوا تو انتظامیہ زمہ دار ہو گی، شیر کو علاقے سے نکالنا چاہئے، اگر محکمے والے اسے پکڑ سکتے ہیں تو اسے چڑیا گھر میں لے جائیں یا پھر یہاں سے بھگائیں

    سندھ وائلڈلائف کے کنزرویٹر جاوید مہر کا کہنا ہے کہ ویڈیو میں دکھائی دینے والی نسل کا شیر سندھ میں نہیں ،کسی فارم ہاؤس سے بھی شیر کے فرار کا واقعہ رپورٹ نہیں ہوا،اگر کوئی شیر کسی فارم ہاؤس سے بھاگا ہوتا تو کتے اس کو بھانپ لیتے متعین کردہ ٹیموں نے رات کی تاریکی اور دن کے اجالے میں انتہائی باریک بینی سے تمام علاقوں کا جائزہ لیا اور مقامی افراد کے انٹرویو بھی ریکارڈ کیے

    پشاور پولیس کا رویہ… خواجہ سرا پشاور چھوڑنے لگے

    شہر قائد خواجہ سراؤں کے لئے غیر محفوظ

    خواجہ سراؤں پر تشدد کی رپورٹنگ کیلئے موبائل ایپ تیار

  • ملک کی مجموعی آبادی میں 16 فیصد اضافہ

    ملک کی مجموعی آبادی میں 16 فیصد اضافہ

    ڈیرہ مراد جمالی(محبوب مگسی) :بلوچستان کی آبادی 2 کروڑ 15 لاکھ سے تجاوز کر گئی جبکہ کوئٹہ کی آبادی 28 لاکھ 22 ہزار سے زائد ہوگئی۔

    باغی ٹی وی: بلوچستان میں ساتویں ڈیجیٹل مردم شماری کا عمل مکمل ہوگیا،ملک کی مجموعی آبادی میں 16 فیصد اضافہ ہوا بلوچستان میں ساتویں ڈیجیٹل مردم شماری کا عمل مکمل ہو گیا جس کے تحت بلوچستان کی آبادی 2 کروڑ 15 لاکھ سے تجاوز کر گئی ہے کوئٹہ کی آبادی 28 لاکھ 22 ہزار سے زائد ہو گئی جبکہ ملک کی آبادی میں 16 فیصد کا اضافہ ہوا ہے –

    پی ٹی آئی وہ گینگ ہے جو غلط وجوہات کی بنیاد پر بنی،مریم نواز

    پنجاب کی آبادی میں 10 فیصد سندھ کی آبادی میں 18 فیصد خیبر پختون خواہ کی آبادی میں 11 فیصد جبکہ گزشتہ 6 سال میں بلوچستان کی آبادی میں 74 فیصد اضافہ ہوا ہے بلوچستان کے تین اضلاع واشک، پنجگور اور خاران کی آبادی میں 224 سے 268 فیصد تک حیرت انگیز اضافہ ہوا اور 7 اضلاع کی آبادی میں 90 سے 157 فیصد تک اضافہ ہوا ہے-

    آرمی ایکٹ کے تحت ملوث افراد کےخلاف کارروائی ہوگی،نگران وزیراعلٰی پنجاب

  • چین پیچھے رہ گیا، بھارت دنیا میں "نمبر ون” آ گیا

    چین پیچھے رہ گیا، بھارت دنیا میں "نمبر ون” آ گیا

    چین پیچھے رہ گیا، بھارت دنیا میں "نمبر ون” آ گیا

    بھارت بازی لے گیا، چین کو پیچھے چھوڑ دیا، بھارت نے آبادی کے لحاظ سے چین کو پیچھے چھوڑ دیا،دنیا کا سب سے زیادہ آبادی والا ملک بن گیا

    میڈیا رپورٹس کے مطابق عالمی ماہرین نے رواں برس کے آغاز میں اس بات کی پیشن گوئی تھی کہ بھارت اس سال آبادی کے لحاظ سے پہلا ملک بن جائے گا اور وہ بات سچ ثابت ہو گئی، اقوام متحدہ کے پاپولیشن فنڈ نے آبادی کے لحاظ سے تازہ ترین اعدادوشمار جاری کئے جس میں اس بات کی تصدیق کی گئی کہ بھارت کی آبادی چین سے بڑھ چکی ہے اور دنیا بھر میں زیادہ آبادی کے لحاظ سے بھارت کا پہلا نمبر ہے، بھارت میں چین سے تقریبا 20 لاکھ شہری زیادہ ہیں، بھارت کی آبادی 140 کروڑ سے بڑھ چکی ہے، چین میں شرح پیدائش میں کمی آئی ہے جس کی وجہ سے چین پیچھے رہ گیا

    یو این ایف پی اے کیدی اسٹیٹ آف ورلڈ پاپولیشن رپورٹ 2023 جس کا عنوان ‘8 ارب زندگیاں، لامحدود امکانات، حقوق اور انتخاب کا معاملہ’ کے ساتھ جاری کی گئی میں بتایا گیا ہے کہ بھارت کی آبادی اب 1428.6 ملین ہے،چین کی آبادی 1425.7 ملین ہے یہ پہلا موقع ہے کہ 1950 کے بعد بھارت کی آبادی چین سے زیادہ ریکارڈ کی گئی ہے

    بھارت کی آبادی تو بڑھ چکی ہے لیکن بھارت میں شہریوں کو سہولیات میسر نہیں، بھارت میں اب بھی لاکھوں شہری واش روم سے محروم ہیں،تعلیم و صحت کی سہولیات کا فقدان ہے، حکومتوں کی ترجیحات شہریوں کی بہتری نہیں رہی

    سعودی عرب کے دو ایئر پورٹس پر ڈرون حملے،فضائی آپریشن معطل

    جمال خاشقجی کے قاتلوں کو کیفرِ کردار تک پہنچانے کیلیے ہر ممکن کوشش کرینگے،منگیتر کا عدالت میں بیان

    امریکی صدر جوبائیڈن نے دیا محمد بن سلمان کو بڑا جھٹکا

    ایران اور سعودی وزرائے خارجہ کی چین میں ملاقات