Baaghi TV

Tag: آتشزدگی

  • کراچی: دبئی شاپنگ مال کے بیسمنٹ میں گودام میں آتشزدگی،2 فائر فائٹر بے ہوش

    کراچی: دبئی شاپنگ مال کے بیسمنٹ میں گودام میں آتشزدگی،2 فائر فائٹر بے ہوش

    کراچی کے مصروف تجارتی مرکز طارق روڈ پر واقع دبئی شاپنگ مال کے بیسمنٹ میں قائم گودام اور دکانوں میں اچانک آگ بھڑک اٹھی جس کے بعد علاقے میں خوف و ہراس پھیل گیا۔

    ترجمان ریسکیو 1122 کے مطابق سینٹرل کمانڈ اینڈ کنٹرول کو اطلاع ملتے ہی فائر اینڈ ریسکیو ٹیمیں، ایمبولینس اور فائر بریگیڈ کی گاڑیاں فوری طور پر جائے وقوعہ پر روانہ کر دی گئیں اور آگ بجھانے کا عمل شروع کیا گیا، آگ شاپنگ مال کے بیسمنٹ میں موجود دو سے تین کپڑوں کی دکانوں میں لگی تھی۔

    آگ پر قابو پانے کے لیے فائر بریگیڈ کی پانچ گاڑیوں نے حصہ لیا جبکہ بیسمنٹ میں بھر جانے والا دھواں خصوصی مشینوں کے ذریعے باہر نکالا گیا ریسکیو آپریشن کے دوران دھوئیں کے باعث دو فائر فائٹرز، بلال اور سکندر، کی حالت غیر ہوگئی جنہیں فوری طبی امداد فراہم کی گئی حکام کے مطابق واقعے میں کسی شہری کے جانی نقصان کی اطلاع نہیں ملی۔

    بغداد میں امریکی سفارتخانے پر ڈرون اور راکٹ سے شدید حملے

    چیف فائر آفیسر ہمایوں خان کے مطابق بروقت کارروائی کے باعث آگ پر قابو پا لیا گیا جبکہ آگ لگنے کی وجوہات کا تعین کیا جا رہا ہے دوسری جانب مار کیٹ ایسوسی ایشن نے فائر بریگیڈ اہلکاروں کی بروقت کارروائی کو سراہتے ہوئے ان کے لیے 10 لاکھ روپے انعام کا اعلان کیا، جبکہ بے ہوش ہونے وا لے فائر فائٹر سکندر کے لیے اضافی 2 لاکھ روپے دینے کا بھی اعلان کیا گیا۔

    واقعے کے باعث کراچی ٹریفک پولیس نے اتحاد چوک سے لبرٹی چوک تک طارق روڈ کے دونوں اطراف ٹریفک کو متبادل گلیوں میں منتقل کر دیا شہریوں کو ہدایت کی ہے کہ پریشانی سے بچنے کے لیے متبادل راستے اختیار کریں ٹریفک پولیس کے اہلکار موقع پر موجود رہ کر ٹریفک کی روانی برقرار رکھنے میں مصرو ف ہیں۔

    افغانستان میں ڈرون اسمبلی ورکشاپس پر حملے، ننگرہار اور کابل میں چھ مراکز تباہ

  • بھارت: اسپتال میں آتشزدگی، آئی سی یو کے 10مریض ہلاک

    بھارت: اسپتال میں آتشزدگی، آئی سی یو کے 10مریض ہلاک

    بھارتی ریاست اوڑیسہ کےشہر کٹک میں واقع ایک اسپتال کےٹراما کیئر یونٹ میں پیر کی صبح لگنےوالی آگ کے نتیجےمیں کم از کم 10 افراد ہلاک ہوگئے ہیں۔

    حکام کے مطابق واقعے میں 5 افراد شدید زخمی بھی ہوئے ہیں، تاہم فوری طور پر یہ واضح نہیں ہوسکا کہ ان کی حالت آگ لگنے سے خراب ہوئی یا وہ پہلے سے زیرِ علاج زخموں کے باعث تشویشناک تھےاوڑیسہ کے وزیر اعلیٰ موہن چرن ماجھی نے اسپتال کے دورے کے بعد صحافیوں کو بتایا کہ ابتدائی اطلاعات کے مطابق ٹراما سینٹر میں آگ علی الصبح شارٹ سرکٹ کے باعث لگی۔

    ان کے مطابق آئی سی یو میں کم از کم 23 مریض زیرِ علاج تھے، آگ لگنے کے بعد جب مریضوں کو محفوظ مقام پر منتقل کیا جارہا تھا تو ان میں سے 10 مریض جان کی بازی ہار گئے،مریضوں کو بچانے کے لیے طبی عملے اور سیکیورٹی اہلکاروں نے اپنی جانوں کو خطرے میں ڈال کر ریسکیو کارروائی کی ، اس دوران عملے کے بعض افراد بھی زخمی ہوگئے جنہیں علاج کے لیے اسپتال منتقل کردیا گیا ہے۔

    مشرق وسطیٰ جنگ: پاکستان کے مختلف ایئر پورٹس سے 90 پروازیں منسوخ

    کوسٹ گارڈز کی گوادر میں کارروائی، اعلی کوالٹی کی منشیات برآمد کرلیں

    ایتھوپیا میں شدید بارشوں اور لینڈ سلائیڈنگ سے ہلاکتیں، پاکستان کا اظہار افسوس

  • فلپائن میں خوفناک آتشزدگی، ہزاروں افراد بے گھر

    فلپائن میں خوفناک آتشزدگی، ہزاروں افراد بے گھر

    فلپائن کے جنوبی علاقے میں واقع ایک ساحلی جزیرے میں لگنے والی ہولناک آگ کے نتیجے میں ہزاروں افراد بے گھر ہو گئے۔

    غیر ملکی خبر رساں ادارے اور سرکاری نیوز ایجنسی پی این اے کے مطابق آگ منگل اور بدھ کی درمیانی شب تقریباً رات 10 بجے بارنگائے لامیون میں بھڑکی، جس نے دیکھتے ہی دیکھتے پورے علاقے کو اپنی لپیٹ میں لے لیا، آگ لگنے کے بعد تیز ہواؤں نے شعلوں کو مزید بھڑکایا، جس کے باعث آگ تیزی سے گنجان آباد علاقے میں پھیل گئی۔ متاثرہ بستی میں مکانات زیادہ تر لکڑی اور ہلکے تعمیراتی سامان سے بنے ہوئے تھے اور پانی پر کھمبوں کے سہارے قائم تھے، جس کی وجہ سے آگ نے انتہائی تیزی سے تباہی مچائی۔

    چار گھنٹے تک جاری رہنے والی اس آگ کے نتیجے میں کم از کم 1000 مکانات مکمل طور پر جل کر خاکستر ہو گئے سوشل میڈیا پر وائرل ہونے والی ایک ویڈیو میں دیکھا جا سکتا ہے کہ کس طرح بلند شعلے پورے جزیرے کو اپنی لپیٹ میں لے رہے ہیں جبکہ لوگ جان بچانے کے لیے زمین اور سمندر کے راستے نقل مکانی پر مجبور ہیں۔

    ریسکیو حکام کے مطابق 5 ہزار سے زائد افراد کو بحفاظت نکال کر دو عارضی امدادی مراکز میں منتقل کر دیا گیا ہے۔ بونگاؤ کی مقامی انتظامیہ نے بنگسامورو وزارتِ سماجی بہبود اور صوبائی حکومت کے تعاون سے فوری امدادی سرگرمیاں شروع کر دیں۔ متاثرین کو خوراک، پانی اور بنیادی ضروریات فراہم کی جا رہی ہیں۔

    بونگاؤ رورل ہیلتھ یونٹ کی طبی ٹیمیں بھی امدادی مراکز میں تعینات کر دی گئی ہیں تاکہ متاثرہ افراد کو فوری طبی سہولت فراہم کی جا سکے میونسپل ڈیزاسٹر رسک ریڈکشن اینڈ مینجمنٹ آفس کے مطابق خوش قسمتی سے واقعے میں کسی جانی نقصان کی اطلاع نہیں ملی، تاہم متعدد لکڑی کے فٹ برج آگ کی نذر ہو گئے جس کے باعث امدادی کارروائیوں میں مشکلات کا سامنا رہا۔

    فائر بریگیڈ حکام نے بتایا کہ آگ پر قابو پانے کا اعلان بدھ کی صبح تقریباً 2 بجے کیا گیا۔ واقعے کی وجوہات جاننے اور نقصانات کا تخمینہ لگانے کے لیے تحقیقات کا آغاز کر دیا گیا ہے۔

  • لاہور: گلبرگ کے ہوٹل میں آتشزدگی، ایک جاں بحق، 6 افراد زخمی

    لاہور: گلبرگ کے ہوٹل میں آتشزدگی، ایک جاں بحق، 6 افراد زخمی

    لاہور کے علاقے گلبرگ کے ہوٹل کی بیسمنٹ میں اچانک آگ لگنے کے نتیجے میں ایک جاں بحق جبکہ 6 افراد زخمی ہو گئے۔

    ریسکیو حکام کے مطابق آگ لگنے کے وقت ہوٹل میں نجی کالج کی تقریب جاری تھی، ابتدائی تحقیقات کے مطابق آگ ہوٹل کے تہہ خانے میں گیس لیکج کے باعث لگی،گلبرگ کے ہوٹل سے 180افرادکوریسکیوکر لیا گیا ہے-

    چیف سیکرٹری پنجاب زاہد اختر زمان نے کہا ہے کہ آگ ہوٹل کے بیسمنٹ میں لگی، بجھانے کا کام جاری ہےبلڈنگ میں اس وقت کوئی موجود نہیں، آگ کے باعث ایک شخص زخمی ہوا جس کو اسپتال منتقل کر دیا گیا، ہوٹل کے بیسمنٹ میں لگی آگ پر جلد قابوپا لیا جائے گا۔

    ریسکیو ذرائع کے مطابق اب تک جھلسنے والے 6 افراد کو طبی امداد فراہم کی گئی ہے، متاثرین میں سے ایک شخص 35 سے 40 فیصد جھلس گیا ہے آتشزدگی سے متاثرہ افراد کی تعداد 6 ہوگئی، متاثرہ افراد میں 28 سال کی خاتون بھی شامل ہے، آگ لگنے سے الیکٹریشن مبین کا جسم چالیس فیصد جھلس گیا، باقی افراد کی حالت دھویں کی وجہ سے غیر ہوئی، گلبرگ ہوٹل سے ایک لاش نکالی گئی، جاں بحق شخص کی شناخت ہو چکی ہے وہ لانڈری ملازم تھا۔

  • گل پلازہ آتشزدگی:عوام اور متاثرہ خاندانوں کیلئے ہیلپ لائنز قائم

    گل پلازہ آتشزدگی:عوام اور متاثرہ خاندانوں کیلئے ہیلپ لائنز قائم

    کراچی کے ایم اے جناح روڈ پر واقع گل پلازہ میں شدید آتشزدگی کے واقعے کے بعد عوام اور متاثرہ خاندانوں کی سہولت کے لیے ضلعی انتظامیہ اور پولیس کی جانب سے ہیلپ لائنز قائم کر دی گئی ہیں تاکہ گمشدہ افراد اور صورتحال سے متعلق معلومات فراہم کی جا سکیں۔

    میڈیا رپورٹ کے مطابق گل پلازہ میں لگنے والی آگ کو تیسرے درجے کی آتشزدگی قرار دیا گیا ہے، جس کے نتیجے میں 6 افراد جاں بحق اور 20 زخمی ہوئے ہیں جبکہ متعدد افراد کے تاحال عمارت میں پھنسے ہونے کی اطلاعات موصول ہو رہی ہیں آگ پر قابو پانے کے لیے شہر بھر سے فائر ٹینڈرز طلب کیے گئے ہیں اور پانی و فوم کے ذریعے آگ بجھانے کی کوششیں جاری ہیں۔

    ڈی سی ساؤتھ جاوید نبی نے بتایا ہے کہ کسی بھی قسم کی معلومات یا گمشدگی سے متعلق اطلاع ڈی سی ساؤتھ کو دی جائے شہری 03135048048، 02199206372 اور 02199205625 پر رابطہ کر سکتے ہیں، جبکہ گمشدہ افراد سے متعلق تفصیلات بھی انہی نمبرز پر فراہم کی جائیں۔

    دوسری جانب ڈی آئی جی ساؤتھ کے مطابق عوام کی سہولت اور رہنمائی کے لیے ساؤتھ زون پولیس نے بھی علیحدہ ہیلپ لائن قائم کر دی ہے شہری معلومات کے لیے 02199205670، 02199201196 اور 02199205691 پر رابطہ کر سکتے ہیں۔

    گل پلازہ آتشزدگی:متاثرہ تاجروں اور دیگر افراد کو ہر ممکن امداد فراہم کی جا ئے گی،وزیراعظم

    واضح رہے کہ گل پلازہ میں ہفتے کی رات سوا 10 بجے کے قریب آتشزدگی گیس لیکج کے باعث گراؤنڈ فلور پر دھماکے کے بعد شروع ہوئی، جس نے دیکھتے ہی دیکھتے تیسری منزل کو اپنی لپیٹ میں لے لیا آگ کے باعث گراؤنڈ فلور کی تمام دکانیں جل گئیں جبکہ ریسکیو آپریشن تاحال جاری ہے، آتشزدگی کے بعد متعدد افراد تاحال لاپتا ہیں، اور ان کے اہل خانہ اسپتالوں اور عمارت کے گرد اپنے پیاروں کی تلاش میں مصروف ہیں۔

    میڈیا رپورٹ کے مطابق آتشزدگی کی شدت کے باعث عمارت کے کچھ حصے گر گئے، اور ریسکیو ذرائع نے بتایا کہ ایک فائر فائٹر سمیت چھ افراد جاں بحق ہوئے جبکہ 20 زخمیوں کو اسپتال منتقل کیا گیا ہے۔ زخمیوں کی حالت بھی تشویشناک بتائی جا رہی ہےاہل خانہ کے مطابق رات تک متاثرہ افراد سے رابطہ ممکن تھا لیکن اب فون بند ہیں اور انہیں خدشہ ہے کہ کئی افراد اب بھی عمارت کے اندر پھنسے ہوئے ہیں سول اسپتال کے برنس سینٹر کے باہر بھی متاثرہ افراد کے اہل خانہ کی بڑی تعداد جمع ہے، جو اپنے پیاروں کی بازیابی کے لیے بے چینی کا شکار ہیں۔

    گل پلازہ آتشزدگی واقعے کی ابتدائی رپورٹ جاری

    حکام کے مطابق جاں بحق افراد میں فراز، کاشف، عامر اور شہروز شامل ہیں، جبکہ فائر فائٹر فرقان کی لاش بھی ٹرماسینٹر پہنچائی گئی ہے ریسکیو ٹیمیں آگ پر قابو پانے اور لاپتا افراد کو تلاش کرنے کے لیے کوششیں جاری رکھے ہوئے ہیں، مگر صورتحال اب بھی نازک اور غیر یقینی ہے۔

  • پنجاب :سلنڈر پھٹنے اور آگ لگنے کے سب سے زیادہ واقعات کہاں ہوئے؟

    پنجاب :سلنڈر پھٹنے اور آگ لگنے کے سب سے زیادہ واقعات کہاں ہوئے؟

    لاہور:سال 2022 سے 2025 کے دوران ایل پی جی سلنڈر پھٹنے اور آگ لگنے کے واقعات میں لاہور سرفہرست ہے-

    نجی خبررساں ادارے کے مطابق ایل پی جی سلنڈر کے سب سے زیادہ حادثات میں لاہور 170 واقعات کے ساتھ پہلے، فیصل آباد 50 حادثات کے ساتھ دوسرے اور 38 واقعات کے ساتھ راولپنڈی تیسرے اور گجرانوالہ 25 حادثات کے ساتھ چوتھے نمبر پر رہا جبکہ حافظ آباد اور لودھراں پنجاب کے محفوظ ترین شہر رہے جہاں ایک بھی سلنڈر پھٹنے یا آگ لگنے کا واقعہ رونما نہیں ہوا۔

    ایل پی جی ڈسٹری بیوٹرز ایسوسی ایشن کےاعداد و شمار کے مطابق تقریباً 4 سال کے دوران پنجاب بھر میں ایل پی جی سلنڈر پھٹنے اور آگ لگنے کے مجموعی طور پر 488 حادثات ہوئے جن میں مجموعی طور پر 25 افراد جاں بحق اور 286 افراد زخمی ہوئے جن میں سے 44 افراد کو اسپتال میں طبی امداد فراہم کرنے کے بعد ڈسجارج کیا گیا جن میں خواتین اور بچے بھی شامل ہیں جبکہ درجنوں جسمانی معذوری کا شکار ہو کر رہ گئے۔

    اعداد و شمار کے مطابق ملتان میں 18 حادثات ہوئے جس میں 8 افراد زخمی ہوئے، سرگودھا اور شیخوپورہ میں بالترتیب 19، 19 حادثے ہوئے جن میں 23 اور 29 افراد زخمی ہوئے جبکہ 8 افراد جان کی بازی ہار گئے۔ گجرانولہ میں 25 حادثات ہوئے جن میں 7 افراد زخمی ہوئے،بہاولنگر میں 16 حادثے ہوئے جن میں 10 زخمی ہوئے، بہاولپور میں 12 حادثات ہوئے جن میں تین زخمی ہوئے، گجرات میں 12 حادثات ہوئے جن میں 3 زخمی اور ایک جاں بحق ہوا، اٹک میں 8 حادثات ہوئے جن میں دو زخمی ہوئے۔ چکوال اور چنیوٹ میں 7، 7 واقعات ہوئے اور کوئی زخمی نہیں ہوا۔

    اسی طرح، ڈیرہ غازی خان میں 10 واقعات ہوئے جن میں دو افراد زخمی ہوئے، مظفرگڑھ میں 6 واقعات ہوئے جن میں ایک زخمی ہوا، مری میں 4 واقعات ہوئے جن میں ایک زخمی ہوا، میاںوالی میں 5 حادثات ہوئے جن میں دو زخمی ہوئے ٹوبہ ٹیک سنگھ اور وہاڑی میں دو، دو حادثات ہوئے اور مجمو عی طور پر 6 افراد زخمی ہوئے منڈی بہاءالدین میں 7 حادثات ہوئے جن میں 6 افراد زخمی ہوئے۔ جھنگ، جہلم اور قصور میں 4، 4 حادثات ہوئے جن میں دو افراد زخمی ہوئے۔ رحیم یار خان اور راجن پور میں 3، 3 واقعات ہوئے اور آگ پر فوری قابو پا لیا گیا۔

    ایل پی جی ڈسٹریبیوٹر ایسوسی ایشن کے مطابق زیادہ تر حادثات ناقص اور غیر معیاری سلنڈر کی وجہ سے پیش آئے آگرا کی مدد سے لاہور، شیخوپورہ، گجرانولہ، سیالکوٹ، گجرات، ملتان میں ناقص اور غیر معیاری سلنڈر بنانے والوں کے خلاف کارروائی بھی کی گئی مگر اس کے باوجود غیر معیاری سلنڈر نہ صرف بن رہے ہیں بلکے کھلے عام فروخت بھی ہو رہے ہیں۔

  • آسٹریلیا میں شدید جنگلاتی آگ سے بڑے پٔیمانے پر تباہی، لاکھوں ایکڑ رقبہ جل کر راکھ

    آسٹریلیا میں شدید جنگلاتی آگ سے بڑے پٔیمانے پر تباہی، لاکھوں ایکڑ رقبہ جل کر راکھ

    آسٹریلیا کی جنوب مشرقی ریاستوں میں شدید جنگلاتی آگ نے بڑے پیمانے پر تباہی مچا دی ہے، جس کے نتیجے میں درجنوں گھروں کو نقصان پہنچا، ہزاروں افراد بجلی سے محروم ہو گئے اور لاکھوں ایکڑ رقبہ جل کر راکھ ہو گیا۔

    خبر رساں ادارے روئٹرز کے مطابق وکٹوریا ریاست میں ہفتے کے روز ہزاروں فائر فائٹرز آگ پر قابو پانے کی کوششوں میں مصروف رہے، جہاں بدھ کے بعد سے شدید گرمی کی لہر کے دوران 3 لاکھ ہیکٹر سے زائد جنگلات جل چکے ہیں ہ ریاست بھر میں اب بھی 10 جگہیں بڑے پیمانے کی آگ کی لپیٹ میں ہیں۔

    وکٹوریا سے ملحقہ نیو ساؤتھ ویلز میں بھی صورت حال تشویشناک ہے، جہاں سرحدی علاقوں کے قریب کئی مقامات پر آگ کو ہنگامی سطح قرار دیا گیا ہے فائر سروس کے مطابق درجہ حرارت 45 ڈگری سینٹی گریڈ تک پہنچ گیا، جس سے آگ کے پھیلاؤ کا خطرہ مزید بڑھ گیا۔

    آسٹریلیا کی اپنے شہریوں کو ایران چھوڑنے کی ہدایت

    حکام کے مطابق وکٹوریا میں اب تک 130 سے زائد عمارتیں، جن میں رہائشی مکانات بھی شامل ہیں، مکمل طور پر تباہ ہو چکی ہیں، جبکہ تقریباً 38 ہزار گھر اور کاروبار بجلی سے محروم ہیں یہ آگ 2019 اور 2020 کے بدنام زمانہ بلیک سمر بش فائرز کے بعد ریاست میں سب سے شدید آفت قرار دی جا رہی ہے، جن میں 33 افراد جان سے گئے تھے۔

    وکٹوریا کی وزیر اعلیٰ جیسنٹا ایلن نے کہا کہ جہاں ممکن ہوا آگ پر قابو پایا جائے گا اور ہزاروں فائر فائٹرز میدان میں موجود ہیں، دوسری جانب وزیر اعظم انتھونی البانیز نے خبردار کیا کہ ملک کو انتہائی خطرناک فائر ویڈر کا سامنا ہے، خاص طور پر وکٹوریا میں جہاں کئی علاقے ڈیزاسٹر زون قرار دیے جا چکے ہیں۔

    کراچی میں پہلے ڈیجیٹل ہیلتھ سینٹر کا افتتاح

    میلبورن سے شمال کی جانب لانگ ووڈ کے قریب لگنے والی ایک بڑی آگ نے 1 لاکھ 30 ہزار ہیکٹر رقبہ جلا دیا ہے، جس سے 30 عمارتیں، انگور کے باغات اور زرعی زمین کو شدید نقصان پہنچا درجنوں دیہات خالی کرا لیے گئے ہیں اور متعدد قومی پارکس اور کیمپ گراؤنڈز بند کر دیے گئے ہیں۔

    محکمہ موسمیات کے مطابق وکٹوریا کے بڑے حصوں میں ہیٹ ویو وارننگ جبکہ نیو ساؤتھ ویلز سمیت ملک کے کئی علاقوں میں فائر ویڈر الرٹ جاری ہےسڈنی میں درجہ حرارت 42.2 ڈگری سینٹی گریڈ ریکارڈ کیا گیا، جو جنوری کے اوسط درجہ حرارت سے 17 ڈگری زیادہ ہےتاہم پیش گوئی کی گئی ہے کہ ہفتے کے آخر میں موسم نسبتاً بہتر ہو سکتا ہے۔

    سربراہ پاک فضائیہ کی عراقی ایئر چیف سے ملاقات

  • شکی مزاج شوہر نے بیوی کو بچوں کے سامنے آگ لگا دی

    شکی مزاج شوہر نے بیوی کو بچوں کے سامنے آگ لگا دی

    بھارت کی ریاست تلنگانہ کے شہر حیدرآباد دکن میں شوہر وینکٹیش نے مبینہ طور پر اپنی اہلیہ تروینی پر بے وفائی کا شبہ ظاہر کرتے ہوئے اسے آگ لگا دی۔

    بھارتی میڈیا کے مطابق شوہر کو اپنی اہلیہ کے کردار پر شک تھا، جس کے باعث دونوں کے درمیان آئے روز جھگڑے رہتے تھے، واقعے کی رات بھی اسی نوعیت کا تنازع سامنے آیا، جس کے بعد ملزم نے انتہائی دردناک قدم اٹھاتے ہوئے بیوی پر پیٹرول چھڑکا اور اسے آگ لگا دی۔

    پولیس کے مطابق شدید جھلسنے کے باعث خاتون کو فوری طور پر قریبی اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گئیں پولیس کا کہنا ہے کہ واقعے کے وقت دونوں کے کم سن بچے بھی گھر میں موجود تھے، جن میں سے ایک بچے کے شور مچانے پر پڑوسیوں کو واقعے کی اطلاع ملی۔

    لاہور میں تین دن کے لیے بسنت منانے کی اجازت

    پولیس نے موقع پر پہنچ کر ملزم کو گرفتار کر لیا ہے اور اس کے خلاف قتل کا مقدمہ درج کر کے تفتیش کا آغاز کر دیا گیا ہے ابتدائی تحقیقا ت کے مطابق مقتولہ نے اپنے اوپر لگائے گئے الزامات کی تردید کی تھی، تاہم ملزم مسلسل شک و شبہات کا شکار تھا۔

    پولیس حکام کا کہنا ہے کہ واقعے کی مکمل تحقیقات جاری ہیں اور ملزم کو قانون کے مطابق سخت سزا دلوانے کے لیے شواہد اکٹھے کیے جا رہے ہیں۔

    لاہور میں تین دن کے لیے بسنت منانے کی اجازت

  • جکارتہ میں 7 منزلہ عمارت میں خوفناک آتشزدگی،22 افراد جاں بحق

    جکارتہ میں 7 منزلہ عمارت میں خوفناک آتشزدگی،22 افراد جاں بحق

    انڈونیشیا کے دارالحکومت جکارتہ میں 7 منزلہ عمارت میں منگل کے روز خوفناک آگ بھڑک اٹھی جس کے نتیجے میں کم از کم 22 افراد جاں بحق ہوگئے،ابتدائی معلومات کے مطابق زیادہ تر افراد جھلسنے کے بجائے دھوئیں سے دم گھٹنے کے باعث ہلاک ہوئے۔

    پولیس کا کہنا ہے کہ عمارت کے گراؤنڈ فلور پر ڈرون کی بیٹری پھٹنے کے بعد آگ لگی جو تیزی سے اوپر کی منزلوں تک پھیل گئی تاہم آگ لگنے کے حتمی اسباب جاننے کے لیے فرانزک لیبارٹری کی تحقیقات جاری ہیں،سینٹرل جکارتہ پولیس کے سربراہ سوساتیو پرنومو کونڈرو نے کہا کہ فورس اس واقعے کی مکمل اور شفاف تحقیقات کے لیے پرعزم ہے۔

    عینی شاہدین کے مطابق آگ دوپہر کے وقت لگی اور جب تک فائر فائٹرز جائے وقوعہ پر پہنچے تب تک آگ پھیل چکی تھی،جکارتہ فائر ڈیپارٹمنٹ کے مطابق کم از کم 100 فائر فائٹرز اور 29 فائر ٹرک آگ بجھانے کے کام میں شریک ہوئے-

    پولیس سربراہ نے بتایا کہ ہلاکتوں کی تعداد پہلے 17 بتائی گئی تھی جو اب بڑھ کر 22 ہوگئی ہے، ہلاک ہونے والوں میں 15 خواتین بھی شامل ہیں،فائر فائٹرز اب عمارت کو ٹھنڈا کرنے اور متعدد منزلوں سے گاڑھا دھواں صاف کرنے میں مصروف ہیں جس کے بعد دوبارہ سرچ آپریشن کیا جائے گا۔

  • لاہور ائیرپورٹ کے کارگو ایریا میں خوفناک آتشزدگی

    لاہور ائیرپورٹ کے کارگو ایریا میں خوفناک آتشزدگی

    لاہور ایئرپورٹ کے کارگو ایریا مٰن آگ بھڑک اٹھی ،جس کو بجھانے کیلئے ریسکیو آپریشن جاری ہے۔

    ریسکیو 1122 کے مطابق لاہور ائیرپورٹ کے کارگو ایریا میں اچانک آگ بھڑک اُٹھی، جس کے بعد ریسکیو 1122 کو فوری طور پر اطلاع دی گئی ابتدائی معلومات کے مطابق آگ کارگو ایریا میں لگی جس کے باعث وہاں ہنگامی صورت حال پیدا ہو گئی۔

    اطلاع ملتے ہی ریسکیو 1122 کی ایمرجنسی وہیکلز فوری طور پر جائے حادثہ پر پہنچ گئیں، جہاں ریسکیو اہلکار آگ بجھانے میں مصروف عمل ہیں۔ ابتدائی طور پر ریسکیو کی 8 گاڑیاں موقع پر روانہ کی گئیں تاکہ آگ پر قابو پایا جا سکے اور کسی ممکنہ نقصان کو روکا جا سکے۔

    حکام کے مطابق آگ پر قابو پانے کے لیے آپریشن جاری ہے جب کہ صورتحال کی مسلسل نگرانی کی جا رہی ہے فی الحال جانی یا مالی نقصان کی تفصیلات سامنے نہیں آئیں، تاہم فائر فائٹنگ ٹیمیں بھرپور کارروائی میں مصروف ہیں تاکہ کسی بھی بڑے سانحے سے بچا جا سکے۔