راولپنڈی :مسئلہ کشمیر کے حل کیلئے امریکی حمایت قابل تعریف ہے ، آرمی چیف کی امریکی سینیٹرز ملاقات میں امریکی موقف کو سراہا . اطلاعات کے مطابق آرمی چیف جنرل قمر جاوید سے امریکی سینیٹر کرس وان ہولن اور میگی حسن نے ملاقات کی۔
پہلےکشمیر، پھر بات ہوگی باقی امور پر ، وزیراعظم
پاک فوج کے شعبہ تعلقات عامہ (آئی ایس پی آر) کے مطابق امریکی سینیٹرز نے آرمی چیف سے جنرل ہیڈکوارٹرز (جی ایچ کیو) راولپنڈی میں ملاقات کی۔آئی ایس پی آر نے بتایا کہ ملاقات میں باہمی دلچسپی کے امور اور علاقائی سلامتی کی صورتحال پر تبادلہ خیال کیا گیا جب کہ افغان مفاہمتی عمل اور مسئلہ کشمیر پر بھی بات چیت کی گئی۔
رانی مکھر جی نے مودی کی اصلیت اورحقیقت کے بارے میں جوکچھ کہا
آئی ایس پی آر کا کہنا ہے کہ امریکی سینیٹرز نے علاقائی امن و سلامتی کیلئے پاکستان کی کوششوں کو سراہا۔آئی ایس پی آر کے مطابق آرمی چیف نے مسئلہ کشمیر کے حل کیلئے امریکی حمایت کی تعریف کی اور افغانستان میں امن کیلئے پاکستان کی کوششوں کے اعتراف کو سراہا۔یاد رہے کہ اس سے قبل امریکی سینیٹرز کے وفد نے وزیراعظم عمران خان سے ملاقات کی تھی جبکہ گزشتہ روز اس وفد نے آزاد کشمیر کا دورہ کیا تھا جہاں صدر اور وزیراعظم سے ملاقاتیں کیں تھیں۔