اسلام آباد: نگران وزیراعظم انوار الحق کاکڑ نے کہا ہے کہ عوام نے 8 فروری کو واضح آواز میں بات کی اور تقسیم کا مینڈیٹ دیا ہے-
باغی ٹی وی: ایک بیان میں وزیر اعظم نے کہا کہ عوام نے 8 فروری کو واضح آواز میں بات کی اور تقسیم کا مینڈیٹ دیا ہے، سرکاری ملازمین پر دباؤ ڈالا جارہا ہے کہ وفاداریاں متشدد گروہ میں تبدیل کر دیں، پرتشدد رویے کا ریکارڈ رکھنے والے اب سوشل میڈیا سے منفی ہتھکنڈے استعمال کر رہے ہیں،دباؤ ڈالنے کیلئے مختلف حربے استعمال کئے جا رہے ہیں، ریاست آئینی فرائض کی انجام دہی میں ملازمین کا دفاع کرے گی، یہ عمل آرٹیکل 5 اور دیگر آرٹیکلز اور ملکی قوانین کی صریح خلاف و رزی ہے ، ان پر تشدد ٹرولوں کے خلاف کارروائی اور مثالی سزا دی جائے گی، سرکاری ملازمین سے وابستگی میں شک نہیں ہونا چاہیے۔