معروف آزادی پسند کشمیری رہنما اور کل جماعتی حریت کانفرنس کے سابق چیئرمین پروفیسر عبدالغنی بھٹ مختصر علالت کے بعد مقبوضہ کشمیر کے علاقے سوپور میں انتقال کر گئے۔ ان کی عمر تقریباً 90 برس تھی۔
پروفیسر عبدالغنی بھٹ مسلم کانفرنس کے چیئرمین کے طور پر بھی خدمات انجام دے چکے تھے۔ انہوں نے فارسی، اقتصادیات اور سیاسیات میں گریجویشن، فارسی میں ماسٹرز اور علی گڑھ مسلم یونیورسٹی سے قانون کی ڈگری حاصل کی۔ وہ فارسی کے پروفیسر بھی رہے، تاہم آزادی پسند سرگرمیوں کی پاداش میں قابض بھارتی انتظامیہ نے انہیں ملازمت سے برطرف کر دیا تھا۔
مرحوم 1987 میں مسلم متحدہ محاذ کے سرگرم رکن رہے اور اس دوران بھارتی انتظامیہ کی دھاندلی زدہ انتخابات کے بعد انہیں گرفتار کر کے کئی ماہ تک قید میں رکھا گیا۔پروفیسر عبدالغنی بھٹ نے 1993 میں کل جماعتی حریت کانفرنس کے چیئرمین کی حیثیت سے ذمہ داریاں سنبھالیں۔ وہ مسئلہ کشمیر کے پُرامن حل کے داعی تھے اور اپنی جدوجہد کے باعث ہمیشہ یاد رکھے جائیں گے۔
پروفیسر عبدالغنی بھٹ زندگی بھر بھارتی مظالم کے خلاف ڈٹے رہے اور آزادی کا خواب اپنی آنکھوں میں لے کر ہی دنیا سے رخصت ہو گئے۔
چیئرمین پی ٹی اے کی برطرفی کے خلاف اپیل، کل سماعت ہوگی
دورہ چین، صدر زرداری کا اُرومچی پہنچنے پر شاندار استقبال
افغانستان میں فائرنگ کے دوران بی ایل اے کمانڈر استاد مرید ہلاک
ٹرمپ کی ٹک ٹاک پابندی کی مدت میں چوتھی بار توسیع
ایشیا کپ: ریفری اینڈی پائی کرافٹ کی پاکستانی ٹیم سے معافی،وڈیو جاری