Tag: آل کراچی تاجر اتحاد

تاجروں کا 2025 عید سیل سیز ن بھی گذشتہ سالوں کی طرح انتہائی مایوس کُن رہا، ہولناک مہنگائی، معاشی تباہی اور قوتِ خرید میں حوصلہ شکن کمی نے تاجروں کے کاروبار اور غریب و متوسط طبقے کی عید کی خوشیاں منانے کے خواب بکھیر دیئے.

باغی ٹی وی کے مطابق آل کراچی تاجر اتحاد کے چیئرمین عتیق میر نے میڈیا کو بتایا کہ تباہی سے دوچار کاروبار، محدود آمدنی اور تسلسل کے ساتھ بڑھتی ہوئی ہوشربا اور ناقابلِ برداشت مہنگائی عوام کی عید کی خوشیاں بھی نگل گئی، قوتِ خرید نہ ہونے کے سبب عید کی ذیادہ تر خریداری خواتین اور بچوں کے ریڈی میڈ گارمنٹس، جوتے، پرس، کھلونے، ہوزری، آرٹیفیشل جیولری اور زیبائش کے سستے سامان تک محدود رہی، بیشتر خریداروں نے خواہشات کے برعکس صرف ایک سوٹ خریدنے پر اکتفا کیا، تاجروں نے عید سیل کے حوالے سے سال 2025کو 2024 سے بھی بدتر اور تباہ کن قرار دیا،عید شاپنگ کے حوالے سے مخصوص اور معروف تجارتی علاقوں کلفٹن، ڈیفنس، صدر، طارق روڈ، حیدری، گلشنِ اقبال، ناظم آباد، ملیر، لانڈھی، گلستانِ جوہر، لیاقت آباد، بہادر آباد، جوبلی، جامع کلاتھ، اولڈ سٹی اور دیگر علاقوں کی200سے زائد مارکیٹیں عید کی روائتی خریداری کی منتظر رہیں.

عتیق میر نے کہا کہ ملک میں کسی غیرمتوقع سیاسی و معاشی بحران کے اندیشوں کا شکار تاجر مال منجمد ہوجانے کے خوف سے زیادہ اسٹاک جمع کرنے میں ہچکچاہٹ کا شکار رہے، انھوں نے کہا کہ موجودہ صورتحال سے تاجروں کیلئے کاروباری و گھریلو اخراجات پورا کرنا مشکل اور ادھار پر لیئے گئے مال کی ادائیگیوں کے لالے پڑگئے ہیں، انھوں نے انتہائی افسوس اور دکھ کا اظہار کرتے ہوئے کہا کہ حسبِ روایت رواں سال بھی ماہِ رمضان میں مصنوعی مہنگائی مافیا اور موقع پرستوں نے مہنگائی کی روک تھام کے حکومتی اداروں کی ملی بھگت سے اشیائے خورد و نوش کی قیمتوں کو آسمان پر پہنچاکر غریب اور متوسط طبقے کی کمر توڑ دی اور ان کیلئے زندگی کی بنیادی سہولیات کا حصول مشکل ترین بنادیا.

انھوں نے شہر میں امن و امان کے ذمے دار اداروں پر کڑی تنقید کرتے ہوئے کہا کہ رمضان المبارک میں پولیس،ڈاکو اور لٹیرے ایک ہی صف میں کھڑے نظر آئے جو لٹیروں سے بچ گیا وہ پولیس کے ہتھے چڑھ گیا، پارکنگ مافیا نے بھی بہتی گنگا میں ہاتھ دھوئے اور میئر کراچی کے احکامات کو ہوا میں اڑاتے ہوئے بدمعاشی اور غنڈہ گردی سے پارکنگ فیس وصول کی جاتی رہی، مقامی و غیر مقامی گداگروں کی فوجِ ظفر موج شہر میں دندناتی رہی جن کی روک تھام کیلئے سرکاری سطح پر کوئی بھی حکمت عملی اختیار نہیں کی گئی۔

عید کے باعث رش، موٹرویز کے لیے ٹریول ایڈوائزری جاری

کاریں چرانے والا سب انسپکٹر گرفتار،بیٹا گینگ کا سرغنہ

وزیراعظم شہباز شریف سے وزیر داخلہ کی اہم ملاقات

ڈاکووں کو سرکاری افسر سے لوٹ مار مہنگی پڑ گئی

آرمی چیف جنرل عاصم منیر کا کہنا ہے کہ ایک سال پہلے آپ سے کہا تھا کہ مایوس نہ ہوں مایوسی گنا ہ ہے ،پاکستان کی خوشحالی کے بارے میں کبھی بھی امید نہیں چھوڑتا،مایوسی گناہ ہے،پاکستان مختلف شعبوں میں غیر معمولی صلاحیت رکھتا ہے.

باغی ٹی وی کی رپورٹ کےمطابق اپنے دورہ کراچی کے دوران آرمی چیف نے تاجربرادری سے ملاقات کی۔پاک فوج کے ترجمان آئی ایس پی آر کے مطابق ملاقات کے دوران معیشت سے متعلق تاجر برادری کے ساتھ اہم امور زیر بحث آئے۔ملاقات کے دوران آرمی چیف نے تاجر برادری کو ایس آئی ایف سی کے ساتھ مل کر کام کرنے کی دعوت دی۔آرمی چیف کاگفتگو کرتے ہوئے کہنا ہے کہ کراچی کی کاروباری برادری کے مسائل ترجیحی بنیادوں پر حل ہوں گے۔ بے پناہ وسائل اور صلاحیت کے پیش نظر پاکستان اقوام عالم میں اپنا جائز مقام حاصل کرنا چاہتا ہے۔مغربی سرحد پر اسمگلنگ پر قابو پانے سے معیشت پر مثبت اثرات مرتب ہوئے۔

فوج غیر قانونی سرگرمیوں کے خلاف کارروائی کیلئے پرعزم ہے۔انہوں نے کہا کہ گوگل اور دیگر بین الاقوامی کمپنیاں پاکستان میں سرمایہ کاری کر رہی ہیں۔ کاروباری برادری کے تعاون کے بغیر یہ کامیابیاں ممکن نہ تھیں۔ پاکستان کے روشن مستقبل پر سب کو غیر متزلزل اعتماد ہونا چاہیے۔ آئی ایس پی آر کے مطابق آرمی چیف کا گفتگو کے دوران مزید کہنا تھا کہ معاشرے میں مایوسی پیدا کرنے کی ناکام کوششوں کو اجتماعی کاوشوں سے شکست دی۔
برادر دوست ممالک کی پاکستان کی معاشی بحالی میں کردار قابل ستائش ہے۔ چین، سعودی عرب اور یو اے ای کی جانب سے پاکستان کی معاشی بحالی میں کردار قابل ستائش ہے۔خیال رہے کہ گزشتہ روز بھی آرمی چیف جنرل عاصم منیر نے کہا تھا کہ پاکستان کے پاس مختلف شعبوں میں ترقی کیلئے نمایاں صلاحیت موجود ہے۔پاکستان کے پاس دستیاب بے پناہ وسائل اور صلاحیتیں ہیں۔
پاکستان اقوام عالم کی صف میں اپنا جائز مقام ضرورحاصل کرے گا۔آئی ایس پی آر کے مطابق آرمی چیف جنرل سید عاصم منیر نے کراچی کور کا دورہ کیاتھا جہاں آرمی چیف نے بزنس کمیونٹی سے ملاقات کی تھی۔آرمی چیف سے ملاقات کرنے والے تاجروں اور کاروبار شخصیات نے مثبت معاشی اشاریوں کے حصول پر ایس آئی ایف سی پر اظہار اعتماد کیا تھا۔اس موقع پر گفتگو کرتے ہوئے آرمی چیف کا کہنا تھا کہ پاکستان کے پاس مختلف شعبوں میں ترقی کیلئے نمایاں صلاحیت موجود ہے۔
سب کو پاکستان کے روشن مستقبل پر بھرپور اعتماد اور یقین رکھنا چاہیے۔ پاکستان کے پاس دستیاب بے پناہ وسائل اور صلاحیتیں ہیں۔ پاکستان اقوام عالم کی صف میں اپنا جائز مقام ضرور حاصل کرے گا۔پاک فوج کے ترجمان آئی ایس پی آر کا مزید کہنا تھا کہ آرمی چیف نے ملکی معاشی ترقی میں کاروباری برادری کی تعریف کی۔ شرکاءنے بھی ایس آئی ایف سی پراعتماد کااظہارکیا۔آرمی چیف نے کہا کہ تمام سٹیک ہولڈرز کی مدد سے معاشرے میں مایوسی پھیلانے والوں کوشکست دی گئی۔دورے کے دوران آرمی چیف نے کراچی میں انو وسٹا انڈس آئی ٹی پارک کا افتتاح بھی کیا تھا۔ اس آئی ٹی پارک کا مقصد اکڈیمیا اور صنعتی اشتراک سے پاکستانی نوجوانوں کو آئی ٹی کے میدان میں با اختیار بنانا تھا۔ انووسٹا انڈس آئی ٹی پارک میں بالخصوص مصنوعی ذہانت پر توجہ مرکوز کی جا رہی تھی۔

وزیراعلی سندھ سید مراد علی شاہ سمیت سول سوسائٹی کے عمائدین بھی افتتاحی تقریب میں شریک ہوئے تھے۔وزیراعلی سندھ سید مراد علی شاہ نے آئی ٹی کی اہمیت اجاگر کرتے ہوئے نوجوانوں کی صلاحیتوں سے فائدہ اٹھانے پر زور دیاتھا اس موقع پر آرمی چیف نے کراچی میں کاروباری برادری سے بھی ملاقات کی اور ملک کی اقتصادی شرع نمو میں اضافے کیلئے کاروباری برادری کے کردار کو سراہا تھا جبکہ آرمی چیف نے چین،برطانیہ،سعودی عرب اوریواےای کےکردارکی تعریف بھی کی تھی۔

آل کراچی تاجر اتحاد نے آئی پی پی کی جانب سے بجلی کی قیمت مٰیں کمی کا فیصلہ خوش آئند قراردے دیا

باغی ٹی وی کی رپورٹ کے مطابق جاری بیان میں آل کراچی تاجر اتحاد کے صدر عتیق میر نے کہا ہے کہ بجلی کی قیمتوں میں کمی کے حوالے سے ایشیاء پاک انویسٹمنٹ نے انقلابی قدم اٹھایا ہے، منافع میں کمی کے اعلان سے بجلی کے صارفین کو فائدہ پہنچے گا.پاکستان میں پہلی بار نجی پاور پروڈیوسر نے بجلی کی قیمتوں میں رضاکارانہ کمی اور معاہدے پر نظر ثانی کی پیشکش مستحسن اقدام ہے .کمپنی کے سی ای او شہریار چشتی کی جانب سے صنعتی اور گھریلو صارفین کو سستے داموں بجلی کی فراہمی کی یقین دہانی حوصلہ افزاء ہے .پاکستان میں پہلی بار کسی نجی پاور پروڈیوسر کا اپنے منافع میں کمی اور معاہدے کو ڈالر سے پاکستانی روپے میں منتقل کرنے کی پیشکش سودمند ثابت ہوگی. انہوں نے کیپسٹی پیمنٹس کا ڈرامہ صریحا فراڈ ہے مکمل تحقیقات کی جائے،لبرٹی پاور کمپنی کے ان اقدامات سے دیگر پاور کمپنیاں بھی تقلید پر آمادہ ہونگی.

فوجی عدالتوں سے سزا یافتہ مجرمان کی اپیلوں پر سماعت ملتوی

صدر زرداری سے وزیرِ اعلیٰ سندھ کی ملاقات

واضح رہے کہ گزشتہ روز ملک میں پہلی آئی پی پی نے رضاکارانہ طور پر ریٹرن آن ایکیوٹی 18 فیصد سے کم کر کے 10 فیصد کرنے کا اعلان کیا تھا. کراچی میں پریس کانفرنس کرتے ہوئے سی ای او آئی پی پی عمران خان کا کہنا تھا کہ ہم ریٹرن آن ایکیوٹی کو رضا کارانہ 18 فیصد سے 10 فیصد کر رہے ہیں۔انہوں نے کہا کہ یہ رضاکارانہ فیصلہ اس لیے کر رہے ہیں کہ بجلی فروخت ایسا کاروبار بن گیا ہے کہ جس کی خریداری مشکل ہو رہی ہے۔عمران خان نے کہا کہ ہم نے اپنے نجی بجلی گھر کیلئے ڈالر کے بجائے روپے میں ریٹرن کی پیشکش کی۔ شہریار چشتی نے کہا کہ 2021 میں آئی پی پیز کے ریٹ آف ریٹرن میں 11 فیصد کمی کی گئی تھی اب وقت آگیا ہے کہ دوبارہ ایسا کیا جائے۔ سی ای او آئی پی پی عمران خان نے بتایا کہ حکومت نے آئی پی پیز سے تجاویز مانگی ہیں جبکہ ہم نے اپنی پیشکش حکومت کو بھیج دی ہے۔

اسکولوں ، مدرسوں میں بچوں کا ریپ ،ملزمان کو کیسے چھوڑ دیا جاتا ؟ سینیٹ میں آواز اٹھ گئی