آندھرا پردیش: بھارت میں سفاک شخص نے کالی رنگت کو وجہ بناکر مبینہ طور پر 18 ماہ کی بیٹی کو زہر کھلاکر مار ڈالا۔

باغی ٹی وی : بھارتی میڈیا کے مطابق ریاست آندھرا پردیش کے پیٹسانے گنڈلا گاؤں سے تعلق رکھنے والے مہیش نے 18 ماہ کی بیٹی اکشیا کو پرساد میں زہر ملاکر کھلادیا، بعد ازاں مہیش نے اپنی اہلیہ کو بچی کی موت کے حوالے سے بھی جھوٹ بولنے پر مجبور کیا، شراوانی نامی خاتون نے کالی رنگت والی بیٹی کو جنم دینے پر شوہر اور سسرال والوں کی طرف سے تشدد اور بیٹی کو قتل کرنے کا مقدمہ درج کروایا ہے۔

ایف آئی آر میں شراوانی نے کہا کہ اس کے سسرالی اسے بچی کے پاس نہیں جانے دیتے تھے، 31 مارچ کو خاتون نے اپنی بچی کو بے ہوش پایا جس کی ناک سے خون بہہ رہا تھا جس کے بعد اسپتال لے جانے پر ڈاکٹروں نے بچی کو مردہ قرار دے دیا، مہیش نے شراوانی کو مجبور کیا کہ وہ اکشیا کی موت کی وجہ سے متعلق رشتہ داروں سے کہے کہ بچی کی موت دورہ پڑنے سے ہوئی جس کے بعد بچی کی لاش کو جلد ازجلد دفن کر دیا گیا تاہم شراوانی کی ماں نے مقامی پولیس میں شکایت درج کرادی، مہیش اس سے قبل بھی اکشیا کو دیوار پر پھینک کر ، کمرے میں بند رکھ کر اور پانی کے ٹب میں ڈبو کر قتل کرنے کی کوشش کرچکا تھاپولیس نے بیٹی کے قاتل باپ کے خلاف مقدمہ درج کرلیا اور بچی کی لاش کو پوسٹ مارٹم کےلیے اسپتال منتقل کردیا۔

بچہ ماں سے چھین کر بیرون ملک بھیجنے کا معاملہ، وزیر داخلہ اور وزیر خارجہ …

وزیرِ اعظم شہباز شریف کی وفد کے ہمراہ عمرہ کی ادائیگی ،خانہ کعبہ کے …

سندھ میں کنویں کی کھدائی کے دوران گیس کا ذخیرہ دریافت

حیدرآباد: ریاست آندھرا پردیش میں اردو کو دوسری سرکاری زبان کی حیثیت دیتے ہوئے ریاستی کابینہ میں ترمیمی بل منظور کر لیا گیا-

باغی ٹی وی : بھارتی میڈیا کے مطابق رواں ماہ 7 مارچ کو آندھرا پردیش کی کابینہ کا اجلاس منعقد ہوا، جس کی صدارت وزیر اعلیٰ وائی ایس جگن موہن ریڈی گارو نے کی۔

کیس کی سماعت اردو میں کریں، ہمیں انگریزی سمجھ نہیں آ رہی،چیف جسٹس پاکستان

اجلاس میں آندھرا پردیش میں اردو کو دوسری سرکاری زبان کا موقف دینے کی قرارداد پیش کی گئی اور متفقہ طور پراسے منظور کرلیا گیا۔

واضح رہے کہ قبل ازیں صرف چند منتخب اضلاع ہی میں اردو کو دوسری سرکاری زبان کا موقف حاصل تھا۔ اب ریاستی سطح پر اردو کو دوسری سرکاری زبان کا درجہ مل گیا ہے۔

خیال رہے کہ ریاستی کابینہ کے اے پی آفیشل لینگویجز ایکٹ میں ترمیم کے بعد ہی اردو زبان کو یہ درجہ ملا ہے۔

کشمیریوں پر مظالم سے باز آجائیں:یورپی پارلیمنٹ کا نریندر مودی سے بڑا مطالبہ

دوسری جانب سپریم کورٹ آف پاکستان میں اردو کوملک کی سرکاری زبان کے طور پر رائج کرنے سے متعلق کیس کی سماعت کے دوران درخواست گزار کے وکیل کو چیف جسٹس پاکستان نے انگریزی بولنے پر ٹوک دیاچیف جسٹس پاکستان عمر عطا بندیال نے ریمارکس دیئے کہ کیس کی سماعت اردو میں کریں، ہمیں انگریزی سمجھ نہیں آ رہی۔

راجیوگاندھی کے قتل میں ملوث مجرم 32 سال بعد ضمانت پر رہا

چیف جسٹس پاکستان عمر عطا بندیال نے ریمارکس دیئے کہ یہ اچھی بات نہیں کہ حکومت اردو زبان کے نفاذ میں تاخیر کر رہی ہے وکیل کوکب اقبال نے کہا کہ امیر کا بچہ سی ایس ایس کر لیتا ہے اور غریب بس کلرک ہی بنتا ہے، چیف جسٹس نے ریمارکس دیئے کہ اس بات سے اتفاق نہیں کرتا، ہمارے بزرگ انگریزی کے بجائے عربی اور فارسی جانتے تھے۔

بھارتی وزیر اعلیٰ گوبرکے بریف کیس کے ساتھ اسمبلی پہنچ گئے

واضح رہے کہ ستمبر 2015 میں سابق چیف جسٹس جواد ایس خواجہ نے اردو کو سرکاری زبان کے طور پرنافذ کرنے کا حکم دیا تھا اور تحریری فیصلہ بھی اردو میں جاری کیا تھا سائلین بھی متعدد بار یہ شکایت کرچکے ہیں کہ کیس کی کارروائی انگریزی میں ہونے کی وجہ سے انہیں سمجھ ہی نہیں آتی، جو بعد میں انہیں وکیل سے پوچھنی پڑتی ہے۔

بھارت:واٹس گروپ میں پاکستانی پرچم کی تصویر پوسٹ کرنیوالی طالبہ پربغاوت کا مقدمہ…