منڈی بہاؤالدین میں ایک پٹرول پمپ پر اُس وقت ہولناک آگ لگ گئی جب آئل ٹینکر سے ایندھن منتقل کیا جا رہا تھا، آگ نے نہ صرف پمپ بلکہ قریب کھڑے ایک ٹرک کو بھی لپیٹ میں لے لیا۔
ریسکیو ذرائع کے مطابق واقعہ منڈی بہاؤالدین کے ایک مصروف علاقے میں پیش آیا، جہاں پٹرول پمپ پر آئل ٹینکر سے پٹرول کی منتقلی جاری تھی۔ اسی دوران اچانک آگ بھڑک اٹھی جس نے تیزی سے پورے ٹینکر اور قریبی تنصیبات کو اپنی لپیٹ میں لے لیا۔ریسکیو حکام کے مطابق آئل ٹینکر میں اس وقت 15 ہزار لیٹر پٹرول موجود تھا، جو آگ لگنے کے بعد مکمل طور پر متاثر ہوا۔ آگ کی شدت کے باعث قریبی ٹرک بھی جل گیا، جبکہ دھوئیں کے گھنے بادلوں نے پورے علاقے کو اپنی لپیٹ میں لے لیا۔
واقعے کی اطلاع ملتے ہی امدادی ٹیمیں فوری موقع پر پہنچ گئیں اور آگ بجھانے کا عمل شروع کر دیا گیا۔ تاحال کسی قسم کے جانی نقصان کی اطلاع موصول نہیں ہوئی۔ ریسکیو اہلکاروں کے مطابق آگ پر قابو پانے کی کوششیں تیزی سے جاری ہیں۔
سندھ اسمبلی کی توانائی کمیٹی کا اجلاس ہنگامہ خیز، کے الیکٹرک پر ارکان برہم
پاکستانی وفد کی اقوام متحدہ میں بھرپور سفارتی مہم، بھارتی پروپیگنڈا بے نقاب
لاکھوں مسلمان فریضہ حج کے لیے مکہ مکرمہ پہنچ گئے، انتظامات عروج پر
میرے سینے میں بہت کچھ ، کبھی کبھار جنرل باجوہ کے خلاف بول دیتا ہوں، خواجہ آصف
ملک بھر میں سونے کی قیمت میں اضافہ، فی تولہ 5 ہزار 900 روپے مہنگا