Tag: ائی سی سی

پاکستان کرکٹ ٹیم پرنیوزی لینڈ کیخلاف پہلے ون ڈے میں سلو اوور ریٹ پر جرمانہ عائد کردیا گیا ہے۔

آئی سی سی نے پاکستان پر میچ فیس کا 10فیصد جرمانہ عائد کیا ہے،پاکستان پر مقررہ وقت میں 2اوور کم کرانے پر جرمانہ عائد کیاگیا۔یاد رہے نیوزی لینڈ نے پہلے ون ڈے میں پاکستان کو 73 رنز سے شکست دی تھی،نیپئر میں پاکستان کی جانب سے ہدف کے تعاقب میں اننگز کا آغاز عبداللہ شفیق اور عثمان خان نے کیا، عثمان خان 39 رنز بنا کر آئوٹ ہوئے، عبداللہ شفیق 36 رنز بنا کر بریسویل کی گیند پر مچل کے ہاتھوں کیچ آئوٹ ہوئے۔ محمد رضوان 30 رنز بنا سکے۔

بابراعظم 78 رنز، طیب طاہر ایک رنز اور عرفان خان بغیر کوئی رنز بنائے پویلین لوٹ گئے۔ پاکستان کی ساتویں وکٹ نسیم شاہ کی گری وہ بغیر کوئی رنز بنائے آئوٹ ہوئے۔ حارث رئوف صرف ایک رنز بنا سکے۔ نویں وکٹ آغا سلمان کی گری انہوں نے 58 رنز بنائے۔پاکستان کی آخری وکٹ عاکف جاوید کی گری وہ ایک رنز بنا سکے، پاکستان کی پوری ٹیم 44.1 اوور میں 271 رنز بنا کر آئوٹ ہو گئی، اس طرح نیوزی لینڈ 73 رنز سے پہلا ون ڈے میچ جیت گیا۔

جدہ جانے والی پرواز بڑے حادثے سے بچ گئی

جدہ جانے والی پرواز بڑے حادثے سے بچ گئی

بھارت،مسلمانوں کی شناخت مٹانے کی مہم ،17مقامات کے نام تبدیل

بلوچ یکجہتی کمیٹی کی رہنما سمی دین بلوچ رہا

انٹرنیشنل کرکٹ کونسل نے نئی ورلڈ ٹیسٹ چیمپئین شپ کی نئی رینکنگ جاری کردی جس کے مطابق قومی ٹیم پہلے نمبر پر براجمان ہے جبکہ بھارت کا دوسرا نمبر ہے۔
سری لنکا کے خلاف گال ٹیسٹ میچ میں 4 وکٹوں سے کامیابی حاصل کرکے پاکستانی ٹیم 12 پوائنٹس کے ساتھ ٹاپ پوزیشن پر پہنچ گئی ہے،پاکستان کے 100 فیصد وننگ ریٹ ہیں جبکہ بھارت 66.67 فیصد کے ہمراہ دوسرے نمبر پر ہے۔
آسٹریلیا 54.17 کیساتھ تیسرے، انگلینڈ 29.17 فیصد کے ہمراہ چوتھے جبکہ 16.67 فیصد کے ساتھ پانچویں پوزیشن پر قابض ہے۔اسی طرح ورلڈ ٹیسٹ چیمپئین شپ کی رینکنگ میں بنگلہ دیش، نیوزی لینڈ، جنوبی افریقہ اور سری لنکا نے کوئی میچ نہیں کھیلا جس کے باعث ان کا کوئی پوائنٹ نہیں۔ویسٹ انڈیز اور بھارت کے درمیان کھیلی گئی دو میچز کی سیریز میں روہت شرما الیون نے ایک صفر سے کامیابی حاصل کی جبکہ ایک میچ کا اختتام ڈرا کی صورت میں ہوا۔

انٹرنیشنل کرکٹ کونسل (آئی سی سی) نے ورلڈکپ کوالیفائنگ راؤنڈ کے بعد ٹیم آف دی ٹورنامنٹ کا اعلان کردیا۔ جیو نیوز کے مطابق نیدرلینڈز کے کپتان اسکاٹ ایڈورڈز ٹیم آف دی ٹورنامنٹ کے کپتان مقرر کیے گئے، اس کے علاوہ سری لنکا، زمبابوے اور نیدرلینڈز کے تین تین کھلاڑی ٹیم آف دی ٹورنامنٹ میں شامل ہیں۔سری لنکا کے پٹنم نشاکا، وانندو ہسارانگا اور مہیش تھیکشانا ٹیم کا حصہ ہیں۔
اس کے علاوہ زمبابوے کے شان ولیمز، سکندر رضا اور رچرڈ نگاراوا ٹیم آف دی ٹورنامنٹ میں شامل ہیں۔نیدرلینڈز کے وکرم جیت سنگھ، بس ڈی لیڈ اور اسکاٹ ایڈورڈز ٹیم آف دی ٹورنامنٹ کا حصہ ہیں۔اس کے علاوہ اسکاٹ لینڈ کے برینڈن مک ملن اور کرس سول ٹیم آف دی ٹورنامنٹ میں شامل ہیں۔واضح رہے کہ ورلڈکپ کوالیفائنگ راؤنڈ میں سری لنکا اور نیدرلینڈز نےورلڈکپ کے لیے کوالیفائی کیا ہے۔

کرکٹ ورلڈکپ کوالیفائر کے سپر 6 مقابلے میں نیدرلینڈز نے سکاٹ لینڈ کو شکست دے کر بھارت میں ہونے والے میگا ایونٹ میں سیٹ پکی کر لی،،، زمبابوے کے شہر بلاوائیو میں کھیلے گئے میچ میں سکاٹ لینڈ نے نیدرلینڈز کو جیت کے لیے 278 رنز کا ہدف دیا جو اسے 44ویں اوورمیں حاصل کرنا تھا۔نیدرلینڈز نے ہدف 43ویں اوور میں ہی حاصل کرلیا۔ باس ڈی لیڈا نے 123 رنز کی شاندار اننگز کھیل کر اپنی ٹیم کو جیت کی راہ دکھائی، اس سے پہلے سکاٹ لینڈ کی جانب سے برینڈن میک مولین نے 106 رنز کی شاندار اننگز کھیلی جبکہ کپتان رچی برینگٹن نے 64 رنز بنائے۔ سینچری میکر ڈچ کھلاڑی باس ڈی لیڈا نے 5 وکٹیں بھی حاصل کیں، شاندار ال راؤنڈ کارکردگی پر انہیں پلیر اف دی میچ قرار دیا گیا۔اس میچ کے ساتھ ہی ائی سی سی ورلڈ کپ کی لائن اپ مکمل ہو گئی پہلے سری لنکا اور اب نیدرلینڈز نے مین راؤنڈ کے لیے کوالیفائی کر لیا ہے