جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے اکبری تکونیہ مسجد میں اجتماع سے خطاب کرتے ہوئے کہا کہ عمران خان کو ان کے دور حکومت میں ہم نے سانحہ ماڈل ٹاؤن کے ذمہ داروں کو کیفر کردار تک پہنچانے کیلئے باربار کہا لیکن انہوں نے ان کو سزائیں دلوانے کے بجائے رانا ثناء اللہ پر حقیقی مقدموں کو چھوڑ کر منشیات کے جھوٹے مقدمے قائم کئے اور ذمہ دار پولیس افسران کو ان کے عہدوں پر بحال کیا ان کوترقیاں دیں آج اگر وہ ہی لوگ ان کی پارٹی کے کارکنوں اور عہدیداروں پربقول ان کے ظلم کررہے ہیں تو اس کے ذمہ داروہ خود ہیں
ڈاکٹر صاحبزادہ ابوالخیر محمد زبیر کا کہنا تھا کہ اگر ماڈل ٹاؤن کے ذمہ داروں کو وہ کیفر کردار تک پہنچا دیتے تو آج ان کو یہ شکایت نہ کرنی پڑتی پی ڈی ایم عمران خان کے حالات سے سبق حاصل کرے اور نو مئی کے واقعات کے ذمہ داروں کو ضرورکیفر کردار تک پہنچائے لیکن عمران خان کی طرح بے گناہ لوگوں کو نو مئی کے واقعات میں ملوث کر کے ان پر جھوٹے مقدمات قائم کر کے اپنے حریف کی سیاست ختم کر کے اپنی سیاست چمکانے کی کوشش نہ کرے ان کو اچھی طرح یاد رکھنا چاہئے کہ وقت کے حکمرانوں نے ذوالفقارعلی بھٹو کی پارٹی اور ان کی سیاست ختم کرنے کیلئے ان کو پھانسی پرچڑھا دیا اور ایم آر ڈی کی تحریک میں ان کے کارکنوں پر کوڑے برسائے لیکن بھٹو زندہ کے نعرے آج بھی لگ رہے ہیں اور بھٹو کی پارٹی آج بھی قائم ہے اور حکومت کررہی ہے ملک اس وقت جن بحرانوں میں گھرا ہوا ہے اس کا حل صرف اور صرف مذاکرات ہیں جس پر دونوں فریقوں کو سنجیدگی کے ساتھ غور کرکے مذاکرات کے عمل کا فوری آغاز کرنا چاہئے
رینجرز ہیڈکواٹرمیں ترجمان رینجرز نے صحافیوں کو سالانہ رپورٹ پربریفنگ دی ہے،
موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف