Tag: احتجاج

پنجاب کے صوبائی دارالحکومت لاہور میں نابینا افراد اپنے مطالبات کو لے کر سڑکوں پر نکل آئے

سیکرٹریٹ چوک میں نابینا افراد کا احتجاج و دھرنا جاری ہے، نابینا افراد کا مطالبہ ہے کہ انکے ساتھ سرکاری نوکریوں میں کوٹے پر بھرتیوں پر عمل نہیں کیا جا رہا، نابینا افراد کے ساتھ زیادتی کی جا رہی ہے، ہمارے مطالبات تسلیم کئے جائیں اور ہمیں جائز حق دیا جائے، احتجاج میں درجنوں سپیشل افراد شریک ہیں،

نابینا افراد کے احتجاج کے دوران سی ٹی او لاہور عمارہ اطہر نے ایمبولینسز  کےلئے فوری راستہ کلیئر رکھنے کی ہدایت کر دی،ڈی ایس پی انارکلی کی نگرانی میں اضافی 4 سینئر وارڈنز، 23 وارڈنز ٹریفک کا بہاؤ یقینی بنارہے ہیں، سی ٹی او کے مطابق ایم اے او کالج چوک سے سیکرٹریٹ دونوں اطراف میں ڈائیوشن لگائی گئی ہے، سول ڈیفنس چوک سے جانب سیکرٹریٹ بھی دونوں اطراف سے بند ہے، پی ایم جی چوک سے سیکریٹریٹ چوک، چرچ چوک ٹریفک کو چلایا جارہا ہے،  آؤٹ فال روڈ سے آنے والی ٹریفک کو پی ایم جی چوک،استنبول اورٹولٹن چوک ڈائیورٹ کروایا جارہا ہے،  داتا صاحب سے آنے والی ٹریفک کو کچہری چوک سے نیو انارکلی ڈائیورٹ کروایا جارہا ہے،  متبادل راستوں پر ٹریفک رواں دواں رکھی گئی ہے ، شہریوں کو راستہ ایپ کے ذریعے لمحہ بہ لمحہ آگاہ رکھا جارہا ہے،

واضح رہے کہ نابینا افراد نے مال روڈ پر دھرنا دیا تھا جس پر حکومت نے کہا تھا کہ پہلے مرحلے میں 80 سے زائد نابینا افراد کو نوکریاں دی گئی ہیں، جس میں ڈیلی ویجز ملازمین کو نوکریوں پر مستقل بھی کیا گیا ہے، ایم پی اے نذیر احمد چوہان نے بادامی باغ شیلٹر ہاوس میں نابینا افراد میں نوکریوں کے لیٹر تقسیم کیے تھے۔ دوسرے مرحلے میں مزید نابینا افراد کو ان کی تعلیم کے مطابق نوکریاں دی جائیں گی۔

انسدادِ دہشت گردی عدالت کے باہر تحریک انصاف کے رہنما، رکن قومی اسمبلی سردار لطیف کھوسہ نےمیڈیا سے گفتگو کرتے ہوئے کہا کہ جعلی حکومت نا آئین کو مانتی ہے نا کوئی احکامات مانتے ہیں،

سردار لطیف کھوسہ کا کہنا تھا کہ پر امن احتجاج ریکارڈ کروانے کا حق بھی چھینے کی کوشش ہوئی، اگر بنیادی حق چھین لیا تو انہوں نے پاکستان کو بڑا قید خانہ بنا دیا ہے ، کل ہمارے ایم این ایز اور ایم پی ایز اور ٹکٹ ہولڈرز نے احتجاج ریکارڈ کروانا تھا، ہم نے مینیڈیٹ چوری کے خلاف احتجاج کرنا تھا ، الیکشن کمیشن کی ویب سائٹ کچھ کہتی ہے مگر وہ بھی آفیشل ویب سائٹ کا ڈرامہ پوری دنیا نے دیکھ لیا،چار حلقوں کا آڈٹ کروا لیں، دودھ کا دودھ، پانی کا پانی ہو جائے گا، اسلام آباد کے کسی حلقے کا آڈٹ کروا لیں،خواجہ آصف، نواز شریف، عون چودھری کے حلقوں کا آڈٹ کروا لیں،

لطیف کھوسہ کا کہنا تھا کہ 9 مئی سے لیکر 8 فروری تک کے معاملات کے لیے ایک کمیشن قائم کیا جائے ، عوام نے بتایا ہے کہ بانی پی ٹی آئی ہی عوام کا لیڈر ہے،بانی پی ٹی آئی کی ایک ہی شرط ہے کہ چار حلقوں کا آڈٹ کروا لیں، نواز شریف ، عون چوہدری اور اسلام آباد کی کسی سیٹ کا آڈٹ کروا لیں، اس کے علاوہ کوئی شرط نہیں ہے ،جس نے فراڈ کیا اسکے خلاف آرٹیکل چھے کا مقدمہ درج ہونا چاہیے،میرا اسمبلی میں پہلا ہی یہ بل ہو گا، ہم اجلاس شروع نہیں ہونے دیں گے جب تک یہ معاملے حل نہیں ہوتے ، یہ ڈنڈا شاہی سے حکومت نہیں کر سکتے ،یہ پرامن رہنے کا حق نہیں چھین سکتے ہیں ،میں خود متاثر ہوں میرے ساتھ بھی ظلم ہوا ،ہم سب ایم این اے اور ایم پی اے نے اکٹھا ہونا تھا ، ہم نے جی پی او چوک سے پنجاب اسمبلی تک پرامن احتجاج ریکارڈ کرانا تھا ،یہ جعلی حکومت فارم پینتالیس اور سینتالیس کی ردوبدل کا نتیجہ ہے ،کل انہوں نے چھے مقدمات لاہور میں درج کیے اسلام آباد ، سندھ ، پنجاب میں الگ الگ قانون ہیں ، مجھ پر ایف آئی آر درج کی اور ڈرامہ کیا ،یہ غیر قانونی گرفتاریاں ہیں پانچ دہائیوں پر محیط قانون سے وابستہ ہوں مجھے چھے گھنٹے حبس بے جا میں رکھا گیا ،پولیس خود بھی معذوری کا اظہار کر رہے تھے کہ حکم ہے ،سعد رفیق کو کہا کہ بہت مہربانی کہ تم نے اصلیت دکھا دی ، سعد رفیق نے کل فون کر کے کہا کہ میرا اس کے ساتھ کوئی تعلق نہیں ہے ،چھے گھنٹے بعد مجھ سے بیس ہزار کا مچلکہ لے کر چھوڑنے کا کہا ، میرے ڈرائیور اور میری گاڑی کو کسی دہشت گردی کے مقدمہ میں ڈال دیا ہے،اتوار کا دن تھا کوئی سڑکیں بلاک نہیں کیں ،نہ ہی کوئی توڑ پھوڑ کی، کسی پاس کوئی اسلحہ نہیں ہے،

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ

انتخابات میں دھاندلی اور الیکشن کمیشن کی جانب سے مخصوص سیٹیں نہ ملنے پر احتجاج کرنیوالے پی ٹی آئی کارکنان کے خلاف لاہور میں سنگین دفعات کے تحت مقدمہ درج کر لیا گیا ہے

تحریک انصاف کے رہنماؤں اور کارکنان پر دہشت گردی، اغواء، کارِ سرکار میں مداخلت اور ہراساں کرنے کے مقدمات درج کیے گئے ہیں،ایف آئی آر کے مطابق مقدمے میں تحریک انصاف کی خواتین کارکنان سمیت 38 کارکنان نامزد ہیں،درج مقدمے میں کہا گیا ہے کہ حافظ فرحت عباس نے کارکنان کو سرکاری املاک کونقصان پہنچانے پر اکسایا، پی ٹی آئی کارکنان نے سرکاری گاڑی کو بھی نقصان پہنچایا، حافظ فرحت عباس نے 4، 5 نامعلوم ساتھیوں سمیت شدید فائرنگ کی، ساتھیوں کے ہمراہ کانسٹیبل کی وردی پھاڑ دی، حافظ فرحت عباس کو قابو کر کے پولیس نے پستول بھی برآمد کیا، تحریک انصاف کے سوشل میڈیا ایکٹوسٹ وقاص کو بھی گرفتار کیا گیا ہے،آج گرفتار کارکنان کو عدالت میں پیش کیا جائے گا

پی ٹی آئی رہنما میاں محمود الرشید کے بیٹے حسن کو آج دہشت گردی عدالت پیش کیا جائے گا ،احتجاج کے دوران گرفتار پی ٹی آئی رہنما میاں ہارون اکبر ،جمال حسن ، وقاص ،تقی رضا ، حبیب اللّہ سمیت کو عدالت میں پیش کیا جائے گا

دوسری جانب رات گئے تحریک انصاف کے گرفتار رہنماؤں لطیف کھوسہ اور سلمان اکرم راجہ کو رہا کردیا گیا ہے،دونوں کو گزشتہ روز احتجاج کے دوران گرفتار کیا گیا تھا، لطیف کھوسہ اور سلمان اکرم راجہ کو پولیس نے اچھرہ سے احتجاج کرتے ہوئےگرفتار کیا تھا جنہیں رات گئے رہا کردیا گیا ہے

اسلام آباد میں احتجاج کرنے پر پی ٹی آئی رہنماؤں کے خلاف ایک اور مقدمہ درج
علاوہ ازیں اسلام آباد میں احتجاج کرنے پر پی ٹی آئی رہنماؤں کے خلاف ایک اور مقدمہ درج کر لیاگیا،مقدمہ کارسرکار میں مداخلت، دفعہ 144 کی خلاف ورزی، ایمپلیفائر ایکٹ، اسلحہ کی نمائش اور سڑک بلاک کرنے کے الزام پر درج کیا گیا,مقدمے میں شیر افضل مروت، ملک شفقت عوان، علی بخاری، شعیب شاہین، عامر مغل، شوکت بسرا، ایاز میر، خالد خورشید اور سیمابیہ طاہر نامزدکی گئی ہیں،پی ٹی آئی قیادت کے ساتھ ایک ہزار سے زائد نامعلوم افراد بھی شامل ہیں،مقدمہ اسلام آباد کے تھانہ کوہسار میں درج کیا گیا

پنجاب اسمبلی کا اجلاس ایک گھنٹہ 29 منٹ کی تاخیر سے شروع ہو گیا ہے

اجلاس کی صدارت سپیکر پنجاب اسمبلی ملک محمد احمد خان کر رہے ہیں۔پنجاب اسمبلی میں زبردست ہنگامہ آرائی کی گئی ہے، سنی اتحاد کونسل کے اراکین نے حکومت مخالف نعرے لگائے ہیں اور کہا کہ مخصوص نشستوں پر ڈاکہ نہیں ڈالنے دیں گے،پنجاب اسمبلی میں تحریک انصاف کے ارکان نے عمران خان کی تصاویر اٹھا کر احتجاج کیا،پنجاب اسمبلی کے اجلاس میں اپوزیش کے شور شرابے میں مخصوص نشستوں پر منتخب ارکان نے حلف اٹھا لیا۔اپوزیشن کے شور شرابے کے دوران سپیکر پنجاب اسمبلی ملک محمد حمد خان نے ارکان کا حلف جاری رکھا۔پنجاب اسمبلی کے آج کے اجلاس میں خواتین کی 21 مخصوص نشستوں اور اقلیتوں کی 3 نشستوں پر حلف لیا گیا ،

پنجاب اسمبلی،عمران خان، قریشی،پرویز الہیٰ و دیگر کی رہائی کے لیے قرارداد جمع
پنجاب اسمبلی میں عمران خان ،شاہ محمود قریشی ،پرویز الہی سمیت دیگر رہنماوں کی رہائی کی قرارداد جمع کروا دی گئی ہے، قرارداد کے متن میں کہا گیا ہے کہ امت مسلمہ کے لیڈر عمران خان کے خلاف جتنی بھی غیر قانونی ایف آئی آرز درج ہیں ان کو فی الفور ختم کیاجائے، عمران خان کو فوری رہا کیا جائے اور قانون کا غلط استعمال بند کیاجائے، شاہ محمود قریشی ،یاسمین راشد، پرویز الٰہی ، عمر سرفراز چیمہ، اعجاز چوہدری، میاں محمود الرشید اور صنم جاوید سمیت تمام دیگر سیاسی قیدیوں کو رہا کیاجائے، عمران خان پر ناجائز مقدمات کی کوئی قانونی حیثیت نہیں ہے،انتقامی سیاست ملکی مفاد میں ہے اور نہ ہی عوام کے مفاد میں ہے،تمام مقدمات عمران خان کو عوام سے دور کرنے کےلئے بنائے گئے ہیں، بے گناہ صحافیوں عمران ریاض خان اور اسد طورپر بھی بے بنیاد مقدمات کو ختم کرکے رہا کیاجائے،

قبل ازیں پنجاب اسمبلی میں اپوزیشن رہنما رانا آفتاب کا کہنا ہے کہ پنجاب حکومت چاہ رہی ہے کہ جلدی سے حلف لے لیں، کیوں کہ عدالت میں کیس لگا ہوا ہے،پنجاب اسمبلی کے باہر اپوزیشن رہنما رانا آفتاب نے میڈیا سے گفتگو کے دوران کہا کہ اجلاس اس لیے آج بلوایا، تاکہ حلف دلوا کر کل ووٹ دلوایا جائے، ہم اس کی مذمت کرتے ہیں، ہم ہاؤس کے اندر رہ کر احتجاج کریں گے،

دوسری جانب اسپیکر پنجاب اسمبلی ملک محمد احمد خان نے میڈیا سے گفتگو کرتے ہوئے کہا ہے کہ ارکانِ اسمبلی کی سہولت کے لیے اجلاس بلانے کا وقت تبدیل کیا گیا، کل صدارتی الیکشن ہے، سوچا کہ نمازِ جمعہ سے پہلے اجلاس بلا لیا جائے، لاہور ہائی کورٹ میں کیس کی سماعت کی وجہ سے اجلاس جلدی نہیں بلایا۔

دوسری جانب عورتوں کے عالمی دن کے حوالے سے پنجاب اسمبلی میں قرارداد جمع کروائی گئی ہے،قرارداد پاکستان مسلم لیگ ن کی رکن پنجاب اسمبلی کنول لیاقت ایڈووکیٹ نے جمع کروائی ،قرارداد میں پہلی خاتون وزیر اعلی پنجاب کی طرف سے اپنی پہلی تقریر میں خواتین کی فلاح و بہبود کے لئے کیے جانے والے اعلانات کو سراہا گیا ھے

قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار

یومِ خواتین مریم نواز کے نام، تحریر:محمد نورالہدیٰ

خواتین کو با اختیار بنا نے کیلیے صلاحیتوں کو نکھارنے پر کام کرنا ہو گا،نیلوفر بختیار

عورت مارچ رکوانے کے لئے درخواست خارج

عورت مارچ کے خلاف برقع پوش خواتین سڑکوں پر آ گئیں، بے حیائی مارچ نا منظور کے نعرے

اسلام آباد: عورت مارچ اور یوم خواتین ریلی کے شرکا میں تنازع، عورت مارچ شرکاء نے دیکھتے ہی غلیظ نعرے اورپتھراو شروع کردیا

عورت مارچ پر پتھراوَ کرنے والوں کے خلاف مقدمہ درج

حنا پرویز بٹ "عورت مارچ” کے حق میں کھڑی ہو گئیں

مردوں کو دھمکی نہیں پیار سے سمجھاؤں گی کہ خواتین گھر کا اہم حصہ ، خواتین کو عزت دیں،عظمیٰ بخاری
صوبائی وزیر اطلاعات عظمی بخاری نے پنجاب اسمبلی میں میڈیا سے گفتگو کرتے ہوئے کہا کہ آٹھ مارچ کا دن میرے لیے بہت اہم ہے،ویسے تو ہر دن خواتین کا ہوتا ہے،آج کا دن اس لئے سپیشل ہے کہ مریم نواز پہلی خاتون وزیر اعلی بنی ہیں، وزیر اعلیٰ مریم نواز خواتین کےلیے جو اقدامات اٹھانے جا رہی ہے وہ قوم کو بتائیں گی۔ خواتین کےلئے سیفٹی ایپ کا افتتاح مریم نواز کریں گی، مردوں کو دھمکی نہیں پیار سے سمجھاؤں گی کہ خواتین گھر کا اہم حصہ ، خواتین کو عزت دیں،عورت مارچ ہونا چاہئیے میں خواتین کے حقوق کی ہمیشہ داعی رہی ہوں، اپوزیشن کا کام ہی احتجاج کرنا ہے احتجاج آج بھی کوئی نیا کام نہیں ہوگا،ہم اپوزیشن کو مانتے ہیں وہ بیٹھیں اور اپنا آئینی کردار ادا کریں،

اڈیالہ جیل میں قید سابق وزیراعظم عمران خان کی کال پر تحریک انصاف آج انتخابی دھاندلی کے خلاف ملک بھر میں احتجاج کر رہی ہے

لاہور، راولپنڈی،لیہ، گوجرانوالہ، سیالکوٹ، میانوالی، چکوال سمیت کئی شہروں میں تحریک انصاف کے کارکنان نے احتجاج کیا،پولیس کا کہنا ہے کہ دفعہ 144 نافذ ہے، لاہور میں پولیس نے احتجاج کرنے والے شرکا کو گرفتار کیا ہے، گرفتار ہونے والوں میں میاں شہزاد فاروق اور حافظ ذیشان بھی شامل ہیں، لاہور میں پی ٹی آئی کا احتجاج ہائیکورٹ کے دروازے پر ہوا جس میں انصاف لائرز فورم اور پارٹی کارکنان نے شرکت کی،مظاہرین نےالیکشن مینڈیٹ کی مبینہ چوری کیخلاف نعرے بازی بھی کی، شہزاد فاروق اورحافظ ذیشان ریلی کے ہمراہ جی پی او چوک پہنچے تو ولیس نے شہزاد فاروق اور حافظ ذیشان سمیت 6 افراد کو گرفتار کر لیا،پولیس کا کہنا ہے کہ دفعہ 144 نافذ ہےکسی کو قانون ہاتھ میں نہیں لینے دیں گے،قیدیوں کی وین اور واٹر کینن بھی جی پی او چوک موجود ہے۔میاں شہزاد فاروق کا کہنا تھا کہ ہم عمران خان کے سپاہی ہیں گرفتاریوں سے نہیں ڈرتے،

دوسری جانب این اے 56 سے تحریک انصاف کے حمایت یافتہ امیدوار شہریار ریاض لیاقت باغ پہنچ گئےاور کہا کہ شیر افضل مروت کا انتظار ہے انکے آنے کے بعد ریلی اسلام آباد کی طرف روانہ ہوگی،ہم پورے ملک میں دھاندلی کے خلاف پر امن احتجاج کررہے ہیں،پورے پاکستان میں مینڈیٹ چوری کے خلاف لوگ سراپا احتجاج ہیں، جب فارم 45 کے ساتھ انصاف ہوگا تو ہمارے مظاہرے ختم ہونگے،ہم دھاندلی کے خلاف متعلقہ فورمز گئے ہیں لیکن ہم سڑکوں پر بھی احتجاج کرینگے،جنوبی پنجاب کی سطح پر ہمارے تمام جماعتوں کے ساتھ رابطے ہیں۔دھاندلی کے خلاف کافی جماعتیں ہمارے ساتھ ہیں۔

پی ٹی آئی نے اعلان کیا تھا کہ لیاقت باغ سے ریلی کی صور ت میں ڈی چوک جائیں گے، احتجاج کے دوران پولیس کی بھاری نفری تعینات کی گئی ہے‏پی ٹی آئی رہنما شیر افضل مروت ریلی میں شریک ہونے لیاقت باغ پہنچ گئے۔شیر افضل مروت کے لیاقت باغ پہنچنے پر کارکنان نے نعرے بازی کی

ننکانہ صاحب بریگیڈیئر ریٹائرڈ اعجاز احمد شاہ کی قیادت میں الیکشن کمیشن آفس ننکانہ صاحب میں پرامن احتجاج ریکارڈ کروایا گیا احتجاج میں رانا جمیل حسن گڈ خان سہیل منظور گل رائے قاسم مشتاق انصاف لائیرز ونگ کے وکلاء انصاف یوتھ ونگ سمیت پاکستان تحریک انصاف کے ورکر نے شرکت کی ۔

دوسری جانب سندھ میں حلیم عادل شیخ دھاندلی کے خلاف احتجاج میں شرکت کیلئے دھابیجی پہنچ گئے ،اس موقع پر انکا بھر پور استقبال کیا گیا،۔ پی ٹی آئی رہنما رئیس ارسلان خان بروہی کی قیادت میں سینکڑوں کارکنوں نے حلیم عادل شیخ کا استقبال کیا۔

ن لیگ اور پی پی سمیت دیگر اتحادی جماعتیں مولانا فضل الرحمان کے گھر پہنچ گئیں

اگر تحریک انصاف کامیاب ہوئی ہے تو پھر ان کو حکومت بنانے دیں،مولانا فضل الرحمان

مولانا جذبات میں بہہ گئے، بڑا اعتراف،سیاسی کھیل فیصلہ کن مرحلے میں داخل

پی ٹی آئی والے کم ازکم علما کے قدموں میں تو بیٹھ گئے،کیپٹن ر صفدر

پی ٹی آئی ،جے یو آئی قیادت کی ملاقات، پیپلز پارٹی، ن لیگ کا ردعمل

"عین”سے عمران،تحریک انصاف میں ابھی بھی "عین” کی مقبولیت جاری

میں آپکے لیڈر کے کرتوت جانتا ہوں،ہم نے ملک جادو ٹونے پر نہیں چلانا، عون چودھری

مولانا نے کشتیاں جلا دیں، واپسی ناممکن،مبشر لقمان کو کیا بتایا؟ کہانی بے نقاب