Baaghi TV

Tag: احتجاج

  • ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

    ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

    کویت:کویت نے بڑا دل کرکے امریکہ کو دن میں تارے دکھا دیئے ،اطلاعات ہیں کہ کویت میں امریکی مداخلت پر کویتی حکومت نے ملک میں موجود امریکی سفیر کو طلب کرکے وضاحت بھی مانگی ہے اور احتجاج بھی کیاہے ،

    اس حوالے سے کویتی وزارت خارجہ نے کہا کہ کویت نے جمعرات کو امریکی سفارت خانے کی جانب سے ایل جی بی ٹی(ہم جنس پرستوں) کے حقوق کے لیے حمایت کا اظہار کرنے والے ٹویٹس پر ایک اعلیٰ امریکی سفارت کار کو طلب کیا۔

    یاد رہے کہ اس سے پہلے کل یعنی جمعرات کی صبح ایک ٹویٹ میں کویت میں امریکی سفارت خانے نے LGBT(ہم جنس پرستوں ) حقوق کی حمایت میں صدر جو بائیڈن کے پیغام کو شیئر کرتے ہوئے خوشی کا اظہار بھی کیا تھا اوراس پیغام کوایک خاموش حمایت بھی قراردی تھا ۔

    ہم جنس پرستوں کی خواہشات اوران کے مطالبات کا دفاع کرتے ہوئے امریکی صدر جوبائیڈن نے کہا تھا کہ "تمام انسانوں کے ساتھ عزت اور وقار کے ساتھ سلوک کیا جانا چاہئے اور انہیں بغیر کسی خوف کے زندگی گزارنے کے قابل ہونا چاہئے چاہے وہ کوئی بھی ہو یا جس سے محبت کرتا ہو،”

    اس ٹویٹ میں یہ بھی پیغام دیا گیا تھا کہ امریکی صدر ہم جنس پرستوں کے حقوق کا داعی ہے اور وہ یہ حقوق لے کردے گا

    کویت میں امریکی سفارت خانے کی طرف سے کی گئی ٹویٹ کے پیغام کوآڑے ہاتھوں‌لیا ، کویت کی وزارت خارجہ نے ٹویٹ میں شیئر کیے گئے جذبات کو مسترد کرتے ہوئے کہا کہ اس نے امریکی ناظم الامور جیمز ہولٹسنائیڈر کو طلب کیا ہے اور انہیں اس پوسٹ کو مسترد کرنے کا پیغام بھی دیا ہے اور آئندہ کسی قسم کی مداخلت سے منع بھی کیا ہے

     

    وزارت خارجہ نے 1961 کے سفارتی تعلقات سے متعلق ویانا کنونشن کی طرف اشارہ کرتے ہوئے کہا کہ میمورنڈم میں "ریاست کویت میں نافذ قوانین اور ضوابط کا احترام کرنے کے لیے سفارت خانے کی ضرورت اور اس طرح کے ٹویٹس شائع نہ کرنے کی ذمہ داری پر زور دیا گیا ہے۔”

    لندن، انگلینڈ میں واقع ایک غیر منافع بخش تنظیم، ہیومن ڈگنیٹی ٹرسٹ کے مطابق، کویت میں، مردوں کے درمیان ہم جنس کی جنسی سرگرمی کو جرم قرار دیا جاتا ہے، جس کی سزا میں زیادہ سے زیادہ سات سال قید کی سزا بھی شامل ہے۔

    پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

    خواتین پر تشدد کروانے پر عوام میں شدید غصہ پایا جاتا ہے:عمران خان

    عمران خان کی سی پی این ای کے نو منتخب عہدیداران کو مبارکباد

    مریم نواز کی ایک اور آڈیو لیک

  • جلاؤ گھیراؤ، توڑ پھوڑ: پی ٹی آئی کراچی کی قیادت کے خلاف انسداد دہشت گردی کا مقدمہ درج

    کراچی پولیس نے پی ٹی آئی رہنماؤں کے خلاف انسداد دہشت گردی ایکٹ کے تحت مقدمہ درج کرلیا۔

    باغی ٹی وی : تفصیلات کے مطابق کراچی کے علاقے نمائش چورنگی پر جلاؤ گھیراؤ اور دھرنے کے معاملے پر پی ٹی آئی کی مقامی قیادت کے خلاف مقدمہ سولجر بازار تھانے میں د رج کیا گیا ہے۔

    خدارا! اس ملک کو ایک جمہوری ریاست رہنے دیں،شاہد آفریدی

    ایف آئی آر میں موقف اختیار کیا گیا کہ پولیس افسران اور اہلکار سولجر بازار کے عالقے میں گشت و انسداد جرائم میں مصروف تھے کی دوران گشت کہ تھانے میں اطلاع ملی نمائش چورنگی پر پی ٹی آئی کرواچی کے لوگ مختلف مقامات سے جمع ہو رہے ہیں جن کی قیادت پی ٹی آئی کے ذمہ داران علی زیدی، فردوس شمیم نقوی، بلال غفار، خرم شیر زمان، ارسلان تاج، محمد علی جی جی، جمال صدیقی، محسن بٹ اور اشرف علی کر رہے تھے-

    ایف آئی آر میں کہا گیا کہ جب پولیس نمائش چورنگی پر پہنچی تو دیکھا کہ دھرنہ کا شرکاء جن کی تعداد تقریباً 600 سے 700 تھی اور اسلحہ ڈنڈوں ،لاٹھیوں اور پتھروں سے مسلح تھے جو کہ قیدت کرنے والوں کے اکسانے پر دہشت گردی پھیلانے اور اور روڈ بلاک کر کے آنے جانے والے لوگوں کی گاڑیوں کو نقصان پہنچانے کی غرض سے نعرہ بازی کرتے ہوئے شور شرابہ گالم گلوچ اور حکومت کے خلاف نعرہ بازی اور موجودہ حکومت کو برا بھلا کہتے ہوئے کافی مشتعل ہو رہے تھے-

    "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان…

    پولیس کے مسلح اہلکار جب مذکورہ مقام پر پہنچے اور مجمع کو منتشر کرنے کی کوشش کی تو مشتعل افراد نے مختلف ٹولیوں کی شکل میں توڑ پھوڑ کرتے ہوئے نمائش چوک پہنچے مجمعہ میں مشتعل لوگوں نے پتھراؤ او رفائرنگ کی جس سے شہری زخمی ہوئے اور مجمع میں سے ہی ایک فرد پسلی کے نیچے گولی لگی جو کہ ہسپتال میں زیر علاج ہے-

    پولیس نے روکنے کی کوشش کی تو مشتعل افراد پولیس پارٹی کو بھی جان سے مارنے کی نیت سے فائرنگ کرتے رہے-

    پولیس کے مطابق مقدمے میں علی زیدی، فردوس شمیم نقوی، بلال غفار، خرم شیر زمان، ارسلان تاج، محمد علی جی جی، جمال صدیقی، محسن بٹ اور اشرف علی نامزد ہیں-

    آئی ایم ایف ڈیل زمینی حقائق پرمبنی نہیں،عمران خان کی حکومت کےخاتمےکی سازش کا دعویٰ…

  • اگر اسلام آباد میں سڑکیں آپ نے بلاک کر دیں گے تو کس کا نقصان ہے:نصراللہ ملک

    اگر اسلام آباد میں سڑکیں آپ نے بلاک کر دیں گے تو کس کا نقصان ہے:نصراللہ ملک

    لاہور:اگر اسلام آباد میں سڑکیں آپ نے بلاک کر دیں گے تو کس کا نقصان ہے :پاکستان کی موجودہ سیاسی صورت حال کے حوالے سے سینئر صحافیوں کا اس حوالے سے اہم تجزیے تبصرے جاری ہیں‌، نصراللہ ملک کہتے ہیں کہ اگرمارچ کی صورت میں اگر اسلام آباد میں سڑکیں آپ نے بلاک کر دیں گے تو کس کا نقصان ہے

    نصراللہ ملک نے ایک سوال کے جواب میں کہا کہ اگران سیاسی لیڈروں سے پروٹوکول واپس لے لیا جائے تو ان کا کیا حال ہوگا، یہ آج یہ سمجھتے ہیں کہ وہ اس احتجاج کو کرش کردیں گے تو یہ تو یاد رکھیں کہ ان کے دور میں کیا کچھ نہیں ہوا ، ان کا کہنا تھاکہ ان سیاسی لیڈروں کو ہوش کے ناخن لینے چاہیں

    نصراللہ ملک نے کہا کہ آصف علی زرداری کے ساتھ ان حکمرانوں نے کیا بُرا سلوک نہیں کیا، فاروق ستار کے ساتھ قصور میں کیا سلوک ہوا ہرکوئی جانتاہے ، ان کا کہنا تھا کہ ا یسے نہیں ہونا چاہیے

    نصراللہ ملک نے مبشرلقمان کے ایک سوال کے جواب میں بتایاکہ اگریہ کشمیرہائی وے بلاک کرتے ہیں‌ تو بلا شبہ ملک کا نقصان ہوگا اورہمیں ایسا نہیں کرنا چاہیے ، انہوں نے عمران خان کی پریس کانفرنس کے حوالے سے بھی بات کی اور کہا کہ رویے بدلنے چاہیں اور جمہوری انداز سے اپنا احتجاج کریں‌

  • سنجیدہ طرز عمل نہ اپنایا گیا تو ملک انارکی طرف مزید بڑھے گی۔ سراج الحق

    سنجیدہ طرز عمل نہ اپنایا گیا تو ملک انارکی طرف مزید بڑھے گی۔ سراج الحق

    ملک کی کشتی بھنور میں بری طرح پھنس چکی:اطلاعات کے مطابق جماعت اسلامی کے امیر سینیٹر سراج الحق نے کہاہے کہ پاکستان کو اس نہج پر لانے والی تینوں بڑی جماعتیں اور ان کےسرپرست ہیں۔حکمران اوراوراپوزیشن جماعتیں 22کروڑ عوام کے خلاف سازش کر رہی ہیں۔

    سراج الحق نے کہا ہےکہ اسلام آباد کے ڈرائنگ روموں میں بیٹھ کر سیاست کرنے والے عوام کے ساتھ کھیل کھیل رہے ہیں۔ سراج الحق نے سیاسی جماعتوں‌ پر سخت تنقید کرتے ہوئے کہا ہے کہ سیاسی جماعتوں کو خبردار کرتا ہوں کہ سری لنکا ایسی صورت حال سے عبرت حاصل کریں۔

    سراج الحق نے کہا ہے کہ پرامن احتجاج ہر سیاسی جماعت کا آئینی و جمہوری حق ہے۔گرفتاریاں اور سیاسی کارکنوں کے گھروں پر چھاپے نہ مارے جائیں۔پولیس نوجوان کی شہادت افسوس ناک، اہل خانہ سے تعزیت کرتے ہیں۔سیاسی پارٹیوں کے لیڈران اپنے کارکنوں کے رویوں کا جائزہ لیں۔

    سراج الحق نے اس موقع پر کہا ہے کہ گالم گلوچ کی سیاست نے پاکستان کے کلچر کو تباہ کر دیا۔سیاست دشمنی اور تشدد میں بدل گئی، حکمران جماعتیں برابر کی ذمہ دار ہیں۔سنجیدہ طرز عمل نہ اپنایا گیا تو ملک انارکی طرف مزید بڑھے گی۔

  • صحافی ارشد شریف کی درخواست پر چیف جسٹس اسلام آباد ہائیکورٹ کا بڑا اقدام

    صحافی ارشد شریف کی درخواست پر چیف جسٹس اسلام آباد ہائیکورٹ کا بڑا اقدام

    اسلام آباد: چیف جسٹس اسلام آباد ہائیکورٹ اطہر من اللہ نے صحافی ارشد شریف کی درخواست آج رات سماعت کیلئے مقرر کردی ہے۔

    اے آر وائی نیوز کی رپورٹ کے مطابق صحافی ارشدشریف کی پٹیشن پر اسلام آباد ہائیکورٹ نے حکم جاری کردیا ہے، جس کے مطابق عدالت نے صحافی ارشد شریف کو رات ساڑھے 11 بجے پیش ہونے کا کہا ہے۔

    جسٹس اطہرمن اللہ نے آئی جی اور ڈی آئی جی اسلام آباد کو ہدایت کی ہے کہ وہ ارشد شریف کی حاضری میں معاونت کریں۔

    خیال رہے کہ اے آر وائی نیوز کے اینکر پرسن ارشد شریف کے خلاف حیدر آباد میں مقدمہ درج کیا گیا ہے، مقدمہ ریاستی اداروں کےخلاف گفتگو کرنے کے تحت درج کیا گیا، پولیس نے بتایا کہ طیب حسین نامی نوجوان نے گزشتہ روزمقدمہ درج کرایا ہے۔

    ارشد شریف کے خلاف مقدمہ پر پی ایف یوجے کے سابق صدر افضل بٹ نے اے آر وائی نیوز سے خصوصی گفتگو کرتے ہوئے کہا ایف آئی اےکےتحت پرچہ درج ہوا تو قانون کی خلاف ورزی ہے، کسی بھی ادارے، شخص کو صحافیوں کی رائے کو دبانےکا اختیارنہیں۔

    ارشد شریف پر مقدمے کیخلاف صحافیوں کا بھرپور احتجاج.اطلاعات کے مطابق نجی ٹی وی اے آر وائی نیوز سے منسلک سینئر صحافی ارشد شریف پر مقدمہ درج ہونے کے خلاف صحافیوں نے بھرپور احتجاج کیا ہے۔

    لاہور میں احتجاج کے دوران بڑی تعداد میں صحافیوں اور پاکستان تحریک انصاف کے رہنما عالیہ حمزہ نے شرکت کی۔ انہوں نے ارشد شریف کے خلاف مقدمہ فوری طور پر ختم کرنے کا مطالبہ کیا۔

    رہنما پی ٹی آئی عالیہ حمزہ نے کہا کہ اے آر وائی پر پابندیوں کے خلاف پی ٹی آئی سیسہ پلائی دیوار بن کر کھڑی ہوگی، حکومت کی پی ٹی آئی سے کانپیں ٹانگ رہی ہیں۔

    انہوں نے کہا کہ شہید باپ اور شہید بھائی کے بیٹے کے خلاف مقدمہ درج کیا گیا، ہم ارشد شریف اور عمران خان کے ساتھ کھڑے ہیں، رانا ثنا للہ چوڑیاں پہن لیں، کل تک مریم اور رانا ثنا اللہ خواتین کے حقوق کی بات کر رہے تھے۔عالیہ حمزہ نے کہا کہ شیریں مزاری کی گرفتاری ریاستی غندہ گردی ہے۔

    صحافی افضل بٹ نے احتجاج سے خطاب کرتے ہوئے کہا کہ یاد کریں جنگ کے دفتر کو آگ مسلم لیگ (ن) نے لگائی تھی، آئیں اور اس تحریک کا حصہ بنیں، پارٹی بننا ہے تو صحافیوں اور پاکستان کی بنیں۔

  • 500 دیہات کو شہر سے ملانے والی سڑکیں تباہ،احتجاج

    500 دیہات کو شہر سے ملانے والی سڑکیں تباہ،احتجاج

    قصور
    عوام دوست اتحاد قصور کے صدر اور ڈپٹی مئیر قصور کے امیدوار سردار فیصل اورنگزیب نے سڑکوں کی مرمت نا ہونے تک احتجاج کی کال دے دی،گورنمنٹ سے فوری سڑکیں مرمت کروانے کا مطالبہ

    تفصیلات کے مطابق صدر عوام دوست اتحاد قصور اور ڈپٹی مئیر تحصیل قصور کے امیدوار سردار فیصل اورنگزیب نے حکومت وقت سے مطالبہ کیا ہے کہ کھاد کے بحران پر قابو پایا جائے جو کہ کسان کی اہم ضرورت ہے
    کسان ہمارے ملک کی ریڑھ کی ہڈی ہے اور اس ریڑھ کی ہڈی کو مذید تنگی سڑکوں کی ٹوٹ پھوٹ دے رہی ہے
    ٹوٹی سڑکوں کے باعث 500 کے قریب دیہاتوں کے کسان بروقت اپنی سبزیاں پھل منڈی تک نہیں پہنچا پاتے جس کے باعث کسانوں کو سخت مالی نقصان ہو رہا ہے
    سردار فیصل اورنگزیب نے وزیراعظم پاکستان اور وزیر اعلی پنجاب سے مطالبہ کیا ہے کہ گنڈا سنگھ تا حسین خانوالا ،کچہری چوک قصور تا سہجرہ اور کمال چشتی موڑ سے الہ آباد تک سڑکیں شدید ٹوٹ پھوٹ کا شکار ہیں اور یہ سڑکیں 500 کے قریب دیہات کو شہر سے ملاتی ہیں لہذہ فوری طور پر ان سڑکوں کی مرمت کی جائے تاکہ کسانوں کو اپنی اجناس منڈی تک پہنچانے میں کوئی پریشانی نا ہو بصورت دیگر سڑکیں مرمت نا ہونے تک احتجاج جاری رہے گا
    اگر گورنمنٹ کسانوں کے ساتھ مخلص ہے تو کھاد میں فوری سبسٹڈی دے تاکہ کسان خوشحال ہو اور ملک ترقی کرے

  • عینی شاہد ہوں مسجد نیویﷺ کےباہرجو کچھ ہوا:رانا عظیم بھی میدان میں آگئے

    عینی شاہد ہوں مسجد نیویﷺ کےباہرجو کچھ ہوا:رانا عظیم بھی میدان میں آگئے

    لاہور:عینی شاہد ہوں مسجد نیویﷺ کےباہرجو کچھ ہوا:رانا عظیم بھی میدان میں آگئے،اطلاعات کے مطابق پاکستان کی تاریخ بدلنے جارہی ہے ‘ایسے لوگ قومی اور پی ٹی آئی کے جھنڈے لے کر باہر آرہے ہیں جن کا تعلق کسی سیاسی جماعت سے نہیں ‘تحریک انصاف جلسوں کے حوالے سے پاکستان میں ایسے ریکارڈ قائم کرچکی ہے کہ جنہیں توڑنا متحدہ حکومت کے بس کی بات نہیں ‘انہوں نے کہا کہ میں عینی شاہد ہوں مسجد نیویﷺ کے باہر جو کچھ ہوا اس میں پی ٹی آئی کا کوئی بندہ شامل نہیں تھا سعودی حکومت کی تحقیقات سامنے آئیں گی تو سب کچھ سامنے آجائے گا

    انہوں نے کہا کہ اس میں کوئی شک نہیں کہ تارکین وطن پاکستانیوں میں عمران خان کی مقبولیت بہت زیادہ ہے انہوں نے کہا کہ اگر ہم صورتحال کو دیکھتے ہیں تو آج تحریک انصاف اس پوزیشن میں ہے کہ وہ ہر روزایک جلسہ کرسکتی ہے یہ ایک ریکارڈ ہے ملکی تاریخ میں انہوں نے کہا کہ نون لیگ کی جانب سے جلسوں کے اعلان کا مطلب ہے کہ انہیں بھی پتہ چل چکا ہے کہ نئے انتخابات ہونے جارہے ہیں.

    ایک نجی ٹی وی کے پروگرام میں اظہار خیال کرتے ہوئے سابق وفاقی وزیرمملکت برائے اطلاعات فرح حبیب نے کہا کہ کمیشن وہ بنائیں گے جو خود اس سازش کے ذریعے اقتدار میں آئے؟سب سے پہلے انگلیاں تو اس حکومت پر اٹھ رہی ہیں جسے مسلط کیا گیا ہے‘مریم نوازنے ٹی وی چینلزکے بلٹن رکوا کر ساڑھے نو بجے پریس کانفرنس میں دعوی کیا کہ خط جھوٹا ہے اور اسے وزارت خارجہ میں تیار کیا گیا ہے انہوں نے کہا کہ ہم نے کمیشن بنانے کی دعوت دی یہ اس سے بھاگ گئے‘اسد قیصر نے مستعفی ہونے سے پہلے خط لہر ا کر اپوزیشن لیڈراور موجودہ وزیراعظم کو دعوت دی تھی کہ وہ آکر خط کو دیکھیں انہوں نے اسے مسترد کیوں کیا؟.

    ایک سوال کے جواب میں فرح حبیب نے کہا کہ ہمارا مطالبہ ہے سپریم کورٹ کمیشن بنا کر اوپن کورٹ میں اس کی سماعت کی جائے انہوں نے کہا کہ ہمیں حکومت پر اعتماد نہیں ہے بندکمروں کی سماعت میں کاروائی میں ردوبدل کیا جاسکتا ہے.

    انہوں نے کہا کہ ہم نے پارلیمنٹ کا ان کیمرہ سیشن بنانے کی بات کی یہ بھاگ گئے ‘ہم قومی سلامتی کمیشن میں کا اجلاس بلایا اور امریکا کو احتجاجی مراسلے ارسال کرنے کا فیصلہ کیا گیا انہوں نے کہا کہ اب عمران خان کی مقبولیت کو دیکھتے ہوئے یہ کمیشن بنانے کی بات کررہے ہیں یہ بدنیتی پر مبنی ہے انہوں نے کہا کہ چیزوں کو اپنے حساب سے مینج کرنے کا ان کا پرانا تجربہ ہے انہوں نے کہا کہ ہم سپریم کورٹ کے کمیشن کو خوش آئند کہیں گے جس کی اوپن سماعت کی جائے سپریم کورٹ کمیشن بنا کر اوپن کورٹ میں اس کی سماعت کی جائے

  • تحریک انصاف کا الیکشن کمیشن دفاتر کے باہر احتجاج،انتخابات کرانے کا مطالبہ

    تحریک انصاف کا الیکشن کمیشن دفاتر کے باہر احتجاج،انتخابات کرانے کا مطالبہ

    تحریک انصاف کا الیکشن کمیشن دفاتر کے باہر احتجاج،انتخابات کرانے کا مطالبہ

    باغی ٹی وی کی رپورٹ کے مطابق تحریک انصاف نے الیکشن کمیشن کے خلاف ملک کے کئی شہروں میں احتجاج کیا ہے

    پی ٹی آئی کا ملک بھر میں الیکشن کمیشن دفاتر کے باہر احتجاج ہوا مظاہرین نے الیکشن کمیشن سے غیر جانبدار رویہ کا مطالبہ کیا،اور کہا کہ الیکشن کمیشن پی ٹی آئی کے منحرف ارکان کے خلاف جلد فیصلہ کرے، ن لیگ اورپیپلزپارٹی فنڈنگ کیس کیخلاف الیکشن کمیشن جلد فیصلہ کرے، مظاہرین نے الیکشن کمیشن سے ملک بھرمیں انتخابات کرانے کا مطالبہ کیا،

    پنجاب کے صوبائی دارالحکومت لاہور میں الیکشن کمیشن آفس کے باہر احتجاج کیا گیا جس میں چند خواتین و مرد شریک تھے،شرکا کی جانب سے الیکشن کمیشن کے باہر نعرے بازی کی گئی تحریک انصاف پنجاب کے صوبائی صدر شفقت محمود اور انفارمیشن سیکرٹری مسرت جمشید چیمہ کی قیادت میں لاہور میں الیکشن کمیشن کے دفتر کے باہر احتجاج کیا گیا ،اس دوران الیکشن کمیشن سے لوٹوں کے خلاف قانون کے مطابق کاروائی کا مطالبہ کیا گیا، میاں محمود الرشید کا کہنا تھاکہ الیکشن کمیشن رویہ درست کرے ،الیکشن کمیشن رویہ درست نہیں کرے گا تو روزانہ مظاہرہ کریں گے الیکشن کمیشن جانبدار اورمتعصب ہے،

    الیکشن کمیشن کے خلاف پشاور میں بھی احتجاجی مظاہرہ کیا گیا جس میں پی ٹی آئی کارکنان نے شرکت کی،پشاور صوبائی الیکشن کمیشن دفتر کے باہر احتجاج کے دوران پی ٹی آئی کارکنان نے الیکشن کمیشن کے دفتر میں گھسنے کی کوشش کی، جس کے بعد پولیس کی مزید نفری طلب کر لی گئی ہے

    شہر قائد کراچی میں بھی الیکشن کمیشن آفس کے باہر احتجاج کیا گیا جس میں پی ٹی آئی کے اراکین اسمبلی نے شرکت کی

    اسلام آباد میں ٹی آئی ارکان نے الیکشن کمیشن آف پاکستان کے باہر احتجاجی مظاہرہ کیا، ان کاکہنا تھا کہ ہم الیکشن کمیشن کے جانبدار رویہ کے خلاف احتجاج کر رہے ہیں مظاہرین نے کہا کہ الیکشن کمیشن پی ٹی آئی کے منحرف ارکان کے خلاف جلد فیصلہ کرے، الیکشن کمیشن ن لیگ اورپیپلزپارٹی غیر ملکی فنڈنگ کیس کیخلاف پی ٹی آئی درخواست پر بھی جلد فیصلہ کرے

    عوامی مسلم لیگ کے سربراہ شیخ رشید احمد بھی الیکشن کمیشن کے باہر احتجاج میں پہنچے اور کہا کہ چور ڈاکو لٹیرے سعودی عرب جارہے ہیں ان کو سعودی عرب میں بھی نعروں کا سامنا ہوگا یہ حرم میں بھی جائیں گے تو چور چور کے نعرے لگیں گے،لوگ عمران خان کے ساتھ ہیں،پی ٹی آئی کی پوزیشن اچھی نہیں تھی جتنی اب ہے،ملک کو خانہ جنگی، خونریزی سے بچانا ہے تو 30 مئی سے پہلے الیکشن کا اعلان کردیں،آج یہ سارے الیکشن سے بھاگ گئے ہیں،ملک میں الیکشن ہونےسےاب کوئی نہیں روک سکتا ملک میں خون ریزی کے ذمہ دار یہ لوگ ہوں گے ،ملک میں تشدد کی ذمہ دار یہ حکومت ہوگی،

    سینیٹر شبلی فراز کا کہنا تھا کہ الیکشن کمیشن کےسامنےعلامتی احتجاج ریکارڈکرارہےہیں،ہم نے کبھی پی ڈی ایم کواحتجاج سے نہیں روکا تھا ای سی ایل سے نام نکا ل دیئے گئےہیں جہاز بھر کے حج کو جارہے ہیں، ایک جہاز اسٹینڈ بائی رکھا ہوا ہے،احتجاج ہمارا حق ہے اورامپورٹڈ حکومت کا کوئی اخلاقی جواز نہیں

    تحریک انصاف کے رہنما فواد چودھری کا کہنا تھا کہ پی ٹی آئی کے 2 سابق ایم این ایز کو آج گرفتار کرا دیا گیا دونوں سابق ایم این ایز نے سندھ ہاؤس کے باہر لوٹوں کیخلاف احتجاج کیا تھا،فہیم اور عطا اللہ کراچی سے عوامی نمائندے تھے، انصار الاسلام نے لاجز پر حملہ کیا ان تمام کو بے گناہ قرار دے دیا گیا انصاف کے دہرے معیار معاشرے کو تباہ کر دیتے ہیں،

    https://twitter.com/PTIAJK_Official/status/1518868229845921794

    پیپلز پارٹی کی رہنما وفاقی وزیر شازیہ مری کا کہنا ہے کہ فارن فنڈنگ کیس میں عمران خان پکڑے گئے ہیں، عمران خان اپنی ڈوبتی سیاست کو دیکھ کر اداروں کو بلیک میل کر رہے ہیں،الیکشن کمیشن کا آئین پر ثابت قدم رہنا قابل ستائش ہے عمران خان کی پالیسیوں کی وجہ سے عوام تشویشناک صورتحال سے دوچار ہے،مورخ لکھے گا کہ ایک شخص تبدیلی کے نام پر تباہی لایا تھا جس نے ملک کو تباہ کیا ،

    قبل ازیں وزیر داخلہ رانا ثناءاللّٰہ خاں نے شیخ رشید کے بیان پر ردعمل میں کہا ہے کہ شیطان رمضان مین جھوٹ کے ساتھ نمودار ہوگیا ہے۔ جو کہتا تھا "تحریک عدم اعتماد ناکام ہے, نا کام ہے, نا کام ہے, وہ اس کی کامیابی کے بعد اب نیا چورن بیچنے آگیا ہے یہ وہی جھوٹا شخص نہیں جو کہتا تھا کہ اب سیاست نہیں کروں گا؟ اگر آٹھ سال بعد عمران نیازی الیکشن کمیشن جا ہی رہا ہے تو غیر وانونی فارن فنڈنگ منی لانڈرنگ، چندے کے پیسے کی لوٹ مار کا جواب دینا ہوگا سیاست میں کوئی ہنگامہ نہیں ہوگا کیونکہ غنڈے اور بدمعاش اب ملک پہ مسلط نہیں ہیں۔ الیکشن اپنے مقررہ وقت پہ ہونگے باقی جو کرنا ہے ہے کرو ہم سیکورٹی دیں گے۔ "جو قانون کو ہاتھ میں لے گا, قانون اسے ہاتھ میں لے گا”عمران خان کو تحریکِ عدم اعتماد میں بھی کوئی این آر او نہیں دیا گیا اور کرپشن میں بھی کوئی این آر او نہیں دیا جائے گا۔

    فارن فنڈنگ کیس،تحریک انصاف نے پھروقت مانگ لیا

    عمران خان ڈی چوک پر اپنا اعمال نامہ لے کر آئیں،مریم اورنگزیب

    تمام الزامات ثابت، کیوں استعفیٰ نہیں دیتے،اکبر ایس بابر کا وزیراعظم کو چیلنج

    فارن فنڈنگ کیس، تحریک انصاف کو دیا الیکشن کمیشن نے بڑا جھٹکا

    آپ اتنا مت گھبرائیں،فارن فنڈنگ کیس میں عدالت کا پی ٹی آئی وکیل سے مکالمہ

    فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

    فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

    فارن فنڈنگ کیس، تحریک انصاف نے ایک اور درخواست دائر کر دی

  • روڈ پر ٹائر جلا کر احتجاج،صبر کا پیمانہ لبریز ہو چکا

    روڈ پر ٹائر جلا کر احتجاج،صبر کا پیمانہ لبریز ہو چکا

    قصور
    تحصیل کوٹ رادھا کشن میں پیمار اوتار روڈ نا بننے پر لوگوں کا شدید احتجاج ،ٹائر جلا کر روڈ بند کیا گیا،نعرے بازی

    تفصیلات کے مطابق قصور کی تحصیل کوٹ رادھا کشن کے گاؤں پیمار اوتار کا روڈ کافی عرصہ سے خراب ہے جسے بار بار مطالبہ کرنے کے بھی نہیں بنایا جا رہا
    کل دوپہر ستائے ہوئے لوگوں نے روڈ پر ٹائر جلا کر احتجاج کیا اور نعرے بازی کی
    لوگوں نے مطالبہ کیا کہ جلد سے جلد روڈ کو مرمت کیا جائے بصورت دیگر دوبارہ احتجاج کیا جائے گا
    لوگوں کا کہنا ہے کہ ہمارے صبر کا پیمانہ لبریز ہو چکا ہے اسی لئے ہم احتجاج کرنے پر مجبور ہوئے ہیں

  • سری لنکن صدر کے خلاف سب سے بڑا تاریخی احتجاج ،’گو گوٹا ہوم‘ کے نعرے

    سری لنکن صدر کے خلاف سب سے بڑا تاریخی احتجاج ،’گو گوٹا ہوم‘ کے نعرے

    ملکی کی معیشت اور سیاسی بحران کے پیش نظر مشکلات سے دو چار لاکھوں سری لنکن شہریوں نے تاریخی احتجاج کرتے ہوئےصدر گوٹابایا راجا پاکسے کے دفتر کا رخ کرلیا۔

    باغی ٹی وی : فرانسیسی خبر رساں ادارے ’فرانس 24‘ نے اے ایف پی کے حوالے سے بتایا کہ 2 کروڑ 20 لاکھ سری لنکن شہریوں کو کئی ہفتوں سے بجلی معطلی، خوراک سمیت ایندھن اور دیگر اشیائے ضروریہ کی قلت کا سامنا ہے، یہ 1948 میں سری لنکا کی آزادی کے بعد شدید معاشی تنزلی ہے۔

    کولمبو کے سمندر کے کنارے بڑی تعداد میں خواتین اور مردوں نے احتجاج کیا اور قومی پرچم لہراتے ہوئے ’گو گوٹا ہوم‘ کے نعرے لگائے۔

    احتجاج میں شامل میں لوگوں نے پلے کارڈز اٹھا رکھے تھے جن پر لکھا تھا "آپ کے جانے کا وقت آگیا ہے” اور "بس بہت ہو گیا”۔

    کم عمر لڑکی کیساتھ تعلقات : ناروے کے وزیر دفاع نے استعفیٰ دے دیا

    ایک شخص نے ہجوم سے کہا”یہ یہاں کے معصوم لوگ ہیں ہم سب جینے کے لیے جدوجہد کر رہے ہیں۔ حکومت کو جانا چاہیے اور ایک قابل شخص کو ملک کی قیادت کرنے کی اجازت دینی چاہیے-

    بظاہر یہ احتجاج پرامن تھا، لیکن ایک پولیس اہلکار نے کہا کہ ضرورت پڑنے پر آنسو گیس اور واٹر کینن تیار ہیں جمعہ کو سیکورٹی فورسز نے مظاہرین پر واٹر کینن سے فائرنگ کی۔

    رہائشیوں کا کہنا تھا کہ دارالحکومت کے نواحی علاقوں میں بھی بڑے پیمانے پر مظاہرے ہوئے جبکہ کیتھولک اور اینگلیکن گرجا گھربھی اپنے پیروکاروں کو سڑکوں پر لائے-

    کیتھولک چرچ کے سربراہ کارڈینل میلکم رنجیت نے کولمبو کے بالکل شمال میں واقع قصبے نیگومبو میں ایک احتجاجی مظاہرے کی قیادت کی، جس میں لوگوں پر زور دیا گیا کہ وہ اس وقت تک احتجاج جاری رکھیں جب تک راجا پاکسے انتظامیہ مستعفی نہیں ہو جاتی حکومت کے جانے تک سب کو سڑکوں پر آنا چاہیے، ان لیڈروں کو جانا چاہیے، آپ کو جانا چاہیے، آپ نے اس ملک کو تباہ کر دیا ہے۔

    روس میں افغان سفارت خانہ طالبان کے مقرر کردہ سفیر کے حوالے

    گزشتہ ماہ سے بڑھتے ہوئے بحران کے بعد ہفتے کو سوشل میڈیا کے توسط سے کیے گئے احتجاج میں بڑی تعداد میں شہریوں نے شرکت کی ملک کی طاقتور کاروباری برادری کی جانب سے صدر کی حمایت سے دستبردار ہونے کے بعد راجا پاکسے پر دباؤ میں شدید اضافہ ہوا ہے۔

    سری لنکا ایسوسی ایشن آف مینوفیکچررز اینڈ ایکسپورٹرز آف ربڑ کی مصنوعات کے سربراہ روہن مساکورالا نے کہا موجودہ سیاسی اور اقتصادی تعطل مزید جاری نہیں رہ سکتا، ہمیں زیادہ سے زیادہ ایک ہفتے کے اندر کابینہ اور عبوری حکومت کی ضرورت ہے۔

    ایسوسی ایشن نے حکومت کی تبدیلی کے لیے 22 دیگر کاروباری اور صنعتی تنظیموں میں شمولیت اختیار کی، اور کہا کہ صرف ایندھن کی قلت کی وجہ سے روزانہ کا نقصان تقریباً 50 ملین ڈالر تک پہنچ گیا ہے۔

    ایک مشترکہ بیان میں، انہوں نے کہا کہ وہ ملک کی 80.17 بلین ڈالر کی مجموعی گھریلو پیداوار کا تقریباً ایک چوتھائی حصہ پیدا کرنے کے ذمہ دار ہیں اور خبردار کیا کہ لاکھوں ملازمتیں خطرے میں پڑ جائیں گی۔

    روس نے بین الاقوامی تنظیموں”ایمنیسٹی انٹرنیشنل” اور "ہیومن رائٹس واچ” کو بند…

    نئے مقرر کردہ مرکزی بینک کے گورنر نندلال ویراسنگھے نے کہا کہ مانیٹری پالیسی کی غلطیوں کی ایک سیریز نے موجودہ بحران کو جنم دیا ہے جس میں بہت سی درآمدات کی مالی اعانت کے لیے ڈالر نہیں ہیں۔

    آزاد گرتے ہوئے روپے کو کم کرنے کی مایوس کن کوشش میں، ویراسنگھے نے جمعہ کو ملک کی اب تک کی سب سے بڑی شرح سود میں 700 بیسس پوائنٹس کا اضافہ کیا انہوں نے کہا کہ اب ہم ڈیمیج کنٹرول موڈ میں ہیں۔

    ویراسنگھے نے مزید کہا کہ انہیں توقع ہے کہ روپیہ مستحکم ہوگا اور ڈالر کی آمد میں بہتری آئے گی کیونکہ انہوں نے مرکزی بینک کےسابق گورنر کی سخت غیر ملکی کرنسی کی پابندیوں میں نرمی کی ہے جسے انہوں نے مخالف پیداواری قرار دیا ہے۔

    حکومت اگلے ہفتے بین الاقوامی مالیاتی فنڈ کے ساتھ بیل آؤٹ مذاکرات کی تیاری کر رہی ہے، وزارت خزانہ کے حکام کا کہنا ہے کہ خودمختار بانڈ ہولڈرز اور دیگر قرض دہندگان کو بال کٹوانا پڑ سکتا ہے۔

    نئے وزیر خزانہ علی صابری نے جمعہ کے روز پارلیمنٹ کو بتایا کہ وہ آئی ایم ایف سے اگلے تین سالوں میں جزیرے کے توازن ادائیگی میں مدد کے لیے 3 بلین ڈالر کی توقع رکھتے ہیں۔

    فیس بک کی "ایک ارب کھانے” کی مہم، دبئی کے حکمران شیخ محمد بن راشد آل…

    "ہمیں امید ہے کہ اگلے تین سالوں میں ہر سال تقریباً ایک بلین ڈالر ملیں گے جس میں مجموعی طور پر تین بلین کی مدد ملے گی،” انہوں نے مزید کہا کہ کولمبو قرضوں کی روک تھام کے لیے بھی کوشش کرے گا۔

    خیال رہے کورونا وائرس کے بعد سری لنکا مسلسل بحران میں مبتلا ہے اور شہریوں کی جانب سے صدر سے استعفیٰ کا مطالبہ کیا جارہا ہے اور احتجاج کے سبب صدر کے دفتر کی سیکیورٹی میں اضافہ کردیا گیا ہے۔

    5 اپریل کو سری لنکن وزارت دفاع کے سیکریٹری کی جانب سے جاری ایک بیان میں کہا گیا ہے کہ سیکیورٹی فورسز تشدد میں ملوث افراد کے خلاف قانون کے مطابق کارروائی کرنے میں کوئی ہچکچاہٹ محسوس نہیں کریں گی۔

    اقوام متحدہ کی انسانی حقوق کونسل کا کہنا ہے کہ اس نے سری لنکا کی بگڑتی صورتحال پر گہری نظر رکھی ہوئی ہے جبکہ ملک کو پہلے ہی انسانی حقوق سے متعلق ریکارڈ کے باعث عالمی سنسرشپ کا سامنا ہے سری لنکا میں موجودہ صورتحال کے دوران عسکری حل کی جانب رجحان اور ادارہ جاتی چیک اینڈ بیلنس کے نظام کے کمزور ہونے نے معاشی بحران سے مؤثر طریقے سے نمٹنے کی ریاست کی صلاحیت کو متاثر کیا۔

    یورپی یونین کا روس کے خلاف نئی پابندیوں کا اعلان