Baaghi TV

Tag: احد رضا میر

  • دنانیر مبین اور احد رضا میر کی ڈیٹنگ کی خبریں پھر سے وائرل

    دنانیر مبین اور احد رضا میر کی ڈیٹنگ کی خبریں پھر سے وائرل

    اداکارہ دنانیر مبین اور معروف اداکار احد رضا میر کی ڈیٹنگ کی خبریں پھر سے وائرل ہیں-

    مختلف سوشل میڈیا پلیٹ فارمز پر مختصر ویڈیو کلپ وائرل ہو رہا ہے جس میں دنانیر مبین اور احد رضا میر کو امریکی ریاست کیلی فورنیا میں ایک ساتھ دیکھا گیا ہے۔
    سوشل میڈیا پیجز کے مطابق دونوں فنکار ناصرف ایک ساتھ چھٹیاں منا رہے ہیں بلکہ احد رضا کی کزن کی شادی میں شرکت کر کے بھرپور انداز میں انجوائے بھی کر رہے ہیں۔

    نئی ویڈیو میں دونوں کو کلیفورنیا میں سمندر کنارے ہینگ آؤٹ کرتےدیکھا گیا ہے، جس کے بعد ان دونوں کی ڈیٹنگ کی خبروں نے ایک بار پھر زور پکڑ لیا ہے،جبکہ مداح بھی جوڑی کو اب ساتھ دیکھنے کی خواہش کر رہے ہیں ایک صارف نے لکھا کہ ’احد کو چاہیے کہ دنانیر سے شادی کرلیں، دونوں کی جوڑی بہت کیوٹ لگے گی، ایک اور صارف نے لکھا، ’احد رضا میر، رمشا خان سے کئی زیادہ اچھے دنانیر کے ساتھ لگتے ہیں، شادی کرلو۔‘

    خیال رہے کہ گزشتہ دنوں اداکارہ دانانیر مبین اور احد رضا میر کا ڈرامہ میم سے محبت عوام کی توجہ کا مرکز بنا ہوا تھا، اس آن اسکرین جوڑی کو مداحوں نے بےحد پسند کیا،اس ڈرامے کی شوٹنگ کے دوران ان دونوں کی خوش گوار تصاویر اور ویڈیوز بھی وائرل ہوئیں۔ مداحوں نے ان دونوں کی کیمسٹری کو خوب پسند کیا اور اسکر ین کے ساتھ ساتھ حقیقی زندگی میں بھی ان کی جوڑی بنانے کی خواہش کا اظہار کرنے لگے، البتہ دنانیر مختلف انٹرویوز میں زیر گردش قیاس آرائیوں سے انکار کر چکی ہیں تاہم مختلف مواقع پر دونوں فنکاروں کی قریبتیں سوشل میڈیا صارفین کو گمان میں مبتلا کر رہی ہیں۔

  • شادی ہی سب کچھ نہیں سجل علی

    شادی ہی سب کچھ نہیں سجل علی

    معروف اداکارہ سجل علی جن کو پاکستان اور بھارت میں یکساں مقبولیت حاصل ہے. انہوں نے حال ہی میں ہمسایہ ملک کو انٹرویود دیتے ہوئے اپنے پہلے فارن پراجیکٹ واٹس لو گاٹ ٹو ڈو وِد اٹ کے بارے میں بات کی .انہوں‌نے کہا کہ اس فلم میں پاکستانیوں کا امیج بہت پازیٹیو دکھایا گیا ہے. اس کی کہانی لڑکیوں کی شادی اور اس کے بعد میں پیدا ہونے والے مسائل کے گرد گھومتی ہے. انہوں نے کہا کہ میرا کردار اس میں میرے پاکستانی اور بھارتی دونوں طرف کے مداحوں کو پسند آئیگا. سجل علی نے اپنی طلاق کے حوالے سے تو بات نہیں کی لیکن پہلی بار شادی پر بات ضرور کی ہے . انہوں نے اس انٹرویو میں کہا ہے کہ زندگی صرف شادی تک محدود نہیں ہوتی اسکو مکمل

    زندگی سمجھنا حماقت ہے. انہوں نے کہا کہ شادی ایک خوبصورت تعلق ہے جو زندگیوں میں رنگ بھرتا ہے. یاد رہے کہ سجل علی اور احد رضا میر کی طلاق کی خبریں ایک عرصہ سے گردش کررہی ہیں دونوں کے قریبی ذرائع کہتے ہیں کہ ان دونوں‌میں طلاق ہو چکی ہے لیکن دونوں کی طرف سے ایسی کسی خبر کی تصدیق یا تردید نہیں آئی لیکن دونوں ایک دوسرے کے ساتھ اب نہیں رہتے نہ ہی ایک دوسرے سے بات چیت کے تعلق میں ہیں.

  • سجل علی اور احد رضا میر نے انسٹاگرام پر ایک دوسرے کو ان فالو کر دیا

    سجل علی اور احد رضا میر نے انسٹاگرام پر ایک دوسرے کو ان فالو کر دیا

    سجل علی اور احد رضا میر جنہوں نے محبت کی شادی کی تھی وہ شادی تقریبا اب اختتام کو پہنچ چکی ہے دونوں میں غلط فہمیاں اس حد تک بڑھ چکی ہیں کہ ان کے رشتے میں بہتری کے امکانا ت نظر نہیں آرہے ہیں، جو صورتحال نظر آرہی ہے اس میں شاید یہ رشتہ ختم تو ہوسکتا ہے لیکن دوبارہ جڑنے کی طرف جاتا دکھائی نہیں دے رہا۔ کہا جا رہا ہے کہ دونوں نے ایک دوسرے کو انسٹاگرام سے ان افالو کر دیاہے۔ احد رضا میرجن کا نام آج کل رمشا خان کے ساتھ جوڑا جا رہا ہے کے ساتھ

    وقت گزارتے ہوئے نظر آرہے ہیں۔ دونوں کے درمیان دوستی ”ہم تم “ کی شوٹنگ کے دوران شروع ہوئی ، کہا جا رہا ہے کہ یہ دوستی اس حد تک بڑھ چکی ہے کہ اب یہ دونوں نوٹس کئے جا رہے ہیں۔ احد اور سجل علی کے درمیان تلخیوں کا سلسلہ کافی دیر سے چل رہا تھا۔ اس وقت سب کو حیرانی ہوئی تھی جب سجل کی بہن صبور علی کی شادی میں سجل اکیلی آئیں تھیں اور احد رضا میر اپنی فیملی کے ساتھ کسی اور تقریب میں موجود تھے۔سجل علی اور احد کا ایک دوسرے کو انسٹاگرام پر انفالو کرنے سے بہت سارے سوالوں کو جنم دیا ہے.سجل اور احد کافی عرصے سے خبروں میں ہیں لیکن دونوں نے اپنے رشتے کے حوالے سے کسی قسم کی تاحال کوئی وضاحت نہیں دی.

  • احد رضا میر اور رمشا خان کی دوستی کے چرچے

    احد رضا میر اور رمشا خان کی دوستی کے چرچے

    رمشا خان آج کل احد رضا میر کی تعریفیں کرتی ہوئی دکھائی دے رہی ہیں چند دن پہلے انہوں نے احد رضا میر کی تعریف ان الفاظ میں کی”احد رضا میرا حقیقی طور پر ایک شریف النفس انسان ہیں ان کے ساتھ کام کرنے بہت مزا آتا ہے” رمشا نے احد کی ان الفاظ میں تعریف کی تو سوشل میڈیا پر مچا شور اور اُن خبروں کو تقویت ملی جن پر آج تک دونوں بولے ہی نہیں. رمشا اور احد رضا میر کی قربتیں ڈرامہ سیریل ہم تم کی شوٹنگ کے دوران شروع ہوئیں وہاں یہ دونوں ایک دوسرے کے ساتھ کافی فرینک دکھائی دئیے ایک دوسرے کے کیساتھ آتے جاتے یہاں تک کہ سیٹ پر کھانا اور چاکلیٹ بھی ایک دوسرے کو کھلا رہے ہوتے تھے.اس وقت بھی یہ باتیں اڑیں کہ دونوں کے درمیان دوستی سے بڑھ کر تعلق ہے اور اب بھی یہی خبریں عام ہیں اور سوشل میڈیا

    پرگمان کیا جا رہا ہے کہ دونوں میں‌ دوستی سے آگے کا تعلق ہے.یاد رہے کہ کچھ عرصہ پہلے سجل علی اور بلال عباس کی قربتوں‌ کی خبریں بھی عام ہوئیں لیکن ان دونوں کے قریبی ذرائع نے سختی سے اس خبروں‌ کی تردید کرتے ہوئے کہا کہ ان دونوں کا صرف کام کی حد تک تعلق ہے. کہا جا تا ہے کہ بلال عباس اور سجل علی کی دوستی کی خبروں کے پیچھے رمشا خان کا ہاتھ تھا تاکہ وہ احد رضا میر کے ساتھ اپنے تعلق کو جسٹیفائی کر سکیں.زرائع یہ بھی کہتے ہیں کہ رمشا خان کی دوستی پہلے بلال عباس کے ساتھ تھی انہوں‌ نے اس دوستی کے تعلق کو ختم کرکے احد رضا میر کی طرف دوستی کا ہاتھ بڑھا لیا ان دونوں کی قربتیں دیکھ کر بلال عباس نے ان دونوں کو انسٹاگرام پر ان فالو کر دیا تھا.

  • سجل اور احد رضا کی طلاق سےمتعلق ڈیجیٹل کریئٹر راجا مطلوب کا بڑا دعویٰ

    سجل اور احد رضا کی طلاق سےمتعلق ڈیجیٹل کریئٹر راجا مطلوب کا بڑا دعویٰ

    اداکارہ سجل علی اور احد رضا میر کی مبینہ طلاق سے متعلق ڈیجیٹل کریئٹر راجا مطلوب نے بڑا دعویٰ کیا ہے-

    باغی ٹی وی : سوشل میڈیا کے مختلف پلیٹ فارمز پر ڈیجیٹل کریئٹر راجا مطلوب کی ایک ویڈیو وائرل ہورہی ہے جس میں وہ اداکار احد رضا میر کے کچھ مبینہ افیئرز سے متعلق بات کرتے دکھائی دے رہے ہیں-

    سجل علی اوراحد رضامیرکی مبینہ طلاق کی خبریں، سجل علی کا پرانا انٹرویو وائرل

    راجا مطلوب نے اپنے ویڈیو پیغام میں صحافی یاسر شامی کی جانب سے اداکارہ سجل علی پر لگائے جانے والے تمام الزامات کو جھوٹا قرار دیا اور طلاق کی وجہ احد کو ٹھہرایا۔

    واضح رہے کہ معروف ٹی وی میزبان اور صحافی یاسر شامی نے سماجی رابطے کی فوٹو اور ویڈیو شیئرنگ ایپ انسٹاگرام پر دعویٰ کیا تھا کہ مصدقہ ذرایع سے پتا چلا ہے کہ احد رضا سجل علی کو فلم میں کام کرنے کی اجازت نہیں دے رہے تھے سجل علی کو فلم کے بجائے صرف ڈرامہ میں کام کرنے کی اجازت تھی جو اداکارہ کو منظور نہیں تھا اور یہ معاملہ جوڑی کے درمیان طلاق کی اہم وجہ بنی تاہم بعد ازاں یاسر شامی نے پوسٹ ڈیلیٹ کر دی تھی-

    سجل علی اور احد رضا میر میں علیحدگی ہو گئی؟

    راجا مطلوب نے اپنے ویڈیو پیغام میں کہا کہ اگر احد رضا میر خود اپنے منہ سے سچ بتا دیں تو سب کو طلاق کی وجہ معلوم ہوجائے گی شوبز انڈسٹری سے منسلک افراد احد رضا میر کو اچھی طرح سے جانتے ہیں کہ اُن کے کتنے افیئرز ہیں اور وہ کتنی بار کس طرح کی حالت میں پکڑے جاچکے ہیں۔

    اپنے ویڈیو پیغام میں راجا مطلوب نے اداکارہ سجل علی کے لیے نیک خواہشات کا اظہار بھی کیا کہا کہ طلاق کے بعد زندگی رک نہیں جاتی سجل علی کے لئے آگے زندگی میں بہت اچھی اچھی چیزیں آئیں

    ہتک عزت کیس :عدالت کا میشا شفیع کو ذاتی حیثیت میں پیش ہونے کا حکم

    واضح رہے کہ پاکستانی اداکار و علم نجوم کے ماہر راجا حیدر کی جانب سے ایک ماہ قبل ہی سجل علی اور احد رضا میر کی طلاق کی پیش گوئی کر دی گئی تھی سجل علی اور احد رضا میر کی طلاق کی خبروں پر جہاں انٹرنیٹ پر پوسٹس کا سیلاب دیکھنے کو مل رہا ہے وہیں اداکار راجا حیدر کی جانب سے دیئے گئے ایک پرانے انٹرویو کا مختصر سا کلپ وائرل ہوا اس ویڈیو میں اداکار راجا حیدر کی جانب سے سجل علی اور احد رضا میر کی طلاق کی پیش گوئی کی گئی تھی۔

    ول اسمتھ نے کرس راک سے معافی مانگ لی

    مذکورہ انٹرویو میں راجا حیدر کا اداکارہ کا نام لیے بغیر کہنا تھا کہ ’ایک پتلی دبلی سی خوبصورت سی لڑکی جن کا شمار پاکستان کی پانچ ٹاپ اداکاراؤں میں ہوتا ہے، اُن اداکارہ کی اولاد نہیں ہے، اُن کی طلاق 7 جون 2022 سے قبل باقاعدہ طورپر ہو جائے گی اور اگر یہ طلاق نہیں ہوئی تو یہ شادی 2024ء میں بہت بڑی بدنامی اور کورٹ کچہریوں میں معاملات کے ساتھ ختم ہو گی-

  • سجل علی اور احد رضا میر میں علیحدگی ہو گئی؟

    سجل علی اور احد رضا میر میں علیحدگی ہو گئی؟

    معروف اداکارہ سجل علی نے انسٹاگرام اکاؤنٹ پر اپنے نام کے ساتھ جڑا شوہر احد رضا میر کا نام ہٹا دیا۔

    باغی ٹی وی : پاکستان شوبز انڈسٹری کی معروف جوڑی احد رضا میر اور سجل علی اپنے رشتے کو لے کر کئی عرصے سے سوشل میڈیا کی خبروں کی زینت بنے ہوئے ہیں کئی عرصے سے دونوں کو ایک ساتھ نہیں دیکھا گیا ، یہاں تک کے سجل علی کی بہن صبور علی کی شادی میں بھی احد رضا میر نے شرکت نہیں کی تھی اس حوالے سے مداحوں میں شدید تشویش کی لہر دوڑ گئی تھی-


    احد اور سجل کی جانب سے ان افواہوں کی تصدیق یا تردید باضابطہ طور پر نہیں کی گئی لیکن اب اداکارہ کی انسٹا پروفائل کے اسکرین شاٹ سوشل میڈیا کے مختلف پلیٹ فارمز پر وائرل ہیں جس میں دیکھا جا سکتا ہے کہ سجل علی نے اپنے نام کے ساتھ احد رضا میر کا نام ہٹا دیا ہے۔

    شادی کے بعد سجل نے انسٹا گرام پر ’سجل احد میر‘ لکھ لیا تھا جب کہ اب انہوں نے اپنے نام کے ساتھ احد رضا میر کا نام ہٹاتے ہوئے صرف ’سجل علی‘ کردیا ہے۔

    تاہم ابھی تک دونوں اداکاروں کی جانب سے اپنے رشتے کو لے کر کوئی تردید یا تصدیق نہیں کی گئی ہے۔ یاد رہے سجل علی اور احد رضا میر نے 14 مارچ 2020 میں دبئی میں شادی کی تھی۔

  • احد رضا میرجلد نیٹ فلیکس کی ویب سیریز میں دکھائی دیں گے

    احد رضا میرجلد نیٹ فلیکس کی ویب سیریز میں دکھائی دیں گے

    پاکستان کے معروف اداکار احد رضا میر اسٹریمنگ ویب سائٹ نیٹ فلیکس کی اوریجنل ہارر ویب سیریز میں اہم کردار میں دکھائی دیں گے۔

    باغی ٹی وی : معروف شوبز ویب سائٹ کے مطابق احد رضا میر ماضی میں برطانیہ میں ’ہیملیٹ: اے گھوسٹ اسٹوری‘نامی اسٹیج تھیٹر میں مرکزی کردار ادا کر چکے ہیں جب کہ وہ معروف انگریز مصنف ولیم شیسکپیئر کے شہرہ آفاق تھیٹر ڈرامے ’ہیملیٹ‘ (دی ٹریجڈی آف ہیملیٹ، پرنس آف ڈینمارک) میں بھی ایکشن دکھا چکے ہیں اور اب جلد ہی وہ نیٹ فلیکس کی عالمی ہارر لائیو ایکشن ویب سیریز میں برطانوی، امریکی، جاپانی اور یوکرینی اداکاروں کے ہمراہ ایکشن میں دکھائی دیں گے۔

    ایمازون اور ایم جی ایم اسٹوڈیو ملکر تفریح کی دنیا میں تہلکہ مچانے کو تیار

    شوبز ویب سائٹ نے اپنی رپورٹ میں بتایا کہ احد رضا میر جاپانی ویڈیو گیم پر بنائی جانے والی ایک ریزیڈنٹ ایول نامی ویب سیریز میں اہم کردار میں دکھائی دیں گے جس میں مختلف ممالک کے اداکار ایکشن میں نظر آئیں گے۔


    رپورٹ کے مطابق نیٹ فلیکس نے فوری طور پر احد رضا میر کے کردار کے حوالے سے کوئی وضاحت اور تصدیق نہیں کی کہ انہیں کون سا کردار دیا جائے گا، تاہم انہیں ایشیائی کردار دیا جا سکتا ہے رپورٹ میں بتایا گیا کہ ریزیڈنٹ ایول نامی ویب سیریز جاپانی ویڈیو گیم سے ماخوذ ہے جو کہ ہارر تھرلر ہوگی-

    "ناسا” کی مہنگی ترین جیمز ویب دوربین نے کھربوں میل دور ستارے کی تصویر لے لی

    واضح رہے کہ پہلی نیٹ فلیکس اوریجنل ویب سیریز میں اداکاری دکھانے سے قبل احد رضا میر کینیڈا میں رہائش کے دوران برطانیہ سمیت مختلف ممالک میں تھیٹرز میں اداکاری کے جوہر دکھا چکے ہیں اور ان میں شاندار اداکاری کے بدولت ایوارڈز بھی جیت چکے ہیں-

    دوسری جانب نیٹ فلیکس نے لوگوں کی جانب سے اپنے دوستوں اور رشتہ داروں (جو ان کے گھر میں مقیم نہ ہوں) سے پاس ورڈ شیئرنگ کے خلاف کارروائی شروع کرنے کا اعلان کیا ہے اسٹریمنگ ویب سائٹ کے مطابق ایسے افراد کو پاس ورڈ شیئرنگ پر اضافی فیس ادا کرنا ہوگی۔

    نیٹ فلیکس نے ایک بلاگ پوسٹ میں کہا کہ یہ پلانز بہت زیادہ مقبول ہیں مگر اس سے کچھ الجھن پیدا ہوتی ہے کہ کب اور کیسے نیٹ فلیکس کو شیئر کیا جاسکتا ہے اس کے نتیجے میں اکاؤنٹس کو گھروں کے درمیان شیئر کیا جاتا ہے جس سے ہماری نئے بہترین ٹی وی شوز اور فلموں کی سرمایہ کاری کی صلاحیت پر اثرات مرتب ہوتے ہیں۔

    ماحولیاتی تبدیلیوں کامقابلہ:اقوام متحدہ میں سائیکل چلانے کو فروغ دینے کی قرار داد…

    فی الحال نیٹ فلیکس کی جانب سے نئی حکمت عملی کی آزمائش 3 ممالک چلی، کوسٹا ریکار اور پیرو میں کی جائے گی وہاں ویونگ پروفائلز کو نئے اکاؤنٹس پر منتقل کرنے کے فیچر کو پیش کیا جائے گا اور اضافی ویور کے لیے 3 ڈالرز تک اضافی فیس لی جائے گی۔

    یہ پہلی بار نہیں جب نیٹ فلیکس کی جانب سے اکاؤنٹس کے پاس ورڈ شیئر کرنے کے خلاف اقدامات کیے جارہے ہیں 2021 میں کمپنی نے اسی طرح کا تجربہ ایک اکاؤنٹ ویریفیکیشن ٹول کے ذریعے کیا تھا تاکہ غیرمجاذ صارفین کو دیگر افراد کے اکاؤنٹس کے استعمال سے روکا جائے۔

    مگر اب ایکسٹرا ممبر اور ٹرانسفر پروفائل فیچرز سے عندیہ ملتا ہے کہ کمپنی اس معاملے کو زیادہ سنجیدہ لے رہی ہے تاکہ اپنے سبسکر ائبرز کی تعداد کو بڑھا سکے پاس ورڈ شیئرنگ پر کمپنی کا ایکشن جلد ہونے والا ہےتاہم اس سے پہلے صارفین دوستوں اور رشتہ داروں کے ساتھ پاس ورڈ شیئر کرسکتے ہیں۔

    اسرائیل میں میں کورونا وائرس کی نئی قسم کے دو کیسز رپورٹ

  • احد رضا اور ان کے اہلخانہ کی صبور کی شادی میں شرکت نہ کرنے پر مداح تشویش میں مبتلا

    احد رضا اور ان کے اہلخانہ کی صبور کی شادی میں شرکت نہ کرنے پر مداح تشویش میں مبتلا

    پاکستان شوبز انڈسٹری کی معروف اداکارہ سجل علی کے شوہر اداکار احد رضا میر نے اپنی سالی صبور علی کی شادی میں شرکت نہ کرکے مداحوں کو تشویش میں مبتلا کردیا۔

    باغی ٹی وی : گزشتہ دنوں سے سوشل میڈیا پر یہ خبریں سامنے آرہی ہیں کہ سجل علی اور اُن کے شوہر احد رضا میر کے درمیان علیحدگی ہوگئی ہے اور اس حوالے سے مختلف ڈیجیٹل خبر رساں اداروں کی جانب سے یہ خبریں شائع کی جارہی ہیں کہ جوڑے کی علیحدگی ہوگئی ہے۔

    سجل علی کی مینجر نے ڈیجیٹل خبر رساں ادارے پر شدید برہمی کا اظہار کرتے ہوئے کہا تھا کہ یہ شرمناک صحافت ہے کہ آپ اپنی ریٹنگز کے لیے کسی کی ذاتی زندگی سے متعلق بےبنیاد خبریں شائع کریں۔

    علی انصاری سے شادی کے بعد صبورعلی کا سوشل میڈیا پرنام تبدیل

    تاہم ایک بار پھر سوشل میڈیا صارفین کی جانب سے سجل اور احد کی ازدواجی زندگی سے متعلق کئی سوالات کیے جارہے ہیں۔

    گزشتہ روز سجل علی کی بہن و اداکارہ صبور علی اور اداکار علی انصاری کے نکاح اور رخصتی کی تقریب ہوئی جس میں جہاں اُن کے رشتہ داروں اور شوبز ستاروں نے شرکت کی تو وہیں ان کے شوہر اور صبور کے بہنوئی احد رضا میر شادی کی تقریب میں نظر نہیں آئے۔

    احد رضا میر اور اُن کے اہلخانہ صبور کی شادی کی کسی بھی تقریب میں شریک نہیں ہوئے جس کے بعد سوشل میڈیا صارفین کی جانب سے سجل اور احد کی ازدواجی زندگی سے متعلق کئی سوالات کیے جارہے ہیں۔

    "ڈھولکی” کی رسم سے صبور علی اور علی انصاری کی شادی کی تقریبات کا آغاز

    اس کے ساتھ ہی سوشل میڈیا پر احد رضا میر اور اُن کے اہلخانہ کی ایک تصویر بھی وائرل ہورہی ہے جوکہ دبئی میں ایک شادی کی تقریب کے دوران لی گئی سوشل میڈیا صارفین کی جانب سے سوال کیا جارہا ہے کہ کیا احد کے لیے صبور علی کی شادی سے زیادہ یہ شادی اہم تھی؟-

    دوسری جانب سجل علی بھی اپنی بہن کی شادی میں کچھ کھوئی کھوئی سی نظر آئیں، صارفین کا کہنا ہے کہ احد کی غیر موجودگی نے سجل کو اُداس کیا۔

    لالی ووڈ ہیرو معمررانا کی بیٹی کی منگنی