لاہور:تحریک انصاف کی امیدوار این اے 130 ڈاکٹر یاسمین راشد کے نمائندہ اور سابق ایڈووکیٹ جنرل پنجاب احمد اویس ایڈووکیٹ اور چودھری اصغر گجر لاہور پریس کلب میں پریس کانفرنس کی ہے اور کہا ہے کہ رات کو رزلٹ دینا بند کرکے سینئر پولیس آفیسر ریٹرننگ آفیسر کے کمرے میں داخل ہوئے
احمد اویس کا کہنا تھا کہ یاسمین راشد کے ایجنٹس کو زبردستی باہر نکال دیا گیا اور مرضی کا رزلٹ تیار کر لیا گیا،ریٹرننگ آفیسر کو ہٹاکر نیا ریٹرننگ آفیسر بٹھایا گیا،یہ سارے ثبوت الیکشن کمیشن کو دیں گے،چوری شدہ رزلٹ پر بننے والی حکومت غیرقانونی اور غیراخلاقی ہو گی،انتخابی دھاندلی میں پنجاب پولیس ملوث ہے،چیف جسٹس اس معاملے کا سوموٹو نوٹس لیں،چیف جسٹس کے خلاف الزام ہے وہ معاملے کی تحقیقات کرائیں اور بینچ بنائیں،آئین ایک معاہدہ جس میں عوام اسٹیک ہولڈر ہے۔ عوام کے مینڈیٹ کو مسخ کیا گیا، آئین کی بندش میں ہیں، حدود میں رہ کر جائز احتجاج کریں گے،پی ٹی آئی احتجاج جاری رکھے گی۔پی ٹی آئی کو مہم نہیں چلانے دی گئی۔تمام سیاسی جماعتوں ایک پلیٹ فارم پر اکٹھے ہو کر آئینی حدود میں کام کرنا ہوگا،سیاسی جماعتوں کو اکٹھے ہو کر اس بحران سے نکالنا ہو گا،عمران خان تمام سیاسی جماعتوں سے بات چیت کے لئے آمادہ ہیں،حکومت سازی کے لئے کسی کے ساتھ مل کر کام نہیں کریں گے بلکہ اپوزیشن میں بیٹھیں گے
احمد اویس کا مزید کہنا تھا کہ ملک میں الیکشن کے نام پر ووٹ کا قتل ہوا ہے ۔اس طرح کی دھاندلی کی ماضی میں مثال نہیں ملتی ۔این اے 130 میں نواز شریف اور ڈاکٹر یاسمین راشد میں مقابلہ تھا۔اس حلقے میں کل 376پولنگ اسٹیشن تھے اور 334کے رزلٹ ہمارے پاس آئے ۔ان پولنگ اسٹیشن کے رزلٹ کے مطابق ڈاکٹر یاسمین راشد کے ایک لاکھ نو ہزار ووٹ تھے ،نواز شریف کے اسی ہزار ووٹ تھے ۔پھر فائنل رزلٹ آتا تو نواز شریف کے ایک لاکھ اناسی ہزار ووٹ ہوتے ہیں ۔نواز شریف کو 33 پولنگ اسٹیشن میں نوے ہزار ووٹ اور یاسمین راشد کو دو ہزار ووٹ پڑتے ہیں ۔نواز شریف کو جتوانے کے لیے آدھی رات کورزلٹ روکے گئے ۔جلد بازی میں صوبائی اور قومی اسمبلی کے ووٹر کا تناسب ہی نہیں رکھا گیا،
این اے 130 لاہور ، نواز شریف جیل میں گرفتار یاسمین راشد سے جیت گئے
بلاول کا "تیر” چل گیا، پیپلز پارٹی اب تک قومی کی ایک،صوبائی کی 5سیٹوں سے کامیاب
آٹھ گھنٹے گزر گئے، الیکشن کمیشن نتائج دینے میں ناکام،آصف زرداری اسلام آباد،نواز گھر چلے گئے
آبائی نشست سے متوقع ہار ،نواز شریف افسردہ ،ماسک پہن کر ماڈل ٹاؤن سے روانہ،تقریر بھی رہ گئی
مخلوط حکومت کانام نہ لیں ایک پارٹی کی اکثریت ضروری ہے،نواز شریف
انتخابات ابھی تک تو پُر امن ہیں،نگران وزیراعظم
آر او کے دفاتر میں دھاندلی کی گئی، پولیس افسران معاون تھے،سلمان اکرم راجہ
