چئیرمین متحدہ علماء بورڈ پنجاب حافظ محمد طاہر محمود اشرفی نے کہا ہے کہ ہم منت سماجت پارٹی ہیں مذہبی مسائل کو حل کر لیتے ہیں، پاکستان کی فوج اور قوم کی وحدت واتحاد کو کوئی نقصان نہیں پہنچا سکتا، سپریم کورٹ سے پہلے فیصلہ آیا تو زندہ باد پھر مردہ باد کہتے رہے، ہمیں مل بیٹھ کر اداروں کو طاقتور بنانا ہے.
عمران خان کی نااہلی کیلئے الیکشن کمیشن میں ریفرنس دائر
لاہور میں میڈیا سے گفتگو کرتے ہوئے طاہر محمود اشرفی کا کہنا تھا کہ ملکی معاشی صورتحال دو ہزار اٹھارہ جیسی ہے تو جنرل باجوہ نے سعودی عرب سے بات کرکے معیشت کےلئے بات کی ، آرمی چیف بڑا قد کاٹھ رکھتے ہیں اسلامی دنیا سے معیشت کےلئے بات کی گئی،آرمی چیف کو اللہ نےعزت دی عالم اسلام کے قائدین امریکہ و چین سے بھی قوم کےلئے بات کر سکتا ہے، ڈالر گرنے کا کریڈٹ فوج کو جاتا ہے فوج کو ہر وقت تنقید کا نشانہ نہیں بنانا چاہئے.
وزارتِ اعلیٰ مل گئی ، مزید کچھ نہیں چاہیے،مونس الہیٰ کی عمران خان سے ملاقات
طاہر محمود اشرفی نے کہا کہ قوم فوج و ادارے متحد ہیں تو ملک سلامت رہےگا، عمران خان سے گزارش کروں گا کہ اداروں کو توڑنے کی باتیں نہیں کرنی چاہئیں، فوج و سپہ سالار کے ہاتھ مدینہ میں لوگ چوم رہے تھے ،اگر فوج بہتری کےلئے کردار ادا کرتی ہے تو بہتر ہے آئی ایس پی آر سیاست میں یوم صفائی نہیں منا سکتے، جس بد بختوں نے جنرل سرفرازشہادت پر بات کی ایف آئی اے کو ایکشن لے کر پکڑنا چاہئیے.
انہوں نے کہا کہ محرم میں تمام مسالک کے درمیان معاملات خیر و عافیت سے چل رہے ہیں، تمام علما و مشائخ سے رابطہ ہے، اپنا مسلک چھوڑو نہیں اور دوسرے کے مسلک کو چھیڑو نہیں یہی پیغام پاکستان ہے.
طاہر محمود اشرفی کا کہنا تھا کہ تمام ہیلی کاپٹرز حادثے میں شہید ہونے والے فوجی افسران کو سلام پیش کرتے ہیں اور ان کی درجات کی بلندی کے لئے دعا گو ہیں،پاکستان میں جو امن آیا ہے یہ فوج اور پاکستانی قوم کے اتحاد کا نتیجہ ہے، پاکستان اور افغانستان کے تعلقات کو خراب کرنے کی کوشش کی جارہی ہے، بعض عناصر ہر چیز پاکستان فوج کے ساتھ جوڑ کر انتشار پیدا کرنا چاہتے ہیں ، مذہبی ہم اہنگی کے لئے علما و مشائخ اپنا کردار ادا کر رہے ہیں سب سے اپیل ہے کہ قانون کی بالا دستی کو قائم رکھیں.
