سعودی عرب کی وزارتی کونسل نے اپنے اجلاس کے دوران جنرل اتھارٹی فار میڈیا ریگولیشن کی ایک نئی تنظیم کی منظوری دی۔ یہ تنظیم مملکت میں میڈیا کے کردار اور اس کی سرگرمیوں کی توسیع ہے۔ اور یہ نئی تنظیم تمام قسم کے بصری، آڈیو اور پرنٹ میڈیا، افراد، کمپنیوں اور اداروں کی اشتہاری سرگرمیوں کی نگرانی اور کنٹرول کے ساتھ ساتھ میڈیا اور سوشل میڈیا پلیٹ فارمز میں ہر قسم کے تمام ڈیجیٹل میڈیا مواد کی ذمہ دار اتھارٹی کا کردار ادا کرےگی۔
عرب میڈیا کے مطابق جنرل اتھارٹی فار میڈیا ریگولیشن آڈیو ویژول میڈیا اتھارٹی کا متبادل ہے، جو 2012ء میں قائم کی گئی تھی۔یہ مالی اور انتظامی طور پر ایک خود مختار ادارہ ہوگا جو تنظیمی طور پر وزارت اطلاعات ونشریات سے منسلک ہوگا تاہم اس حوالے سے سعودی وزیر اطلاعات سلمان الدوسری نے کہا کہ اس فیصلے کا مقصد مقامی طور پر تیار کردہ مواد کو فروغ دینا ہے۔
جبکہ انہوں نے کہا کہ یہ ادارہ مکمل طور پر اتھارٹی کی چھتری کے نیچے ہوگا، اور اس کا مقصد میڈیا کے مختلف شعبوں کے ذریعے ملک میں اقتصادی سرگرمیوں کو سپورٹ کرنا، قومی کمپنیوں کو بااختیار بنانے اور براہ راست غیر ملکی سرمایہ کاری کو راغب کرنے کے لیے سرمایہ کاری کا ماحول پیدا کرکے ملازمتوں کے مواقع پیدا کرنا ہے۔
مزید یہ بھی پڑھیں؛
ماحولیاتی تبدیلی آگاہی مہم؛ نوجوانوں میں انعامات تقسیم
سیاسی جماعتوں میں میر جعفر۔ تجزیہ، شہزاد قریشی
مولانا فضل الرحمان کا فیس بک پیج ہیک
مریم نواز شریف سے پاکستان میں آسٹریلیا کے ہائی کمشنر نیل ہاکنز کی ملاقات
شیخ رشید نے ایک بار پھر 20 ستمبر تک سیاست میں بڑی ہلچل کا دعوی کردیا/
الدوسری نےکہا کہ میڈیا کے شعبے میں علاقائی اور بین الاقوامی سطح پر اپنائے گئے جدید ترین رجحانات اور بہترین طرز عمل کو اپنایا جائے گا، جو قومی معیشت کے ذرائع کو متنوع بنا کر وژن 2030 کے اہداف کے حصول میں معاون ثابت ہوں گے۔ یہ پیش رفت میڈیا سیکٹر کی ترقی اور انتظامی نگرانی، انفراسٹرکچر اور میڈیا کے مواد کو سپورٹ اور اپ گریڈ کرنے سے متعلق ہے۔ یہ غیر ملکی سرمایہ کاری کو راغب کر کے ملکی پیداوار میں میڈیا کی معیشت کے تعاون کو فروغ دینے میں اپنا کردار ادا کرے گی۔
