Tag: اداکار

بالی ووڈ اداکار سیف علی خان پر قاتلانہ حملے کا معاملہ، پولیس تحقیقات میں نئی تفصیلات

ممبئی: بالی ووڈ کے مشہور اداکار سیف علی خان پر قاتلانہ حملے کے معاملے میں ممبئی پولیس دن رات مصروف ہے، لیکن حملہ آور اب تک پولیس کی گرفت سے باہر ہے۔ اس دوران تحقیقات میں نئے انکشافات سامنے آئے ہیں۔ رپورٹ کے مطابق حملہ آور نے پکڑے جانے سے بچنے کے لیے اپنے کپڑے تبدیل کیے تھے۔

سیف علی خان کے گھر اور ممبئی کے باندرہ میں واقع لکی ہوٹل کے علاقے کی سی سی ٹی وی فوٹیج سے یہ بات سامنے آئی ہے کہ ملزم نے حملے کے بعد اپنا حلیہ بدل لیا تھا۔ اس وقت ممبئی پولیس نے ملزمان کو پکڑنے کے لیے 20 سے زائد خصوصی ٹیمیں تشکیل دی ہیں۔پولیس نے اس بات کی تصدیق کی ہے کہ مشتبہ حملہ آور کو ممبئی کے باندرہ پولیس اسٹیشن اور ریلوے اسٹیشن کے درمیان دیکھا گیا تھا۔ صبح 8 بجے تک وہ باندرہ کے علاقے میں گھوم رہا تھا، مگر پولیس ابھی تک اسے گرفتار کرنے میں ناکام رہی ہے۔ پولیس حکام حیران ہیں کہ دونوں اہم داخلی مقامات پر سیکیورٹی گارڈز کی موجودگی کے باوجود مشتبہ شخص سیف علی خان کی عمارت میں کیسے داخل ہوا اور پھر باہر نکلنے میں کامیاب ہوا۔

حملے کے وقت، ملزم نے ماسک اور ٹوپی پہن رکھی تھی لیکن عمارت سے باہر نکلتے ہوئے اس نے یہ دونوں اشیاء ہٹا دیں، جس سے پولیس کے ذہن میں کئی سوالات جنم لے رہے ہیں۔اب تک پولیس نے سیف علی خان پر حملے کے حوالے سے 40 سے 50 افراد سے پوچھ گچھ کی ہے اور ان کے بیانات قلمبند کر لیے ہیں۔ ان لوگوں میں زیادہ تر سیف کے جاننے والے ہیں۔ پولیس نے سیف کے عملے سے بھی تفصیلی پوچھ گچھ کی ہے۔

نئی سی سی ٹی وی فوٹیج میں کچھ اہم تفصیلات سامنے آئی ہیں۔ رپورٹ کے مطابق سیف پر حملہ کرنے والا شخص ننگے پاؤں سیف کے گھر میں داخل ہوا، لیکن جب وہ واپس بھاگ رہا تھا تو اس نے جوتے پہن رکھے تھے۔ اس کے علاوہ، جب وہ اوپر جا رہا تھا تو اس کا بیگ بھرا ہوا دکھائی دیا تھا، لیکن جب وہ نیچے آ رہا تھا، اس کا بیگ خالی نظر آیا۔ یہ تمام تفصیلات پولیس کے لیے تشویش کا باعث بنی ہوئی ہیں۔پولیس کی تفتیش میں سیف علی خان پر حملے کے دوران استعمال ہونے والے چاقو کا ایک ٹکڑا بھی اہم موڑ ثابت ہو رہا ہے۔ سیف کی کمر میں پھنسا چاقو کا ٹکڑا پولیس نے اپنی تفتیش میں شامل کیا ہے، لیکن ابھی تک چاقو کا وہ دوسرا ٹکڑا برآمد نہیں ہو سکا جس سے حملہ آور نے حملہ کیا تھا۔یہ تمام تفصیلات اس بات کا عندیہ دیتی ہیں کہ سیف علی خان پر حملہ ایک منصوبہ بند اقدام تھا اور ملزم کی گرفتاری کے لیے پولیس کی تفتیش مزید پیچیدہ ہو سکتی ہے۔

سیف علی خان حملہ،20 تحقیقاتی ٹیمیں،50 گھنٹے گزر گئے،ملزم گرفتار نہ ہو سکا

سیف علی خان پر حملے کے بعد شاہد کپور کا ردعمل

سیف علی خان کو سابقہ اہلیہ نے دی تھیں نیند کی گولیاں

خاموش رہو، حملہ آور نے سیف علی خان کے ملازمین کو دھمکی دی

سیف علی خان پر حملہ،مشتبہ شخص گرفتار

سیف علی خان برطانیہ جانے کے خواہشمند،انڈرورلڈ سے تعلق

سیف علی خان پر حملہ،مودی کے حامی شاعر کی”تیمور”پر تنقید ،مذہبی انتہاپسندی کا عنصر

سیف علی خان کے گھر میں گھسنے والے نے ایک کروڑ مانگا،نرس کا انکشاف

سیف علی خان زخمی،سارہ،ابراہیم پہنچے ہسپتال ،حملہ بالی وڈ کے لیے ایک سنگین انتباہ قرار

کئی سالوں سے سیکورٹی بڑھانے کی درخواست کر رہی تھی،سیف کی پڑوسی اداکارہ

زخمی سیف علی خان کو بیٹے نے رکشے میں ہسپتال منتقل کیا

بالی وڈ اداکار سیف علی خان کے گھر میں ڈکیتی کی کوشش، سیف علی خان زخمی

50 گھنٹے گزرنے کے باوجود سیف علی خان پر حملہ کرنے والا ملزم ابھی تک فرار، آخری بار باندرا اسٹیشن پر دیکھا گیا

ممبئی کے باندرا علاقے میں سیف علی خان پر حملہ کرنے والے شخص کو گرفتار کرنے کے لئے پولیس کی تلاش جاری ہے، اس دوران ممبئی پولیس نے 30 سے زائد افراد کے بیانات ریکارڈ کیے ہیں۔ ایک شخص کو تفتیش کے لئے حراست میں لیا گیا تھا، جسے چند گھنٹوں بعد چھوڑ دیا گیا کیونکہ وہ سیف علی خان پر حملے سے متعلق نہیں تھا۔ تاہم، اس شخص کو رات کے وقت دوبارہ حراست میں لے کر تفتیش کی گئی۔

سیف علی خان پر حملہ جمعرات کی صبح اُس کے باندرا کے رہائشی مکان میں اُس وقت ہوا جب ایک ملزم نے ان کے گھر میں گھس کر ان پر چھری سے چھ بار حملہ کیا۔ حملے کے نتیجے میں سیف علی خان شدید زخمی ہو گئے تھے اور انہیں فوری طور پر ایک نزدیکی اسپتال منتقل کیا گیا جہاں ان کی سرجری کی گئی اور وہ اب صحت یاب ہو رہے ہیں۔

پولیس نے تحقیقات کے لئے 20 ٹیمیں تشکیل دی ہیں، جن میں 10 ٹیمیں کرائم برانچ کی ہیں۔ باندرا کے علاقے سے سی سی ٹی وی فوٹیج قبضے میں لی گئی ہے، اور کم از کم دو مزید مشتبہ افراد سے تفتیش کی جا رہی ہے۔اداکار کرینہ کپور خان نے جمعہ کی شام باندرا پولیس کے سامنے اپنے شوہر سیف علی خان پر حملے سے متعلق بیان ریکارڈ کرایا۔ پولیس نے اس کیس سے متعلق 30 سے زائد افراد کے بیانات ریکارڈ کیے ہیں، جن میں ایک بڑھئی بھی شامل ہے جو دو دن پہلے سیف علی خان کے گھر کام کر چکا تھا۔

مہاراشٹر کے وزیر اعلیٰ نے کہا کہ پولیس کے پاس متعدد اہم سراغ ہیں اور ملزم کی گرفتاری جلد متوقع ہے۔ "پولیس کی تفتیش جاری ہے، اور ان کے پاس کئی سراغ ہیں۔ مجھے لگتا ہے کہ پولیس جلد ہی ملزم کا پتہ لگا لے گی,” انہوں نے کہا۔

پولیس ذرائع کے مطابق، حملہ آور کا سیف علی خان کے گھر میں داخل ہونے کا عمل تقریباً 30 منٹ تک جاری رہا۔ ملزم نے قریبی کمپاؤنڈ کی دیوار پھاند کر عمارت میں داخل ہونے کا راستہ اختیار کیا اور پھر عمارت کے پچھلے حصے کی سیڑھیاں چڑھ کر سیف علی خان کے اپارٹمنٹ تک پہنچا۔ بعد ازاں، وہ فائر ای سکپ کے ذریعے سیف علی خان کے گھر میں داخل ہو گیا۔پولیس کے مطابق، ملزم نے سیف علی خان کے گھر میں گھس کر ایک کروڑ روپے کا مطالبہ کیا تھا۔

سیف علی خان اور کرینہ کپور کے بیٹے جہانگیر (جہ) کی دیکھ بھال کرنے والی نرس ایلیا ما فلپس، جنہوں نے سب سے پہلے حملہ آور کو دیکھا، نے بتایا کہ حملہ آور کی عمر 35 سے 40 سال کے درمیان تھی اور اس کا رنگ سانولا تھا۔ فلپس کے مطابق، ملزم کا جسم دبلہ پتلا تھا اور اس کی قد تقریباً 5 فٹ 5 انچ تھی۔

دوسری طرف، مہاراشٹر میں اس واقعے پر سیاسی تنازعہ شروع ہو گیا ہے۔ ریاستی وزیر یوگیش کدم نے کہا کہ اس حملے کے پیچھے کسی انڈرورلڈ گینگ کا ہاتھ نہیں ہے۔ "جو شخص اس حملے کے سلسلے میں حراست میں لیا گیا ہے، وہ کسی گینگ کا حصہ نہیں ہے۔ یہ حملہ صرف چوری کے مقصد سے کیا گیا تھا۔”

سیف علی خان پر حملے کے بعد شاہد کپور کا ردعمل

سیف علی خان کو سابقہ اہلیہ نے دی تھیں نیند کی گولیاں

خاموش رہو، حملہ آور نے سیف علی خان کے ملازمین کو دھمکی دی

سیف علی خان پر حملہ،مشتبہ شخص گرفتار

سیف علی خان برطانیہ جانے کے خواہشمند،انڈرورلڈ سے تعلق

سیف علی خان پر حملہ،مودی کے حامی شاعر کی”تیمور”پر تنقید ،مذہبی انتہاپسندی کا عنصر

سیف علی خان کے گھر میں گھسنے والے نے ایک کروڑ مانگا،نرس کا انکشاف

سیف علی خان زخمی،سارہ،ابراہیم پہنچے ہسپتال ،حملہ بالی وڈ کے لیے ایک سنگین انتباہ قرار

کئی سالوں سے سیکورٹی بڑھانے کی درخواست کر رہی تھی،سیف کی پڑوسی اداکارہ

زخمی سیف علی خان کو بیٹے نے رکشے میں ہسپتال منتقل کیا

بالی وڈ اداکار سیف علی خان کے گھر میں ڈکیتی کی کوشش، سیف علی خان زخمی

ایک خاتون دوڑتے ہوئے آٹو ڈرائیور کے پاس آئیں اور چیخ کر کہا "روکو، روکو، روکو”، یہ الفاظ آٹو ڈرائیور بھجن سنگھ رانا نے بتائے، جنہوں نے بالی ووڈ کے اداکار سیف علی خان کو جمعرات کی صبح اسپتال پہنچایا۔

اداکارسیف علی خان جن کی عمر 54 سال ہے، اپنے گھر میں ایک مبینہ چوری کے دوران بار بار چھریوں کے وار سے زخمی ہوئے تھے،رکشہ ڈرائیوربھجن سنگھ رانا نے این ڈی ٹی وی کو بتایا، "میں لنکنگ روڈ سے جا رہا تھا۔ جس عمارت میں وہ (سیف علی خان) رہتے ہیں، اس کا نام ستگرو نیواس ہے۔ ایک خاتون دوڑتے ہوئے آئی اور کہا رکشا، رکشا، رکشا، روکو، روکو، روکو ۔ پھر اس نے آٹو کو عمارت کے دروازے کے قریب روکنے کو کہا۔”

آٹو ڈرائیور کو اس وقت تک نہیں پتا تھا کہ وہ جس زخمی شخص کو اسپتال لے جا رہا ہے وہ بالی ووڈ کے مشہور اداکار سیف علی خان ہیں۔

انہوں نے کہا، "مجھے نہیں پتا تھا کہ وہ سیف علی خان ہیں۔ یہ ایمرجنسی تھی۔ میں خود بھی اس بات سے پریشان تھا کہ یہ مسافر کون ہے جو میرے آٹو میں بیٹھا ہے۔ مجھے خوف تھا کہ کہیں مجھے کسی مشکل میں نہ پھنسنا پڑ جائے۔ اور یہی وجہ تھی کہ میں نروس تھا۔””وہ (سیف) سفید رنگ کی شرٹ پہنے ہوئے تھے، جو خون سے رنگی ہوئی تھی۔ ایک بچہ ان کے ساتھ بیٹھا ہوا تھا، ایک نوجوان لڑکا بھی ان کے ساتھ تھا”،

آٹو ڈرائیور نے بتایا کہ جب اس نے اداکار سے پوچھا کہ اسے ہولی فیملی اسپتال لے جانا ہے یا لیلاوتی اسپتال، تو اداکار نے کہا، "مجھے لیلاوتی لے جاؤ۔”اسپتال پہنچنے کے بعد ایک گارڈ کو طلب کیا گیا اور اسپتال کا عملہ جمع ہو گیا، آٹو ڈرائیور نے کہا کہ اسی وقت مسافر نے اپنا تعارف کرایا: "میں سیف علی خان ہوں۔”اس کے بعد آٹو ڈرائیور کو سمجھ آیا کہ اس کا مسافر کوئی اور نہیں بلکہ بالی ووڈ کا مشہور اداکار سیف علی خان تھا۔

ڈاکٹروں کے مطابق، سیف علی خان کو لیلاوتی اسپتال میں ایمرجنسی سرجری کے بعد "خطرے سے باہر” قرار دیا گیا۔جب آٹو ڈرائیور سے پوچھا گیا کہ کیا سیف کی بیوی کرینہ کپور اسپتال میں موجود تھیں، تو اس نے کہا، "میں نے نوٹس نہیں کیا۔”

سیف علی خان پر حملے کے بعد شاہد کپور کا ردعمل

سیف علی خان کو سابقہ اہلیہ نے دی تھیں نیند کی گولیاں

خاموش رہو، حملہ آور نے سیف علی خان کے ملازمین کو دھمکی دی

سیف علی خان پر حملہ،مشتبہ شخص گرفتار

سیف علی خان برطانیہ جانے کے خواہشمند،انڈرورلڈ سے تعلق

سیف علی خان پر حملہ،مودی کے حامی شاعر کی”تیمور”پر تنقید ،مذہبی انتہاپسندی کا عنصر

سیف علی خان کے گھر میں گھسنے والے نے ایک کروڑ مانگا،نرس کا انکشاف

سیف علی خان زخمی،سارہ،ابراہیم پہنچے ہسپتال ،حملہ بالی وڈ کے لیے ایک سنگین انتباہ قرار

کئی سالوں سے سیکورٹی بڑھانے کی درخواست کر رہی تھی،سیف کی پڑوسی اداکارہ

زخمی سیف علی خان کو بیٹے نے رکشے میں ہسپتال منتقل کیا

بالی وڈ اداکار سیف علی خان کے گھر میں ڈکیتی کی کوشش، سیف علی خان زخمی

معروف اداکار سیف علی خان پر گزشتہ روز جمعرات کو ایک حملہ ہوا، جس میں ان پر چاقو سے حملہ کیا گیا۔ اس واقعے کے بعد پولیس نے فوراً کارروائی کرتے ہوئے ایک مشتبہ شخص کو حراست میں لے لیا ہے، تاہم اس حملے کی وجوہات ابھی تک واضح نہیں ہو سکیں۔ اس دوران سیف علی خان کے صحت سے متعلق تازہ اپڈیٹس بھی سامنے آئے ہیں۔

سیف علی خان کو اس وقت اسپتال کے اسپیشل روم میں منتقل کیا گیا ہے۔ حال ہی میں ان کی سرجری لیلاوتی اسپتال میں کی گئی تھی، جس کے بعد وہ آئی سی یو میں زیر علاج تھے۔ ان کے بیٹے ابراہیم علی خان انہیں خون میں لتھڑے ہوئے حالت میں اسپتال لے کر پہنچے تھے، جس کے بعد فوراً ان کی سرجری کی گئی تھی۔ڈاکٹروں نے بتایا کہ سیف علی خان کی حالت میں بہتری آئی ہے ، تاہم، ڈاکٹروں نے انہیں ایک ہفتے کا بیڈ ریسٹ تجویز کیا ہے اور ان کی جسمانی حرکت پر مکمل پابندی عائد کی گئی ہے تاکہ ان کا جسم مکمل طور پر صحت یاب ہو سکے۔

پولیس نے چاقو سے حملے کے ملزم کو گرفتار کر لیا ہے اور اس بات کی تحقیقات جاری ہیں کہ یہ حملہ ذاتی رنجش یا کسی اور وجہ سے کیا گیا۔ فی الحال مزید تفصیلات کا انتظار کیا جا رہا ہے۔سیف علی خان کے مداحوں کے لیے یہ ایک پریشان کن لمحہ ہے، لیکن خوش قسمتی سے اداکار کی حالت بہتر ہو رہی ہے۔ ان کی جلد صحت یابی کی دعائیں کی جا رہی ہیں۔

سیف علی خان پر حملے کے بعد شاہد کپور کا ردعمل

سیف علی خان کو سابقہ اہلیہ نے دی تھیں نیند کی گولیاں

خاموش رہو، حملہ آور نے سیف علی خان کے ملازمین کو دھمکی دی

سیف علی خان پر حملہ،مشتبہ شخص گرفتار

سیف علی خان برطانیہ جانے کے خواہشمند،انڈرورلڈ سے تعلق

سیف علی خان پر حملہ،مودی کے حامی شاعر کی”تیمور”پر تنقید ،مذہبی انتہاپسندی کا عنصر

سیف علی خان کے گھر میں گھسنے والے نے ایک کروڑ مانگا،نرس کا انکشاف

سیف علی خان زخمی،سارہ،ابراہیم پہنچے ہسپتال ،حملہ بالی وڈ کے لیے ایک سنگین انتباہ قرار

کئی سالوں سے سیکورٹی بڑھانے کی درخواست کر رہی تھی،سیف کی پڑوسی اداکارہ

زخمی سیف علی خان کو بیٹے نے رکشے میں ہسپتال منتقل کیا

بالی وڈ اداکار سیف علی خان کے گھر میں ڈکیتی کی کوشش، سیف علی خان زخمی

حال ہی میں چوری کی واردات کے دوران مزاحمت پر چاقو کے وار سے زخمی ہونے والے بھارتی اداکار سیف علی خان کی زندگی سے متعلق ایک اہم انکشاف سامنے آیا ہے۔

بھارتی میڈیا میں شائع ہونے والی رپورٹ میں بتایا گیا ہے کہ سیف علی خان کو ایک بار اپنی سابقہ اہلیہ امریتا سنگھ نے نیند کی گولیاں دی تھیں تاکہ وہ اچھی طرح سو سکیں، اور اس کا سیف کو علم بالکل نہیں تھا۔فلمساز اور ہدایتکار سورج برجاتیا نے ایک انٹرویو میں اس واقعہ کا ذکر کیا اور کہا کہ ان کی 1999 کی فلم "ہم ساتھ ساتھ ہیں” کی شوٹنگ کے دوران سیف علی خان کی نیند پوری نہیں ہو پا رہی تھی، جس کی وجہ سے وہ اچھے طریقے سے شوٹنگ نہیں کر پا رہے تھے۔ سورج برجاتیا نے مزید کہا کہ اس وقت فلم کی شوٹنگ میں سلمان خان، کرشمہ کپور، سونالی باندرے، موہنیش بھل اور تبو جیسے بڑے اداکار بھی موجود تھے اور یہ فلم سپر ہٹ ثابت ہوئی تھی۔

سورج برجاتیا کے مطابق، سیف علی خان اس وقت ذاتی زندگی کی مشکلات اور ٹینشن کے باعث نیند کی کمی کا شکار تھے، جس کی وجہ سے وہ شوٹنگ پر بہتر پرفارم نہیں کر پا رہے تھے۔ سورج برجاتیا نے اپنی بات جاری رکھتے ہوئے کہا کہ جب انہوں نے سیف کی پہلی اہلیہ امریتا سنگھ سے اس بارے میں بات کی تو انہیں پتہ چلا کہ سیف کی نیند پوری نہیں ہو رہی ہے۔ اس پر سورج برجاتیا نے امریتا سنگھ کو مشورہ دیا کہ وہ سیف کو نیند کی گولیاں دیں تاکہ وہ اچھی نیند لے سکیں اور اگلے دن شوٹنگ کے لیے تازہ دم ہو کر آئیں۔ امریتا سنگھ نے اس مشورے پر عمل کیا، اور اگلے دن سیف علی خان فریش ہو کر سیٹ پر آئے اور انہوں نے پہلا سین ہی بہت اچھے انداز میں شوٹ کر لیا، جس پر سب حیران رہ گئے۔

سیف علی خان اور امریتا سنگھ کی 1991 میں شادی ہوئی تھی اور ان کے دو بچے سارہ علی خان اور ابراہیم علی خان ہیں۔ تاہم، 2004 میں دونوں کی طلاق ہوگئی۔ اس کے بعد 2012 میں سیف علی خان نے کرینہ کپور سے شادی کی، جن سے ان کے دو بچے تیمور علی خان اور جہانگیر علی خان ہیں۔

خاموش رہو، حملہ آور نے سیف علی خان کے ملازمین کو دھمکی دی

سیف علی خان پر حملہ،مشتبہ شخص گرفتار

سیف علی خان برطانیہ جانے کے خواہشمند،انڈرورلڈ سے تعلق

سیف علی خان پر حملہ،مودی کے حامی شاعر کی”تیمور”پر تنقید ،مذہبی انتہاپسندی کا عنصر

سیف علی خان کے گھر میں گھسنے والے نے ایک کروڑ مانگا،نرس کا انکشاف

سیف علی خان زخمی،سارہ،ابراہیم پہنچے ہسپتال ،حملہ بالی وڈ کے لیے ایک سنگین انتباہ قرار

کئی سالوں سے سیکورٹی بڑھانے کی درخواست کر رہی تھی،سیف کی پڑوسی اداکارہ

زخمی سیف علی خان کو بیٹے نے رکشے میں ہسپتال منتقل کیا

بالی وڈ اداکار سیف علی خان کے گھر میں ڈکیتی کی کوشش، سیف علی خان زخمی