Tag: ارباز خان

بالی وڈ اداکارہ و رقاصہ ملائکہ اروڑہ اپنے خوبصورت سٹائل کی وجہ سے کافی زیادہ شہرت رکھتی ہیں، ملائکہ نے کبھی بھی کسی فلم میں ہیروئین کا کردار نہیں‌کیا لیکن اس کے باوجود وہ ایک سپر سٹار کا فیم انجوائے کرتی ہیں. ملائکہ اروڑہ کی اٹھاراں سال کے بعد ارباز خان کے ساتھ شادی ختم ہوئی تو انہوں نے اپنی زندگی کو نیا رخ دیا اور اپنے سے گیاراں برس چھوٹے ارجن کپور کو ڈیٹ‌کرنا شروع کر دیا. جب سے ملائکہ ارجن کے ساتھ دوستی کے تعلق میں ہیں تب سے ان پر بہت تنقید کی جاتی ہے. حال ہی میں‌ایک تقریب میں‌ملائکہ اروڑہ نے کہا کہ میں کامیاب انٹرپنیور ہوں ، ایک کامیاب ماں‌ہوں، کامیاب انسان ہوں یہ درجے اہمیت نہیں رکھتے کیونکہ میں‌طلاق یافتہ ہوں. میں

جہاں بھی جاتی ہوں یہی سننے کو ملتا ہے کہ مجھے طلاق ہو گئی ہے. بھئی طلاق ہو گئی ہے تو کیاکروں ؟ زندہ رہنا چھوڑ دوں؟ یا گھر کے باہر ایک تختی میں‌نام کی جگہ طلاق یافتہ لکھوا لوں؟ ملائکہ کی ان باتوں کو بہت سراہا گیا اور جو انہوں نے سوال کیا اس کو بھی سراہا گیا، اس ھوالے سے سوشل میڈیا پر بحث چھڑ گئی اور کہا گیا کہ عورت کو طلاق ہوجانا اتنی بڑی بات کیوں سمجھی جاتی ہے، اگر عورت کو طلاق ہوتی ہے تو مرد کا بھی تو گھر خراب ہوتا ہے.

بالی وڈ اداکارہ رقاصہ ملائکہ اروڑہ نے حال ہی میں اپنے شو موونگ ان ود ملائکہ میں بتایا ہےکہ انہوں نے ارباز خان کے ساتھ شادی کیوں کی. انہوں نے کہا کہ میں نے ارباز خان سے شادی صرف اس لئے کی کیونکہ میں اپنے گھر سے نکلنا چاہتی تھی، میری اور ارباز خان کی شادی کافی اچھی چلتی رہی لیکن ایک وقت ایسا آیا کہ ہمارے درمیان معاملات ٹھیک نہ تھے ایک دوسرے کے ساتھ رہنا مشکل ہو رہا تھا اسلئے دونوں نے فیصلہ کہا ایک دوسرے کی زندگی سے نکل جائیں . لہذا ہم دونوں نے فیصلہ کیا کہ ہم طلاق کی طرف جائیں گے . لہذا ایک دوسرے کو طلاق دیکر معاملات کو ختم کر دیا . ملائکہ اروڑہ یہ سب بتاتے ہوئے رو پڑیں اور کہا کہ طلاق آسان فیصلہ نہ تھا لیکن ساتھ رہنا بہت مشکل تھا. انہوں نے

بتایا کہ ان کی ارباز خان کے ساتھ شادی 1998 میں ہوئی تھی ان کا 21 سالہ بیٹا بھی ہے.. یاد رہے کہ ملائکہ اور ارباز خان اپنے بیٹے کے لئے عموما ایک ساتھ بھی نظر آتے ہیں . ملائکہ اروڑہ آج کل ارجن کپور کے ساتھ دوستی کے تعلق میں ہیں ان کی شادی کی اکثر خبریں آتی رہتی ہیں ، تاہم ابھی تک انہوں نے شادی کا فیصلہ نہیں کیا.

بالی وڈ اداکارہ ملائکہ اروڑہ جو کہ فیشن آئیکون ہیں وہ اپنے فیشن اور افئیرز کی وجہ سے کافی چرچا میں‌ رہتی ہیں. انہوں نے ارباز خان کے ساتھ 1998 میں شادی کی اور 2017 میں ان کی طلاق ہو گئی.اپنے حالیہ انٹرویو میں ملائکہ اروڑہ نے کہا ہے کہ مجھے بہت زیادہ ٹرول کیا جاتا ہے. انہوں نے کہا کہ آج بھی طلاق یافتہ خواتین اور سنگل پیرنٹ کو درحقیقت حقارت کی نگاہ سے دیکھا جاتا ہے اس رویے کو تبدیل کئے جانے کی ضرورت ہے . انہوں نے کہا کہ میں بہت مضبوط اعصاب رکھتی ہوں. مجھے کوئی ایک گھونسا مارے تو میں اس کو واپس پوری طاقت کے ساتھ

گھونسا مارتی ہوں اور ایسا گھونسا مارتی ہوں کہ اگلہ جلدی صحتیاب بھی نہیں ہو سکتا. میں ہر بات صاف صاف اور منہ پہ کہتی ہوں اور میرے خیال سے سب عورتوں کو ایسا کرنا چاہیے انہیں جو ٹھیک لگتا ہے انہیں کہنا چاہیے اور جو کرنا چاہتی ہیں ویسا ہی کریں اپنے حقوق کے لئے اور خود کےلئے اٹھ کھڑی ہوں. یاد رہے کہ ملائکہ اروڑہ کو سوشل میڈیا پر بہت زیادہ ٹرو ل کیا جاتا ہے اور انکی طلاق اور ارجن کپور کے ساتھ ان کے رشتے پر بہت زیادہ بات کی جاتی ہے. ملائکہ اروڑہ بہت جلد ویب سیریز موونگ ان ود ملائکہ کے ساتھ OTT کی دنیا میں‌قدم رکھیں گی.

بالی وڈ اداکار ارباز خان جو کہ سلمان خان کے بھائی ہیں اور ملائکہ اروڑہ کے سابق شوہر ہیں .انہوں نے نوے کی دہائی میں ملائکہ اروڑہ کے ساتھ شادی کی ان کا ایک بیٹا بھی ہے لیکن 18 سال کے بعد یہ رشتہ اختتام پذیر ہو گیا. رشتہ اختتام پذیر کیوں ہوا اس پر دونوں نے کھل کر بات نہیں کی لیکن حال ہی میں ارباز خان نے ایک انٹرویو دیا ہے اس میں انہوں نے بتایا ہے کہ وہ کس قدر پریشان رہے ہیں، رشتوں اور پیسوں کے معاملات کو لیکر. ارباز خان نے کہا کہ کوئی ایسا انسان نہیں ہوتاکہ جس کی زندگی میں مسائل نہ ہوں لیکن میری زندگی میں بہت زیادہ مسائل رہے.

انہوں نے کہا کہ میرے صحت کے مسائل بھی رہے بہت سارے تنائو تھے جن سے لڑتے رہے. ارباز خان نے کہا کہ ہر انسان زندگی میں تنائو سے لڑتا ہے ،یقینا یہ سب زندگی کا حصہ ہے. یاد رہے کہ ملائکہ اروڑہ اور ارباز خان کی علیحدگی کے بعد بھی یہ ایک دوسرے کو اپنے بیٹے کی خوشی کی خاطر ملتے ہیں . اور اکثر بیٹے کے ساتھ دکھائی دیتے ہیں. آخری بار دونوں‌بیٹے کو چھوڑنے کے لئے ائیر پورٹ آئے. جہاں دونوں نے ایک دوسرے کے ساتھ کھڑے ہو کر بات چیت بھی کی .

پاکستانی اداکار ارباز خان اپنے بیٹے آریان خان کی شوبز انڈسٹری میں اینٹری پر بہت خوش ہیں ان کا کہنا ہےکہ میں نے اپنے بیٹے پر بالکل بھی دبائو نہیں‌ڈالا کہ وہ شوبز انڈسٹری کا حصہ بنے . شوبز انڈسٹری میں آنے کا فیصلہ مکمل طور پر میرے بیٹے کا ہے. میں یہ محسوس تو کررہا تھا کہ میرا بیٹا اداکاری میں آئیگا لیکن میں نے یہ سوال اس سے نہیں‌کیا تھا جب تک کہ اس نے خود اس خواہش کا اظہار نہیں‌کر دیا تھا. ارباز خان نے کہا کہ میں اپنی بیوی کی نسبت بچوں‌پر زیادہ سختی کرتا ہوں‌. سختی زیادہ پڑھائی کے معاملات میں‌کرتا ہوں‌. ہمارے ماں‌باپ نے ہمیں‌پڑھایا لکھایا تھا تو میری بھی کوشش ہے کہ میرے بچے پہلے پڑھیں لکھیں اس کے بعد یہ کسی بھی کیرئیر کو

اپنائیں. پڑھائی لکھائی آج کے زمانے کی بہت بڑی دولت ہے. ارباز خان نے کہا کہ میرے باپ نے بھی مجھے کہا تھا کہ میری عزت کا خیال رکھنا اور اپنے دم پر اپنا نام بنانا میں اپنے بیٹوں کو بھی یہ ہی کہوں گا کہ اپنے دم پر اپنا نام بنائیں اور میری اور اپنے دادا کی عزت کا خیال رکھیں. ایک سوال کے جواب میں ارباز خان نے کہا کہ میری اہلیہ خوشبو بہت خوش ہیں کہ ان کا بیٹا شوبز انڈسٹری کاحصہ بن گیا ہے. وہ آج اس خوشی میں ضرور شامل ہوتیں لیکن وہ کام کی غرض سے شہر سے باہر ہیں.

نوے کی داہئی کے سپر ہٹ اداکار اور سینئر اداکار آصف خان کے بیٹے ارباز خان کے بیٹے نے باقاعدہ شوبز انڈسٹری میں اینٹری دیدی ہے. ارباز کے بیٹے آریان خان نے ڈرامہ سیریل رشتے ناطے سے اپنے کیرئیر کا آغاز کیا ہے. آریان اس ڈرامے میں ارباز خان کے بیٹے کا ہی کردار ادا کررہے ہیں. ڈرامے کو کے رحمان نے لکھا ہے جبکہ ڈائریکٹر دلاور ملک ہیں. کاسٹ میں سنگیتا بیگم ، کامران مجاہد ، مہرین شاہ ، صائمہ سلیم، نور الحسن ، ارم انصاری ، شیراز سکندر ، مومنہ قدوس ، اعجاز، علی انجم، زارا حیات خان و دیگر کے نام شامل ہیں. آج لاہور میں اس ڈرامے کی پریس کانفرنس ڈرامے کے سیٹ پر ہی کی گئی. ارباز خان نے کہا کہ مجھے جب جب کوئی اچھا کردار ملتا ہے

میں کرتا ہوں.اس ڈرامے کی کہانی روٹین کے ڈراموں‌ سے ہٹ کر ہے. انہوں نے یہ بھی کہا کہ میرا بیٹا بنا بنایا ایکٹر ہے ہم تو پھر بھی شروع میں‌کنفیوژ ہوجاتے تھے لیکن میرا بیٹا کنفیوژنہیں ہوتا کافی پر اعتماد ہے. ڈرامے کے ڈائریکٹر دلاور ملک کا کہنا ہےکہ میں نے ہمیشہ کوشش کی ہے کہ فیملی ڈرامہ بنائوں اور رشتے ناطے مکمل طور پر ایک فیملی ڈرامہ ہے اور ارباز خان نے اس ڈرامے کےلئے ہاں کی اسکے لئے میں ان کا شکرگزار ہوں.

بالی وڈ کی معروف رقاصہ و ماڈل ملائکہ اروڑہ خاصی مقبول ہیں اپنے فیشن سٹائل اور رقص کی وجہ سے. انہوں نے 1998 میں سلمان خان کے بھائی ارباز خان کے ساتھ شادی کی، اور ارباز خان کے ساتھ ان کی محبت کی شادی تھی یہ شادی 19 سال کے بعد اپنے اختتام کو پہنچ گئی لیکن ملائکہ اروڑہ اس پر ہیں کافی خوش . ان کا کہنا ہے کہ مجھے خوشی ہے کہ میں اپنے لئے کھڑی ہوئی اور میں نے وہ فیصلہ کیا جو میرا دل چاہتا ہے میں کسی دبائو میں نہیں آئی. عورت کو وہ فیصلہ کرنا چاہیے جو اس کا دل کہتا ہے گھٹ گھٹ کرنہیں رہنا چاہیے. ملائکہ اروڑہ نے

مزید یہ بھی کہا کہ میرے بیٹے کے مجھ سے بہت اچھے تعلقات ہیں اور اب تو میرے تعلقات میرے سابق شوہر کے ساتھ بھی اچھے ہیں اور ہم پہلے سے زیادہ ایک دوسرے کو عزت دیتے ہیں اور سمجھتے ہیں. ملائکہ اروڑہ نے کہا کہ ایسے رشتے میں‌کبھی نہیں رہنا چاہیے کہ جس پہ آپ کا دل نہ مانے مجھے جب لگا کہ مجھے ارباز سے الگ ہوجانا چاہیے میں ہو گئی اور میں نے دنیا کی پرواہ نہیں کی . یاد رہے کہ ملائکہ اورڑہ نے نوے کی دہائی میں شاہ رخ خان کے ساتھ گانا چھئیاں چھئیاں‌پر ڈانس کیا جو آج تک مقبول ہے اسکے علاوہ ان کے کئی پاپ گانے مشہور ہیں جن پر انہوں نے ڈانس کیا جن میں گڑ نالوں عشق مٹھا قابل زکر ہے.

ملائکہ اروڑہ بالی وڈ کی بہترین رقاصہ مانی جاتی ہیں کہا جا رہا ہے کہ وہ اب اپنی بہن امریتا کے ساتھ ایک شو کرنے جا رہی ہیں یہ ایک رئیلٹی شو ہے. خبریں یہ ہیں‌کہ ان کے شو میں ملائکہ اروڑہ کے سابق شوہر ارباز خان اور بوائے فرینڈ ارجن کپور ایک ساتھ شریک ہوں گے اس خبر نے تو جیسے ہلچل ہی مچا دی ہو، کچھ لوگ ہیں حیران اور کچھ ارجن اور ارباز کو ایک ساتھ دیکھنے کے لئے ہیں بےتاب. سب جانتے ہیں‌کہ ارباز خان سے طلاق کے بعد ملائکہ کی زندگی میں بہت کچھ بدل گیا ہے۔ تاہم یہ دونوں اب بھی دوست ہیں اور اپنے بیٹے ارہان خان کے لئے جہاں بھی ایکساتھ جانا پڑے جاتے ہیں.ملائکہ اور امریتا کے قریبی ذرائع کے مطابق شو میں ارباز خان اور ان کے بوائے فرینڈ ارجن کپور بھی دکھائی دیں گے لیکن بالترتیب مختلف

اقساط میں۔ ارجن کپور اور ارباز خان کے علاوہ اس شو میں امریتا اور ملائکہ کے اہل خانہ اور قریبی دوست بھی دکھائی دیں گے۔ ‘اروڑا سسٹرز’ ملائکہ اور امریتا اروڑا کی ذاتی زندگی کے گرد گھومتی ہے۔یاد رہے کہ ملائکہ اروڑہ اور ارباز خان طلاق کے بعد بھی اکثر اپنے بیٹے کے لئے اکٹھے ہوتے ہیں لیکن یہ بالکل ہی پہلا موقع ہو گا کہ ایک ہی پلیٹ فارم پر ارجن اور ارباز خان ایکساتھ ہوں گے. امریتا اروڑہ نے بھی بالی وڈ فلموں میں کام کیا لیکن ان کی فلموں میں تسلی بخش بزنس نہ کیا. لیکن امریتا اور ملائکہ دونوں فیشن آئی کون مانی جاتی ہیں یہ دونوں اپنے پرستاروں کو متاثر کرنے کا کوئی بھی موقع ہاتھ سے نہیں جانے دیتیں.

لالی وڈ کے اداکار ارباز خان نے حال ہی میں ایک وڈیو پیغام جاری کیا ہے اس وڈیو پیغام میں انہوں نے سیلاب کی تباہ کاریوں پربات کی اور کہا ہے کہ میرا پاکستان ڈوب رہا ہے۔ اگر آپ جنوبی پنجاب کی طرف جائیں تو پتہ چلے گا کہ دیہات صفحہ ہستی سے مٹ چکے ہیں اندورن سندھ کتنے دیہات ، گائوں ایسے ہیں جو ملیا میٹ ہو چکے ہیں۔ بلوچستان کی طرف جائیں تو پتہ چلتا ہے کہ کتنے ایسے افراد ہے جو بے گھر ہو چکے ہیں بے سروسامان ہیں۔ اگر کے پی کے اور کالام مینگورا کی طرف جائیں تو سیلاب کی جو تباہ کاریاں ہیں ان کو دیکھ کر دل دہل جاتا ہے۔

ارباز خان نے مزید کہا کہ یہ ہم پہ اللہ کی کوئی آزمائش ہے شاید اللہ ہم سے ناراض ہے ایسے موقع پر اپنے رب کو منانے کی ضرورت ہے آئیے ہم سب مل کر سر بسجود ہو کر تہہ دل سے اپنے گناہوں کی معافی مانگیں اور جو کچھ ہمارے ساتھ ہو رہا ہے یہ ہم سب کے لئے لمحہ فکریہ ہے۔ یہ وقت تنقید کرنے کا نہیں ہے بلکہ ایک دوسرے کا ساتھ دینے کا ہے۔ یاد رہے کہ لالی وڈ فنکار سیلاب کی تباہ کاریوں‌ پر کافی افسردہ ہیں ہر دوسرا آرٹسٹ سیلاب زدگان کے لئے مدد کی اپیل کرتا ہوا دکھائی دے رہا ہے.

ملائکہ اروڑا بالی ووڈ کی سب سے زیادہ پسند کی جانے والی اداکارائوں میں سے ایک ہیں۔ بڑے پیمانے پر ان کے مداح ہیں اور وہ اپنی فین فالونگ سے یقینا لطف اندوز ہوتی ہیں.اداکارہ کو اکثر اپنے جم کے باہر دیکھا جاتا ہے اور ہم سب جانتے ہیں کہ وہ اپنی فٹنس کا کتنا خیال رکھتی ہیں۔ کل رات بھی ان کو دیکھا گیا لیکن وہ جم کے باہر نہیں تھیں بلکہ اپنے بیٹے ارہان خان کو الوداع کہنے کے لیے ممبئی ایئرپورٹ پر تھیں ان کا بیٹا پڑھائی کےلئے بیرون ملک جا رہا تھا.ان کے ساتھ ان کے سابق شوہر اور ارہان کے والد ارباز خان بھی تھے۔ یہ پہلا موقع نہیں تھا جب سابق جوڑا ائیرپورٹ پر اپنے بیٹے کو الوداع کہنے کے لیے اکٹھا ہوا تھا۔اس سے پہلے بھی ایک دوسرے کے ساتھ

ایسے ہی موقعوں پر دیکھے گئے ہیں. اس موقع پر ملائکہ اروڑ نے ہلکے نیلے رنگ کی اوور سائز کی قمیض پہنی تھی ،انہوں نے اپنے بالوں کوجوڑے کی صورت میں باندھ رکھا تھا. دوسری طرف ارباز خان نے سبز رنگ کی چیک شرٹ پہنی تھی. ارہان نے جانے سے پہلے اپنی ماں اور باپ دونوں کو گلے لگایا اس کے بعد ارباز خان اور ملائکہ کے درمیان مختصر بات چیت بھی ہوئی.یاد رہے کہ ملائکہ اروڑ اور ارباز خان علیحدگی کے بعد تاحال شادی کے بندھن میں دوبارہ نہیں بندھے تاہم ملائکہ ارجن کپور کو ڈیٹ کر رہی ہیں.