Tag: ارنب گوسوامی

بھارتی صحافی رویش کمار نے معروف ٹی وی اینکر ارنب گوسوامی پر سخت تنقید کرتے ہوئے انہیں ’’دوغلا‘‘ قرار دے دیا۔

رویش کمار نے اپنے بیان میں کہا کہ ارنب گوسوامی دہرا معیار اپناتے ہیں، وہ مودی سرکار کا پروپیگنڈا پھیلاتے ہیں لیکن حکومت پر تنقید کرنے کی جرات نہیں کرتے،اینکر نے پاکستان کے خلاف سابق کرکٹرز کو اکسایا اور ان پر ایسے برسے جیسے آسمان گرنے والا ہو، مگر مودی حکومت کے حوالے سے مکمل خاموشی اختیار کی،رویش کمار نے سوال اٹھایا کہ اگر یہ دوغلا پن نہیں تو اور کیا ہے؟-

وزیر اعظم سرکاری دورے پر سعودی عرب روانہ

یادرہےکہ،بھارتی اینکر ارنب گوسوامی نے پاکستان کے خلاف سابق کرکٹرز کو اکسایاتھا، اپنے پروگرام میں بھارت کے لیجنڈری کرکٹر پر کڑی تنقید کی اور اس دوران ان کے لیے غیر مہذب الفاظ بھی استعمال کیے،ان کا کہنا تھا کہ سارو گنگولی، سچن ٹنڈولکر، راہول ڈریوڈ اپنی خاموشی توڑو اور بات کرو اور اس میچ کے بائیکاٹ سے متعلق بولو، ملک نے آپ لوگوں کو اتنا کچھ دیا ہے تو پھر خاموش کیوں ہو، سارو گنگولی اتنے اشتہارات میں آتے ہو، بہت پیسے ملتے ہیں اور پھر بھارتی کرکٹ بورڈ سے ڈرتے کیوں ہو، بولتے کیوں نہیں، ملک نے اتنا کچھ دیا ہے تو پھر ڈرتے کیوں ہو، بولتے کیوں نہیں، پوری بھارت کی کرکٹنگ فوج خاموش ہوگئی ہے، سمجھوتہ کر رہی ہے، عوام کے جذبات سے یہ بڑا کھیل نہیں ہوسکتا،سب کو اس میچ کا بائیکاٹ کرنا چاہیے اور سب سے کم ٹی آر پی اس میچ کی آنی چاہیے، کسی کو دیکھنا نہیں چاہیے، ہر اسپانسر اور ایڈوائٹرز کو پیچھے ہٹنا چاہیے جب کہ براڈ کاسٹرز اور بی سی سی آئی کو بھی چاہیے ہر چیز کا تماشہ نہ کریں۔

جسٹس طارق جہانگیری کو کام سے روکنے کا تحریری حکم نامہ جاری

معروف امریکی پروفیسر نے ارنب گوسوامی کے ٹاک شو چھوڑ کر جانے کی بڑی وجہ بتا دی۔

رپورٹ کے مطابق امریکی پروفیسر اور سیکیورٹی امور کی ماہر کرسٹین فیئر نے متنازع بھارتی صحافی ارنب گوسوامی کے مباحثے سے تنگ آکر شو چھوڑ کر چلی گئیں۔

جارج ٹاؤن یونیورسٹی کی پروفیسر نے اپنے ایکس اکاؤنٹ پر واقعے سے متعلق وضاحت پیش کرتے ہوئے لکھا کہ وہ شو کے ’’جنگجو اور شور سے بھرے‘‘ ماحول کو برداشت نہیں کرسکیں، جب ہر کوئی صرف چیخ رہا ہو اور معقول گفتگو کا کوئی امکان نہ ہو، تو ایسے شو میں بیٹھنے کے بجائے دنیا میں کرنے کے لیے بہت سی اہم چیزیں موجود ہیں، کرسٹین کا یہ اقدام بھارتی ٹی وی کے ان مباحثوں پر ایک واضح تنقید ہے جو اکثر شور شرابے اور غیر معقول رویوں کی نذر ہوجاتے ہیں۔

امریکی صدر ڈونلڈ ٹرمپ کی جانب سے پاکستان اور بھارت کے درمیان جنگ بندی کے اعلان پر بھارتی میڈیا آگ بگولہ ہوگیا۔

پاکستان کے حوالے سے مخالفانہ باتیں کرنے کے حوالے سے معروف بھارتی اینکر پرسن نے ٹرمپ کے اعلان کے فوراً بعد ٹی وی پر کہا کہ امریکی صدر کی جانب سے تجاوز کیا گیا ہےجب بھارت نے امریکی ثالثی پر رضامندی ظاہر ہی نہیں کی تو ٹرمپ نے کیسے جنگ بندی کا دعویٰ کردیا۔

ارنب گوسوامی نے کہا کہ امریکی صدر کو زمینی صورتحال کا نہیں پتا، کچھ دن قبل تک تو وہ کہہ رہے تھے کہ ان کا اس تنازع سے کوئی تعلق نہیں انہیں امریکی صدر کی جانب سے جنگ بندی کے اعلان پر سخت اعتراض ہےان کا چینل ٹرمپ کے بیان ے بجائے اس بیان ک نشر کرے گا جو بھارتی حکومت کی جانب سے جاری کیا جائے گا۔

وضح رہے کہ اب سے کچھ دیر قبل امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اپنے بیان میں کہا ہے کہ پاکستان اور بھارت جنگ بندی پر متفق ہوگئے ہیں۔

ممبئی: بھارتی صحافی اور بھارتی ٹی وی چینل ریپبلک ٹی وی کے سربراہ ارنب گوسوامی اپنے ہی چینل پر تنقید کا نشانہ بن گئے-

باغی ٹی وی : منگل کو ریپبلک ٹی وی کے ایک ڈیبیٹ شو میں ریپبلک ٹی وی کے سربراہ ارنب گوسوامی نے یوکرین-روس کے جاری بحران میں مؤثر مداخلت نہ کرنے پر مغربی ممالک بشمول امریکہ، برطانیہ، جرمنی اور دیگر کے خلاف بیانات دیئے تھے-

ارنب گوسوامی نے رائے دی کہ مغرب صرف دوسروں کو ہی لیکچر نہیں دے سکتا کیونکہ یہ ایک انفلیکیشن پوائنٹ ہے اور جوہری جنگ کے خطرات کے درمیان عام شہری مارے جا رہے ہیں۔

شو میں، ارنب نے مغرب اور نیٹو ممالک سے کہا تھا کہ وہ یا تو روسی صدر ولادیمیر پوٹن کے ساتھ بات چیت کریں یا یوکرین پر بمباری روکنے کے لیے براہ راست مداخلت کریں۔

تاہم اسی شو کا ایک کلپ انٹرنیٹ پر وائرل ہورہا ہے جس میں ارنب گوسوامی کو اہل پرتگالی پینلسٹ کی جانب سے تنقید کا سامنا کرنا پڑا-

ریپبلک ٹی وی کے ایڈیٹر انچیف ارنب گوسوامی کا ایک پرتگالی پینلسٹ کی طرف سے تنقید کا نشانہ بننے کا ایک مختصر کلپ جب انہوں نے یوکرین میں جاری جھڑپوں کے بارے میں مغرب کے نقطہ نظر پر تبادلہ خیال کیا تو تمام سوشل میڈیا پلیٹ فارمز پروائرل ہے۔

گوسوامی یوکرین پر روسی فوجی حملے پر بات کر رہے تھے اور انہوں نے اپنے پرائم ٹائم ٹی وی شو کے لیے کئی بین الاقوامی پینلسٹ کو مدعو کیا تھا۔ ان کے مہمانوں میں سے ایک گلبرٹ ڈاکٹرو تھے، جوپرتگال کے دارالحکومت لزبن سے بحث میں شامل ہوئے تھے۔

گوسوامی کے طنز پر ڈاکٹرو نے کہا کہ ریپبلک ٹی وی کے بانی کا ادارتی موقف ہندوستان کے مفادات کے خلاف ہے۔

انہوں نے کہا، "آپ نے ایک کینگرو کورٹ قائم کی ہے آپ لفظ ڈی ایسکیلیٹ کے بارے میں بات کرتے ہیں، میں آپ سے اپنے الفاظ اور بیانات پر غور کرنے کے لیے کہنا چاہتا ہوں۔

اقوام متحدہ میں یوکرین پر روس کے حملے کے خلاف قرارداد منظور

ڈاکٹرو نے کہا کہ آپ انتہائی سخت الفاظ میں بات کر رہے ہیں اور آپ بہت جذباتی زبان استعمال کر رہے ہیں۔ آپ نے ایک مقرر کو سفاکانہ انداز میں روکا جو کہ رائے کے تبادلے میں مددگار نہیں ہے میں حیران ہوں کہ آپ کا ادارتی موقف جاری بحران کے حوالے سے اتنا متعصبانہ ہے۔

اگر یہ نیٹو کے خلاف جنگ ہے پیوٹن کا آخری کھیل نیٹو کو دکھانا مسٹر پیوٹن کامیاب ہو جاتے ہیں تو آپ انڈیا، چین کے ساتھ، سب سے زیادہ فائدہ اٹھانے والے ہوں گے (یوکرین پر روسی حملے سے)۔ اس لیے آپ کا پروگرام آپ کے اپنے ملک کے مفادات کے خلاف ہے۔

پرتگالی پینلسٹ نے کہا کہ ارنب گوسوامی صرف یوکرین کے صدر زیلنسکی کے دفتر سے نکلنے والے الزامات کو دہرا رہے ہیں اور واشنگٹن کی طرف سے اس کو بڑھاوا دیا گیا ہے۔ انہوں نے یہ بھی دعویٰ کیا کہ ارنب نے جو الفاظ استعمال کیے ہیں وہ اس بحث کے لیے موزوں نہیں تھے۔

انہوں نے مزید کہا کہ یوکرین کے جاری تنازعہ پر ریپبلک ٹی وی کی ادارتی پوزیشن سے ملک کو نقصان پہنچے گا اور وہ جو شو نشر کر رہا ہے وہ اس کے اپنے ملک کے مفادات کے خلاف ہے۔

بھارت: حجاب کےخلاف نفرت انگیز تقریر کرنے پر 19 سالہ لڑکی پر مقدمہ درج

عوامی تذلیل سے ناراض، گوسوامی نے اپنے جارح مزاج اور تند و تیز لہجے میں اپنے مہمان پر جوابی وار کرتے ہوئے کہا کہ آپ کی تقریر کے لیے شکریہ مسٹر ڈاکٹرو، یہ نہیں کہ کسی نے اس کے لیے کہا ہو۔ دوسری بات یہ کہ ادارتی حیثیت میری ہے۔ آپ وہاں لزبن میں بیٹھ کر مجھے لیکچر دے رہے ہیں۔ براہ کرم اپنے آپ کو لیکچر دیں اور اپنے آپ سے پوچھیں کہ کیا سوال کی سیدھی سادگی آپ کو تکلیف دینے لگی ہے؟-

زیر بحث مہمان نے گوسوامی کی طرف سے اس جارحانہ ردعمل پر شو سے آؤٹ ہو گئے-

سوشل میڈیا پر یہ کلپ وائرل ہونے کے بعد سے ارنب کو صارفین اور معورف شکصیات کی جان سے شدید تنقید کا نشانہ بنایا جا رہا ہے-ٕ

یورپ کےبعد امریکہ نے بھی روس پرشکنجہ کس دیا:لڑائی میں بھی شدت آگئی

HOLY SHIT! This expert from Lisbon on Arnab’s panel didn’t just school him on his moderation skills, but also implied he was anti-national. 🤣

(Only time I’m watching anything from @republic on repeat.)pic.twitter.com/wHWC0sFiKg

— Aniruddha Guha (@AniGuha) March 1, 2022

ایک بھارتی مصنف انیرودھ نے لکھا کہ ارنب کے پینل پر لزبن سے تعلق رکھنے والے اس ماہر نے اسے نہ صرف اس کی اعتدال پسندی کی مہارت پر تعلیم دی بلکہ یہ بھی ظاہر کیا کہ وہ ملک دشمن ہے۔

It took an expert from Lisbon to tell ex-journalist Arnab Goswami that his programme was actually anti-India. https://t.co/y00YifLPmO

— Pawan Khera 🇮🇳 (@Pawankhera) March 2, 2022

کانگریس کے ترجمان پون کھیرا نے کہا کہ "سابق صحافی” ارنب گوسوامی کو یہ بتانے کے لیے لزبن کے ایک ماہر کی ضرورت تھی کہ ان کا پروگرام دراصل ہندوستان مخالف تھا۔
https://twitter.com/zoo_bear/status/1498771429264818177?s=20&t=4wnAgT2spAhGL7aoyvuW2A
ایک اور بھارتی محمد زبیر نے کہا کہ ارنب کو اسی کے چینل پر ملک دشمن بول دیا گیا کہ آپ اپنے ملک کے مفاد کے خلاف ہیں-

گوسوامی نے 2017 میں بی جے پی ایم پی راجیو چندر شیکھر کی مدد سے ریپبلک ٹی وی کی بنیاد رکھی تھی۔ بی جے پی حکومت کے سامنے اپنی معروضیت کے حوالے کرنے پر انہیں معمول کی تنقید کا سامنا رہتا ہے-

پیوٹن اس وقت دنیا میں تنہا ہے،امریکہ نیٹو رکن ممالک کی انچ انچ زمین کا دفاع کرے…