Tag: ارون بالی

آج صبح سینئر اداکار ارون بالی ممبئی کے مضافاتی علاقے میں ان کی رہائش گاہ پر انتقال کر گئے۔ ان کی عمر 79 برس تھی۔ان کے انتقال کے بعد سے سوشل میڈیا پر اداکار کو خراج تحسین پیش کیا جا رہا ہے۔ اداکار کے مداحوں، دوستوں اور ساتھی اداکاروں نے اپنے سوشل میڈیا پر ارون بالی کے انتقال پر غم کا اظہار کیا۔ اداکار کو حال ہی میں عامر خان کی فلم لال سنگھ چڈھا اور امیتابھ بچن کی الوداع میں دیکھا گیا تھا۔ارون کے انتقال پر اداکارہ نینا گپتا نےارون کو ان کے ساتھ ٹی وی سیریز پرمپارا کے سیٹ سے ایک پرانی تصویر پوسٹ کرکے خراج عقیدت پیش کیا ہے۔نینا گپتا نے اپنے انسٹاگرام اکاؤنٹ پر ارون بالی کے ساتھ کئی سال پہلے کی ایک تصویر پوسٹ کی۔ تصویر کے کیپشن میں نینا نے انکشاف کیا کہ یہ تصویر 1993

میں نشر ہونے والے ایک مشہور سیریل پرمپارا کی شوٹنگ کے پہلے دن کی ہے۔ شو میں انیل دھون، موہن بھنڈاری، رچا، فردوس داڈی، اشونی بھاوے، اور پربھا سنہا نے بھی اداکاری کی تھی۔ . تصویر میں ارون بالی کو نارنجی رنگ کے لباس میں دکھایا گیا ہے جبکہ نینا گپتا کو ان کے ساتھ بیٹھا ہوا دیکھا جا سکتا ہے۔تصویر شئیر کرتے ہوئے نینا گپتا نے لکھا کہ” وہ پرمپارا کے برسوں بعد، الوداع کے لیے ان کے ساتھ دوبارہ شوٹنگ کرنے پر خوش ہیں۔ "الوداع #ArunBali میرا ارون بالی کے ساتھ برسوں پہلے پرمپارہ سیریز کی شوٹنگ کا پہلا دن تھا۔ بہت خوشی ہوئی کہ ہمیں حال ہی میں الوداع کے لیے شوٹنگ کرنے کا موقع ملا” . یاد رہے ہ ارون بالی نے 1989 میں ‘دوسرا کیول’ سے اپنے ٹی وی کیرئیر کا آغاز کیا اس کے بعد انہوں نے فلموں میں بھی لازوال کردار نبھائے.

متعدد فلموں اور ڈراموں میں اپنی صلاحیتوں کا لوہا منوانے والے معروف اداکار ارون بالی کا ممبئی میں انتقال ہو گیا ہے .ارون ڈرامہ چانکیہ میں کنگ پورس اور دوردرشن کے سوپ اوپیرا سوابھیمان میں کنور سنگھ کے کردار کے لیے مشہور تھے۔ 79 سالہ اداکار کو اس سال کے شروع میں Myasthenia Gravis نامی نایاب اعصابی بیماری کی تشخیص ہوئی تھی اور وہ ممبئی کے ہیرانندنی ہسپتال میں زیر علاج تھے ۔ ارون کے بیٹے انکش بالی نے اپنے والد کے انتقال کی خبر کی تصدیق کرتے ہوئے کہا کہ ارون آج صبح 4.30 بجے کے قریب انتقال کر گئے۔ انہوں نے یہ بھی کہا کہ میرے والد ہمیں چھوڑ کر چلے گئے، وہ Myasthenia gravis میں مبتلا تھےانہوں نے کہا کہ ابو کا موڈ دو تین دن سے بدل رہا تھا انہوں نے اپنے کیئر ٹیکر سے کہا کہ وہ واش روم جانا چاہتے ہیں واش روم سے باہر آئے تو بالے بیٹھنا چاہتا ہوں پھر اسکے بعد وہ کبھی بھی نہیں اٹھے.

انکش نے مزید یہ بھی کہا کہ والد کی آخری رسومات کلادا کی جائیں گی کیونکہ ہمارے خاندان کے بہت سے لوگوں نے امریکہ سے آنا ہے .یاد رہے کہ ارون بالی 1942 میں پنجاب کے جالندھر میں پیدا ہوئے۔ وہ نیشنل ایوارڈ یافتہ پروڈیوسر بھی ہیں۔ 2000 کی دہائی میں، ارون کمکم میں ہرش وردھن وادھوا جیسے اپنے "دادا” کے کرداروں کے لیے مشہور ہوئے اور اس کے لیے انہوں نے ایوارڈز بھی حاصل کیے ہیں۔ وہ 3 ایڈیٹس، باغی، برفی، پی کے، کیدارناتھ اور پانی پت میں نظر آئے. ارون آخری بار وکاس بہل کی ہدایت کاری میں بنی فلم ”الوداع” میں نظر آئے تھے، جو آج سینما گھروں میں ریلیز ہوئی ہے۔ اس فلم میں امیتابھ بچن، رشمیکا منڈنا، اور نینا گپتا کے ساتھ سنیل گروور، پاویل گلاٹی، اشیش ودیارتھی، ایلی اورام، ساحل مہتا، شیوین نارنگ اور ابھیشیک خان نے معاون کردار ادا کیے ہیں۔