اسلام آباد: تاجر قائدین کی میٹنگ کراچی کمپنی میں منعقد اور مشترکہ فیصلہ
باغی ٹی وی : محمد کاشف چوہدری صدرمرکزی تنظیم تاجران پاکستان کا کہنا ہے کہ پولیس اور انتظامیہ کی کمیٹیوں سے انصاف کی توقع نہیں ،اُسامہ ستی کے واقعہ میں انصاف کی فراہمی کیلئے ہائی کورٹ کے جج کی سربراہی میں جوڈیشل کمیشن تشکیل دیا جائے ۔
محمد کاشف چوھدری نے کہا کہ تاجر برادری اسامہ ستی کیس کی خود مدعی بنے گی ،قوم ساہیوال واقعہ پر خاموش ہو گئی ہے مگر تاجر برادری خاموش نہیں رہے گی اسامہ ستی کی درست میڈیکل رپورٹ کیلئے میڈیکل بورڈ اور فائرنگ کے اصل حقائق سامنے لانے کیلئے گاڑی کا فرازنک آرڈر کیا جائے –
اجمل بلوچ نے کہا کہ پولیس اہلکاروں کی فائزنگ سے اسامہ ستی کے بہیمانہ قتل اور بعدازاں واقعہ کا رخ بدلنے کی کوششوں کی شدید مذ مت کرتے ہیں-
راجہ جاوید اقبال نے کہا کہ اسلام آباد جیسے شہر میں نہتے شہری پر پو لیس کی جانب سے 22گولیاں بر ساناپولیس گردی کی بدترین مثال ہے ۔
آفتاب گجر نے اس موقع پر کہا کہ اسلام آباد کے شہری اورتاجر برادری واقعے پر عدم تحفظ کا شکار ہو چکے ہیں۔
یوسف راجپوت نے کہا کہ اسلام آباد انتظامیہ واقع میں ملوث پولیس اہلکاروں کو کیفر کردار تک پہنچائے ۔
شہزاد شبیر عباسی کا کہنا تھا کہ تاجر برادری کا مطالبہ ھے کہ جو اہلکار اس واقعے میں ملوث ہیں ان کو نوکری سے ٹرمینیٹ کیا جائے تاکہ ادارے کی سپورٹ ختم ھو
کاشف چوھدری نے مزید کہا کہ ہائی کورٹ کے جج کی سربراہی میں کمیشن کی تشکیل کیلئے کل تاجر نمائندے چیف کمشنر آفس کا رخ کریں گے-