سابق رکن قومی اسمبلی ہمایوں اختر استحکام پاکستان پارٹی میں شامل ہو گئے
پیٹرن انچیف استحکام پاکستان پارٹی جہانگیر خان ترین ،مرکزی صدر عبدالعلیم خان سے سابق رہنما تحریک انصاف اور وفاقی وزیر برائے ٹریڈ و کامرس ہمایوں اختر خان نے ملاقات کی، اس موقع پر اسحاق خاکوانی ڈاکٹر فردوس عاشق اعوان اور ڈاکٹرمراد راس بھی موجود تھے،
ہمایوں اختر نے جہانگیر ترین کے ہمراہ پریس کانفرنس کرتے ہوئے استحکام پاکستان پارٹی میں شمولیت کا اعلان کیا، ہمایوں اختر نے کہا کہ میں نے سانحہ 9 مئی کے بعد خاموشی سے تحریک انصاف سے علیحدگی اختیار کر لی تھی۔ میں ایک جرنیل کا بیٹا ہوں، اپنے شہیدوں کی توہین برداشت نہیں کر سکتا۔9 مئی کو شہدا کے مجسموں کو جلایا گیا،ملک غربت بے روزگاری مہنگائی میں پستہ جارہا ہے،ملک کی کی حالت بہتر کی جاسکتی ہے،ہندوستان نے وہی پالیسی اپنائی جو ہماری تھی،لیکن ہم دو قدم پیچھے ہیں چل رہے ہیں، تحریک انصاف میں مزید رہنا میرے لئے ممکن نہیں تھا،آئی پی پی کی قیادت پر مکمل بھروسہ ہے،یہ نوجوانوں کیلئے امید کی کرن ہے، ملک کو غربت کی زنجیروں سے آزاد کرائیں گے، مشاورت کے بعد فیصلہ کروں گا کون سے حلقہ سے الیکشن لڑنا ہے
9 مئی کے بعد پی ٹی آئی کی مقبولیت میں کمی ہوئی، جہانگیر ترین
اس موقع پر جہانگیر ترین کا کہنا ہے کہ خوشی ہے ہمایوں اختر نے پارٹی میں شمولیت کا فیصلہ کیا ،ہمایوں اختر کو پارٹی میں سینئر نائب صدر کا عہدہ دیا گیا ہے، ان کے ساتھ ہمارے پرانے تعلقات ہیں،الیکشن ہوں گے تو عوام کی رائے سب کے سامنے آئے گی، قیاس آرائیاں ہیں کہ کس کی مقبولیت زیادہ اور کم ہے، 9 مئی کے بعد پی ٹی آئی کی مقبولیت میں کمی ہوئی، الیکشن کا ماحول ہے، اگر سیٹ ایڈجسٹمنٹ ہوتی ہے تو اچھی بات ہے، اصل مسئلہ ملک کی معیشت ہے، معیشت چلے گی تو بہتری آئے گی، 8 تاریخ کو الیکشن ضروری ہیں، ایک حکومت آ کر 5 سال تسلی سے بیٹھے.
علیم خان کا کہنا تھا کہ ہمایوں اختر کو پارٹی میں خوش آمدید کہتے ہیں،پاکستان کی سیاست میں ہمایوں اختر کا اہم کردار ہے، کسی کی قربانیاں دے کر اپنی سیٹیں نہیں بڑھائیں گے،ہ لاہور اور پاکستان کی سیاست میں ہمایوں اختر کی اہم خدمات رہی ہیں، ہمایوں اختر آئی پی پی کو مضبوط کریں گے، ہمارے مذاکرات ضرور ہو رہے ہیں، نتیجہ سب کے سامنے آئے گا
2018 کے الیکشن میں NA 131 لاہور سے عمران خان نے سعد رفیق کو شکست دی تھی، بعد میں عمران خان نے میانوالی والی سیٹ رکھ لی اور لاہور کی سیٹ چھوڑ دی۔ یہاں پر تحریک انصاف نے ہمایوں اختر کو ٹکٹ دیا۔ ہمایوں اختر، عمران خان کی جیتی ہوئی سیٹ سعد رفیق سے ہار گئے تھے،
جہانگیر ترین کی سابق وزیراعظم اور ن لیگ کے صدر شہباز شریف سے ملاقات
سگی بیٹی کو فحش ویڈیو دکھا کر سفاک باپ سمیت 28 افراد نے کیا ریپ
موبائل میں فحش مواد ڈال کر دینے والا دکاندار گرفتار
کوٹی ڈکیت گینگ کے 2 خطرناک ملزمان گرفتار
بزدار کے لاہور میں طالبہ کے ساتھ دست درازی،ویڈیو سامنے آ گئی
