Tag: استور

استور: گلگت بلتستان کے علاقے استور سے چکوال جانے والی باراتیوں کی بس دریا میں جاگری جس کے نتیجے میں 18 افراد جاں بحق ہوگئے۔

باغی ٹی وی : ترجمان گلگت بلتستان حکومت فیض اللہ فراق کے مطابق استور سے چکوال جانے والی باراتیوں کی بس تھلیچی پل کے قریب دریا میں جاگری، بس میں 23 سے زائد مسافر سوار تھے، بس میں سوار افراد دلہن کو چھوڑنےکے لیے استور سے چکوال جا رہے تھے۔

فیض اللہ فراق کے مطابق دریا سے 18 افراد کی لاشیں اور ایک زخمی کو نکالا گیا ہے جب کہ بقیہ افراد کی تلاش جاری ہے وزیراعلیٰ گلگت بلتستان نے حادثے پر اظہار افسوس کرتے ہوئے ریسکیو آپریشن تیز کرنےکی ہدایت کی ہے۔

دوسری جانب ایس پی دیامر شیر خان کا کہنا ہے کہ کوسٹر میں 25 افراد سوار تھے، دلہن کو زخمی حالت میں بچالیا گیا ہے، لاپتہ افراد کی تلاش کے لیے ریسکیو آپریشن جاری ہے۔

باراتیوں کو لیکر استور پریشنگ سے راولپنڈی جانے والی کوسٹر تھلچی کے مقام پر دریا میں جا گری۔کوسٹر میں 25 افراد سوار تھے ۔چار لاشیں نکال لی گئیں،دلہن کو بھی زخمی حالت میں نکال لیا گیا

استور سے راولپنڈی جانے والی باراتیوں سے بھری کوسٹر تھلیچی پل کے قریب دریا برد ہوگئی،ریسکیو ذرائع کے مطابق کوسٹر میں 25 افرادمسافر سوار تھے ،دریا میں ڈوبنے والے افراد کی تلاش جاری ہے، ریسکیو ٹیمیں موقع پر پہنچ چکی ہیں، گلگت سے ریسکیو 1122 گاڑیاں موقع پر پہنچی ہیں،مقامی افراد بھی جائے وقوعہ پر پہنچ چکے ہیں،

وزیر اعلیٰ گلگت بلتستان نے افسوس ناک حادثے پر اظہار افسوس کیا ہے اور ریسکیو آپریشن تیز کرنے کی ہدایت کی ہے ۔ ذرائع کاکہنا ہے کہ حادثے کا شکار کوسٹر میں دلہن بھی سوار تھی جس کو زخمی حالت میں ریسکیو کیا گیا ہے،کوسٹر حادثے میں پنجاب کے علاقےچکوال سے تعلق رکھنے والے تین باراتی بھی سوار تھے۔