استحکام پاکستان پارٹی کے صدر عبدالعلیم خان نے کہا ہے کہ پی ڈی ایم حکومت کی 16 ماہ کی کارکردگی کی وجہ سے عام آدمی مسلم لیگ ن کے خلاف بیانیہ قبول کرے گا اور عوام تحریک انصاف اور پاکستان ڈیموکریٹک موومنٹ دونوں سے بیزار ہوگئے ہی لہذا اب استحکام پاکستان پارٹی ہی ان کی پہلی چوائس ہے۔
صدر استحکام پاکستان پارٹی علیم خان کی زیر صدارت ڈویژنل رہنماؤں کا اہم اجلاس لاہور میں ہوا، ہے جس میں موجودہ ملکی سیاسی صورتحال اور پارٹی کے تنظیمی امور پر تبادلہ خیال کیا گیا۔
مزید یہ بھی پڑھیں؛
الیکشن کمیشن نے عالمی مبصرین کی سہولیات سے متعلق ایکشن کمیٹی قائم کردی
الیکشن کی تاریخ کا اعلان بہت جلد ہوجائے گا. نگراں وزیراعظم انوار الحق کاکڑ
جعلی پاسپورٹس تحقیقات؛ حکام کی ملی بھگت کا انکشاف
جبکہ اجلاس سے گفتگو کرتے ہوئے علیم خان نے کہا کہ عوام پی ٹی آئی اور پی ڈی ایم سے بیزار ہیں، ہر شغص کو 16 ماہ میں حکومت کی “کارکردگی کا پتہ ہے اس لیے وہ اب صرف استحکام پاکستان پارٹی کے بیانیے پر یقین رکھتے ہیں، الیکشن کے بارے میں کوئی ابہام نہیں ہے اس لیے پارٹی رہنما فوری انتخابی مہم شروع کریں اور پارٹی صدر نے پنجاب کے ڈویژنل رہنماؤں کو اہم ٹاسک دیے اور ہدایت کی کہ تمام پارٹی رہنما باہر نکلیں اور عام آدمی تک پہنچیں، حقیقی تبدیلی آئے گی۔