غزہ میں اسرائیلی فورسز کی کارروائیوں میں 97 فلسطینیوں کی شہادت کے بعد اسرائیل نے ایک بار پھر جنگ بندی (سیزفائر) نافذ کر دی۔
غیر ملکی خبر رساں ادارے رائٹرز کے مطابق امریکی صدر ڈونلڈ ٹرمپ کے خصوصی ایلچی اسٹیو وٹکوف اور داماد جیرڈ کشنر آج اسرائیل پہنچے، جن کے دباؤ پر اسرائیلی فورسز نے جنگ بندی پر رضامندی ظاہر کی۔امریکی نائب صدر جے ڈی وینس منگل کو اسرائیل پہنچیں گے تاکہ سیزفائر معاہدے پر مزید بات چیت کی جا سکے۔اسرائیلی فوج کا کہنا ہے کہ غزہ میں کارروائی دو اسرائیلی فوجیوں کی ہلاکت کے جواب میں کی گئی تھی، تاہم اب دوبارہ جنگ بندی نافذ کر دی گئی ہے۔
صدر ٹرمپ کے داماد اور غزہ امن معاہدے کے شریک ایلچی جیرڈ کشنر نے کہا کہ حماس معاہدے کے تحت اپنے وعدوں پر عمل کر رہی ہے اور امن عمل کی کامیابی یقینی ہے۔ ان کے مطابق امریکا غزہ میں امن کے قیام کے لیے اپنی کوششیں جاری رکھے گا۔انہوں نے اسرائیل روانگی سے قبل میڈیا سے گفتگو کرتے ہوئے کہا، “مجھے یقین ہے کہ غزہ امن معاہدہ 100 فیصد کامیاب ہوگا، ہم اس کی ناکامی کے متحمل نہیں ہو سکتے۔”
ترجمان امریکی سفارتخانے کے مطابق امریکی وفد اسرائیلی حکام سے ملاقات کرے گا تاکہ جنگ بندی معاہدے کے مکمل نفاذ کو یقینی بنایا جا سکے اور فریقین کے درمیان کشیدگی کم کی جا سکے۔
واضح رہے کہ اس سے قبل اسرائیل نے جنگ بندی کی خلاف ورزی کرتے ہوئے حماس کے مبینہ اہداف پر سو سے زائد راکٹ حملے کیے تھے، جن کے نتیجے میں مزید 44 فلسطینی شہید اور متعدد زخمی ہوئے
محمد رضوان برطرف، شاہین شاہ آفریدی پاکستان ون ڈے ٹیم کے نئے کپتان مقرر
وفاقی وزیرداخلہ کی بلاول بھٹو سے ملاقات، ملکی و سیاسی صورتحال پر گفتگو
جوئے ایپ کی تشہیر کیس: عدالت نے ڈکی کی اہلیہ عروب جتوئی کو طلب کرلیا