وزیر مملکت برائے داخلہ طلال چوہدری نےکہا ہے کہ اسرائیل کا دورہ کرنے والے صحافیوں کے معاملے پر وزارت داخلہ اور وزارت خارجہ رابطے میں ہیں۔ پاکستانی پاسپورٹ پر اسرائیل کا سفر نہیں کیا جاسکتا ہے۔
غیر ملکی میڈیا کو انٹرویو میں طلال چوہدری کا کہنا تھا کہ اسرائیل کا دورہ کرنے والے پاکستانی صحافیوں پر پابندی لگانے کے ساتھ ان کی شہریت پر بھی نظرثانی کی جاسکتی ہے۔انکا مزید کہنا تھا کہ صحافی یقینا پاکستانی پاسپورٹ پر اسرائیل نہیں گئے ہوں گے، اس کا جائزہ لے رہے ہیں۔ اگر پاکستانی پاسپورٹ پر سفر یا استعمال کیا گیا ہے تو سفر کرنے پر پابندی اور فوجداری کارروائی ہوسکتی ہے۔
خیال رہےکہ گزشتہ ماہ دس پاکستانی صحافیوں نے تل ابیب اور مقبوضہ بیت المقدس کا دورہ کیا تھا۔پاکستان کا پاسپورٹ اسرائیل جانے کے لیے کارآمد نہ ہونے کے باوجود یہ لوگ پاکستانی پاسپورٹ پر ہی اسرائیل گئے تھے تاہم اس موقعہ پر وزیر داخلہ نے اپنے انٹر ویو میں وضاحت نہیں کہ کہ اسرائیل جانے والے پاکستانی صحافیوں کے خلاف قانونی کارروائی پاکستان پینل کوڈ کی کن سیکشنز کے تحت کی جا سکے گی۔
ٹرمپ انتظامیہ کی خلاف ورزی پر توہین عدالت کی کارروائی کا امکان
اسلام آباد کا ملتان کو جیت کیلئے 203 رنز کا ہدف