پاکستان شوبز انڈسٹری سے تعلق رکھنے والی مروف اداکارہ اور ماڈل ژالے سرحدی نے سوشل میڈیا پر ترک اداکارہ اسرابلجیگ سے متعلق بیان دینے پر وضاحت دے دی-
باغی ٹی وی : رواں ماہ کے شروع میں ژالے سرحدی کا ایک ویڈیو کلپ سوشل میڈیا پر وائرل ہواتھا جس میں انہوں نے ترک اداکارہ اسرا بلجیگ کو پاکستانی برانڈز کا ایمبیسیڈر بنانے کی مخالفت کرتے ہوئے کہا تھا کہ پاکستانی اداکاراؤں کی جگہ ترک اداکارہ کو پاکستانی برانڈز کی ایمبیسیڈربنانا ہمارے منہ پر طمانچہ ہے۔
ژالے سرحدی نے مزید کہا تھا آپ کیوں اپنی چیزوں کی تشہیر کے لیے کسی اور ملک کے فنکاروں کو لاتے ہیں؟ آپ یہیں کے فنکاروں سے کام کیوں نہیں کرواتے ہمارے یہاں کے لوگ کس چیز سے خوف زدہ ہیں۔ میں اس معاملے میں مکمل طور پر یاسر حسین کے ساتھ ہوں۔
ژالے سرحدی کے اس بیان کے بعد سوشل میڈیا پر انہیں تنقید کا نشانہ بنایا گیا جس کے بعد اب انہوں نے سوشل مٰڈیا پر ویڈیو شئیر کرتے ہوئے اپنے اس بیان کی وضاحت دی ہے ژالے سرحدی نے اپنے ویڈیو بیان میں کہا کہ میں اپنی ہی مثال لیتی ہوں کہ ابھی حال ہی میں نے ایک انٹرویو دیا تھا جس میں میں نے کہا کہ اگر ہم کسی باہر کی اداکارہ کو اپنے ملک کے برانڈز کا ایمبیسیڈر بنائیں تویہ ہمارے منہ پر چماٹ ہے
https://www.instagram.com/p/CEOIOpHhpzX/
ژالے سرحدی نے کہا میرے اس بیان کو سرخی بنالیا گیا اور یہی سرخی وائرل کردی گئی لیکن میری پوری بات کو کسی نے بھی نہیں سنا کہ میں نے ایسا کیوں کہا تھا۔
اداکارہ نے چماٹ والے بیان کی وضاحت کرتے ہوئے کہا چماٹ اس لیے تھا کیونکہ ہم لوگ اپنے فنکاروں کونہیں بلکہ غیر ملکی فنکاروں کو اور ان کے ڈراموں کو ترجیح دیتے ہیں حالانکہ ان لوگوں کو دنیا بھر میں پہلے سے ہی پہچانا جاتا ہے اور ظاہر سی بات ہے عوام کو بھی وہی پسند آرہے ہوتے ہیں۔
https://www.instagram.com/p/CEOMblVB__Q/
لہذا میں نے اسرا بلجیگ پر یا باہر کے فنکاروں پر تنقید نہیں کی تھی بلکہ اپنے اوپر تنقید کی تھی لیکن میری بات کا غلط مطلب نکال کر اسے وائرل کردیا گیا لہذا آپ نے کہانی پوری پڑھی ہوتی تو یہ اسٹوری کبھی بھی وائرل نہیں ہوتی۔