Tag: اسلام آباد یونائیٹڈ

قذافی اسٹیڈیم میں کھیلے گئے پی ایس ایل کے دوسرے ایلیمینیٹر مقابلے میں لاہور قلندرز نے اسلام آباد یونائیٹڈ کو 95 رنز کے بھاری فرق سے شکست دے دی۔

اسلام آباد کی ٹیم لاہور کی طرف سے دیے گئے 203 رنز کے ہدف کو حاصل نہ کر سکی اور پوری ٹیم 107 رنز پر پویلین لوٹ گئی۔یونائیٹڈ کی جانب سے کپتان شاداب خان 26 اور سلمان علی آغا 33 رنز کے ساتھ نمایاں رہے۔ لاہور قلندرز کی جانب سے شاہین شاہ آفریدی، رشاد حسین اور سلمان نے تین تین کھلاڑیوں کو پویلین بھیجا۔

اس سے قبل لاہور قلندرز نے اسلام آباد یونائیٹڈ کے خلاف ٹاس جیت کر پہلے بلے بازی کا فیصلہ کیا اور مقررہ 20 اوورز میں 202 رنز اسکور کیے۔قلندرز کے کوشل پریرا 61 رنز کے ساتھ ٹاپ اسکورر رہے، جبکہ محمد نعیم نے 50 اور عبداللہ شفیق نے 25 رنز بنائے۔اسلام آباد کی طرف سے ٹائمل ملز نے تین کھلاڑیوں کو آؤٹ کیا، سلمان ارشاد نے دو، جبکہ عماد وسیم اور جیمز نیشم نے ایک ایک وکٹ حاصل کی۔

لاہور قلندرز نے ٹیم میں ایک تبدیلی کی، زمان خان کی جگہ رشاد حسین کو شامل کیا گیا۔اسلام آباد یونائیٹڈ نے تین تبدیلیاں کیں، ٹیم میں حیدر علی، محمد شہزاد اور ٹائمل ملز کو شامل کیا گیا۔

گوجرانوالہ: ریجنل پولیس آفیسر طیب حفیظ چیمہ کی جامع مسجد عمر فاروق میں کھلی کچہری

کولکتہ ،مودی کے جنگی جنون کے خلاف ہزاروں افراد کا احتجاج، بی جے پی کا مظاہرین پر حملہ

پاکستان سپر لیگ (پی ایس ایل) 2025 کے 30ویں میچ میں اسلام آباد یونائیٹڈ نے کراچی کنگز کو 79 رنز سے شکست دے کر ٹورنامنٹ کے اگلے مرحلے کے لیے کوالیفائی کرلیا۔

کراچی کنگز کے کپتان ڈیوڈ وارنر نے ٹاس جیت کر پہلے فیلڈنگ کا فیصلہ کیا جو جلد ہی ان کے لیے مہنگا ثابت ہوا۔ اسلام آباد یونائیٹڈ کے اوپنرز ایلیکس ہیلز اور صاحبزادہ فرحان نے آغاز سے ہی جارحانہ بیٹنگ کی اور صرف 11 اوورز میں 150 رنز جوڑ ڈالے۔ایلیکس ہیلز نے صرف 35 گیندوں پر 88 رنز کی دھواں دار اننگز کھیلی، جس میں 8 چھکے اور 6 چوکے شامل تھے۔صاحبزادہ فرحان نے 41 گیندوں پر 73 رنز بنائے، جن میں 9 چوکے اور 3 چھکے شامل تھے۔

میچ کے دوران شاداب خان نے بھی 19 گیندوں پر 41 رنز کی برق رفتار اننگز کھیلی، جبکہ حیدر علی (19)* اور بین وارشس (10)* ناٹ آؤٹ رہے۔ یوں اسلام آباد یونائیٹڈ نے 251 رنز کا بڑا مجموعہ اسکور بورڈ پر سجا دیا۔

ہدف کے تعاقب میں کراچی کنگز کی بیٹنگ لائن شروع سے ہی دباؤ کا شکار نظر آئی اور پوری ٹیم 19ویں اوور میں 172 رنز پر ڈھیر ہو گئی۔ڈیوڈ وارنر 43 رنز کے ساتھ ٹاپ اسکورر رہے۔عباس آفریدی نے 34 اور ٹم سیفرٹ نے 26 رنز بنائے۔باقی بیٹرز خاطر خواہ کارکردگی نہ دکھا سکے۔

اسلام آباد یونائیٹڈ کی جانب سےشاداب خان نے 4 وکٹیں حاصل کیں،سلمان ارشاد نے 3،عماد وسیم نے 2 وکٹیں لیں جبکہ سلمان علی آغا کے حصے میں ایک وکٹ آئی۔

پوائنٹس ٹیبل کی صورتحال
اسلام آباد یونائیٹڈ نے 10 میں سے 6 میچز جیت کر 12 پوائنٹس کے ساتھ اگلے مرحلے میں جگہ بنالی ہے۔کراچی کنگز اب بھی 12 پوائنٹس کے ساتھ مضبوط پوزیشن میں ہے، تاہم نیٹ رن ریٹ ان کے لیے فیصلہ کن ہوگا۔

خیبرپختونخوا میں سیکیورٹی فورسز کی بڑی کامیابی، 9 دہشتگرد ہلاک

سینیٹ اجلاس میں سیکیورٹی فورسز پر الزام لگانے پر اراکین میں تلخ کلامی

چین کی پاک بھارت کشیدگی پر تشویش، تحمل کا مشورہ

روس کا یوکرین پر سب سے بڑا ڈرون حملہ، متعدد مکانات تباہ، خاتون ہلاک

پاکستان سپر لیگ کے 23 ویں میچ میں کوئٹہ گلیڈی ایٹرز نے سنسنی خیز مقابلےکے بعد اسلام آباد یونائیٹڈ کو 2 وکٹوں سے شکست دے دی۔

قذافی اسٹیڈیم میں کھیلے گئے میچ میں کوئٹہ گلیڈی ایٹرز نے اسلام آباد یونائیٹڈ کے خلاف ٹاس جیت کر پہلے باولنگ کا فیصلہ کیا۔اسلام آباد یونائیٹڈ نے پہلی اننگز میں 9 وکٹوں کے نقصان پر 157 رنز بنائے۔ اور کوئٹہ گلیڈی ایٹرز کو جیت کے لیے 158 رنز کا ہدف دیا۔ ہدف کے تعاقب میں کوئٹہ گلیڈی ایٹرز نے اپنی اننگز کا آغاز کیا۔

چار کھلاڑیوں کے علاوہ کوئی بھی کھلاڑی ڈبل فیگر میں رنز نہیں بنا سکا۔ حسن نواز 3 چھکوں اور 2 چوکوں کی مدد سے 58 رنز بنا کر نمایاں رہے۔ رلی روسو نے 27 رنز بنائے جبکہ فن ایلن نے ایک چھکے اور 2 چوکوں کی مدد سے 20 رنز بنائے۔ محمد وسیم 16 رنز بنا کر آؤٹ ہوئے۔اسلام آباد کی جانب سے صاحبزادہ فرحان 39، کائل مائیرز 22 ، کالن منرو 9، سلمان علی آغا 0، اینڈریز غوس 8 ،محمد شہزاد 0 ، حیدر علی 10 ، محمد نواز 49 اور نسیم شاہ 1 رنز بنا کر آوٹ ہوئے۔جیسن ہولڈر 14 رنز بنا کر ناٹ آؤٹ رہے۔

کوئٹہ کی جانب سے فہیم اشرف نے 4 جبکہ ابرر احمد ، خرم شہزاد , کائل جیمیسن اور سعود شکیل نے 1 وکٹ حاصل کی۔اسلام آباد کا ایک کھلاڑی رن آوٹ ہوا۔لاہور کے قذافی اسٹڈیم میں کھیلے جا رہے میچ میں شاداب خان کی جگہ سلمان علی آغا اسلام آباد یونائیٹڈ کی کپتانی کررہے ہیں، شاداب خان انجری کے باعث آج میچ نہیں کھیل رہے۔ اسلام آباد یونائیٹڈ کی ٹیم 7 میچ کھیل کر 10 پوائنٹس کے ساتھ پوائنٹس ٹیبل پر سرفہرست ہے جبکہ کوئٹہ گلیڈی ایٹرز کی ٹیم نے اتنے ہی میچز میں 4 فتوحات کے ساتھ 9 پوائنٹس حاصل کیے ہیں اور وہ ٹیبل پر تیسرے نمبر پر ہے۔

میچ کے لیے ٹیمیں ان کھلاڑیوں پر مشتمل ہیں۔

کوئٹہ گلیڈی ایٹرز: سعود شکیل (کپتان)، ابرار احمد، حسن نواز، حسیب اللہ خان (وکٹ کیپر)، مارک چیپ مین، رائلی روسو، کائل جیمیسن، محمد وسیم جونیئر، فہیم اشرف، خرم شہزاد، فن ایلن

اسلام آباد یونائیٹڈ: کائل میئرز، صاحبزادہ فرحان، کولن منرو، سلمان علی آغا (کپتان)، اینڈریز گوس (وکٹ کیپر)، حیدر علی، جیسن ہولڈر، محمد نواز، محمد شہزاد، نسیم شاہ، سلمان ارشاد

اسلام آباد یونائیٹڈ کے کولن منرو اور ملتان سلطانز کے کپتان محمد رضوان پر کی لیول 2 خلاف ورزی کرنے پرمیچ فیس کا 30 فی صد جرمانہ عائد کر دیا۔

ذرائع کے مطابق گزشتہ روز ملتان اور اسلام آباد کے درمیان کھیلے گئے میچ کی دوسری اننگز میں کولن منرو نے ملتان سلطانز کے افتخار احمد کو غیر قانونی انداز سے بولنگ کرانے (چکنگ) کے حوالے سے اشارہ کیا تھا۔کولن منرو کے اشارے سے افتخار غصے میں آگئے اور اسکوائر لیگ امپائر کرس براؤن سے شکایت کرنے چلے گئے۔ پی سی بی کی جانب سے کولن منرو پر عائد کی گئی خلاف ورزی میں افتخار احمد کے خلاف ان کے الزامات کو شامل نہیں کیا گیا۔

اس دوران ملتان سلطانز کے کپتان محمد رضوان اور کولن منرو کے درمیان بھی تلخ کلامی ہوئی۔افتخار کے بولنگ کے ایکشن کے حوالے سے کسی امپائر نے رپورٹ نہیں کیا۔ تاہم، یہ پہلی بار نہیں جب کسی پاکستانی بولر پر مخالف بیٹر کی جانب سے براہ راست غیر قانونی بولنگ ایکشن کا الزام عائد کیا گیا ہو۔

میاں نواز شریف لندن سے واپس لاہور پہنچ گئے

نہروں کیخلاف احتجاج: 12 ہزار گاڑیاں پھنس گئیں

قلات میں بم دھماکہ، خواتین اور بچوں سمیت 4 افراد جاں بحق

پی ایس ایل 10، لاہور قلندرز کا پشاور کو 128 رنز کا ہدف