اسلام آباد: پمز اسپتال اسلام آباد میں زیر علاج 40 سالہ مریض منکی پاکس سے انتقال کر گیا۔
باغی ٹی وی : وزارت صحت کے مطابق جاں بحق مریض منکی پاکس اور ایچ آئی وی کے امراض میں مبتلا تھا، منکی پاکس میں مبتلا شخص سعودی عرب سے پاکستان واپس آیا تھا، جاں بحق ہونے والا شخص گزشتہ ڈیڑھ ماہ سے زیرعلاج تھا، پمز اسپتال میں منکی پاکس کے مریض کا انتقال اتوار کے روز ہوا، منکی پاکس کے لیے عالمی ادارہ صحت نے تجرباتی دوا بھی فراہم کی تھی۔
14 سالہ کار سوار کی رکشے کو ٹکر، خواتین سمیت 4 افراد …
منکی پاکس کیا ہے؟
منکی پاکس ابتدائی طور پر بندروں میں پائی جانی والی بیماری تھی جو 1970 کے بعد افریقہ کے مغربی حصے میں پھیلی اور کئی دہائیوں تک وہیں پھیلتی رہی منکی پاکس عام طور پر صرف افریقی خطے میں پایا جاتا ہے اور کئی دہائیوں سے مذکورہ مرض کے کیسز کسی دوسرے خطے میں سامنے نہیں آئے تھےمنکی پاکس ایک بہت کم پایا جانے والا وبائی وائرس ہے،یہ انفیکشن انسانوں میں پائے جانے وا لے چیچک کے وائرس سے ملتا ہے،اس وبا کی علامات میں بخار ہونا،سر میں درد ہونا اور جلد پر خارش ہونا شامل ہیں، منکی پاکس صرف قریبی تعلقات اور خصوصی طور پر جسمانی تعلقات سے ایک سے دوسرے شخص میں منتقل ہوتا ہے۔
مجھے بھی پیاس کے صحرا میں بھٹکایا گیا ہے
چیچک اور جسم پر شدید خارش کے دانوں کی بیماری سے ملتی جلتی اس بیماری کی دو قسمیں ہیں، ایک قسم مغربی افریقی کلیڈ ہے اور دوسری قسم کانگو بیسن (وسطی افریقی) کلیڈ ہے، مغربی افریقی کلیڈ سے متاثرہ افراد میں موت کا تناسب تقریباً ایک فیصد ہے جبکہ کانگو بیسن کلیڈ سے متاثر ہونے والے مریضوں میں ہلاکتوں کا تناسب 10 فیصد تک ریکارڈ کیا گیا ہے۔
