سی سی پی او لاہور اور ڈی آئی جی آپریشنز کے احکامات کی روشنی میں ، ایس پی صدر سدرہ خان کی ہدایت پر ڈالہ کلچر،غیر قانونی اسلحہ اور اسکی نمائش کرنے والوں کے گرد گھیرا تنگ کر لیا گیا
ایس ایچ او ستوکتلہ نے پولیس ٹیم کے ہمراہ کاروائی کی،الیکشن مہم کے دوران سر عام ڈالہ کلچر پر اسلحہ لیکر گھونمے اور نماٸش کر کے خوف و ہراس پھیلانے والے 05 ملزمان اسلحہ سمیت گرفتار کر لئے گئے،ملزمان میں عنصرعباس ،افتخار، سجاد احمد اور عامر حفیظ چیمہ شامل ہیں،ملزمان کے قبضہ سے 02 رائفلیں، پستول، میگزینز اور درجنوں گولیاں اور 2 عدد شراب کی بوتلیں برآمد کی گئی ہیں،ملزمان پابندی کے باوجود اسلحہ لیکر گھوم رہے تھے پولیس نے دھر لیا، ایس پی صدر نے ایس ایچ او ستوکتلہ ہاشم افتخار اور پولیس ٹیم کو شاباش دی،ایس پی صدر سدرہ خان کا کہنا ہے کہ ڈالہ کلچر، غیر قانونی اسلحہ اور اسکی نمائش کرنے والوں کو فوری گرفتار کیا جا رہا ہے ,
دوسری جانب سندر پولیس کا شو آف ویپن اور ناجائز اسلحہ کے خلاف کریک ڈاؤن جاری ہے،سنیپ چیکنگ کے دوران اسلحہ کی نمائش کرنے والے ملزمان گرفتارکر لئے گئے،ملزمان کی شناخت انور زیب اور اسد کے نام سے ہوئی ،ملزمان کے قبضہ سے ناجائز اسلحہ 2 عدد 223 رائفل اور گولیاں برآمد ہوئی ہیں،ملزم کے خلاف مقدمہ درج کر لیا گیا،اسلحہ کی نمائش۔ہوائی فائرنگ۔ناجائز اسلحہ پر پابندی عائد ہے۔
