Baaghi TV

Tag: اسٹاک مارکیٹ

  • انڈیکس تاریخ کی بلند ترین سطح پر پہنچ گیا

    انڈیکس تاریخ کی بلند ترین سطح پر پہنچ گیا

    پاکستان اسٹاک ایکسچینج میں ہنڈرڈ انڈیکس تاریخ کی بلند ترین سطح پر پہنچ گیا-

    کاروباری ہفتے کے چوتھے روز بھی اسٹاک مارکیٹ میں زبردست تیزی کا رجحان رہا ، کاروبار کے آغاز پر 100 انڈیکس میں 860 پوائنٹس کا اضافہ ریکارڈ کیا گیا جس سے انڈیکس پہلی بار ایک لاکھ 53 ہزار 117 پوائنٹس کی بلند ترین سطح پر پہنچ گیا،گزشتہ کاروباری روز کے اختتام پر ہنڈرڈ انڈیکس 1226 پوائنٹس کے اضافے کیساتھ ایک لاکھ 52 ہزار 257 پوائنٹس کی سطح پر بند ہوا تھا۔ اسٹاک مارکیٹ میں تیزی سے سرمایہ کاروں کو اربوں روپے کا فائدہ ہو رہا ہے۔

    دوسری جانب ڈالر کی قیمت معمولی کمی ہوئی ہے ، ایکسچینج کمپنیز ایسوسی ایشن کے مطابق 10 پیسے کی کمی کے بعد انٹر بینک میں ڈالر کی قیمت 281 روپے 61 پیسے ہو گئی ہے۔

    سیلاب سے تباہیاں ، 4 ہزار بستیاں ڈوب گئیں ، 35 لاکھ افراد متاثر

    ستلج میں پانی کی سطح برقرار ،کئی سکول بھی زیر آب،پناہ گزین کیمپوں میں عارضی سکول قائم

    یوکرین جنگ: پیوٹن کی زیلنسکی کو ماسکو آنے اور مذاکرات کی مشروط دعوت

  • اسٹاک مارکیٹ میں آج مثبت رجحان رہا،100 انڈیکس میں 700 پوائنٹس کا اضافہ

    اسٹاک مارکیٹ میں آج مثبت رجحان رہا،100 انڈیکس میں 700 پوائنٹس کا اضافہ

    گزشتہ روز 1350 سے زائد منفی پوائنٹس کے ساتھ بند ہونے والی اسٹاک مارکیٹ میں آج مثبت رجحان دیکھنے میں آ یا-

    جمعہ کے روز پاکستان اسٹاک ایکسچینج میں منافع کے بعد دوبارہ خریداری کا رجحان دیکھنے میں آیا، جس کے نتیجے میں بینچ مارک کے ایس ای 100 انڈیکس نے ٹریڈنگ کے دوسرے حصے میں 700 سے زائد پوائنٹس کا اضافہ ریکارڈ کیاٹریڈنگ سیشن کے دوران مثبت رجحان برقرار رہا اور کے ایس ای 100 انڈیکس دن کے دوران بلند ترین سطح ایک لاکھ 50 ہزار 465 پوائنٹس پر ٹریڈ کرتا دیکھا گیا۔

    سرمایہ کاروں کی دلچسپی آٹو موبائل، کمرشل بینکس، فرٹیلائزر، آئل اینڈ گیس ایکسپلوریشن کمپنیز، او ایم سیز، پاور جنریشن اور ریفائنری سمیت مختلف شعبوں میں دیکھی گئی بڑی کمپنیوں کے شیئرز بھی مثبت زون میں رہے جن میں اے آر ایل، حبکو، پی ایس او، ایس این جی پی ایل، ایس ایس جی سی، میزان بینک، نیشنل بینک اور یو بی ایل شامل ہیں۔

    ہمیں کسی قسم کا خوف نہیں، ہم اپنی جدوجہد جاری رکھیں گے،علیمہ خان

    گزشتہ روز 100 انڈیکس میں منفی رجحان دیکھا گیا تھا اور انڈیکس 1355 پوائنٹس کم ہو کر ایک لاکھ 49 ہزار 235 پر بند ہوا تھا،گزشتہ روز 100 انڈیکس کی کم ترین سطح ایک لاکھ 48 ہزار 272 رہی اور حصص بازار میں 1.06 ارب شیئرز کے سودے 55.82 ارب روپے میں طے ہوئے۔

    مون سون بارشوں کے آٹھویں اسپیل کا الرٹ جاری

  • پاکستان اسٹاک ایکسچینج میں کاروبار کا ملا جلا رجحان

    پاکستان اسٹاک ایکسچینج میں کاروبار کا ملا جلا رجحان

    پاکستان اسٹاک ایکسچینج میں کاروبار کا ملا جلا رجحان ہے-

    کاروباری ہفتے کے پہلے روز اسٹاک مارکیٹ میں کاروبار کے آغاز پر منفی رجحان دیکھا گیا ،100 انڈیکس میں 411 پوائنٹس کی کمی ریکارڈ کی گئی تاہم تھوڑی دیر بعد انڈیکس میں 93 پوائنٹس کا اضافہ ہوا جس سے انڈیکس ایک لاکھ 19 ہزار 195 پوائنٹس کی سطح پر پہنچ گیا، گزشتہ کارو باری ہفتے کے آخری روز کاروبار کے اختتام پر ہنڈریڈ انڈیکس ایک لاکھ ، 19 ہزار 102 پوائنٹس کی سطح پر بند ہوا تھا۔

    دوسری جانب انٹر بینک میں ڈالر 7 پیسے سستا ہو گیا ، ایکسچینج کمپنیزایسوسی ایشن کے مطابق انٹر بینک میں ڈالر 281 روپے 90 پیسے پر ٹریڈ کر رہا ہے۔

  • ٹرمپ ٹیرف،دنیا کی اسٹاک مارکیٹوں میں اتار چڑھاؤ کا سلسلہ جاری

    ٹرمپ ٹیرف،دنیا کی اسٹاک مارکیٹوں میں اتار چڑھاؤ کا سلسلہ جاری

    امریکی صدر ڈونلڈ ٹرمپ کی جانب سےٹیرف عائد کرنے کی وجہ سے دنیا بھر کی اسٹاک مارکیٹوں میں اتار چڑھاؤ جاری ہے۔

    امریکی میڈیا کے مطابق امریکی اسٹاک مارکیٹ میں کاروبار کا آغازہوگیا جہاں اتار چڑھائو جاری ہے، ڈاؤ جونز میں 257 پوائنٹس کی کمی ہوئی،نیس ڈیک انڈیکس 0.5 فیصد سے اوپررہا،ایس اینڈ پی 500 انڈیکس میں 0.35 فیصد کمی ریکارڈ کی گئی۔دوسری جانب پاکستان اسٹاک ایکسچینج میں کاروبار کا دن بھرمندی کے بعد اختتام ہوا،100انڈیکس 1379پوائنٹس گراوٹ سے 1لاکھ 14ہزار153 پوائنٹس پربند ہوا،انڈیکس میں آج کم ترین سطح 1لاکھ 12ہزار891 پوائنٹس ریکارڈکی گئی۔پاکستان اسٹاک مارکیٹ آج 1.19فیصد کمی سےبند ہوئی۔

    یاد رہے کہ عالمی اسٹاک مارکیٹس میں تاریخی مندی کے بعد امریکی صدر ڈونلڈ ٹرمپ کے حامی بھی ان کی پالیسیوں پر سوال اٹھانے لگے۔ عالمی اسٹاک مارکیٹس میں تاریخی مندی کے بعد امریکی انتظامیہ کی اپنے حامیوں کو قائل کرنے کی کوششیں رائیگاں ہونے لگیں۔دوسری جانب ارب پتی امریکی سرمایہ کار ٹرمپ ٹیرف پر ناراض ہیں اور ان کی جانب سے کساد بازاری کا خدشہ بھی ظاہر کردیا گیا ہے۔

    پاکستانیوں کی فلسطینیوں سے یکجہتی، پی ایس ایل کا بائیکاٹ کرنے کی اپیل

    ملک بھر سےغیر قانونی، غیر ملکی شہریوں کا انخلا ءتیزی سے جاری

    ٹریفک حادثات، کراچی میں ہیوی ٹریفک کے خلاف کریک ڈاؤن شروع

    پی پی رہنما سینیٹرتاج حیدر کو سپرد خاک کر دیا گیا

  • اسٹاک مارکیٹ کریش:بھارت کے امیر ترین افراد کو اربوں ڈالرز کا نقصان

    اسٹاک مارکیٹ کریش:بھارت کے امیر ترین افراد کو اربوں ڈالرز کا نقصان

    لاہور: پیر کے اسٹاک مارکیٹ کے کریش میں بھارت کے امیر ترین افراد کو سب سے زیادہ نقصان اٹھانا پڑا۔

    باغی ٹی وی : عام سرمایہ کاروں کے ساتھ ساتھ بھارت کے سرفہرست چار ارب پتیوں مکیش امبانی، گوتم اڈانی، ساوتری جندال اینڈ فیملی اور شیو نادر کو صرف ایک دن میں 10 ارب ڈالر سے زیادہ کا نقصان ہوا ریلائنس انڈسٹریز کے چیئرمین اور بھارت کے امیر ترین شخص مکیش امبانی کو سب سے زیادہ نقصان ہوا ان کی دولت میں 3.6 ارب ڈالر کی کمی ہوئی، جس سے اس کی کل مالیت 87.7 ارب ڈالر تک گر گئی۔

    گوتم اڈانی، جو اڈانی گروپ چلاتے ہیں، نے اپنی دولت میں 3 ارب ڈالر کی کمی دیکھی ان کی مجموعی مالیت اب 57.3 ارب ڈالر رہ گئی ہے او پی جندال گروپ کے مالک ساوتری جندال اور خاندان کو 2.2 ارب ڈالر کا نقصان ہوا ان کی دولت اب 33.9 اب ڈالر ہے۔ وہ اس وقت عالمی امیروں کی فہرست میں 45ویں نمبر پر ہیں ایچ سی ایل ٹیکنالوجیز کے بانی شیو نادر کی دولت بھی ایک روز میں 1.5 ارب ڈالر کم ہو کر 30.9 ارب ڈالر رہ گئی۔

    تحریک انصاف آئندہ کا لائحہ عمل الائنس کے ساتھ طے کرے گی،بیرسٹر گوہر

    نوعمر ٹک ٹاکرز کے اکاؤنٹ اب ان کے والدین کنٹرول کرسکیں گے

    تیزرفتاربس نے لوڈر رکشہ کو روند ڈالا،ایک ہی خاندان کے 14 افراد جاں بحق

  • اسٹاک مارکیٹ میں تیزی،انڈیکس 1 لاکھ 14 ہزار کی ریکارڈ سطح پر بند

    اسٹاک مارکیٹ میں تیزی،انڈیکس 1 لاکھ 14 ہزار کی ریکارڈ سطح پر بند

    کراچی: پاکستان اسٹاک ایکسچینج میں مسلسل مثبت کاروبار کے باعث 100 انڈیکس بلند ترین سطح پر برقرار رہی۔

    باغی ٹی وی :کاروباری ہفتے کے چوتھے روز بھی پاکستان اسٹاک ایکس چینج میں کاروبار میں تیزی دیکھی گئی، جہاں کاروبار کے آغاز پر 100 انڈیکس میں 2671 پوائنٹس کا اضافہ ہوا،جس کے بعد اسٹاک مارکیٹ میں بینچ مارک 100 انڈیکس پہلی بار ایک لاکھ 13 ہزار 400 پوائنٹس کی ریکارڈ سطح پر پہنچ گیا۔

    کاروبار کے اختتام پر ہنڈریڈ انڈیکس 3377 پوائنٹس اضافے سے ایک لاکھ 14 ہزار 180 کی ریکارڈ سطح پر بند ہوا، مارکیٹ میں 463 کمپنز کے 64 ارب 39 کروڑ روپے مالیت کے ایک ارب 45 کروڑ شیئرز کے سودے کئے گئے۔

    واضح رہے کہ گزشتہ کاروباری روز کے اختتام پر پاکستان سٹاک ایکسچینج میں 100 انڈیکس 1913 پوائنٹس اضافے کے ساتھ 1 لاکھ 11 ہزار 810 پوائنٹس کی سطح پر بند ہوا تھا۔

    دوسری جانب پاکستان میں آج پھر سونے کی قیمت میں ہزاروں روپے کا اضافہ دیکھا گیا ہےآل پاکستان جیمز اینڈ جیولر ایسوسی ایشن کے مطابق ملک بھر میں سونے کی فی تولہ قیمت میں 2300 روپے کا اضافہ ہوا ہے جس کے بعد سونے کی قیمت 2 لاکھ 82 ہزار 800 ہوگئی ہے،ایسوسی ایشن کے مطابق اسی طرح 10 گرام سونے کا بھاؤ 1971 روپے اضافے کے بعد 2 لاکھ 42 ہزار 455 روپے ہےدوسری جانب عالمی مارکیٹ میں سونے کا بھاؤ 23 ڈالر اضافے سے 2716 ڈالر فی اونس ہے۔

  • آئینی ترمیم کے بعد اسٹاک مارکیٹ میں زبردست اضافہ، بُلند ترین سطح پر

    آئینی ترمیم کے بعد اسٹاک مارکیٹ میں زبردست اضافہ، بُلند ترین سطح پر

    26 ویں آئینی ترمیم کی منظوری کے بعد مسلسل دوسرے کاروباری روز پاکستان اسٹاک ایکسچینج میں زبردست اضافے کا رجحان برقرار ہے اور بینچ مارک کے ایس ای-100 انڈیکس 643 پوائنٹس اضافے سے تاریخ کی بُلند سطح 86 ہزار 701 پر پہنچ گیا ہے۔

    باغی ٹی وی کی رپورٹ کے مطابق پی ایس ایکس ویب سائٹ کے مطابق صبح تقریباً 10 بج کر 30 منٹ پر کے ایس ای-100 انڈیکس 643 پوائنٹس یا 0.75 فیصد اضافے کے بعد 86 ہزار 701 پر پہنچ گیا۔واضح رہے کہ گزشتہ روز کے ایس ای-100 انڈیکس 807 پوائنٹس یا 0.95 فیصد بڑھ کر 86 ہزار 57 پر پہنچ گیا تھا۔ٹاپ لائن سیکیورٹیز کے چیف ایگزیکٹیو افسر محمد سہیل نے بتایا تھا کہ 26 ویں آئینی ترمیم منظور ہونے کے بعد سیاسی بے یقینی میں کمی ہوگئی، جس کے نتیجے میں مارکیٹ میں اضافہ ہوا۔چیس سیکیورٹیز کے ڈائریکٹر ریسرچ یوسف ایم فاروق کا کہنا تھا کہ شرکا کو امید ہے کہ سیاسی بے یقینی کم ہو گی اور معاشی استحکام جاری رہے گا۔یاد رہے کہ سینیٹ کے بعد گزشتہ روز 26 ویں آئینی ترمیمی بل قومی اسمبلی سے بھی 2 تہائی اکثریت کے ساتھ منظور ہو گیا تھا۔قومی اسمبلی کے اجلاس میں وزیر قانون اعظم نذیر تارڑ نے ترمیم پیش کرنے کی تحریک پیش کی، تحریک کی منظوری کے لیے 225 اراکین اسمبلی نے ووٹ دیے تھے جبکہ 12 ارکان نے مخالفت میں ووٹ دیا۔16 اکتوبر کو پاکستان اسٹاک ایکسچینج میں بینچ مارک کے ایس ای-100 انڈیکس 365 پوائنٹس اضافے کے بعد 86 ہزار 205 کی بُلند سطح پر پہنچ گیا تھا۔اے کے ڈی سیکیورٹیز کے ڈائریکٹر ریسرچ اویس اشرف نے بتایا تھا کہ پاکستان میں جاری شنگھائی تعاون تنظیم کے سربراہی اجلاس اور چینی وزیر اعظم کے دورے سے اضافی فنانسنگ کے وعدوں پر سرمایہ کار بہتری کے حوالے سے پر امید ہیں۔9 اکتوبر کو پاکستان اسٹاک ایکسچینج بینچ مارک کے ایس ای-100 انڈیکس 627 پوائنٹس تیزی کے بعد 86 ہزار کی نئی بُلند ترین سطح عبور کر گیا تھا، تاہم کاروبار کے اختتام تک یہ رجحان برقرار نہیں رہا تھا اور انڈیکس 5 پوائنٹس بڑھ کر 85 ہزار 669 پر بند ہوا تھا۔8 اکتوبر کو بھی زبردست تیزی کا رجحان رہا تھا اور بینچ مارک کے ایس ای-100 انڈیکس 753 پوائنٹس اضافے کے بعد 85 ہزار 663 پوائنٹس کی بُلند ترین سطح پر پہنچ گیا تھا۔7 اکتوبر کو کے ایس ای-100 انڈیکس 1378 پوائنٹس یا 1.65 فیصد اضافے کے ساتھ 84 ہزار 910 پر بند ہوا تھا۔

    توشہ خانہ ٹو کیس: ایف آئی اے نے بشریٰ بی بی کی ضمانت کی مخالفت کردی

    چیف جسٹس قاضی فائز عیسیٰ چیمبر ورک پر چلے گئے، فیصلے تحریر کریں گے

    زیادتی کی جھوٹی خبر معاملہ، طالبہ کی والدہ ہونے کی دعویدار ملزمہ گرفتار

    امریکا نے 26 پاکستانی، چینی اور اماراتی کمپنیوں پر پابندیاں لگا دیں

  • ماہ ستمبر میں اسٹاک مارکیٹ میں 2 ہزار 625 پوائنٹس کا اضافہ ریکارڈ ہوا

    ماہ ستمبر میں اسٹاک مارکیٹ میں 2 ہزار 625 پوائنٹس کا اضافہ ریکارڈ ہوا

    پاکستان اسٹاک ایکس چینج (پی ایس ایکس ) کے 100 انڈیکس میں ماہ ستمبر کے دوران تیزی دیکھنے میں آئی ہے۔

    کاروباری مہینے کے آخری دن 100 انڈیکس 177 پوائنٹس کم ہوا لیکن پورے ستمبر کے دوران 2 ہزار 625 پوائنٹس کا اضافہ ریکارڈ کیا گیا۔پی ایس ایکس میں آج 29 کروڑ 79 لاکھ شیئرز کے سودے ہوئے، یوں کاروبار کی مالیت 14 ارب روپے رہی۔شیئر بازار میں آج مارکیٹ کیپٹلائزیشن 34 ارب روپے کی کمی کے بعد 10 ہزار 619 ارب روپے رہی۔دوسری طرف ماہ ستمبر کے اختتام پر 100 انڈیکس 81 ہزار 114 رہا، اس دوران انڈیکس 4 ہزار 665 پوائنٹس کے بینڈ میں رہا۔ستمبر میں شیئر بازار کی بلند ترین سطح 82 ہزار 905 جبکہ کم ترین سطح 78 ہزار 240 رہی۔ستمبر 2024ء میں پی ایس ایکس میں 10 ارب 54 کروڑ شیئرز کے سودے ہوئے اور کاروبار کی مالیت 321 ارب روپے رہی۔ماہ ستمبر کے دوران مارکیٹ کیپٹلائزشین 134 ارب روپے کے اضافے کے ساتھ 10 ہزار 619 ارب روپے ہے۔

    ملائیشیا کے وزیراعظم کا 2 سے 4 اکتوبر تک پاکستان کا سرکاری دورہ

  • سونے کی عالمی اور مقامی قیمت میں اضافہ

    سونے کی عالمی اور مقامی قیمت میں اضافہ

    کراچی: سونے کی عالمی اور مقامی قیمت میں اضافہ ہوا ہے-

    باغی ٹی وی : آل پاکستان سپریم کونسل جیولرز ایسوسی ایشن کی رپورٹ کے مطابق آج پیر کے روز سونے کی فی تولہ قیمت میں 800 روپے کا اضافہ ریکارڈ کیا گیا جس کے بعد فی تولہ سونے کی قیمت 2 لاکھ 47 ہزار 300 روپے ہوگئی،اسی طرح 10 گرام سونے کی قیمت 686 روپے کے اضافے 2 لاکھ 12 ہزار 20 روپے کی سطح پر پہنچ گئی، دریں اثنا عالمی مارکیٹ میں بھی 8 ڈالر کے اضافے سے فی اونس سونے کی قیمت 2371 ڈالر کی سطح پر آگئی۔

    دوسری جانب عید کی تعطیلات ختم ہونے کے بعد کاروباری ہفتہ کے پہلے ہی دن پاکستان اسٹاک مارکیٹ نے بلندیوں کا نیا ریکارڈ قائم کردیا،پاکستان کی جانب سے آئی ایم ایف کے ساتھ موجودہ پروگرام کی کامیابی کیساتھ تکمیل، معیشت قدرے بہتر کارکردگی کا مظاہرہ کرنے کیساتھ زر مبادلہ ذخائر میں اضافہ جیسے عوامل پر ملکی تاریخ میں پہلی بار مارکیٹ 70500 پوائنٹس کی نفسیاتی حد عبور کرگئی اور انڈیکس میں 200 سے زائد پوائنٹس کا اضافہ دیکھنے میں آیا۔

  • پاکستان اسٹاک ایکسچینج میں شدید مندی؛کاروباری طبقہ انتہائی پریشان

    پاکستان اسٹاک ایکسچینج میں شدید مندی؛کاروباری طبقہ انتہائی پریشان

    اسلام آباد:پاکستان میں معاشی بدحالی پھر سے قدم جمانے لگی ہے اور کاروباری طبقے پربہت مشکل اوقات آن پہنچے ہیں،اس حوالے سے تازہ خبروں میں بتایا گیا ہے کہ پاکستان اسٹاک ایکسچینج شدید مندی کی لپیٹ میں آگئی ہے۔

    بدھ کے روز کاروبار کا آغاز ہوا تو پی ایس ایکس 100 انڈیکس 42 ہزار 190 پوائنٹس پر موجود تھا۔کاروباری سرگرمیوں کے آغاز کے ساتھ ہی اسٹاک مارکیٹ میں فروخت کا دباؤ دیکھا گیا۔ ایک وقت میں ہنڈریڈ انڈیکس 699 پوائنٹس کی کمی کے بعد 41 ہزار 490 کی سطح پر بھی دیکھا گیا۔

    تاہم کاروباری اوقات کے اختتام پر پی ایس ایکس ہنڈریڈ انڈیکس 650 پوائنٹس کی کمی کے بعد 41 ہزار 540 پر بند ہوا۔بدھ کے روز 333 کمپنیوں کے حصص کا لین دین ہوا، 265 کمپنیوں کیے شیئر کی قیمت میں کمی، 58 کی قیمتوں میں اضافہ جب کہ 10 کمپنیوں کے شیئر کے دام مستحکم رہے۔

    ادھرانٹربینک مارکیٹ میں پاکستانی روپیہ (PKR) امریکی ڈالر کے مقابلے میں 68 پیسے بڑھ گیا۔اسٹیٹ بینک آف پاکستان نے کہا کہ مقامی کرنسی 68 پیسے یا 0.31 فیصد اضافے کے ساتھ 219.73 روپے فی ڈالر پر بند ہوئی۔

    تجزیہ کاروں نے اس تبدیلی کی وجہ 1.5 بلین ڈالر کی متوقع آمد کو قرار دیا جب پاکستان نے ADB کے ساتھ بجٹ میں مدد اور سیلاب سے متعلق بحالی اور تعمیر نو کی سرگرمیوں میں مدد کے لیے قرض کے معاہدے پر دستخط کیے تھے۔

    ایک ویب پر مبنی مالیاتی پورٹل میٹیس گلوبل کے ڈائریکٹر سعد بن نصیر نے کہا کہ اے ڈی بی کے معاہدے پر دستخط اور چین سے قرضوں کی ری شیڈولنگ کی توقع کے ساتھ آنے والے دنوں میں روپے کو اس رفتار کو جاری رکھنے میں مدد مل سکتی ہے۔

    غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    50 ہزار میں بچہ فروخت کرنے والی ماں گرفتار