وزیرِ اعظم پاکستان شہباز شریف نے ترک صدر رجب طیب اردوان سے دولما باہچے محل میں ملاقات کی۔
ذرائع کے مطابق ملاقات پریس کوریج کے بغیر ہوئی، جس میں دونوں ممالک کے درمیان دو طرفہ تعلقات پر تفصیلی تبادلہ خیال کیا گیا۔ملاقات کے دوران اعلیٰ سطحی اسٹریٹجک کوآپریشن کونسل کے تحت تعاون کے دائرہ کار پر بھی بات چیت کی گئی۔ واضح رہے کہ کونسل کا آخری اجلاس فروری میں اسلام آباد میں ہوا تھا، جب صدر اردوان نے پاکستان کا دورہ کیا تھا۔
اس موقع پر دونوں رہنماؤں نے دہشت گردی کے خلاف جنگ، علاقائی و عالمی امور اور باہمی دلچسپی کے دیگر معاملات پر بھی غور کیا۔وزیر اعظم شہباز شریف استنبول پہنچنے پر ترک صدر اردوان نے خود استقبال کیا۔ بعد ازاں، دونوں رہنماؤں کے درمیان وفود کی سطح پر ملاقات بھی ہوئی، جس میں پاکستان کی جانب سے نائب وزیر اعظم و وزیر خارجہ اسحاق ڈار، آرمی چیف جنرل سید عاصم منیر، وزیر اطلاعات عطا اللہ تارڑ اور معاون خصوصی طارق فاطمی شریک تھے۔
ترک صدر نے وزیر اعظم شہباز شریف اور پاکستانی وفد کے اعزاز میں عشائیہ بھی دیا۔ ملاقات کا مقصد دونوں ممالک کے درمیان قریبی تعلقات کو مزید فروغ دینا اور مختلف شعبوں میں تعاون کو وسعت دینا بتایا جا رہا ہے۔
ارشد ندیم کو ایشیا کا بہترین ایتھلیٹ قرار، پاکستان کے لیے تاریخی اعزاز
کوئٹہ سے تونسہ شریف جانے والی مسافر بس مسلح افراد لے گئے، مسافر محفوظ
اسرائیلی فوج کا غزہ کے 77 فیصد رقبے پر قبضہ، اقوام متحدہ سے مداخلت کا مطالبہ