Baaghi TV

Tag: اسٹیٹ بینک آف پاکستان

  • بچت سکیموں پر منافع کی شرح کم ہو گئی

    بچت سکیموں پر منافع کی شرح کم ہو گئی

    اسٹیٹ بینک آف پاکستان کی جانب سے شرح سود میں ایک فیصد کمی کئے جانے کے بعد قومی بچت سکیموں پر منافع کی شرح میں بھی 2 فیصد تک کمی کردی گئی ہے.

    باغی ٹی وی کے مطابق سپیشل سیونگ سرٹیفکیٹس،سروہ اسلامک ٹرم اکائونٹس،سروہ اسلامک سیونگ اکائونٹس پر منافع کی شرح میں کوئی ردوبدل نہیں کیا گیا ہے۔سینٹرل ڈائریکٹوریٹ آف نیشنل سیونگز کی جانب سے جاری نوٹیفکیشن کے مطابق ریگولر انکم سرٹیفکیٹ پرمنافع کی شرح 12 فیصد سالانہ سے کم کرکے 11.88 فیصد سالانہ کردی گئی ہے۔بہبود سیونگز سرٹیفکیٹس پر منافع کی شرح 13.92 فیصد سالانہ سے کم کرکے13.68 فیصد،پنشنرز سرٹیفکیٹس پربھی منافع کی شرح 13.92 فیصد سالانہ سے کم کرکے 13.68 فیصد سالانہ کردی گئی ہے۔

    اسی طرح شہدا فیمیلیز ویلفیئر اکائونٹس پرمنافع کی شرح 13.92فیصد سالانہ سے کم کرکے13.68 فیصد، تین ماہ کی مدت کے شارٹ ٹرم سرٹیفکیٹس پر منافع کی شرح 3190روپے فی لاکھ سے کم کرکے2810 روپے فی لاکھ کردی گئی ہے۔6 ماہ کی مدت کے شارٹ ٹرم سرٹیفکیٹس پر منافع کی شرح 6370 روپے فی لاکھ سے کم کرکے 5660 روپے فی لاکھ کردی گئی ہے،ایک سال کی مدت کے شارٹ ٹرم سرٹیفکیٹس پر منافع کی شرح 12380روپے فی لاکھ سے کم کرکے 11380روپے فی لاکھ کردی گئی ہے۔

    سیونگز اکائونٹس پر منافع کی شرح 13.50 فیصد سے کم کرکے 11.50فیصد سالانہ کردی گئی ہے جبکہ سروہ اسلامک ٹرم اکائونٹس، سروہ اسلامک سیونگزاکائونٹس کے لیے منافع کی شرح میں کوئی ردوبدل نہیں کیا گیا۔یاد رہے سٹیٹ بینک آف پاکستان نے شرح سود میں کمی کر دی ہے جس کے بعد شرح سود 13 فیصد سے کم ہو کر 12 فیصد پر آ گئی ہے۔

    ڈرامائی موسمی تبدیلیاں، تھر صحرا قصہ پارینہ بن جائے گا

    افغانستان سے مذاکرات کے لیے پختونخوا حکومت کا وفد بھیجنے کا فیصلہ

    ڈرامائی موسمی تبدیلیاں، تھر صحرا قصہ پارینہ بن جائے گا

    متنازعہ پیکا ایکٹ کی منظوری: پی ایف یو جے کا ملک بھر میں یوم سیاہ منانے کا اعلان

  • پاکستان میں کرنسی کی گردش 9.4 ٹریلین روپے تک پہنچ گئی

    پاکستان میں کرنسی کی گردش 9.4 ٹریلین روپے تک پہنچ گئی

    پاکستان میں کرنسی کی گردش(CiC ) تقریباً 9.4 ٹریلین روپے تک پہنچ گئی۔یہ اضافہ معیشت میں بڑھتی ہوئی لیکویڈیٹی کو ظاہر کرتا ہے، جو عالمی سطح پر ڈیجیٹلائزیشن کے رجحان کے برعکس جسمانی کرنسی کی بڑھتی ہوئی مانگ کا مظہر ہے۔

    باغی ٹی وی کے مطابق پاکستان کے برڈ منی ( ایم2) میں تازہ ترین رجحانات نے گزشتہ سال میں مستحکم اضافہ دکھایا ہے، جس کے مطابق 17 جنوری 2025 تک برڈ منی 34.9 ٹریلین روپے تک پہنچ چکا ہے، جو سال بہ سال 2.7 ٹریلین روپے کا اضافہ ہے، اسٹیٹ بینک آف پاکستان نے بتایا کہ اس میں سے کرنسی کی گردش مسلسل بڑھتی جا رہی ہے اور اب 9.376 ٹریلین روپے پر کھڑی ہے، جو برڈ منی کا 26.9فیصد حصہ ہے۔تاریخی طور پر، CiC نے 2023 کے وسط سے ایک مسلسل بڑھتے ہوئے رجحان کو برقرار رکھا ہے، جو جون 2023 میں 9.1 ٹریلین روپے سے بڑھ کر آج 9.4 ٹریلین روپے تک پہنچ چکا ہے۔

    کرنسی کی گردش کا ایم 2میں حصہ تقریباً 26فیصد سے 27فیصد کے درمیان رہا ہے، جو بڑھتی ہوئی ڈیجیٹل بینکنگ کے باوجود معیشت میں کیش کی بڑھتی ہوئی انحصار کو ظاہر کرتا ہے۔معاشی تجزیہ نگار اورایف پی سی سی آئی کے سابق نائب صدر حنیف لاکھانی کہ کرنسی کی گردش میں یہ اضافہ بڑھتی ہوئی لیکویڈیٹی کی ضروریات کو ظاہر کرتا ہے اور مالیاتی لین دین کو رسمی بنانے میں مشکلات کی نشاندہی کرتا ہے۔ایسے نمونوں سے معیشت میں کیش پر انحصار کے مسلسل بڑھتے ہوئے رجحانات کی عکاسی ہوتی ہے، جو مالیاتی پالیسی میں تبدیلیوں اور مالیاتی شعبے کی حکمت عملیوں کے لیے اہم اثرات مرتب کرسکتے ہیں۔کرنسی کی گردش میں اس اضافے کا رجحان معیشت میں لیکویڈیٹی کے دباؤ اور بینکنگ کی محدود رسائی کو اجاگر کرتا ہے۔

    سونے کی قیمت میں آج معمولی کمی

    ٹرمپ نے اہم ایجنسیوں کے کئی عہدیداروں کوبرطرف کردیا

    کینیڈین امیگریشن، 2027 تک کینیڈا میں عارضی رہائشیوں کی تعداد میں کمی

    اراکین پارلیمنٹ کی تنخواہ و مراعات 5 لاکھ روپے کرنے کی منظوری

    سیکیورٹی فورسز کا خیبر پختونخواہ میں آپریشن، 30 خوارج ہلاک

  • یواےای کی 2 ڈپازٹس کوایک سال کیلئے رول اوور کرنے کی تصدیق

    یواےای کی 2 ڈپازٹس کوایک سال کیلئے رول اوور کرنے کی تصدیق

    یواےای نے اسٹیٹ بینک آف پاکستان میں رکھے 2 ڈپازٹس کوایک سال کیلئے رول اوور کرنے کی تصدیق کردی۔

    ترجمان اسٹیٹ بینک کا کہنا ہے کہ ان ڈپازٹس کی مدت جنوری 2025ء میں ختم ہو رہی تھی،یاد رہے اسٹیٹ بینک آف پاکستان میں رکھے دو ڈپازٹس 2 ارب امریکی ڈالرکے ہیں۔دوسری جانب اسٹیٹ بینک کے ذخائر میں 3 کروڑ ڈالر کا اضافہ ہوگیا،اسٹیٹ بینک کے مطابق اسٹیٹ بینک کے ذخائر 11ارب69 کروڑ ڈالر سے بڑھ کر 11ارب72کروڑ ڈالر ہوگئے۔کمرشل بینکوں کے ذخائر 4کروڑ2لاکھ ڈالر اضافے سے 4ارب72کروڑ ڈالر سے تجاوز کرگئے،ملکی مجموعی ذخائر 7کروڑ3لاکھ ڈالر اضافے سے 16ارب45کروڑڈالر ہوگئے۔

    سندھ اسپیشل گیمز 2025 اختتام پذیر،چلڈرن اسکول کار ساز سرفہرست

    لڑکی بن کر دوستی، فحش ویڈیوزبنوانے والاگینگ بے نقاب

    حکومتی دعوے کھوکھلے،بجلی تقسیم کارکمپنیوں کے نقصانات میں اضافہ

    ملتان سلطانز نے احسان اللہ کو بڑی آفر کر دی

  • ملکی زرمبادلہ کے ذخائر کے نئے اعدادو شمار جاری

    ملکی زرمبادلہ کے ذخائر کے نئے اعدادو شمار جاری

    کراچی: اسٹیٹ بینک آف پاکستان نے ملکی زرمبادلہ کے ذخائر کے نئے اعداد و شمار جاری کر دئیے-

    باغی ٹی وی : اسٹیٹ بینک کی جانب سے جاری نئے اعدادو شمار کے مطابق ملکی زرمبادلہ کے ذخائر میں اضافہ ہو ا ہے،ریاستی بینک کے مطابق ملکی زرمبادلہ کے ذخائر 8 دسمبر کو ختم ہوئے ہفتے میں 9 کروڑ 93 لاکھ ڈالر بڑھے ہیں، ملکی زرمبادلہ کے ذخائر 8 دسمبر تک 12.20 ارب ڈالر رہے جبکہ اس دوران اسٹیٹ بینک کے اپنے زرمبادلہ کے ذخائر 2.06 کروڑ ڈالر اضافے سے 7.04 ارب ڈالر رہے اور کمرشل بینکوں کے زرمبادلہ کے ذخائر 7.87 کروڑ ڈالر اضافے سے 5.16 ارب ڈالر رہے۔

    سپریم کورٹ نہیں جا رہے، الیکشن کمیشن کی تردید

    دوسری جانب پاکستان اسٹاک ایکسچینج کا 100 انڈیکس دسمبر کے دسویں روز تاریخ کی نئی بلند ترین سطح نہ بنا سکا،کاروباری دن میں 100 انڈیکس 1185 پوائنٹس کے بینڈ میں رہا، بازار میں آج 98 کروڑ شیئرز کے سودے 23 ارب 74 کروڑ روپے میں طے ہوئے،مارکیٹ کیپٹلائزیشن 51 ارب روپے بڑھ کر 9 ہزار 419 ارب روپے ہے۔

    چیئرمین پی ٹی آئی کے انتخابات ملتوی کرانے کے الزامات الیکشن کمیشن نے مسترد کر …

  • روپے کے مقابلے میں ڈالر کی قیمت میں ایک بار پھر کمی

    روپے کے مقابلے میں ڈالر کی قیمت میں ایک بار پھر کمی

    اسٹیٹ بینک کے اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں ایک مرتبہ پھر 37 پیسے کی کمی دیکھی گئی ہے.

    اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں ایک مرتبہ پھر 37 پیسے کی کمی دیکھی گئی۔اسٹیٹ بینک اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 277 روپے 41 پیسے سے کم ہو کر 277 روپے 04 پیسے ہو گئی ہے۔

    مرکزی بینک کے مطابق انٹر بینک میں امریکی ڈالر کے مقابلے میں روپے کی قدر میں 0.13 فیصد کی بحالی دیکھی گئی۔ دوسری طرف اوپن مارکیٹ میں امریکی ڈالر کی قیمت 280 روپے کے قریب پہنچ گئی ہے۔ اُدھر روپے کے مقابلے میں دیگر کرنسیوں میں سعودی ریال کی قدر 73.8554، بھارتی روپیہ کی قیمت 3.356 ، برطانوی پاؤنڈز 352.22، یورو کی قیمت 300 روپے پر پہنچ گئی ہے۔
    مزید یہ بھی پڑھیں؛
    وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے
    عالمگیر ترین کی نماز جنازہ کب ہو گی؟ اعلان ہو گیا
    نواز شریف کو سیاسی انتقام کا نشانہ بنایا گیا،مریم اورنگزیب
    عالمگیر خان ترین کے موت کی خبر نے کر کٹ حلقوں کو بھی سوگوار کر دیا
    تمیم اقبال انٹرنیشنل کرکٹ سے ریٹائر
    بینظیر کفالت سہ ماہی وظائف کی 55ارب 41 کروڑ سے زائد رقم تقسیم
    سوات؛ پہاڑی تودہ گرنے سے جاں بحق ہونے والوں کی تعداد 8 ہوگئی
    جبکہ خیال رہے کہ پیر کے دن بینک کی تعطیلات کے باعث کاروبار نہیں ہو سکا تھا، منگل والے دن امریکی ڈالر کے مقابلے میں 10.55 روپے کی قدر بحال ہوئی تاہم بدھ کو امریکی ڈالر 2 روپے کے قریب اضافہ دیکھا گیا تھا۔ معاشی ماہرین کا کہنا ہے کہ امریکی ڈالر کے مقابلے میں روپے کی قدر اسی طرح بحال ہوتی رہی تو آئندہ چند ہفتوں کے دوران پٹرولیم مصنوعات سمیت درآمد کی جانے والی اشیاء کی قیمتوں میں کمی کی توقع ہے۔

    دوسری جانب ملک پر مجموعی قرضوں کی مالیت 58ہزار 962ارب روپے تک پہنچ گئی، وفاقی حکومت نے مالی سال 23-2022 کے پہلے 11 ماہ کے دوران یومیہ بنیادوں پر 33ارب 89کروڑ روپے کا قرضہ لیا اور وفاقی حکومت نے مالی سال 23-2022 کے پہلے 11 ماہ کے دوران یومیہ بنیادوں پر 33ارب 89کروڑ روپے کا قرضہ لیاملک پر مجموعی قرضوں کی مالیت 58ہزار 962ارب روپے تک پہنچ گئی، مقامی قرضوں میں 5968ارب روپے جبکہ غیرملکی قرضوں میں 5161ارب روپے کا اضافہ ہوا ہے۔

    اسٹیٹ بینک کی طرف سے جاری کردہ اعدادوشمار کے مطابق وفاقی حکومت نے مالی سال 23-2022 کے پہلے 11 ماہ کے دوران یومیہ بنیادوں پر 33ارب 89کروڑ روپے کا قرضہ لیا، اس طرح ہر گھنٹے ایک ارب 40کروڑ 95لاکھ روپے کا قرض لیا گیا۔ اعدادوشمار کے مطابق مئی 2023 کے اختتام پر مقامی قرضوں کی مالیت 37ہزار 54ارب روپے جبکہ غیرملکی قرضوں کی مالیت 21 ہزار908 ارب روپے تک پہنچ گئی۔ قرضوں کی مالیت بڑھانے میں روپے کی بے قدری نے اہم کردار ادا کیا، مجموعی قرضوں کے حجم میں روپے کی بے قدری کی وجہ سے 40فیصد اضافہ ہوا۔ اسٹیٹ بینک کے مطابق جون 2022 کے اختتام پر قرضوں کی مالیت روپے کی قیمت 204.37 روپے پرلگائی گئی جبکہ مئی 2023 میں قرضوں کی مالیت کا تعین 285.38 روپےکی بنیاد پر کیا گیا۔

  • اسٹیٹ بینک آف پاکستان کا آئندہ 2 ماہ کیلئے شرح سود 7.75 فیصد پر برقراررکھنے کا فیصلہ

    اسٹیٹ بینک آف پاکستان کا آئندہ 2 ماہ کیلئے شرح سود 7.75 فیصد پر برقراررکھنے کا فیصلہ

    اسٹیٹ بینک آف پاکستان نے آئندہ 2 ماہ کے لیے شرح سود 7 اعشاریہ 75 فیصد پر برقرار رکھنے کا فیصلہ کیا ہے جبکہ ڈالر کی اوپن مارکیٹ کمی 180 روپے تک پہنچ گئی ہے-

    باغی ٹی وی : تفصیلات کے مطابق اوپن کرنسی مارکیٹ میں ڈالر کی قدر 70 پیسے اضافے سے ایک بار پھر 180 روپے کی سطح پر پہنچ گئی ادائیگیوں کے دباؤ اور درآمدی شعبے کی ڈیمانڈ کے باعث زرمبادلہ کی دونوں مارکیٹوں میں پیر کو بھی ڈالر کی اڑان جاری رہی جس سے ڈالر کے اوپن ریٹ 180 روپے کی سطح پر پہنچ گئے۔

    انٹربینک مارکیٹ میں ڈالر کی قدر اتار چڑھاؤ کے بعد 26 پیسے کے اضافے سے 176.49روپے کی سطح پر بند ہوئی جبکہ اوپن کرنسی مارکیٹ میں ڈالر کی قدر 70پیسے کے اضافے سے 180روپے کی سطح پر بند ہوئی۔

    امریکہ کے نامزد سفیرکب پہنچیں گے پاکستان؟

    جبکہ سونے کی عالمی مارکیٹ میں قیمت بڑھنے کے ساتھ مقامی مارکیٹ میں بھی سونے کے نرخ بڑھ گئے بین الاقوامی بلین مارکیٹ میں فی اونس سونے کی قیمت 2 ڈالر کے اضافے سے 1838 ڈالر کی سطح پر پہنچنے کے باعث مقامی صرافہ مارکیٹوں میں بھی پیر کو فی تولہ اور فی 10 گرام سونے کی قیمتوں میں بالترتیب 350 روپے اور 300 روپے کا اضافہ ہوگیا جس کے مختلف شہروں میں فی تولہ سونے کی قیمت بڑھ کر 126350 روپے اور فی 10 گرام سونے کی قیمت بڑھ کر 108325روپے ہوگئی۔

    اس کے برعکس فی تولہ چاندی کی قیمت بغیر کسی تبدیلی کے 1450 روپے اور دس گرام چاندی کی قیمت بغیر کسی تبدیلی کے 1243.14روپے پر مستحکم رہی۔

    آٹا مہنگا ہونے کی ذمہ دار سندھ حکومت ہے، عمران اسماعیل

    دوسری جانب اسٹیٹ بینک آف پاکستان نے آئندہ 2 ماہ کے لیے شرح سود 7 اعشاریہ 75 فیصد پر برقرار رکھنے کا فیصلہ کیا ہےکراچی میں پریس کانفرنس کرتے ہوئے گورنر اسٹیٹ بینک رضا باقر کا کہنا تھا کہ پالیسی ریٹ کو موجودہ سطح پر برقرار رکھا جائے گا، شرح سود 9 اعشاریہ 75 پر برقرار رکھا گیا ہے۔

    پاکستان ریلوے نے کوچز کی نیلامی کے لیے اشتہار دے دیا

    گورنر اسٹیٹ بینک کا کہنا تھا کہ دوماہ کےدوران مہنگائی کی شرح میں کمی آئی ہے، نومبر اور دسمبر میں مہنگائی میں اضافہ نہیں ہوا، نومبر میں قیمتیں 3 فیصد بڑھیں، نومبر کے مقابلے میں مہنگائی کی شدت دسمبر میں کم رہی، تجارتی خسارہ میں استحکام آرہاہے، طلب میں اضافہ ہورہا ہے، معاشی اشاریوں میں تبدیلی کی رفتار متوازن ہوئی ہے، افراط زر کی شرح 12.3 فیصد رہی تھی۔

    سعودی عرب میں پاکستانی شہری فحاشی کا اڈہ چلانے کے الزام میں گرفتار

    رضا باقر نے کہا کہ پاکستان کی گروتھ مستحکم ہے، منی بجٹ لانے سے ہمارا مالی خسارہ مزید کم ہوگا، ماہانہ بنیادوں پر مہنگائی کی رفتار کم ہوتی نظر آئےگی، پٹرولیم منصوعات کی قیمتیں ہمارے کنٹرول میں نہیں-

    سبی ہرنائی سیکشن کئی سال گزرجانے کے باوجود بحال نہ ہوسکا