Baaghi TV

Tag: اسپتال

  • چین کے اسپتال میں خوفناک آتشزدگی،21 افراد ہلاک متعدد زخمی

    چین کے اسپتال میں خوفناک آتشزدگی،21 افراد ہلاک متعدد زخمی

    چین کے دارالحکومت بیجنگ کے ایک اسپتال میں خوفناک آتشزدگی سے 21 افراد ہلاک اور متعدد زخمی ہوگئے۔

    باغی ٹی وی: چائنیز میڈیا کے مطابق آتشزدگی کا واقعہ بیجنگ کے چانگ فینگ اسپتال میں پیش آیا ایمرجنسی رسپانس ٹیموں کو دوپہر ایک بجےسےذرا پہلے اطلاع ملی کہ دارالحکومت کے شہر فینگٹائی ڈسٹرکٹ میں واقع بیجنگ چانگ فینگ ہسپتال میں آگ لگ گئی ہے ایمرجنسی ٹیموں نے فوری کارروائی کرتے ہوئے 2 گھنٹے بعد آگ پر قابو پالیا گیا –

    اسرائیل اورفلسطین کےدرمیان امن مذاکرات میں سہولت فراہم کرنےکیلئےتیارہیں،چین


    مقامی حکام کے مطابق اسپتال سے 71 مریضوں کو دوسری جگہ منتقل کردیا گیا ہے جبکہ واقعے میں 21 افراد ہلاک اور متعدد زخمی ہوئے کئی مریضوں، ان کے رشتہ داروں اور ڈاکٹروں نے عمارت کی کھڑیوں سے چھلانگ لگا کر جان بچائی۔

    سوشل میڈیا صارفین نے دوپہر کے وقت ہستپال کے بیرونی ایئر کنڈیشنگ یونٹس پر بیٹھے لوگوں کی ویڈیوز پوسٹ کیں جب کہ ویڈیو میں دیکھا گیا کہ کئی افراد رسیوں کے ذریعے عمارت سے چھلانگ لگا رہے تھے

    سوڈان جھڑپیں: امریکی سفارتی قافلے پربھی فائرنگ

    حکام کا کہنا ہے چین میں اسپتالوں میں آتشزدگی کے واقعات کی تعداد بہت ہی کم ہے تاہم بیجنگ کے اسپتال میں آگ لگنے کی وجہ تاحال معلوم نہیں ہوسکی تاہم تفتیش جاری ہے۔

    فوری طور پر یہ واضح نہیں ہوسکا کہ ہسپتال میں موجود تمام لوگوں وہاں سے نکال لیا گیا ہے یا نہیں، آگ نجی ہسپتال کے ایڈمٹ مریضوں کے شعبے کی مشرقی عمارت میں لگی تھی آگ سے متاثر ہونے والے افراد کو ہنگامی علاج کے لیے دوسرے نامعلوم ہسپتال لے جانے کے بعد ہلاکتوں کی تصدیق کی گئی آگ میں زخمی ہونے والے افراد کی تعداد یا ان کی حالت کے بارے میں مزید تفصیلات دستیاب نہیں ہیں۔

    کویت کے ولی عہد کا قومی اسمبلی کو تحلیل کرنے کا اعلان،الیکشن کرانے کا فیصلہ

  • میڈیکل کی طالبہ نے اسپتال کی چھت سے چھلانگ لگا کر خودکشی کر لی

    میڈیکل کی طالبہ نے اسپتال کی چھت سے چھلانگ لگا کر خودکشی کر لی

    بھارت میں میڈیکل کی طالبہ نے اسپتال کی چھت سے چھلانگ لگا کر خودکشی کر لی۔

    باغی ٹی وی: بھارتی میڈیا کے مطابق 21 سالہ طالبہ سرکاری سطح پر چلنے والے بی جے میڈیکل کالج میں زیر تعلیم تھی جس نے مبینہ طور پر بدھ کی صبح سوژان جنرل اسپتال کی چھت سے چھلانگ لگا کر اپنی زندگی ختم کر لی –

    آفس میں کرسی پر بحث،ملازم نے اپنے ہی کولیگ کو گولی ماردی

    پولیس کے مطابق یہ افسوسناک واقعہ بدھ کی صبح 10:30 بجے پیش آیا،ایک خاتون کو یہ طالبہ پول کے پاس خون میں لت پت پڑی ملی وہ اسے علاج کیلئے اسپتال لے گئی جہاں وہ دوران علاج وفات پا گئی-

    میڈیا رپورٹس کے مطابق پولیس کی جانب سے بتایا گیا ہے کہ میڈیکل فرسٹ ایئر کی طالبہ تھی گزشتہ کچھ دنوں سے پڑھائی اور امتحان کی وجہ سے ذہنی تناؤ کا شکار تھی اور پچھلے تین چار دنوں سے وہ اکثر روتی رہتی تھی-

    امریکا میں دو بلیک ہاک ہیلی کاپٹر گر کر تباہ

    ڈپٹی کمشنر پٹیل نے بتایا کہ والدین کی جانب سے طالبہ کو امتحان میں شرکت کرنے پر زور دیا گیا تھا چاہے تیاری بھی نہ کی ہو اور ذہنی تناؤ کی وجہ سے والدین کی جانب سے طالبہ کو ماہرین نفسیات کے پاس بھی لے جایا گیا تھا-

    پولیس کے مطابق دوران تفتیش طالبہ کے پاس سے خودکشی کرنے کے حوالے سے کوئی تحریری نوٹ بھی نہیں ملا تاہم واقعے کی ہر پہلو سے تحقیقات کی جا رہی ہیں۔

    جمیل فاروقی کی اوریا مقبول جان بارے تہلکہ خیز آڈیو لیک

  • شبلی فراز کی طبیعت ناساز ،اسپتال منتقل

    شبلی فراز کی طبیعت ناساز ،اسپتال منتقل

    سابق وزیراعظم اور پاکستان تحریک انصاف کے چئیرمین عمران خان کے چیف آف اسٹاف سینیٹر شبلی فراز کی طبیعت ناساز ہوگئی۔

    باغی ٹی وی: پی ٹی آئی اعلامیے کے مطابق شبلی فراز کو زخمی حالت میں اسپتال منتقل کیا گیا جہاں انہیں طبی امدادی دی گئی ڈاکٹرز نے بتایا کہ شبلی فراز پولیس کی تشدد سے زخمی، شیلنگ سے پھیپھڑے بھی متاثر ہوئے ہیں۔

    گرفتاری کا خدشہ،ڈونلڈ ٹرمپ نے کارکنوں کو احتجاج کی کال دے دی

    واضح رہے کہ ن عمران خان کی توشہ خانہ کیس میں جوڈیشل کمپلیکس اسلام آباد آمد کے موقع پر کمپلیکس کے باہر پی ٹی آئی مظاہرین اور پولیس کے مابین شدید ہنگامہ آرائی میں متعدد پولیس اہلکار زخمی ہوئے پی ٹی آئی مظاہرین کی پتھراؤ سے 9 پولیس اہلکار زخمی ہوئے جنہیں فوری طبی امداد کے لیے اسپتال منتقل کیا گیا جبکہ مشتعل مظاہریں نے 25 سے زائد موٹر سائیکل اور گاڑیاں نذر آتش کردیں۔

    عمران نیازی کی گزشتہ چند دنوں کی حرکات سب کے سامنے ہیں، وزیراعظم

    علاوہ ازیں پولیس حکام کے مطابق پولیس کی بم ڈسپوزل اسکواڈ کی گاڑی کوبھی مظاہرین بنے توڑ پھوڑ کے بعد جلا دیا پولیس حکام کے مطابق مظاہرین کی جانب سے پولیس پر مبینہ طور پر پٹرول بموں سے حملہ کیا گیا۔

    پولیس کی جانب سے مظاہرین کو منتشر کرنے اور انہیں کمپلیکس سے دور رکھنے کے لیے بدترین لاٹھی چارج اور آنسو گیس کا استعمال کیا جس کے جواب میں مظاہرین نے بھی پولیس اہلکاروں پر ڈنڈوں سے حملے کیا-

    جنگلات کےساتھ مشروم کی افزائش موسمیاتی تبدیلی کے نقصانات کم کر سکتی ہے،تحقیق

  • ہیکرز نے تاوان ادا نہ کرنے پرمریضہ کی برہنہ تصاویر شئیر کر دیں

    ہیکرز نے تاوان ادا نہ کرنے پرمریضہ کی برہنہ تصاویر شئیر کر دیں

    روسی ہیکرز نے تاوان ادا نہ کرنے پر امریکی مریضہ کی برہنہ تصاویر شیئر کردی۔

    باغی ٹی وی: عالمی میڈیا کے مطابق روسی ہیکرز نے 4 مارچ کو امریکی ریاست پینسلوینیا کے اسپتال لی ویلی ہیلتھ نیٹ ورک کے ڈیٹا پر سائبر حملہ کیا جس کے بعد 6 مارچ کو اسپتال انتظامیہ نے سائبر حملے کے حوالے سے سکیورٹی اداروں کو آگاہی دی تاہم ہیکرز اسپتال کا ڈیٹا چرانے میں کامیاب رہے۔

    اقوام متحدہ میں عرب ممالک کا قرآن پاک کو نذر آتش کرنے کے واقعات پر …

    ہیکرز نے اسپتال انتظامیہ کو ای میل کی گئی جس میں انہوں نے لکھا کہ لمبے عرصے سے ہم آپ کے نیٹ ورک میں موجود تھے اور آپ کا تمام ڈیٹا ہمارے پاس آگیا ہے، جس میں مریضوں کی تفصیلات، ان کے پاسپورٹس کی مندرجات، سوال نامے، نجی معلومات اور برہنہ تصاویر شامل ہیں۔

    امریکی حکام کے مطابق ڈارک ویب پر ڈیٹا جاری نہ کرنے کے بدلے میں ہیکرز کی جانب سے 15 لاکھ امریکی ڈالرز تاوان کا مطالبہ کیا گیا تھا۔

    بھارتی فوج نے اپنے ہی گاؤں پر گولہ گرادیا ،3 دیہاتی ہلاک اور متعدد زخمی

    اسپتال کی جانب سے تاوان کی رقم دینے سے انکار کے بعد ہیکرز نے کینسر کی مریضہ کی تفصیلات پر مبنی سات دستاویزات اور ریڈی ایشن اونکولوجی ٹریٹمنٹ لیتے ہوئے تین برہنہ تصاویر کے اسکرین شاٹس سمیت دیگر ڈیٹا ڈارک ویب پر اپلوڈ کر دیا۔

    ہیکرز نے کہا کہ ہمارے بلاگ کو دنیا بھر میں دیکھا جاتا ہے، کیس کی بڑے پیمانے پر تشہیر کی جائے گی، اور آپ کے کاروبار کو کافی نقصان پہنچے گی-

    امریکی محکمہ صحت اور انسانی خدمات نے جنوری میں کہا تھا کہ بلیک کیٹ نے 1.5 ملین ڈالر تک تاوان کا مطالبہ کیا ہےایلنٹاؤن، پنسلوانیا میں مقیم کمپنی نے کہا کہ مریض کا ڈیٹا شائع کرنا ‘قابل نفرت’ تھا۔

    کمپنی نے کہا، ‘یہ غیر ذمہ دارانہ مجرمانہ فعل کینسر کا علاج کروانے والے مریضوں کا فائدہ اٹھاتا ہے، اور LVHN اس نفرت انگیز رویے کی مذمت کرتا ہے-

    ہیلتھ کیئر کمپنی کے سی ای او برائن نیسٹر نے کہا کہ وہ ابھی تک اس واقعے میں ملوث معلومات کی شناخت کر رہے ہیں ہم ان لوگوں کو نوٹس فراہم کریں گے جن کی معلومات اس میں شامل تھیں۔

  • اسپتال کا حاملہ خاتون کو داخل کرنے سے انکار، سڑک پربچے کی پیدائش

    اسپتال کا حاملہ خاتون کو داخل کرنے سے انکار، سڑک پربچے کی پیدائش

    نئی دہلی: بھارت میں اسپتال نے حاملہ خاتون کو داخل کرنے سے انکار کردیا جس کے بعد خاتون نے سڑک پربچے کو جنم دیا جس کے بعد اسپتال نے اسے اور بچے کو داخل کرلیا۔

    باغی ٹی وی : بھارتی میڈیا رپورٹس کے مطابق ریاست مدھیہ پردیش کے شہر تروپتی کے ایک اسپتال میں حاملہ خاتون کو ڈیلیوری کے لیے لے جایا گیا لیکن اسپتال انتظامیہ نے خاتون کوداخل کرنے سے انکار کردیا۔

    بھارت: عام آدمی پارٹی ایم ایل اے کی دہلی میں پٹائی،ویڈیو سوشل میڈیا پر وائرل

    خاتون اور ان کے اہل خانہ بار بار اسپتال انتظامیہ سے داخل کرنے کے لیے درخواست کرتے رہے لیکن انتظامیہ انہیں دوسرے اسپتال جانے کا مشورہ دیتی رہی۔

    100 بستروں پر مشتمل اسپتال کے عملے نے مبینہ طور پر خاتون کو یہ کہہ کر داخل کرنے سے انکار کیا کہ اس کے ساتھ کوئی موجود نہیں ہے۔

    قطر انرجی کا چینی سینوپیک کےساتھ گیس کی خریدوفروخت کے 27 سالہ معاہدے پر دستخط

    خاتون کو دوسرے اسپتال لے جانے کا وقت نہیں ملا اور انہیں اسپتال کے سامنے والی سڑک پر بچے کو جنم دینا پڑا۔ خاتون کے اہل خانہ اور راہگیروں نے ڈلیوری کے وقت بستر کی چادر تان کرپردے کا بندوبست کیا۔ سڑک پر بچے کی پیدائش کی خبروں کے بعد اسپتال کی انتظامیہ کومعطل کردیا گیا ہے۔

    بھارتی شہر کے صحت حکام کا کہنا ہے کہ واقعے کی تحقیقات کا حکم دے دیا گیا ہےاور ذمہ داروں کے خلاف کارروائی کی جائے گی آئندہ سے ایسی تمام حاملہ خواتین کو بھی اسپتال میں داخل کرلیا جائے گا جن کے ساتھ کوئی نہ ہو۔

    110 سال قبل ڈوبنے والے ٹائی ٹینک جہاز سے ملنی والی گھڑی 98 ہزار پاؤنڈز میں نیلام

  • عمران خان کو اسپتال سے ڈسچارج کر دیا گیا

    عمران خان کو اسپتال سے ڈسچارج کر دیا گیا

    لاہور: چیئرمین پی ٹی آئی عمران خان کو اسپتال سے ڈسچارج کر دیا گیا-

    باغی ٹی وی : سابق وزیر اعظم عمران خان شوکت خانم اسپتال میں زیر علاج تھے تاہم اب ان کی صحت میں بہتری کے بعد اسپتال سے ڈسچارج کرد یا گیا ہے عمران خان کچھ دیر میں زمان پارک کے لیے روانہ ہوں گے۔

    قصور میں پی ٹی آئی کی ریلی پر فائرنگ کا مقدمہ درج، ملزم کی شناخت ہو گئی

    ترجمان پنجاب حکومت نے بتایا ہے کہ صحت میں بہتری آنے پر عمران خان کو آج 12بجے ہسپتال سے ڈسچارج کر دیا جائے گا عوام کی جانب سےنہ صرف اپنے گھروں میں بلکہ اجتماعات میں بھی عمران خان کی صحتیابی،درازی عمر کے لئے دعائیں کی گئیں تحریک انصاف حقیقی آزادی کا مشن ادھورا نہیں چھوڑے گی ،قیادت آج اپنا نیا لائحہ عمل دے گی ۔

    دوسری جانب شوکت خانم اسپتال نے عمران خان کو گولی لگنے کے معاملہ پر وضاحتی بیان جاری کرتے ہوئے کہا ہے کہ عمران خان کی سرجری کے دوران دائیں ٹانگ سے گولی کے 4 ٹکرے نکالے گئےعمران خان کی بائیں ٹانگ سے ٹکڑا نہیں نکالا گیا۔ عمران خان اسپتال پہنچنے پر مکمل ہوش میں تھے۔ آپریشن ٹکڑے نکالنے کے لیے کیا گیا۔عمران خان کی حالت تیزی سے بہترہورہی ہے۔

    شوکت خانم اسپتال کی جانب سے جاری کر دہ عمران خان کی میڈیکل رپورٹ میں لکھا گیا ہے کہ عمران خان جمعرات کی شام ساڑھے 5 بجے شوکت خانم اسپتال پہنچے، عمران خان جب اسپتال پہنچے تو وہ ہوش میں تھے، انہیں اپنی دائیں ٹانگ میں شدید درد ہو رہا تھا انہیں درد میں کمی کی ادویات دی گئیں، ان کا ایکسرے اور سی ٹی اسکین کیا گیا جنہیں ریڈیالوجسٹ اورانہیں طبی امداد دینے والی ٹیم نے دیکھا۔

    عمران خان کو چیئرمین پی ٹی آئی کے عہدے سے ہٹانے کی درخواست پر نوٹسز جاری

    رپورٹ کے مطابق رات سوا 8 بجے عمران خان کی ران اور ٹانگ سے گولی کے ٹکڑے نکالنے کیلئے آپریشن کیا گیا، دو ٹکڑے ران میں موجود خون کی بڑی شریان کے قریب تھے، ایک ٹکڑا ان کی دائیں ٹانگ کی پنڈلی کے قریب تھا جو پنڈلی میں فریکچر کا سبب بنا۔

    رپورٹ میں بتایا گیا کہ عمران خان کی دائیں ٹانگ سے گولی کے چار ٹکڑے نکال لیے گئے تاہم ان کی بائیں ٹانگ کے نچلے حصے میں موجود ٹکڑے نہیں نکالے گئے کیونکہ ان سے کسی نقصان کا اندیشہ نہیں تھا ان کی دائیں ٹانگ پر پلاسٹر لگا دیا گیا تاکہ پنڈلی کا فریکچر ٹھیک ہونے میں مدد مل سکے، اب وہ بہتری کی جانب گامزن ہیں۔

    اس سے قبل لاہور کی جناح اسپتال بھی عمران خان کی میڈیکل رپورٹ جاری کی تھی، عمران خان کی دونوں میڈیکل رپورٹوں میں واضح فرق سامنےآیا جناح اسپتال نے کہا تھا کہ عمران خان کو دونوں ٹانگوں میں ایک ایک گولی لگی جناح اسپتال انتظامیہ کے مطابق عمران خان کی دائیں ٹانگ پر گولی چھو کر گزر گئی جبکہ بائیں ٹانگ میں لگنے والی گولی نے ہڈی کو متاثر کیا عمران خان کی دونوں ٹانگوں پر زخموں کے 16 نشانات پائے گئے عمران خان اسپتال پہنچے تو بے ہوش تھے-

    واضح رہے کہ عمران خان وزیر آباد میں لانگ مارچ کے دوران فائرنگ سے زخمی ہوئے تھے واقعے میں ایک شخص جاں بحق اور پی ٹی آئی چیئرمین و دیگر رہنماؤں سمیت 13 افراد زخمی ہوئے تھے فائرنگ کرنے والے شخص کو بعد میں کنٹینر کے قریب سے پکڑ لیا گیا جس نے عمران خان پر فائرنگ کا اعتراف بھی کیا۔

    عمران خان کو آج شوکت خانم اسپتال سے ڈسچارج کئے جانے کا امکان

  • لاہور: نشے کے عادی افراد کو اسپتال منتقل کرنے کا عمل شروع

    لاہور: نشے کے عادی افراد کو اسپتال منتقل کرنے کا عمل شروع

    لاہور : ڈی آئی جی آپریشنز سہیل چوہدری کا کہنا ہے شہر سے نشے کے عادی افراد کو اٹھا کر جیلوں کے بجائے اسپتالوں میں بھجوانے کا عمل شروع کر دیا گیا ہے، مختلف مقامات سے درجنوں ایسے افراد کو پی آئی ایم ایچ بھجوا دیا ہے۔

    باغی ٹی وی : ڈی آئی جی آپریشنز سہیل چوہدری نے بتایا کہ سیکرٹری صحت کی منظوری کے بعد نشے کے عادی افراد کو دیگر اسپتالوں میں بھی بھجوایا جائے گا، نشے کے عادی افراد کو معاشرے کا اچھا شہری بنانے کا کام شروع کیا ہے۔

    پولنگ میں مداخلت کو برداشت نہیں کیا جائے گا،تمام ووٹرز بلاخوف وخطر اپنا قومی فریضہ ادا کریں،چیف…

    دوسری جانب خیبرپختونخوا صوبائی حکومت نے اب ان لوگوں کو سہارا دینے کا کام شروع کیا ہے اور نشے کے عادی ان تمام افراد کا سرکاری سطح پر علاج کیا جا رہا ہے۔

    بی بی سی کے مطابق پشاور میں اس وقت کوئی 1180 ایسے افراد کو بحالی مراکز اور ہسپتالوں میں داخل کیا گیا ہے جہاں ان کے علاج کے ساتھ ساتھ انھیں بہتر شہری بنانے کے لیے اقدامات بھی کیے جا رہے ہیں پشاور کے الخدمت ہسپتال میں اس وقت کوئی 155 سے زیادہ نشے کے عادی افراد کا علاج ہو رہا ہے۔

    کمشنر پشاور ریاض محسود نے بی بی سی کو بتایا کہ تین ماہ قبل اس بارے میں اقدامات کرنے کا فیصلہ کیا گیا اور تمام متعلقہ محکموں کو ایک پیج پر لایا گیا اور پھر تین ماہ تک مکمل تحقیق کر کے یہ مہم شروع کی گئی اس مہم میں انتظامیہ کے ساتھ پولیس، انسداد منشیات کا ادارہ، محکمہ صحت، ایکسائز اینڈ ٹیکسیشن، سوشل ویلفیئر اور کچھ غیر سرکاری ادارے شامل ہیں۔

    پی ٹی آئی میں واپسی کیلئے پرویز الہی نے 10 کروڑ روپے کی آفر کی،سابق پی ٹی آئی رہنما کا دعویٰ

    اس وقت 1180 مریض پشاور کے مختلف اداروں میں زیر علاج ہیں اور ان میں 44 مریض ایسے بھی ہیں جن میں ایچ آئی وی مثبت پایا گیا۔ اس کے علاوہ ہیپا ٹائٹس کے مریض بھی شامل ہیں۔

    کمشنر پشاور ریاض محسود کا کہنا تھا کہ اس مہم کے لیے صوبائی حکومت کی مکمل معاونت حاصل رہی ہے اور منشیات کے عادی افراد کا علاج اور ان کی بحالی حکومت کی ترجیح ہےاور یہ مہم اگر پشاور میں کامیاب ہوتی ہے تو اس طرح کی مہم دیگر شہروں میں بھی شروع کی جائے گی۔

    حنا ربانی کھر کی برطانوی وزیراعظم بورس جانسن سے ملاقات

  • امریکی اسپتال میں فائرنگ ،3 افراد ہلاک اور متعدد زخمی

    امریکی اسپتال میں فائرنگ ،3 افراد ہلاک اور متعدد زخمی

    امریکا میں فائرنگ کے واقعات میں روز بروز اضافہ، امریکی ریاست اوکلاہوما کے شہر ٹلسا کے ایک اسپتال میں فائرنگ کے نیتجے میں 3 افراد ہلاک جبکہ متعدد زخمی ہو گئے ہیں۔

    باغی ٹی وی : غیر ملکی میڈیا کے مطابق پولیس نے بتایا کہ مسلح شخص کے پاس ایک ہینڈ گن اور ایک رائفل تھی اور اس نے اسپتال میں داخل ہوتے ہی فائرنگ شروع کردی فائرنگ کرنے والے شخص نےخودکشی کر لی،زخمیوں کو اسپتال منتقل کردیاگیا ہےجہاں ان کی طبیعت بہتر بتائی جارہی ہے پولیس نے تحقیقات کا آغاز کر دیا ہے۔

    امریکی ریاست ٹیکساس کے سکول میں فائرنگ،18 کمسن طالبعلم اور ٹیچر سمیت 21 افراد ہلاک

    گزشتہ روز امریکی ریاست لوزیانا کی یونیورسٹی میں تقریب کےدوران فائرنگ سےایک خاتون ہلاک اور 2 افراد زخمی ہو گئےہیں فائرنگ کا واقع یونیورسٹی کے گریجویشن ہال میں ہوا، جہاں ہائی اسکول کی گریجویشن تقریب جاری تھی-

    لوزیانا کے گورنر جان بیل ایڈورڈز نے بتایا تھا کہ یہ فائرنگ دو ہفتے بعد ہوئی جب جنوب مشرقی لوزیانا یونیورسٹی میں ایک اور ہائی اسکول گریجویشن کے باہر فائرنگ میں چار افراد زخمی ہو گئے۔

    کینیڈا میں چھوٹے آتشیں اسلحےکی خرید و فروخت کو مکمل طور پر روکنے کا فیصلہ

    ایڈورڈز نے کہا تھا کہ جو لوگ تشدد کی ان بے ہودہ کارروائیوں کو جاری رکھتے ہیں ان کو انصاف کے کٹہرے میں لایا جائے گا ہمیں اپنی عوام کو محفوظ رکھنے کے لیے مزید کچھ کرنا چاہیے، اور اس کا مطلب ہے کہ ہمیں اس بات کو یقینی بنانے کے لیے مزید کچھ کرنا چاہیے کہ وہ لوگ جو دوسروں کو نقصان پہنچانے کا ناقابل قبول خطرہ رکھتے ہیں آتشیں اسلحہ حاصل کرنے یا رکھنے کے قابل نہیں ہیں۔

    جبکہ گزشتہ ہفتے امریکہ کی ریاست ٹیکساس کے ایک پرائمری سکول میں فائرنگ کےواقعے میں 19 بچوں سمیت 21 افراد اس وقت ہلاک ہو گئے تھے جب ایک 18 سالہ مسلح لڑکا سکول کی عمارت میں داخل ہوا اور اندھا دھند فائرنگ کر دی۔

    دوسری جماعت کا طالبعلم اپنے بیگ میں پستول سکول لے آیا، غلطی سے گولی چلنے سے ساتھی…

    ہلاک ہونے والے 19 طلبا میں دوسری، تیسری اور چوتھی جماعت کے طالبعلم شامل تھیں جن کی عمریں سات سے دس سال کے درمیان تھیں۔ اس واقعے میں سکول کے دو اساتذہ بھی ہلاک ہوئے اس معاملے کی تحقیقات سے منسلک ذرائع نے واشنگٹن پوسٹ کو بتایا کہ شوٹر حال ہی میں 18 سال کا ہوا تھا اور اس کا کوئی مجرمانہ ریکارڈ نہیں تھا۔

    اسکول کے بعد امریکی یونیورسٹی میں فائرنگ ،1خاتون ہلاک اور 2 افراد زخمی

  • ڈاکٹر کی غفلت سے ڈیڑھ سالہ بچی انتقال کرگئی

    ڈاکٹر کی غفلت سے ڈیڑھ سالہ بچی انتقال کرگئی

    لودھراں کے اسپتال میں ڈاکٹروں کی مبینہ غفلت سے ڈیڑھ سالہ بچی انتقال کرگئی۔

    باغی ٹی وی : نجی خبررساں ادارے کے مطابق ڈسٹرکٹ ہیڈ کوارٹر اسپتال لودھراں میں موجود بچی کے والد عبدالرزاق کا کہنا ہے کہ وہ گزشتہ رات 10 بجے اپنی بیٹی کو اسہال اور الٹی کی کیفیت میں اسپتال لےکرآئے تھے کہ ڈاکٹروں نے اسے چیک کرکے دوائی دی اور کہا بچی ٹھیک ہے اسے گھر لے جائیں۔

    اجتماعی زیادتی کا شکار لڑکی کو تھانے میں ایس ایچ او نے بھی زیادتی کا نشانہ بنا ڈلا

    طبعیت خراب ہونے پر دوبارہ بچی کو اسپتال لائے لیکن عملے نے توجہ نہ دی اور ڈیوٹی پرموجود ڈاکٹر موبائل استعمال کرتا رہا بچی کے والد عبدالرزاق نے الزام لگایا کہ ڈاکٹروں کی مبینہ غفلت اور لاپرواہی کی وجہ سے ان کی بیٹی فوت ہوئی ہے۔

    15 سالہ کمسن بچی سے زیادتی کے نتیجہ میں پیدا ھونے والی بچی کو قتل کر دیا گیا

    ورثاء نے بچی کی لاش اٹھا کر اسپتال میں احتجاج کیا اور اسپتال میں توڑ پھوڑ بھی کی احتجاج کرنے پر اسپتال کے سکیورٹی گارڈز نے تشدد کیا اور اسلحہ بھی تان لیا۔

    اس حوالے سے ایم ایس ڈسٹرکٹ ہیڈ کوارٹر اسپتال کا کہنا ہے کہ واقعہ کی انکوائری کی جارہی ہے، غفلت ثابت ہونے پر عملے کے خلاف کارروائی کی جائے گی۔

    یہ کیسے ہوسکتا ہے کہ شیخ راشد شفیق کا ذاتی موبائل سعودی عرب میں رہ گیا ہو،عدالت برہم

  • عقابوں کا جدید ترین ٹیکنالوجی سے لیس وی آئی پی اسپتال

    عقابوں کا جدید ترین ٹیکنالوجی سے لیس وی آئی پی اسپتال

    دوحہ: عقاب پالنا عربوں کا قدیم مشغلہ ہےجو آج تک بھرپور طریقے سے جاری ہے دیگر عربوں کی طرح قطری شیوخ کو بھی عقاب پالنے کا بہت شوق ہے وہ اپنے پالتو عقابوں کے علاج معالجے سے لے کر معمول کی دیکھ بھال تک پر بے دریغ پیسہ خرچ کرتے ہیں-

    باغی ٹی وی : عقابوں کے علاج معالجے کے لئے ’’عقابوں کا وی وی آئی پی اسپتال‘‘ ہے جو قطری دارالحکومت دوحہ میں کام کررہا ہے اس کا نام ’’مستشفی سوق واقف للصقور‘‘ یعنی ’’صوق واقف، عقابوں کا اسپتال‘‘ ہے جہاں روزانہ 150 بیمار عقابوں کا علاج کیا جاتا ہے۔

    برطانیہ میں چوری کی انوکھی واردات،چور گرفتار

    اسی علاقے میں عقابوں کا اسپتال 2008 میں قائم کیا گیا اور دیکھتے ہی دیکھتے یہاں کی مقبول ترین جگہوں میں شامل ہوگیا سوق واقف اسپتال میں عقابوں کا بلڈ ٹیسٹ، اینڈواسکوپی اور ایکسرے سمیت کئی طرح کے ٹیسٹ کیے جاتے ہیں-

    بندر نے اڑتے بگلے کو پکڑ کر بے رحمی سے مار ڈالا، ویڈیوسوشل…

    جبکہ چونچ درست کرنے اور پر سنوارنے جیسے آرائشی (کاسمیٹک) کام بھی انجام دیئے جاتے ہیں علاوہ ازیں یہاں کے جدید آپریشن تھیٹرز میں زخمی عقابوں کی آرتھوپیڈک سرجری تک کا انتظام بھی ہے-

    بھارت میں دو سر اور تین ہاتھوں والے بچے کی پیدائش