پاک فوج نے عراقی فوج کے دستوں کے لیے اسپیشل فورسز کی تربیت کامیابی سے مکمل کر لی ہے۔
پاک فوج کے شعبہ تعلقات عامہ (آئی ایس پی آر) کے مطابق یہ تربیتی پروگرام 24 ستمبر سے 29 نومبر تک نیشنل کاؤنٹر ٹیررازم سینٹر پاکستان میں منعقد کیا گیا۔446 ٹرینیز کے تیسرے بیچ کی گریجویشن تقریب آج منعقد ہوئی، جس میں پاک فوج اور عراق کے عسکری حکام نے شرکت کی۔ دوران تربیت دونوں ممالک کے اہلکاروں نے غیر معمولی پیشہ ورانہ مہارت، عملی صلاحیت اور لگن کا مظاہرہ کیا۔آئی ایس پی آر کے مطابق تربیتی پروگرام کا مقصد انسداد دہشت گردی کی مہارتوں کو فروغ دینا، حربی مشقوں میں بہتری اور مشترکہ مشن پلاننگ کو مضبوط بنانا تھا۔ تمام تربیتی اہداف کامیابی کے ساتھ حاصل کر لیے گئے ہیں۔
اس پروگرام سے پاکستان اور عراق کے دیرینہ عسکری تعلقات مزید مستحکم ہوئے، اور دونوں ممالک نے علاقائی سلامتی اور مشترکہ دفاعی تیاریوں کے عزم کا اعادہ کیا
پنجاب ٹریفک اصلاحات، 48 گھنٹوں میں 7 کروڑ سے زائد کے چالان
برطانیہ ،سیاسی پناہ گزینوں کے ٹیکسی استعمال پر پابندی کا فیصلہ
فلسطینیوں سے یکجہتی کا عالمی دن، غزہ میں سوگ، کارروائیاں ناقابلِ قبول