پنجاب کابینہ نے 9 مئی کیسز میں ناکافی کارکردگی سامنے آنے پر اسپیشل پراسیکیوٹرز کی تقرریاں واپس لینے کا فیصلہ کر لیا ہے۔
کابینہ اجلاس میں 9 مئی کیسز سے متعلق اسپیشل پراسیکیوٹرز کی کارکردگی رپورٹس پیش کی گئیں، جن میں انکشاف ہوا کہ متعدد پراسیکیوٹرز کی درجنوں سماعتوں میں حاضری نہ ہونے کے برابر رہی۔ ریاستی مؤقف کی کمزور نمائندگی پر حکومت نے شدید تشویش کا اظہار کیا۔پراسیکیوٹر جنرل پنجاب کی نشاندہی پر ناقص کارکردگی والے افسران کے خلاف کارروائی کی گئی، جس کے تحت سرور روڈ کے حساس کیس میں اسپیشل پراسیکیوٹر فرہاد علی شاہ کی تقرری منسوخ کر دی گئی۔
اسی طرح میانوالی کیس میں اسپیشل پراسیکیوٹر اعزار لطیف خان کو بھی عہدے سے ہٹا دیا گیا۔ رپورٹس کے مطابق اعزار لطیف نے ہائی کورٹ میں ذاتی پیشی کا ارادہ ظاہر کیا تھا۔پنجاب کابینہ کے اجلاس میں پراسیکیوشن ڈپارٹمنٹ نے دونوں تقرریاں واپس لینے کی باضابطہ سفارش پیش کی، جسے منظور کر لیا گیا
پاکستان کے بعد افغانستان کی بھارت سے تجارتی روابط کی کوششیں تیز
کراچی ای چالان سسٹم میں بڑی خامی، چوری شدہ نمبر گاڑیوں کے جرمانے