اسلام آباد میں اسپیکر قومی اسمبلی ایاز صادق کی زیر قیادت حکومتی وفد نے پاکستان تحریکِ انصاف (پی ٹی آئی) کے رہنماؤں سے ملاقات کی تاکہ 27ویں آئینی ترمیم کے لیے حمایت حاصل کی جا سکے۔
ملاقات میں اسپیکر ایاز صادق کے ہمراہ وفاقی وزرا اعظم نذیر تارڑ اور رانا ثنااللہ شریک ہوئے، جبکہ پی ٹی آئی وفد میں سابق اسپیکر اسد قیصر، جنید اکبر، عاطف خان اور شہرام ترکئی شامل تھے۔ذرائع کے مطابق ملاقات میں ترمیم کے ایجنڈے اور دیگر اہم قومی امور پر تبادلہ خیال کیا گیا۔ حکومتی ارکان نے کہا کہ 27ویں آئینی ترمیم ملکی مفاد میں ہے اور اس سے صوبائی خودمختاری پر کوئی اثر نہیں پڑے گا۔اپوزیشن نے ترمیم کے ایجنڈے کی تحریری شکل میں فراہمی کا مطالبہ کیا اور فوری حمایت سے انکار کر دیا۔ پی ٹی آئی وفد نے واضح کیا کہ ترمیم پر حتمی فیصلہ پارٹی قیادت کرے گی۔
وفد نے اپوزیشن لیڈر کی فوری تقرری کا بھی مطالبہ کیا۔ اس موقع پر اسپیکر ایاز صادق نے بتایا کہ معاملہ سپریم کورٹ میں زیرِ غور ہے، اسی باعث عمل میں تاخیر ہوئی ہے۔ پی ٹی آئی رہنماؤں نے یقین دلایا کہ سپریم کورٹ کا تحریری فیصلہ جلد اسمبلی سیکرٹریٹ کو فراہم کر دیا جائے گا
لرزہ خیز وارداتیں: غیر اخلاقی تعلقات، شوہروں کے قتل کے متعدد واقعات
پاکستان نے خفیہ ایٹمی سرگرمیوں کے بھارتی الزامات مسترد کر دیے
