پنجاب بھر میں موسم سرما کی تعطیلات ختم ہوگئیں ،21 طویل چھٹیوں کے بعد اسکولز کل صبح (پیر)سے کھلیں گے۔
صوبے بھر میں سرکاری طور پر 23 دسمبر سے 12 جنوری تک تعطیلات کی گئی تھیں،اسکول ایجوکیشن ڈیپارٹمنٹ کی جانب سے چھٹیوں کے بعد کے اوقات کار بھی جاری کردئیے گئے۔پیر تا ہفتہ صبح 08.45 سے دوپہر 02:45بجے تک تعلیمی ادارے لگیں گے،جمعہ کے روز اوقات کار صبح 08.45بجے سے دوپہر 12:30بجےتک ہوں گے۔محکمہ اسکولز پنجاب کی جانب سے نوٹیفکیشن جاری کر دیا گیا۔دوسری طرف سوشل میڈیا پر جعلی نوٹی فکیشن وائرل ہونے کے بعد سیکرٹری ایجوکیشن خالد نذیر وٹو نے اہم بیان جاری کیا۔انہوں نے اپنے بیان میں کہا کہ پنجاب کے تعلیمی ادارے کل 13 جنوری 2025$ سے کھلیں گے، سردی کی چھٹیوں میں اضافہ نہیں کیا جا رہا نہ ہی کوئی تجویز زیر غور ہے۔سیکریٹری ایجوکیشن نے کہا کہ والدین افواہوں پر کان دھرنے کے بجائے محکمہ تعلیم کے آفیشل سوشل میڈیا پیج سے تصدیق کریں کیونکہ محکمہ تعلیم کسی بھی قسم کا اعلان اپنے آفیشل سوشل میڈیا پیج کے ذریعے کرتا ہے۔
شہباز حکومت کے 9ماہ، قرضے 5556 ارب روپے بڑھ گئے
190ملین پاؤنڈ کیس کا فیصلہ کل سنایا جائےگا
رکشہ ڈرائیور کی ساتھی سمیت 20سالہ لڑکی سے زیادتی
ملک سے جانے والے 55 مسافر آف لوڈ‘مختلف ممالک سے 107 ملک بدر