محکمہ تعلیم پنجاب نے ” اسکول ٹیچرز انٹرن” کی بھرتیوں کیلئے پالیسی جاری کر دی ہے۔
ترجمان محکمہ تعلیم کے مطابق اسکول انٹرن ٹیچرز کو 9 ماہ کیلئے بھرتی کیا جائے گا،اس مدت میں گرمی کی چھٹیوں کا پریڈ شامل نہیں ہو گا۔ ذرائع کے مطابق ہائی اور مڈل اسکولزمیں ریکروٹمنٹ کیلئے ماسٹر ڈگری کے ساتھ پروفیشنل ڈگری ہونا لازمی قرار دی گئی ہے۔پرائمری اسکول کیلئے بھی گریجویٹ ڈگری کے ساتھ پروفیشنل ڈگری ہونا لازمی ہے،ترجمان کا مزید کہنا تھا کہ ایس ٹی آئی کو دوسرے اسکول ٹرانسفر یا نوکری پر مستقل نہیں کیا جا سکے گا۔
انٹرن شپ کا وقت مکمل ہونے پر امیدوار کو سرٹفیکیٹ دیا جائے گا،بھرتیاں ڈپٹی ڈی ای او، اے ای او، سکول ہیڈ اور سکول کونسل کی منظوری سیکی جائیں گی،پرائمری سکول انٹرن کو 38ہزار روپے ماہانہ معاوضہ دیا جائے گا،مڈل سکول میں 40اور ہائی اور ہائرسکینڈری سکول میں انٹرنز کو 45ہزار روپے ماہانہ ملے گا۔بھرتیوں کے لئے میرٹ لسٹ ڈپٹی ڈی ای او آفس،آن لائن پورٹل اور سکول کے ڈسپلے بورڈ پر لگائی جائیں گی،امیدواروں کے اپلائی کرنے کے لئے متعلقہ ضلع میں ہی آن پورٹل بنایا جائے گا۔پنجاب بھر میں ساڑھے بارہ ہزار ایس ٹی آئیز بھرتی کیے جائیں گے،ایس ٹی آئی کو آفٹرنون سکول اور ادارے کے انتظامی معاملات چلانے پر تعینات نہیں کیا جاسکے گا۔
بشریٰ بی بی کی چوری کی وجہ سے بانی رنگے ہاتھوں پکڑے گئے، مصطفی کمال
عمرہ ویزےکی آڑمیں انسانی اسمگلنگ کا بڑا منصوبہ ناکام
کراچی میں ٹریفک مسائل کے حل کیلئے اقدامات شروع
پاک بحریہ کے سربراہ ، سیکرٹری دفاع سے بنگلہ دیشی جنرل کی ملاقاتیں