افغانستان سے انخلا کے بعد سے امریکہ اب سپر پاور نہیں رہا، برطانیہ
باغی ٹی وی :غیر ملکی خبر رساں ادارے کے مطابق برطانیہ کے سیکرٹری دفاع بین والس نے کہا ہے کہ افغانستان سے انخلا کے بعد سے امریکہ اب سپر پاور نہیں رہاانہوں نے کہا کہ یہ بھی صاف ظاہر ہے کہ برطانیہ بھی سپرپاور نہیں لیکن جو طاقت افغانستان میں ٹھہر نہیں سکی وہ بھی سپر پاور کہلانے کا حق گنوا بیٹھی ہے۔
جوبائیڈن کا 9/11 حملوں سے متعلق خفیہ دستاویزات جاری کرنےکا حکم
برطانیہ کے سیکرٹری دفاع بین والس نے سابق امریکی صدر ڈونلڈ ٹرمپ کو تنقید کا نشانہ بناتے ہوئے کہا کہ اگر میری رائے لی جائے تو ٹرمپ کا طالبان سے کیا گیا معاہدہ موت تھی۔
والس نے کہا کہ دوحہ میں ہونے والا طالبان کے ساتھ معاہدہ بھی بوسیدہ ہے، جس میں ہارے ہوئے طالبان کو یہ بتایا گیا کہ وہ جیت چکے ہیں اور اب طالبان افغانستان میں حکومت کرنے جا رہے ہیں۔
واضح رہے کہ افغانستان امارات اسلامیہ میں طالبان کی جانب سے نئی حکومت بنانے پر مشاورت جاری ہے معاون ترجمان افغان طالبان بلال کریمی نے کہا ہے کہ گزشتہ جمعہ نئی حکومت سے متعلق تاریخ کا اعلان نہیں کیا، نئی حکومت کا جلد اعلان کریں گے تاخیر نہیں ہو گی۔