وزیراعظم شہباز شریف نے بھارتی جارحیت کا بھرپور جواب دینے اور "آپریشن بُنیان المرصوص” کی کامیابی پرآج اتوار کے روز ملک بھر میں یومِ تشکر منانے کا اعلان کیا ہے۔
با غی ٹی وی کے مطابق وزیراعظم نے اپنے بیان میں کہا کہ یہ دن اللہ تعالیٰ کے حضور سجدہ شکر بجا لانے، افواجِ پاکستان کی جرأت و بہادری کو خراجِ تحسین پیش کرنے، اور قوم کے عزم و اتحاد کو سراہنے کے لیے منایا جائے گا۔انہوں نے کہا کہ "آپریشن بُنیان المرصوص” نے دشمن کی جارحیت کا مؤثر اور فیصلہ کن جواب دیا، اور پاکستان نے ہر محاذ پر برتری ثابت کی۔ انہوں نے اللہ تعالیٰ کا شکر ادا کرتے ہوئے کہا کہ اسی کی مدد سے ہمیں کامیابی اور سرخروئی نصیب ہوئی۔
وزیراعظم نے کہا کہ دشمن کے رافیل طیارے جب پاکستان کے جانبازوں کے نشانے پر آئے تو ناکام ہو گئے، اور بھارتی توپوں کو اس انداز میں خاموش کیا گیا کہ تاریخ اسے یاد رکھے گی۔وزیراعظم نے مزید کہا کہ اگرچہ دشمن نے اشتعال انگیزی کی، پاکستان نے صبر و تحمل سے کام لیا مگر بھرپور تیاری کے ساتھ اپنا دفاع یقینی بنایا۔
انہوں نے قوم بالخصوص علمائے کرام سے اپیل کی کہ وہ کل ملک بھر میں اجتماعی دعاؤں، نوافل اور شہداء و غازیوں کے لیے خصوصی دعاؤں کا اہتمام کریں، اور اللہ تعالیٰ کے حضور شکر ادا کریں۔وزیراعظم شہباز شریف نے کہا کہ افواجِ پاکستان کی قربانیوں کو کبھی فراموش نہیں کیا جا سکتا، اور پوری قوم ان کے شانہ بشانہ کھڑی ہے۔
جنگ بندی کی خلاف ورزی کے بھارتی الزامات مسترد
بھارت اور پاکستان کے درمیان سندھ طاس معاہدہ تاحال معطل
پشاور سمیت مختلف علاقوں میں زلزلے کے جھٹکے
پاکستان کی خودمختاری پر کوئی سمجھوتہ نہیں ،وزیر اعظم شہباز شریف
