Baaghi TV

Tag: افواج پاکستان

  • حوالدار لالک جان شہید کو پاک فوج کا خراج عقیدت

    حوالدار لالک جان شہید کو پاک فوج کا خراج عقیدت

    افواج پاکستان، چیئرمین جوائنٹ چیفس آف سٹاف کمیٹی اور سروسز چیفس کا حوالدار لالک جان شہید، نشان حیدر کے 24ویں یوم شہادت کے موقع پر انہیں زبردست خراج عقیدت جبکہ آئی ایس پی آر کی جانب سے جاری بیان کے مطابق حوالدار لالک جان نے بہادری سے لڑتے ہوئے مادر وطن کیلئے اپنی جان کا نذرانہ پیش کیا۔ اُنکی ثابت قدمی، فرض سے لگن اور بیمثال جرات جیسی صفات افواج پاکستان کا طُرّہ امتیاز رہا ہے۔

    ترجمان آئی ایس پی ار کا کہنا ہے کہ پاکستانی قوم اپنے بہادر سپوتوں کی لازوال قربانیوں پہ ہمیشہ انکی مقروض رہے گی اور پاکستان کے یہ درخشندہ ستارے جنہوں نے ملک کی آبرو کیلئے اپنی جان نچھاور کی بِلاشُبہ عزت و تکریم کے مستحق ہیں۔ انہوں نے مزید کہا کہ وطن کی خاطر دی جانے والی یہ قربانیاں ہمارے لیے اور ہماری آنے والی نسلوں کیلئے مشعل راہ ہیں۔

    مزید یہ بھی پڑھیں؛
    وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے
    عالمگیر ترین کی نماز جنازہ کب ہو گی؟ اعلان ہو گیا
    نواز شریف کو سیاسی انتقام کا نشانہ بنایا گیا،مریم اورنگزیب
    عالمگیر خان ترین کے موت کی خبر نے کر کٹ حلقوں کو بھی سوگوار کر دیا
    تمیم اقبال انٹرنیشنل کرکٹ سے ریٹائر
    بینظیر کفالت سہ ماہی وظائف کی 55ارب 41 کروڑ سے زائد رقم تقسیم

    واضح رہے کہ شہید لالک جان گلگت بلتستان کے ضلع غذر کی تحصیل یاسین میں10فروری 1967 کو ایک غریب کسان نیت جان کے گھرپیدا ہوئے۔ نومولود کا نام لالک جان(سورج جیسا )رکھا گیا تب یہ بات کسی کے وہم وگمان میں بھی نہیں ہوگی کہ لالک جان سچ مچ سورج کی طرح نہ صرف اپنے بزرگوں کا نام روشن کریگا بلکہ ملک کے لیے بھی باعثِ وقار ہوگا۔ لالک جان کی والدہ فوت ہوگئیں تو والد نے دوسری شادی کرلی تھی. لیکن سوتیلی ماں نے انہیں اپنی ماں جیسا پیار دیا.

    روزنامہ ہلال کے مطابق مئی1999میں جب یہ معلوم ہوا کہ دشمن ایک بڑے زمینی حملے کی تیاری کررہا ہے تو حوالدار لالک جان جو کسی اگلے مورچے پر نہیں بلکہ کمپنی ہیڈکواٹر میں اپنے فرائض سر انجام دے رہاتھا۔ اس موقع پر انھوں نے اگلے مورچے پر لڑائی لڑنے کے لیے اپنی خدمات پیش کیں۔ یہ جانتے ہوئے کہ اگلے مورچے دشمن کے حملوں کی زد میں ہیں، حوالدار لالک نے اپنے سینئر افسروں سے اگلے مورچوں پر جانے کے لئے اصرار کیا اورایک انتہائی مشکل پہاڑی چوکی پر دشمن سے نبردآزما ہونے کے لیے کمر باندھ لی۔ جون کے آخری ہفتے کی ایک رات دشمن کی ایک بٹالین کی نفری نے حوالدار لالک جان کی چوکی پر بھر پور حملہ کیا۔

    حملے کے دوران حوالدار لالک جان اپنی جان سے بے پروا ہوکر مختلف پوزیشنوں سے فائر کرتے رہے اور ہر مورچے میں جاکر جوانوں کے حوصلے بڑھاتے رہے۔ رات بھر دشمن کا حملہ جاری رہا اور لالک جان نے دشمن کے تمام ارادوں کو ناکام بنادیا اور صبح تک دشمن سپاہ لاشوں کے انبار چھوڑ کے پسپا ہوگئی تھی۔ دوسری رات مزید کمک حاصل کرنے کے بعد دشمن نے ایک بار پھر مختلف اطراف سے حملہ شروع کردیا لیکن زیرک لالک جان نے اس رات بھی بے باکی اور جرأت کا مظاہر کرتے ہوئے دشمن کو بھاری نقصان پہنچایا۔

    7 جولائی کو دشمن نے لالک جان کی پوسٹ پر توپ خانے کا بھر پور فائرکیا، پورا دن گولیوں کی بارش ہوتی رہی اور رات کو دشمن نے ایک بار پھر لالک جان کی پوسٹ پر تین اطراف سے حملہ کردیا اور حملے کے دوران دشمن کے فائر سے لالک جان شدید زخمی ہوئے لیکن کمپنی کمانڈر کے اصرارکے باوجود اپنی پوسٹ پر زخمی حالت میں بھی ڈٹے رہے اور دشمن کا مقابلہ جاری رکھا۔ آخر کار اس سپوت نے دشمن کے اس حملے کو بھی ناکام بنادیا لیکن اس کے ساتھ زخموں کے تاب نہ لاتے ہوئے حوالدار لالک جان 7جولائی 1999 کواپنی پوسٹ پر ہی شہید ہوگئے۔

    حوالدارلالک جان نے جس بے باکی اور جرأت مندی کا ثبوت دیتے ہوئے اپنے مورچے کا آخری وقت تک بھر پور دفاع اور دشمن کے پے درپے حملوں کو پسپا کیا، اس کی مثال بہت کم ملتی ہے۔ زخمی حالت میں بھی لالک جان دشمن سے نبردآزما رہے اور آخری وقت تک ملک کا دفاع کیا۔ان کی بے باکی، حوصلہ مندی اور جذبہ شہادت پر ملک کا سب سے بڑا فوجی اعزاز نشان حیدر عطا کیاگیا۔کارگل کے ہیرو شہید لالک جان نشان حیدر کے یوم شہادت پرہر سال عوام کی ایک بڑی تعداد ان کے مزار پر حاضری دے کر شہید کو خراج عقیدت پیش کرتی ہے۔

    گلگت بلتستان کا ضلع غذر جس کو شہیدوں اور غازیوں کی سرزمین کہا جاتا ہے۔ 65یا71کی جنگیں ہوں یا کارگل معر کہ یہاں کے بہادر سپوتوں نے ہر میدان میں اپنی بہادری کی لازوال دستانیں رقم کیں ـ کارگل جنگ میں غذر کے ایک سو سے زائد جوانوں نے ملک کی گلشن کی آبیاری کرتے ہوئے جام شہادت نوش کیا اور چالیس کے قریب جوانوں کو عسکری اعزات سے نوازا گیا۔ غذر کو شہیدوں اور غازیوں کی سرزمین کہا جاتا ہے یہاں کے ہر گائوں اور قصبہ میں شہدا کے مزار کے اوپر سبز ہلالی پرچم نظر آرہا ہے۔

  • وزیراعظم نے ایف سی اور رینجرز کی تنخواہیں پاک فوج کے برابر کردیں

    وزیراعظم نے ایف سی اور رینجرز کی تنخواہیں پاک فوج کے برابر کردیں

    وزیراعظم شہباز شریف نے بڑی عید پر ایف سی اور رینجرز کے افسروں اور جوانوں کے لئے بڑی خوشخبری سنا دی

    وزیراعظم نے ایف سی اور رینجرز کی تنخواہیں پاک فوج کے برابر کردیں ،ایف سی اور رینجرز کی تنخواہوں میں پاک فوج کے مقابلے میں فرق تھا جسے وزیراعظم نے ختم کرنے کا اعلان کیا ،وزیراعظم شہباز شریف نے یہ اعلان پاک افغان سرحد پر پاڑہ چنار کے دورے کے موقع پر گزشتہ روز ایف سی اور رینجرز کے دستوں سے خطاب میں کیا ،وزیراعظم نے یہ اقدام ایف سی اور رینجرز کی ملک وقوم کے لئے خدمات اور قربانیوں کے اعتراف میں کیا ہے

    واضح رہے کہ وزیراعظم شہباز شریف اور آرمی چیف جنرل عاصم منیر پاک فوج کے جوانوں کے ساتھ عید کا دن گزارنے پاک افغان سرحد پاراچنار پہنچ گئے تھے،وزیراعظم اور چیف آف آرمی سٹاف نے عید کی نماز فوج کے افسروں اور جوانوں کے ساتھ ادا کی اور انہیں عید کی مبارک پیش کی۔ وزیراعظم نے فوج کے اعلی جذبے، عسکری تیاری اور اعلی پیشہ وارانہ معیار کی تعریف کی۔ جوانوں اور افسران سے ملاقات کے دوران وزیراعظم نے کہاکہ چیف آف آرمی سٹاف کے ساتھ آج میں عید کا دن آپ کے ساتھ گزار رہا ہوں تاکہ مادروطن کی سرحدوں کی جرات وبہادری سے حفاظت کرنے والے اپنے افسروں اور جوانوں کی کاوشوں اورجذبوں کو خراج تحسین پیش کروں۔

    سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

    قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    وزیراعظم نے کہا کہ افواج پاکستان کے افسر اور جوان اپنے ذاتی آرام اور سکون کو چھوڑ کر وطن عزیز کے تحفظ، دفاع اور سلامتی کا عظیم فریضہ انجام دیتے ہیں۔ موسم اور حالات کی سختیوں کو برداشت کرتے ہیں اور ہر طرح کی مشکلات اور مصائب کا سامنا کرکے مادر وطن کی سرحدوں کا پہرہ دیتے ہیں جس پر قوم آپ سب کو سلام پیش کرتی ہے۔ انہوں نے کہاکہ عید سمیت خوشیوں کے تہوار ہوں یا کوئی غم کا موقع ہو، افسر اور جوان انفرادی اور اجتماعی طورپر وطن کی حفاظت کے فرض کو ترجیح دیتے ہیں۔ ہم آپ کے اس جذبے کو سلام پیش کرتے ہیں

  • افواج پاکستان کو سیاست میں گھسیٹنا ملکی مفاد میں نہیں،ڈی جی آئی ایس پی آر

    افواج پاکستان کو سیاست میں گھسیٹنا ملکی مفاد میں نہیں،ڈی جی آئی ایس پی آر

    پاک فوج کے ترجمان میجر جنرل احمد شریف چوہدری نے کہا ہے کہ کشمیر بھارت کا کبھی اٹوٹ انگ نہیں رہا، ضرورت پڑی تو جنگ بھارت کے گھر تک لے جائیں گے-

    باغی ٹی وی: ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) میجر جنرل احمد شریف چوہدری نے کہا کہ پاکستان نے ہمیشہ اقوام متحدہ کے فوجی مبصرین سے تعاون کیا، پریس کانفرنس کا مقصد فوج کی پیشہ ورانہ سرگرمیوں کا احاطہ کرنا ہے، پریس کانفرنس کا مقصد دہشت گردی کےخلاف فوج کے اقدامات کا احاطہ کرنا ہے۔

    ستیہ پال ملک کی طرف سے پلوامہ پر بیان، بھارت میں ہنگامہ خیزی میں اضافہ، …

    پاک فوج کے شعبہ تعلقاتِ عامہ آئی ایس پی آر کے سربراہ میجر جنرل احمد شریف نے راولپنڈی میں پریس کانفرنس کرتے ہوئے بتایا کہ جو دہشتگردی کے واقعات ہوئے ہیں ان میں ملوث دہشت گردوں، منصوبہ سازوں اور سہولت کاروں کو بھی بے نقاب کرکے گرفتار کیا گیا 2023 میں دہشت گردی کے واقعات میں 137 افراد شہید اور 117 زخمی ہوئے، دہشت گردی کے خلاف آپریشن بھرپور انداز میں جاری ہے، دہشت گردوں کا اسلام اور پاکستان سے کوئی تعلق نہیں،پُوری قوم اِن بہادر سپوتوں اور اِن کے لواحقین کو خراجِ تحسین پیش کرتی ہے جنہوں نے اپنی قیمتی جانیں ملک کی امن و سلامتی پر قربان کر دی۔

    انہوں نے کہا کہ پشاور خودکش حملے میں ملوث دہشتگرد کا تعلق افغانستان کے علاقے قندھار سے تھا ،کچھ علاقوں میں دہشتگردوں کی تنظیمیں سرگرم عمل ہیں اریاد اللہ کو ٹی ٹی پی سے احکامات موصول ہوئے تھے اراید اللہ نے 30 لاکھ روپے میں گاڑی خریدی جس پر دہشتگرد کے پی او پر حملے کیلئے پہنچے کراچی پولیس پر حملہ کرنے والے تینوں دہشتگرد مارے گئے کراچی پولیس آفس پر حملے میں ملوث ایک دہشتگرد کا تعلق لکی مروت دوسرے کا وزیرستان سے تھا-

    آرمی چیف چار روزہ دورے پر چین میں ہیں. آئی ایس پی آر

    ڈی جی آئی ایس پی آر کا کہنا تھا کہ ٹی ٹی پی دہشتگردوں کے جھوٹے بیانیہ کو علماء میڈیا کی مدد سے روکا گیادہشت گرد بلوچستان اور خیبر پختونخوا میں حالات خراب کرنے کی کوششیں کرتے رہے ہیں۔ کالعدم ٹی ٹی پیاور بلوچستان کی دہشتگرد تنظیموں کا بیرونی تعلق ثابت ہوچکا ہے، افغانستان سے امریکی انخلا اور اس کے نتیجے میں پیدا ہونے والی تببدیلیوں کے بعد دہشتگردی کے واقعات میں نسبتاً اضافہ ہوا ہے۔

    ترجمان پاک فوج نے کہا کہ پاک افغان بارڈر پر باڑ لگانے کا کام 98 فیصد مکمل ہوچکا ہے، پاک ایران بارڈر پر باڑ لگانے کا کام 85 فیصد مکمل ہوچکا ہے، مغربی بارڈر پر 3 ہزار 141 کلو میٹر پر باڑ لگائی جارہی ہے کشمیر بھارت کا کبھی اٹوٹ انگ نہیں رہا، ضرورت پڑی تو جنگ بھارت کے گھر تک لے جائیں گے، 20 سال سے افواج پاکستان دہشت گردی کے خلاف جنگ لڑرہی ہے-

    ڈی جی آئی ایس پی آر نے کہا کہ فواجِ پاکستان،قانون نافذ کرنیوالے ادارے اور انٹیلی جنس ایجنسیز کی کارروائیوں، عزم اوردہشتگردی کو ختم کرنے کی صلاحیتوں پر کسی کو شک نہیں ہونا چاہیے،درپیش اندرونی اور بیرونی چیلنجز کے باوجود دہشتگردی کے خلاف افواج پاکستان کی قربانیں کسی سے ڈھکی چھپی نہیں اگر پاکستان کا موازنہ دیگر ممالک سے کیا جائے تو جس طرح پاکستان نے دہشتگردی کے خلاف جنگ لڑی اور لڑ رہے ہیں، اُس کو نہ صرف دُنیا نےتسلیم کیا ہے بلکہ اس کی کوئی نظیر نہیں ملتی دہشتگردی کے خلاف ہماری کامیاب جنگ آخری دہشتگرد کے خاتمے تک جاری رہے گی۔انشااللہ اس وقت بھی ترکیے اور شام کے زلزلہ متاثرین کیلئے امداد جاری ہے-

    عمران خان تیزی سے پاکستان کو انتشار کی طرف دھکیل رہا. بلوم برگ

    میجرجنرل احمد شریف کا مزید کہنا تھا کہ فوج کے سیاسی استعمال سے انتشار پھیلتا ہے، سیاستدان فوج کی غیرسیاسی ہونے کی سوچ کو تقویت دیں، پاکستان کی فوج قومی فوج ہے، تمام سیاست دان اور سیاسی جماعتیں قابل احترام ہیں فوج کسی خاص سوچ، رویے اور نظریے کی طرف راغب نہیں، بھارتی سیاست میں پاکستان کو اہمیت دی جاتی ہے، بھارت مسائل سے توجہ ہٹانے کے لئے پاکستان پر الزام لگاتا ہے، فالس فلیگ آپریشن کی باتیں اسی مقاصد کے لئے ہیں، بھارت ہمیشہ الزام تراشیاں کرتا رہے گا۔

    پاک فوج کے ترجمان کا کہنا تھا کہ پاکستان اور چین کے تعلقات کی تاریخی اہمیت ہے، دونوں ملکوں کے تاریخی اور دیرینہ تعلقات ہیں، آرمی چیف کے دورہ چین میں تمام پہلوؤں پر بات چیت ہوگی۔

    شیخ رشید نےوزیراعظم کو اعتماد کے ووٹ لینےکیلئےصدر مملکت کو خط لکھ دیا

    میجرجنرل احمد شریف نے مزید کہا کہ دہشت گردی کے خلاف سیکیورٹی فورسز نے بڑھ چڑھ کر کردار ادا کیا، خیبرپختونخوا پولیس کی قربانیاں کسی سے ڈھکی چھپی نہیں، کے پی پولیس کی استعداد کار میں بہتری لارہے ہیں افواج پاکستان کو سیاست میں گھسیٹنا ملکی مفاد میں نہیں، افواج پاکستان کو سیاست میں گھسیٹنے سے انتشار پھیلے گا، فوج کا سیاست سے کوئی تعلق نہیں ہے۔

    ڈی جی آئی ایس پی آر کا کہنا تھا کہ چیف جسٹس سے ملاقات کی تفصیلات نہیں بتائی جاسکیں، سوشل میڈیا پر آئے روز پروپیگینڈا کیا جاتا ہے، الیکشن کے لئے فوج کی فراہمی سے متعلق وزارت دفاع الیکشن کمیشن اور عدالت کو آگاہ کرچکی ہے، جعلی میڈیا اکاؤنٹس پر فضول پروپیگینڈا کیا جاتا ہے، فوج میں انصاف اور احتساب کا مضبوط نظام موجود ہے۔

    ترجمان پاک فوج نے سابق افسران کے کورٹ مارشل سے متعلق سوال کا جواب دینے سے گریز کیا اور کہا کہ آپ صرف آئی ایس پی آر کی پریس ریلیز پر فوکس کریں، بھارتی جاسوس کلبھوشن یادیو سے متعلق سوال وزارت خارجہ سے کیا جائے۔

    آڈیو لیک کی گفتگو انتہائی سنگین ہے،وزیر قانون

    میجرجنرل احمد شریف کا مزید کہنا تھا کہ روزانہ دہشت گردی کے خلاف 70 انٹیلی جنس بیسڈ آپریشنز ہورہے ہیں، بھارت نے جنگ بندی معاہدے کے باوجود سرحدی خلاف ورزی کی، بھارت نے رواں سال 56 بار چھوٹی سطح پر سیز فائر کی خلاف ورزیاں کیں، قیاس آرائی پر مبنی 22، فضائی حدود کی خلاف ورزی کے 3، سیز فائر خلاف ورزی کے 6 چھوٹے اور فضائی حدود کی ٹیکٹیکل خلاف ورزی کے 25 واقعات شامل ہیں ہم بھارت کی گیدڑ بھبکیوں سے نہیں ڈرتے، کسی بھی جارحیت کا منہ توڑ جواب دیں گے، پاک فوج نے لائن آف کنٹرول پر بھارت کے 6 جاسوسی ڈرون گرائے۔

    ڈی جی آئی ایس پی آر نے کہا کہ بھارت کا پاکستان کے خلاف پروپیگنڈا جاری ہے، پاکستان کی جانب سے کئی بار اقوام متحدہ مبصرین کو ایل او سی پر لے جایا گیا، پاکستان او آئی سی کے سکرٹری جنرل کو بھی ایل او سی کا دورہ کرا چکا ہے، دوسری جانب بھارت نے کسی بھی غیر ملکی مبصرین یا میڈیا کو ایل او سی پر جانے کی اجازت نہیں دی۔

    خواتین سے بدسلوکی کے الزامات،سی این این کا اینکر برطرف

    ان کا مزید کہنا تھا کہ معشیت کی بہتری کیلئے فوج کے اخراجات میں کمی لائی جا رہی ہے اس کےلئے فوج نے ہر وسم کے اخراجات میں کمی کا فیصلہ کیا ہے افواج پاکستان کی کوششوں کی وجہ سے کوئی نوگو ایریا نہیں-

  • آئین کی پاسداری اور سربلندی کا عہد

    آئین کی پاسداری اور سربلندی کا عہد

    یہ ایک حقیقت ہے کہ افواج پاکستان نہ صرف ملکی دفاع کی ہر ضرورت کو پورا کرنے کی پوری صلاحیت رکھتی ہے بلکہ اس کے لیے ہمہ وقت تیار رہتی ہے۔پاک فوج کے افسران اور جوانوں نے اقوام متحدہ کے امن مشن کے حصے کے طور پر علاقائی اور عالمی امن کے لیے قربانیاں دینے سے کبھی پیچھے نہیں ہٹے۔ حال ہی میں افریقی ملک کانگو میں اقوام متحدہ کے امن مشن میں خدمات انجام دیتے ہوئے پاک فوج کے افسران اور جوان فضائی حادثے میں شہید ہو گئے۔ پاک فوج ملک میں امن و امان برقرار رکھنے اور ریاست کے خلاف کسی بھی انتشار کو روکنے کے لیے اپنی بہترین پیشہ ورانہ صلاحیتوں کا استعمال کرتی ہے۔

    حال ہی میں جنوبی وزیرستان میں دہشت گردوں کے خلاف سیکیورٹی فورسز کے آپریشن کے دوران دہشت گردوں کی فائرنگ سے ایک میجر اور ایک جوان شہید ہوگئے جب کہ سیکیورٹی فورسز نے دو دہشت گردوں کو جہنم واصل کیا۔اسی طرح شمالی وزیرستان میں دہشت گردوں نے فوجی قافلے پر حملہ کیا جس میں 7 اہلکار شہید جب کہ مقابلے میں 4 دہشت گرد بھی مارے گئے۔ وطن کے دفاع اور تحفظ کے لیے پاک فوج کے بے پناہ جذبے اور قربانیوں پر پوری قوم کو فخر ہے۔ ایک ایسے وقت میں جب ہماری سیاسی قیادت ایک دوسرے کے گریبانوں پر ہاتھ ڈالنے کی کوشش کر رہی ہے، یہ خوش آئند پیش رفت ہے کہ ملک کی عسکری قیادت نے پاکستانی افواج کو ملکی سیاسی معاملات سے لاتعلق رکھا ہوا ہے۔ انہوں نے ان کے ساتھ کھڑے ہونے کا عہد کیا اور سیاستدانوں سے کہا کہ وہ اپنے تنازعات اور مسائل اپنے اپنے فورم پر حل کریں۔ کچھ قوتوں نے ملک کے ریاستی اداروں کی توڑ پھوڑ کے لیے سوشل میڈیا کا سہارا لیا جس کا حکومت اور اداروں نے فوری اور سخت نوٹس لیا اور ان عناصر کے خلاف قانونی کارروائی شروع کی۔

    آرمی چیف جنرل قمر جاوید باجوہ کی زیر صدارت فارمیشن کمانڈرز کانفرنس میں ریاستی اداروں اور عوام میں تقسیم پیدا کرنے کی پروپیگنڈہ مہم کا بھی نوٹس لیا گیا اور واضح پیغام دیا گیا کہ پوری فوج آئین اور قانون کی پاسداری کر رہی ہے۔ملکی سلامتی پر کبھی سمجھوتہ نہیں کیا جائے گا۔ خب دار کرنے کے بعد صورتحال میں کچھ بہتری آئی ہے لیکن شیطانی مہم جاری ہے۔ اس ساری صورتحال کا افسوس ناک پہلو یہ ہے کہ ملک کو غیر مستحکم کرنے کی دانستہ کوشش کی جارہی ہے۔ دوسری جانب پاک فوج کے ترجمان میجر جنرل بابر افتخار نے کہا کہ قومی سلامتی کمیٹی کے اعلامیے میں سازش کا کوئی ذکر نہیں ہے۔پاک فوج ملکی سلامتی اور دفاع کے لیے ہمہ وقت چوکس اور تیار ہے۔ عوام کی حمایت ہی فوج کی طاقت کا ذریعہ ہے اور اس کے خلاف کسی قسم کی سازش برداشت نہیں کی جائے گی۔ بے بنیاد بدتمیزی اور الزام تراشی کسی بھی طرح قابل قبول نہیں ہے۔ انہوں نے کہا کہ اداروں کے خلاف منظم مہم چلائی جا رہی ہے جس کا مقصد عوام اور فوج کے درمیان خلیج پیدا کرنا ہے جو کامیاب نہیں ہو گی۔تاہم، ایسے الزامات کو روکنا چاہیے جو اداروں اور بین الاقوامی تعلقات کو نشانہ بنا کر سیاسی فائدہ حاصل کرنا چاہتے ہیں۔ اپوزیشن یا کسی بھی سیاستدان کو قانونی اور آئینی حدود میں رہتے ہوئے قانون کے خلاف مہم چلانے کا حق حاصل ہے لیکن حد سے تجاوز کرنا ملکی نظام کے لیے نقصان دہ ہو سکتا ہے۔

    مسلح افواج کے ترجمان کی جانب سے قومی مسائل پر پریس بریفنگ ایسے وقت میں دی گئی جب کچھ ملک دشمن عناصر سوشل میڈیا کے ذریعے ملکی قیادت کے بارے میں گھناؤنا پروپیگنڈہ کر رہے ہیں جس سے عوام میں غلط فہمیاں پیدا ہو رہی ہیں۔ دوسری طرف بعض قومی معاملات پر بعض سیاسی جماعتیں ایسے تبصرے کر رہی ہیں جس سے اداروں کا امیج خراب ہو رہا ہے۔ لہٰذا اس صورتحال میں میجر جنرل بابر افتخار کی پریس کانفرنس سے عوام میں واضح پو گیا ہے کہ یہ محض الزامات ہیں۔ تشویش کی بات یہ ہے کہ تمام پارٹیوں کے سیاسی دھڑے معزز سابق فوجیوں کے جعلی آڈیو پیغامات اپ لوڈ کرنے کے لیے سوشل میڈیا کا استعمال کر رہے ہیں۔ سوشل میڈیا پر مسلح افواج پر بے جا تنقید سب سے زیادہ اقتدار جانے والی پارٹی کی جانب سے کی جا رہی ہے اور جھوٹ، پروپیگنڈہ میں اپنے لیڈر کی طرح انکے کارکنان نے بھی کوئی کسر باقی نہیں رکھی، پروپیگنڈہ اتنا کیا جاتا ہےکہ شاید اسکو لوگ سچ ماننے پر مجبور ہو جائیں، افواج پاکستان ملکی دفاع کی ضامن ہیں، ملکی سلامتی کے اداروں پر بے جا تنقید کرنا دشمنوں کے ایجنڈے کی تکمیل ہے، پاکستان جن حالات میں ہے ایسے میں پاک فوج کے شانہ بشانہ چلنے کی ضرورت ہے ، سیاست تو ہوتی ہی رہے گی لیکن خدارا اپنے سیاسی مفادات کے لئے اداروں کو بدنام کرنے والا کام چھوڑ دیں،

    ایف اے ٹی ایف، بھارت کی پاکستان کو بلیک لسٹ کرنے کی سازش پاک فوج نے بنائی ناکام

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

  • سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    باغی ٹی وی کی رپورٹ کے مطابق ریٹائرڈ فوجی افسران کے اسلام آباد میں پریس کانفرنس کے موقع پر ایک خاتون کی ویڈیو وائرل ہوئی تھی جس میں وہ پاک فوج کے حوالہ سے بات کر رہی تھی، اس ویڈیو کو سوشل میڈیا پر شیئر کیا گیا اور اداروں کو تنقید کا نشانہ بنایا گیا،تحریک انصاف کی سوشل میڈیا ورکرز نے اس ویڈیو کو خوب اچھالا اور اداروں پر تنقید کی تا ہم اب حقیقت سامنے آ گئی ہے، خاتون نے اپنی اس ویڈیو پر پاک فوج سے معافی مانگ لی ہے

    اب اسی خاتون کی ایک اور ویڈیو سامنے آئی ہے جس میں وہ افواج پاکستان سے معافی مانگ رہی ہے، خاتون ویڈیو پیغام میں کہتی ہیں کہ یہ ایک پراپیگنڈہ ہے میرے وطن اور میری فوج کے خلاف، میں اپنی آرمی کے ساتھ کھڑی ہوں پاک فوج زندہ باد،پاک فوج زندہ باد میر ی فوج اور میرے پاکستان کو جب بھی میری ضرورت ہو گی میری جان بھی حاضر ہے اگر پھر بھی مجھ سے پاک فوج کوئی تکلیف پہنچی ہو یا اگر جعلی خبروں سے دل آزاری ہوئی ہے تو میں ان سے معافی مانگتی ہوں یہ میرافخر ہیں، میری بے عزتی نہیں ہے کہ اگر میں اپنی فوج سے کہوں کہ اگر آپ کو میری وجہ سے کوئی تکلیف پہنچی ہے تو میں ان سے معافی مانگتی ہوں

    واضح رہے کہ عمران خان کی حکومت جانے کے بعد سماجی رابطے کی ویب سائٹ ٹویٹر پر اداروں پر تنقید کی جا رہی ہے اور اس ضمن میں تحریک انصاف کے سوشل میڈیا ٹیم کے لوگ ہی ٹویٹس کرتے ہیں، ان میں سے کئی کو مقدمات کا بھی سامنا کرنا پڑ رہا ہے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

  • افواج پاکستان کے ریٹائرڈ افسران کے جعلی اکاونٹس بنانے والا شخص گرفتار،اعترافی بیان میں چونکا دینے والے انکشاف

    افواج پاکستان کے ریٹائرڈ افسران کے جعلی اکاونٹس بنانے والا شخص گرفتار،اعترافی بیان میں چونکا دینے والے انکشاف

    افواج پاکستان کے ریٹائرڈ افسران کے جعلی اکاونٹس بنانے والا شخص کو گرفتار کرلیا گیا۔

    باغی ٹی وی : اس سے قبل جنرل ہارون اسلم اورجنرل مرزا اسلم بیگ کےجعلی وائس کلپ سوشل میڈیا پر چلائے گئے تھےذرائع کے مطابق اِس کا مقصد افواج پاکستان کے افسران میں سیاسی بنیادوں پر تقسیم پیدا کرنا تھا افواج پاکستان کے افسران کے جعلی آکاونٹس بنا کر سیاسی تقسیم کا تاثر دینے کے کوشش کی جارہی ہے-

    کانسٹیبل کمال کی نماز جنازہ ادا،ظالموں کو کیفرکردار تک پہنچاوں گا،حمزہ شہباز

    ذرائع کے مطابق اس طرح کی جعلساز ی اور دھوکہ دہی ایک کاروبار کی شکل اختیار کر چکی ہے اِس طرح کے آکاونٹس ہولڈرز کے گرد گھیرا تنگ کیا جا رہا ہے ٹوِٹر پر جعلی اکاونٹس کی بھرمار کی وجہ سے ابھی تک ایلون مسک کی ڈیل نہ ہو سکی-


    گرفتار مجرم صداقت حسین جو کہ شاہ پور شہر سرگودھا کا رہائشی ہے نے اپنے اعترافی بیان میں کہا کہ وہ الحرم سٹی سرگودھا میں جاب کرتا ہے اور پچھلے پانچ ساے سال سے ٹوئٹر اکاؤنٹ چلارہا ہے جسکی وجہ سے ان کی تحصیل شاہ پور سے ایک سیاسی شخصیت شہزاد میکن نے ان سے رابطہ کیا-

    ملزم صداقت حسین نے انکشاف کیا کہ شہزاد میکن نے مجھے اپنا پرسنل اکاؤنٹ چلانے کے لئے 5 ہزار روپے ماہانہ کی پیشکش کی لیکن میں نے ریجیکٹ کر دی بعد ازاں اس نے میرا تحصیل شاہ پور کے لئے ڈپٹی کنوینز سوشل میڈیا کیلئے نوٹیفیکیشن جاری کرایا جس کی وجہ سے مجھے مختلف واٹس ایپ گروپس میں ایڈ کر دیا گیا-

    ملزم نے بتایا کہ ان واٹس ایپ گروپ میں اظہر مشوانی ایڈمن تھے اور اس کے علاوہ کچھ اور لوگ شامل تھے اس کے علاوہ خاتون طلعت کاشف جو ڈپٹی سیکرٹری ہیں ایک سیاسی جماعت کی اور کینیڈا میں مقیم ہیں اس کے واٹس ایپ گروپ میں بھی میں ایڈ تھا اس نے مجھے ایڈ کیا ہوا تھا ایک سال پہلے اور سات آٹھ ماہ پہلے اس نے مجھے بلاک کر دیا تھا اور یہ اس وقت بتایا کرتی تھی کہ ٹرینڈ کس طرح کرتے ہیں-

    بعد ازاں میں اپنے چھوٹے بھائی محمد اصغر کے نام سے میجر جنرل ریٹائرڈ اصغر کا اکاؤنٹ بنایا اس کے بعد میرے پاس یک فیصل مشتاق نامی بندے کی شناختی کارڈ کی کا پی تھی جس کے نام پر میں نے میجر جنرل فیصل مشتاق کا بھی اکاؤنٹ بنا دیا میرا مقصد صرف یہ تھا کہ میں نے پاک فوج کے ریٹائرڈ افسران کا ایک سیاسی جماعت کو حمایت کا تاثر دینا تھا مجھے یہ تھا کہ میرا یہ اکاؤنٹ بنانے سے کچھ نہیں ہو گااور میں نہیں پکڑا جاؤں گا میں نے اس کو اتنا سیریس نہیں لیا لیکن اب اس کا اتنا مسئلہ بن چکاہے میں نے قانون کی خلاف ورزی کی ہے

    واضح رہے کہ قبل ازیں پاک فوج کے نام سے جعلی اکاؤنٹس چلانے والے افراد پکڑے گئے تھے میجر جنرل فیصل مشتاق، میجر جنرل اصغرکےنام پر بننے والے ٹوئٹر اکاؤنٹس جعلی نکلنے پر پی ٹی اے نے دونوں اکاؤنٹس کو بلاک کردیا تھا-

    ذرائع کا کہنا تھا کہ ان اکاؤنٹس کوچلانے والوں کا تعلق ایک سیاسی جماعت سے ہے،فوجی افسران کےجعلی اکاؤنٹس سےایک خاص سیاسی بیانیہ بنایا جارہا تھا، جس میں تاثر دیا جارہا تھا کہ فوج میں کسی خاص جماعت کی حمایت کی جارہی ہے۔

    طیش میں آکرکمپنی کا سارا ڈیٹا بیس اڑانے والے آئی ٹی ایڈمنسٹریٹر کو سات برس قید کی سزا

    قبل ازیں میجر جنرل ریٹائرڈ اعجاز اعوان اور لیفٹیننٹ جنرل ریٹائرڈ محمد ہارون اسلم نےان سےمنسوب فوج مخالف بیانات کی تردید کی تھی جنرل ریٹائرڈ اعجاز اعوان نے کہا تھاکہ ان سے منسوب آڈیو بیان جعلی ہےفوج میری شناخت اور پہلا پیارہےاس قسم کی پوسٹ نہیں کرسکتا۔

    لیفٹننٹ جنرل ریٹائرڈ محمد ہارون اسلم نے کہا تھا کہ ان سے منسوب جعلی آڈیو ریکارڈنگز چلائی جارہی ہیں جس میں کوئی حقیقت نہیں میں نے چالیس سال فوج میں خدمات انجام دی ہیں آڈیوز میں چلائی جانے والی آواز ان کی نہیں ہے اور وہ اس قسم کی غیر ذمہ دارانہ گفتگو نہیں کرتے ہوسکتا ہے کہ یہ کسی باہر کے دشمن کی حرکت ہو جس پر انہیں کوئی گلا نہیں لیکن اگر ملک کے اندر سے کسی نے یہ حرکت کی ہے تو یہ قابل شرم بات ہے کہ آپ اپنے ہی ادارے کو بدنام کریں۔

    ہیکرز نے یوزر نیمز اور پاس ورڈز چوری کرنے کےلیے ایک نیا طریقہ ڈھونڈ لیا

  • شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید

    شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید

    شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید

    باغی ٹی وی کی رپورٹ کے مطابق پاک فوج کے جوان کیپٹن محمد صبیح ابرار شہید کی والدہ کا کہنا ہے کہ بیٹے نے کہا فوج میں جانا چاہتا ہوں، میں نے کہا بیٹا یہ تو میری خواہش بھی ہے

    والدہ کیپٹن محمد صبیح ابرار شہید کا کہنا تھا کہ میں کیپٹن محمد صبیح ابرار شہید کی والدہ ہوں۔صبیح نے 20 جون 2020کو شہادت پائی ہے۔شُمالی وزیرستان میں اُن کی شہادت ہوئی۔ ایک انٹیلی جنس بیسڈ آپریشن کے دوران۔ صبیح بہت بہادر اور بہتobidientبیٹے۔ صبیح کو بہت شوق تھا شروع سے ہی کہ میں آرمی جوائن کرنی ہے۔وہ سکول کے زمانے میں بھی سکاؤٹنگ میں جاتے رہے۔ چوتھی کلاس سے انھوں نے سکاؤٹنگ جوائن کی ۔تھرڈ سمیسٹر میں تھے انجینئرنگ کے جب، ایک دم سے اِک دن آئے ہیں گھر تو کہتے ہیں مما میرے کلاس فیلو سارے اپلائے کر رہے ہیں، میں بھی کر دوں؟میں ایک دم اُس کی شکل دیکھ کر حیران ہو گئی۔ میں نے کہا یہ تو میری خواہش تھی۔ میں نے کہا ٹھیک ہے بیٹا، جیسے آپ کا دل چاہتا ہے کرو۔پھر انھوں نے اپلائے کیا اور اللہ کا شکر ہے کہ وہ سیلکٹ بھی ہو گئے۔ تو جب ان کی وزیرستان میں پوسٹنگ ہوئی۔ میں کافی پریشان ہوئی تو کہتے تھے کہ مما کچھ نہیں ہوتا، ہم نے اُدھر کیا کرنا ہوتا ہے، ہم تو اپنے آفس میں ہوتے ہیں، کچھ بھی نہیں ہوتا مما، آپ نہ ڈریں۔

    والدہ کیپٹن محمد صبیح ابرار شہید کا کہنا تھا کہ شہادت سے سات ماہ پہلے اُس کی شاد ی کی تھی۔کوئی کوئی خاندا ن میں بچہ ہو تا ہے جس کو ننہیال، ددہیال دونوں میں سے بہت بہت پیا رملتا ہے۔ صبیح اُن میں سے ایک تھے۔اُس کی شادی بھی اتنی دھوم دھام سے ہوئی تھی کہ کسی کے بھی دل میں کوئی آرمان نہیں رہا۔ لیکن کیا پتہ تھا یہ خوشیاں ہمارے لئے عارضی ہیں اور سات ماہ کے بعد وہ ہم سب کو اکیلا چھوڑ کے چلے گئے۔وہ جب بھی آتے تھے، واپس میں انھیں چھوڑنے جاتی تھی اڈے تک۔ آخری ٹائم میں نہیں گئی اُس کو چھوڑنے۔مجھے کیا پتہ تھا کہ اس نے واپس ہی نہیں آنا۔

    والدہ کیپٹن محمد صبیح ابرار شہید کا کہنا تھا کہ صبیح کی شہادت کو دو سال ہونے والے ہیں لیکن ایسا لگتا ہے جیسے ابھی ابھی کی بات ہے۔وہ کیپٹن کاشف شہید ہیں اُ ن کی والدہ سے بات ہوئی تو کہہ رہی ہیں کہ خواب میں آئے ہیں میری بیٹی کے اور کہہ رہے ہیں کہ مما آپ یہ سمجھو نہ میں ابھی چھٹی نہیں آیا۔تو وہ مجھے اسی لئے تسلیاں دے رہی ہیں کہ آپ بھی یہی سمجھا کرو نہ کہ صبیح ابھی وہ ڈیوٹی پر ہیں ابھی چھٹی پر نہیں آئے، اُنھیں ابھی چھٹی نہیں مل رہی۔ بڑی کوشش کرتی ہوں مگر صبر نہیں آتا۔ ڈیوٹی پر ہوتے تھے تو بات تو کر لیتے تھے۔اب تو فون بھی نہیں آتا۔صبیح کے بعد آرمی نے ہمیں اکیلا نہیں چھوڑ ا۔ ہر لمحے، ہر وقت وہ ہمارے ساتھ ساتھ ہوتے ہیں۔

    میری اپنی جان بھی اپنے ملک کے لئے حاضر ہے، لیفٹیننٹ ناصر حُسین خالد شہید کی والدہ

    موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ

    سیاسی مفادات کے لئے ملک کونقصان نہیں پہنچانا چاہئے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    آئین شکنوں کو گرفتار کر کے سلاخوں کے پیچھے ڈال دینا چاہئے،مریم نواز

    شیریں مزاری کے خود کش حملے،کرتوت بے نقاب، اصل چہرہ سامنے آ گیا

    اداروں کے خلاف بیانات سے گریز کرنا چاہیے۔جلیل احمد شرقپوری

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    خدارا ملک کا سوچیں،مجھے فخر ہے میں ایک شہید کا باپ ہوں،ظفر حسین شاہ

    ایک بیٹا شہید،خواہش ہے دوسرے کو بھی اللہ شہادت دے،پاک فوج کے شہید جوانوں کے والدین کے تاثرات

  • اداروں کے خلاف بیانات سے گریز کرنا چاہیے۔جلیل احمد شرقپوری

    اداروں کے خلاف بیانات سے گریز کرنا چاہیے۔جلیل احمد شرقپوری

    اداروں کے خلاف بیانات سے گریز کرنا چاہیے۔جلیل احمد شرقپوری

    ممبر پنجاب اسمبلی صاحبزادہ میاں جلیل احمد شرقپوری نے آستانہ عالیہ شیرریانی شرقپور شریف سے گفتگو کرتے ہوئے اپنے بیان میں کہا کہ سیاسی معاملات میں افواج پاکستان کو جو تنقید کا نشانہ بنایا جاتا ہے یہ ہمارے ملک کے لیے کوئی اچھا رواج نہیں ہے

    میاں جلیل احمد شرقپوری کا کہنا تھا کہ افواج پاکستان ہمارا فخر ہیں اور ہماری محافظ ہیں ان کے خلاف ہر قسم کے بیانات قابل مزمت ہیں۔ میاں جلیل احمد شرقپوری نے مزید گفتگو کرتے ہوئے کہا کہ کہ میرے سیاسی تجربے اور روابط کے ذریعے میں اس بات پہ سو فیصد مطمئن ہوں کہ موجودہ سیاسی بحران میں افواج پاکستان کا کہیں کوئی کردار یا مداخلت نظر نہیں آتی، موجودہ سیاسی بحران میں تمام سیاستدان اپنے سیاسی فیصلوں میں مکمل آزاد ہیں، میری تمام نوجوانوں اور تمام کارکنان جن کا تعلق چاہے کسی بھی پارٹی سے ہو میری سب سے درخواست ہے کہ خدارا افواج پاکستان کے خلاف تنقید سے گریز کریں،

    میاں جلیل احمد شرقپوری کا کہنا تھا کہ ہمارے ٹی وی چینلز پہ بیٹھے سینئیر صحافی بھی اکثر اداروں کے خلاف گفتگو کر کے عام عوام میں اداروں کے خلاف غلط تاثر قائم کرتے ہیں جو کہ قومی جرم ہے، ہمیں تمام سیاسی معاملات کو مل بیٹھ کر افہام و تفہیم کے ساتھ حل کرنا چاہیے اور اداروں کے خلاف بیانات سے گریز کرنا چاہیے۔

    اداروں کیخلاف ہرزہ سرائی کے پیچھے کرپشن اور فارن فنڈنگ کیس کا خوف ہے،آصف زرداری

    عمران خان اگلے سال الیکشن کا انتظار کریں،وفاقی وزیر اطلاعات

    موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ

    سیاسی مفادات کے لئے ملک کونقصان نہیں پہنچانا چاہئے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

  • موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ

    موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ

    موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ
    باغی ٹی وی کی رپورٹ کے مطابق عمران خان کے خلاف تحریک عدم اعتماد کامیاب ہونے کے بعد سے لے کر اب تک تحریک انصاف کی سوشل میڈیا ٹیموں سے لے کر تحریک انصاف کے قائدین بھی پاکستان کے قومی سلامتی کے اداروں پر تنقید کر رہے ہیں، حالانکہ افواج پاکستان ملک کی سلامتی کے لئے سرحدوں پر ملک کے دفاع کے لئے موجود ہیں

    پاکستان کے دشمنوں سے افواج پاکستان نمٹ رہی ہیں اور ملک کے لئے قربانیاں دے رہی ہیں، آئے روز پاک فوج کے جوان و افسران شہید ہوتے ہیں اور انکا مقدس لہو پاک سرزمین پر گرتا ہے ،ایسے میں تحریک انصاف کی حکومت جانے کے بعد سے پاک فوج کے خلاف جلسوں ،تقریروں میں پروپیگنڈہ شروع کیا جاتا ہے، سوشل میڈیا پر ٹرینڈ چلائے جاتے ہیں، حالانکہ سب جانتے ہیں کہ پاک فوج ہی اس ملک کی حقیقی محافظ ہے، پاک فوج ہی ہے جس نے ہر مشکل گھڑی میں زلزلہ، سیلاب، آفات، میں قوم کی مدد کی، پاک فوج ہی ہے جس نے بے لوث جذبے کے تحت سرحدوں کے دفاع کے ساتھ ساتھ عوام کی خدمت بھی کی،

    یہی وجہ ہے کہ پاک فوج پاکستانی عوام کے دلوں میں بستی ہے یہ پیار پاک فوج کی اصل طاقت ہے، بیرونی دشمن ہمیشہ اس اصل تعلق کو ہدف بناتے رہتے ہیں، موجودہ سیاسی صورتحال میں فوج پر بلا وجہ الزامات لگائے جا رہے ہیں ،جس کا احاطہ قومی اخبارات میں بھی کیا گیا ،پاک فوج کے ترجمان نے پاک فوج کے غیر سیاسی کردار کو تسلسل کے ساتھ واضح کیا ہے

    ڈی جی آئی ایس پی آر میجر جنرل بابر افتخار کا کہنا تھا کہ عوام اور سیاسی پارٹیوں سے درخواست ہے کہ فوج کو سیاست میں مت گھسیٹیں، ہم اس سے باہر رہنا چاہتے ہیں ،

    فوج مخالف منفی پروپیگنڈہ کو فوری رک جانا چاہئے، اس پروپیگنڈہ کے منفی اثرات کو قومی اخبار کے اداریئے میں واضح کیا گیا ہے، پاکستان جیسے ترقی پذیر ملک اداروں کے خلاف ایسے منفی بیانئے کو برداشت نہیں کر سکتے،

    پاک فوج کے خلاف منفی پروپیگنڈہ کرنے والے حقیقت میں ملک کے دشمنوں کا ساتھ دے رہے ہیں جو کام دشمن نہیں کر سکا، وہ اب حکومت جانے کے چکر میں سوشل میڈیا ایکٹوسٹ کر رہے ہیں،اداروں کے خلاف تنقید کے سلسلے کو رک جانا چاہئے اورتین سال کے عرصہ تک حکومت کرنے والوں کو اپنی تین سالہ کارکردگی عوام کے سامنے رکھنی چاہئے،

    عمران خان کا فوج میں تقیسم کا منصوبہ ناکام بنا دیا گیا 

    سپاہی کبھی غدار نہیں ہوتا،افواج اور قیادت کو نشانہ بنانے پر ریٹائرڈ فوجی برہم

    کس ویڈیو کی آمد ہے کہ بنی گالا کانپ رہا ہے،احمد جواد

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    اداروں کیخلاف ہرزہ سرائی کے پیچھے کرپشن اور فارن فنڈنگ کیس کا خوف ہے،آصف زرداری

    عمران خان اگلے سال الیکشن کا انتظار کریں،وفاقی وزیر اطلاعات

  • سانحہ اے پی ایس،پاک افواج کو خراج تحسین جنہوں نے جانیں دے کر ملک میں امن بحال کیا،آصف علی زرداری

    سانحہ اے پی ایس،پاک افواج کو خراج تحسین جنہوں نے جانیں دے کر ملک میں امن بحال کیا،آصف علی زرداری

    سانحہ آرمی پبلک سکول پشاور: شہداء کی ساتویں برسی آج 16 دسمبر جمعرات کو منائی جا رہی ہے-

    باغی ٹی وی : سات برس بیت گئے مگر زخم آج بھی تازہ ہیں، سانحہ اے پی ایس ایک ایسا اندوہناک واقعہ جو کبھی بھلایا نہ جا سکے گا سانحہ کی یاد میں جہانیاں سمیت ملک بھر میں سیاسی و سماجی تنظیموں ،سول سوسائٹی اوراین جی اوز کے زیر اہتمام شہداء کیلئے قرآن خوانی ، فاتحہ خوانی اور دعائیہ تقریبات کا اہتمام کیا جائے گا-

    پشاور میں بھی تقریبات کا انعقاد کیا جائے گا،جس کے باعث سکیورٹی کے بھی انتظامات کرلئے گئے ہیں شہدا کی درجہ بلندی کے لئے فاتحہ خوانی اور قرآن خوانی بھی کی جائے گی شہدا کے قبروں پر پھولوں کی چادریں چڑھائی جائیں گیں۔

    16 دسمبر 2014 ء کی صبح 6 بزدل دہشت گرد آرمی پبلک اسکول پشاور میں داخل ہوئے، عقبی دیوار پھلانگ کر داخل ہونے والے دہشت گردوں نے اسکول کے آڈیٹوریم ہال میں جاری فرسٹ ایڈ ورکشاپ میں شامل بچوں پر گولیوں کی اندھا دھند بوچھاڑ کردی گولہ بارود اور خودکش جیکٹوں سے لیس درندہ صفت حملہ آوروں اس بزدلانہ کارروائی میں 132 طالبِ علموں سمیت 141 افراد کو شہید کردیا تھا-

    اس دن ہر آنکھ اشکبار تھی، ملک سوگ میں ڈوب چکا تھا ہر طرف قیامت جیسا سناٹا تھا، اپنے بچوں کے بہتر مستقبل کا خواب دیکھنے والے والدین اپنے بچوں کے ساتھ ان سارے خوابوں کو بھی دفن کرتے رہے، روتے بلکتے بس ایک ہی سوال پوچھتے رہے کہ آخر ان کے بچوں کا قصور کیا تھا ، خودان کا قصور کیا تھا۔

    16 دسمبر 2014 کو اے پی ایس کے واقعہ نے پوری قوم کو یکجا کر دیا ،دفاعی و سیاسی مبصرین کا کہنا ہے کہ اس واقعہ کا زخم بہت گہرا تھا لیکن پاکستانی قوم اور اداروں کا عزم اس سے کہیں بلند۔

    پوری قوم نے پاکستان کے سیکورٹی اداروں کے ساتھ مل کر ایک ایسے آپریشن کا آغاز کیا کہ جس کا ہدف ایک ایسا پاکستان تھا جہاں ریاست ہی کو طاقت کے استعمال کا حق حاصل ہو معصوم بچوں پرحملہ کرنے والے دہشت گردوں کو افواج پاکستان نے اسی وقت آپریشن میں جہنم واصل کردیا جبکہ سہولت کار بعد میں پھانسی پر چڑھ گئے لیکن 16 دسمبر کا وہ دن ملک کی تاریخ کا بھیانک خواب بن کررہ گیا۔

    اس واقعے کو گزرے 7سال بیت چکے ہیں،سانحے میں شہید ہونے والے طلبہ کے والدین تاحال انصاف کے منتظر ہیں،سپریم کورٹ آف پاکستان میں کیس کی سماعت بھی جاری ہے،جس میں وزیراعظم عمران خان نے عدالت عظمیٰ کو یقین دہانی کراتے ہوئے کہا تھا کہ اگر ججز حکم دیں تومتعلقہ حکام کے خلاف ایکشن لیں گے۔

    ادھر پاکستان پیپلز پارٹی کےشریک چیئرمین آصف علی زرداری نے سانحہ اے پی ایس کے شہدا کی یوم شہادت پر اپنے ایک پیغام میں کہا ہے کہ جب تک منصوبہ سازوں اور سہولت کاروں کو کٹہرے میں لاکر سزا نہیں دی جاتی ریاست شہیدوں کی مقروض رہے گی۔نیشنل ایکشن پلان میں ملک کو دہشتگردوں سے پاک کرنے کا عہد کیا گیا تھا،افواج پاکستان کو خراج تحسین پیش کرتا ہوں جنہوں نے جانیں دے کر ملک میں امن بحال کیا۔


    چوہدری مونس الہی نے یوم سقوط ڈھاکہ اور یوم سانحہ اے پی ایس پر اپنے پیغام میں کہا کہ آج 16 دسمبر ہےسقوط مشرقی پاکستان اور سانحہ اے پی ایس کی تاریخ ۔آئیے آج کے روز ان سانحات کےشھیدوں کو اس عہد کےساتھ سلام پیش کریں کہ ہم ان کی عظیم قربانیوں کو کبھی نہ بھولیں گےاور دشمن کو اس کے ناپاک ارادوں میں شکست دیں گے۔ پاکستان زندہ باد۔


    سینیٹر اعجاز چوہدری نے کہا 16دسمبر وطن عزیز کی تاریخ میں غم واندوہ لیکر آتاہے،سانحہ مشرقی پاکستان ہو یا اے پی ایس سکول کے بچوں کا صدمہ جانکاہ بحیثیت قوم جسد قومی کو ہلا کررکھ دیتا ہےاور تقاضہ کرتا ہے کہ ہم اپنےدُشمن کو پہچانے،اُس کا تدارک کریں۔ وہ ہندتوا ہے یااُنکے معنوی پیروکار


    پی ٹی آئی کے آفیشل ٹوئٹر ہینڈل سے ٹوئٹ میں کہا گیا کہ 16 دسمبر وہ دن جب پاکستانی قوم کو ایک مشترکہ اور ناقابلِ فراموش غم کی کٹھن گھڑی سےگزرنا پڑا۔ اُس دن سے دہشت گردی کیخلاف ہمارا عزم مضبوط تر ہے۔ پاکستان نے دہشت گردوں کےکیمپوں اور ٹھکانوں کیخلاف کارروائی شروع کی اور پاک سر زمین کو دہشت گردی سے پاک کیا۔


    عامر لیاقت نے کہا کہ آرمی پبلک اسکول کے بچوں کو عامر لیاقت حسین کا سلام تحسین , میرے وطن کی شہید ننھی کلیاں اب شہادت کے رنگین پھول بن چکے مگر اب بھی انصاف سے محروم ہیں، اللہ والدین کو صبر جمیل عطا فرمائے،آمین


    وجیہہ قمر نے کہا کہ تعلیم پر حملہ ہمارے کامیابی کے راز پر حملہ ہے۔ بچوں پر حملہ ہمارے مستقبل پر حملہ ہے سانحہ اے پی ایس ہمیں دشمن کے خلاف مضبوط اور اتفاق کے ساتھ مقابلے کرنے کا درس دیتا ہے-


    سینیٹر ذیشان خانزادہ نے لکھا کہ شہدائے آرمی پبلک سکول پشاور ہم تمہیں بھولے نہیں ہیں ۔ پروردگار اے پی ایس کے شہدا کے درجات بلند فرمائے اور ہمارے وطن پاکستان کی حفاظت فرمائے ،آمین


    انہوں نے لکھا کہ اے پی ایس شہداء کی قربانیوں کو رہتی دُنیا تک یاد رکھا جائیگا، جنہوں نے اپنی جانوں کا نذرانہ دے کر مُلکی یکجہتی اور سالمیت کو برقرار رکھنے میں اپنا اہم کردار ادا کیا-

    سقوط ڈھاکہ کے 50 سال:آج ملک بھر میں یوم سقوط ڈھاکہ منایا جائے گا