کراچی: وزیراعظم شہباز شریف نے متحدہ قومی موومنٹ پاکستان کے رکن قومی اسمبلی اقبال محمد علی کی وفات پربیٹے سے فون پر اظہار تعزیت کیا،اقبال محمدعلی 2018 کے انتخابات میں قومی اسمبلی کےحلقہ این اے 240 سے رکن منتخب ہوئے تھے۔
باغی ٹی وی : ایم کیو ایم پاکستان کے ترجمان کے مطابق سینئر رہنما اقبال محمد علی کافی عرصے سےعلیل تھے اور اسپتال میں زیرعلاج تھے مرحوم نے علالت کے باعث سابق وزیر اعظم عمران خان کے خلاف عدم اعتماد پر ووٹنگ میں حصہ نہیں لیا تھا۔
وزیر اعلیٰ سندھ کا دادو واقعہ پر حکومتی رسپانس کی سست روی کا اعتراف
وزیراعظم شہباز شریف نے رکن قومی اسمبلی اقبال محمد علی کی وفات پربیٹے سے فون پر اظہار تعزیت کیا کہا کہ اقبال محمد علی پڑھے لکھے اور عوام دوست انسان تھے جمہوریت کے لیےاقبال محمد علی کی خدمات تادیر یاد رکھی جائیں گی دکھ کی گھڑی میں ہم آپکے ساتھ برابر کے شریک ہیں-
اسکائی ونگزاور ایئر کرافٹ آپریٹرز اینڈ اورنز ایسوسی ایشنز کی خواجہ سعد رفیق کو ہر ممکن تعاون کی یقین…
رکن قومی اسمبلی اقبال محمد علی خان پہلی بار 1987 کے بلدیاتی انتخابات میں ایم کیو ایم کے ٹکٹ پر گلشن اقبال سے کونسلر منتخب ہوئے۔ وہ 2002، 2008، 2013 کے عام انتخابات میں قومی اسمبلی کے حلقہ 256 شاہ فیصل کالونی سے رکن قومی اسمبلی منتخب ہوتے رہے اور 2018 کے عام انتخابات میں ایم کیو ایم کے ٹکٹ پر قومی اسمبلی کے حلقہ 240 لانڈھی سے رکن قومی اسمبلی منتخب ہوئے اس دوران وہ قومی اسمبلی کی مختلف قائمہ کمیٹیوں کے رکن اور وفاقی وزیر ورکس اینڈ ہاؤسنگ بھی رہے۔